Elite Dangerous (2020) ...

Game-News, neueste Gerüchte, Spiele-Talk!

Moderatoren: Master(G), zeromeier

Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Elite Dangerous (Season 2): Horizons

Beitrag von Skeletor »

ja mir händ natürlich no en sidewinder. mir händ au null gäld :lolz: chli datelieferige für 10'000 Credits hämmer jetzt mal gmacht.
es isch ebä scho rächt komplex. und mis englisch isch z'schlächt für all diä tutorials.
Benutzeravatar
Buccaneer
VIP-Member
VIP-Member
Beiträge: 8077
Registriert: 19 Okt 2010 14:32
Kontaktdaten:

Re: Elite Dangerous (Season 2): Horizons

Beitrag von Buccaneer »

Skeletor hat geschrieben:ja mir händ natürlich no en sidewinder. mir händ au null gäld :lolz: chli datelieferige für 10'000 Credits hämmer jetzt mal gmacht.
es isch ebä scho rächt komplex. und mis englisch isch z'schlächt für all diä tutorials.
S Game chasch uf Dütsch umstelle. Öbs bi de Turtorials au gaht, weiss i aber nid.
Gönnd go Bounty Hunt mache. Gaht schneller. Mit Datelieferige hani öppe bis ca. 50k gmacht und denn afa Bountyhöntere. Wenns guet lauft, machsch i de Stund zwüsche 800k - 1.3 Millione, je nach dem. Ja au mit em SideWinder gaht das :-)

I wellem System sind ihr grad? Asellus Prime?
:yoberry: Lüt wo mich kennend bezeichned mich als Neo Woke :yoberry:
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Elite Dangerous (Season 2): Horizons

Beitrag von Skeletor »

nei ich meine youtube videos. s'meischte isch englisch. dütsch gits weniger.

ächt? mit em chline sidewinder ohni ufrüschtig go kopfgeld jage? eine hani letschti gha, das hät grad mal 500 credits geh.
dahan (heissts glaub) grad nämä asellus prime.
Benutzeravatar
Buccaneer
VIP-Member
VIP-Member
Beiträge: 8077
Registriert: 19 Okt 2010 14:32
Kontaktdaten:

Re: Elite Dangerous (Season 2): Horizons

Beitrag von Buccaneer »

Lug:

Wenn ihr Bock hend, chumi hüt Abig gschnell i das System und mir chönnd zäme chli Bounty Hönterle.
Als SideWinder gaht das au, de Trick isch, du wartisch so lang, bis d Bulle es gsuechts Schiff agriffed. Du wartisch denn, bis de Gägner no 40% oder so hesch, und shcüssisch denn au chli druff.
Buccaneer hat geschrieben:Afängertipp für fast cash:
Mach Bounty Hunter. Gang ines System wo's en Planet mit Ring hed. I dene Ring gids Ressourceabbau plätz. Suech es Plätzli wo s Ressourvorkommen höch deklariert isch. Suech en Gruppe vo Sicherheitschräft und folg dene. Tuen all Schiff i de Umgäbig scanne und suech nach dene wo wanted/gesucht sind. Wart bis d Sicherheitschräft sones Schiff agriffed. Griff s gliche schiff a. Wenn kei anderi Spieler beteiliged sind, bechunnsch s Chopfgeld. Wenns mehreri Spieler umehed, probier die ine Wing ilade, so dass alli d Belohnig bechömmed. Mit em Afängerschiff (SideWinder) wettsch nid allei in Kampf, also immer de Sicherheitschräft aschlüsse undwarte, bis die agriffed.

- Ufpasse, dass nid us versehe uf d Securtiy schüssisch.
- Regelmässig id Station go Belohnig abhole, denn wenn stribsch, verlürsch alles.
- Deathwarrant Scanner mitnäh und s Ziel vor em Abschuss scanne (d Belohnig wird so möglicherwis erhöhrt)
- Luege, öb de Gägner ime Wing isch. Wenn wettsch allei agriffe, aber de Gägner isch ime Wing, hesch denn nid eine gäg dich, sondern halt zwei oder drü Schiff.
- Schnapped dir ander immer d Belohnig wäg? Spring ein, zwei System witer und suech wider en Planet mit Ring. Sobald ein zwei Sprüng vom Afangssystem (Asellus Prime) wäg machsch, bisch meistens allei.

So chunnsch relativ schnell an es paar Millione Credits und chasch dir denn es neus Schiff chaufe und dich uf dini Rolle besser vorbereite, sig das witerhin Chopfgeldjäger oder Händler oder what ever.
:yoberry: Lüt wo mich kennend bezeichned mich als Neo Woke :yoberry:
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Elite Dangerous (Season 2): Horizons

Beitrag von Skeletor »

danke für dä tipp. probiere mer mal. imene wing simmer amigs, das hät glaub klappet.
deathwarrant scanner? muäss mä dä chaufe?

dä brüeder und ich spielet ebä amigs rächt spontan. chunnt immer druff ah ob üse RB6-Squad voll isch oder nöd. aber merci fürs agebot.
Benutzeravatar
Buccaneer
VIP-Member
VIP-Member
Beiträge: 8077
Registriert: 19 Okt 2010 14:32
Kontaktdaten:

Re: Elite Dangerous (Season 2): Horizons

Beitrag von Buccaneer »

Jup muss mer chaufe. Würdi de mal mache. Eilt aber nid. Und da langeds locker, wenn de schlächtischt nimmsch.
Gester en Anaconda gscannt wo es Chopfgeld uf 210k gha hed, nach em Scann isch es uf 290k ufe. Lohnt sich also. Miner Meinig nach isch Bounty Hunt die best Methode, zum anes guets Startkapital z cho.


Viellicht schlüss mi de Wolves of Jonai a. Findi huere geili Funktion, dass d Spieler sälber chönnd en Faction gründe.
:yoberry: Lüt wo mich kennend bezeichned mich als Neo Woke :yoberry:
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Elite Dangerous (Season 2): Horizons

Beitrag von Skeletor »

und was macht mä am beschte? möglichst schnell es anders schiff chaufe oder dä sidewinder ufrüschte? vermuetlih scho gschiider es bessers schiff chaufe oder?
Benutzeravatar
Buccaneer
VIP-Member
VIP-Member
Beiträge: 8077
Registriert: 19 Okt 2010 14:32
Kontaktdaten:

Re: Elite Dangerous (Season 2): Horizons

Beitrag von Buccaneer »

Ja, chauf der zerst es Schiff, aber lueg, das no was vörig hesch, zums gad no usrüste. Bim usrüste als aller ersts es bessers Kraftwerk und en bessere Energieverteiler. Denn würd i en bessere FSD Drive ine tue und en grössere Sprit-Tank, damit witer chunnsch. Erst denn: Waffe, Scanner, Schild etc. Chauf nid jede Güsel und nimm dir d Zyt zum sueche. Heds i dere Station wo bisch scheiss Waffe, denn chauf keini und gang anere andere Station go luege.

Wenn wottsch Combat chauf der en Viper MK3 oder en Cobra MK3 für de Afang (vergiss de Eagle oder MK4 Versione). Für Handel weiss i nid, was am Afang guet wär.


Wenn es neus Schiff chaufsch hesch d Optione s alte Schiff izlagere oder z verchaufe.
Ilagere tuds eifach uf dere Station wo de bisch. Wenn uf enere andere Station wettsch zuegriffe, muss iglagerede Züg zerst transferiert wärde uf die Station wo bisch. Chan es Wili dure. Han letschti was lah transeriere. Bin ca. 4 System witer gsi und das hed denn 7 Minute dured.

Wenn s alte Schiff verchaufsch:
Uf s Schiff bechunnsch 100%
Uf Waffe im Schiff ca. 90%.
Was mer chan mache: Alli Waffe entferne und ilagere und denn verkaufe. De gitts 100%. Oder ufs neue Schiff überträge chasch natürli au. Aber mit eme neue Schiff wettsch meistens au neui Bewaffnig.


Und nid vergässe, was de Schaf gseid hed:
Jedes Schiff hed en Versicherigswärt. De stig mit de grössi vom Schiff und mit de installierte Module.
Wenn druff gahsch, chasch mit dere Versicherig s Schiff mit allem zrugg chaufe. D Versicherig isch automatishc, musch nix mache. Aber wenn de Cash nid hesch zums Zahle, denn chunnsch wieder en Standart-SideWinder über.
I mim Momentane Schiff stecked momentan ca. 2 Millione Credits drinn und d Versicherig belauft isch uf 125k Credits. Isch also zahlbar. Lueg eifach, das Minimum immer gnueg Cash für d Versicherig hesch.
Wo gseht mer das? Wenn uf em Touchpad rächts klicksch i dim Schiffli, chunnsch is Statusmenü. Dete stahts uf de erste Site.
:yoberry: Lüt wo mich kennend bezeichned mich als Neo Woke :yoberry:
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Elite Dangerous (Season 2): Horizons

Beitrag von Skeletor »

danke für all diä tipps :herzli:
da machsch ja dä dokter bi däm game :lol:
Benutzeravatar
Buccaneer
VIP-Member
VIP-Member
Beiträge: 8077
Registriert: 19 Okt 2010 14:32
Kontaktdaten:

Re: Elite Dangerous (Season 2): Horizons

Beitrag von Buccaneer »

Ja, d Lernkurve isch rächt grob. Und ich säbler chan au nur gad absoluti Afängertipps gäh und han nonid 30% vom Spiel gschnallt.
Als nöggst muss mi chli mit Diversifikation beschäftige, well nur Bounty huntere hani ez de gseh und muss mal was anders mache :-)
:yoberry: Lüt wo mich kennend bezeichned mich als Neo Woke :yoberry:
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Elite Dangerous (Season 2): Horizons

Beitrag von Skeletor »

ja guät, nur scho wenn wottsch handle muäsch dich ja ständig ilese und priese vergliche und luege und mache.
rohstoffabbau isch wohl nöd so spannend, nimmi ah...?
Benutzeravatar
Buccaneer
VIP-Member
VIP-Member
Beiträge: 8077
Registriert: 19 Okt 2010 14:32
Kontaktdaten:

Re: Elite Dangerous (Season 2): Horizons

Beitrag von Buccaneer »

Nonig probiert, gseht aber saulangwilig us und wirsch halt oft überfalle debi.

Für Handel gids hilfrichi Tools. :-).
https://eddb.io/" onclick="window.open(this.href);return false;
:yoberry: Lüt wo mich kennend bezeichned mich als Neo Woke :yoberry:
Benutzeravatar
The Sheep
VIP-Member
VIP-Member
Beiträge: 4500
Registriert: 06 Okt 2010 23:37
Kontaktdaten:

Re: Elite Dangerous (Season 2): Horizons

Beitrag von The Sheep »

gits eigentlich die sältene Ware no ? Das isch en eifache Wäg um mit Handel Gäld zmache am Afang:
http://elite-dangerous.wikia.com/wiki/L ... ommodities" onclick="window.open(this.href);return false;
Rare goods are intended to be a low volume, high yield good that needs to be transported over a distance. For small ships you can fill the hold with a few tons and make speed run. For larger ships you supplement normal trade goods with rare items or do large loops, picking up small quantities along the way but carrying a variety. No more than your quota for each rare will be generated.
Jetzt machts Zing in der Schüssel!
Benutzeravatar
Buccaneer
VIP-Member
VIP-Member
Beiträge: 8077
Registriert: 19 Okt 2010 14:32
Kontaktdaten:

Re: Elite Dangerous (Season 2): Horizons

Beitrag von Buccaneer »

Oh kei Ahnig. Zum handle muss i jetzt denn zerst mal es Schiffli poste und denn langsam afange :-). Ha no kei Blasse.

Bisch du innere Gruppe, Faction?
:yoberry: Lüt wo mich kennend bezeichned mich als Neo Woke :yoberry:
Benutzeravatar
The Sheep
VIP-Member
VIP-Member
Beiträge: 4500
Registriert: 06 Okt 2010 23:37
Kontaktdaten:

Re: Elite Dangerous (Season 2): Horizons

Beitrag von The Sheep »

nei, ich spiel zur Zit nid.

De Vorteil vo de Rares isch dass das mit me chleine Schiff mit wenig Platz chasch mache. Allerdings meini nid ganz vo Afangf a. Aber bald. Wenn dir zB en Hauler chasch leischte und usrüschte.

Aber söttsch en so usrüschte dasser möglichscht witi Sprüng anebringt. Es Typ A Frame Shift Drive isch Pflicht. Denn zB 2x 8 Plätz Cargo und de dritt Cargoplatz ersetzisch duren Fuel Scoop. Für die räschtliche Komponänte machsch Typ D Variante ine. Die händ vo allne am wenigschte Gwicht (= witeri Sprüng) sind möglich.

zb sone Kombi würd sich glaubs guet eigne:
http://www.edshipyard.com/#/L=A0V0,FBG0 ... U07Og04wi0" onclick="window.open(this.href);return false;
Jumprange: 29 Ly (leer) bis 17 Ly (voll belade)

Denn stellsch dir e Route zäme wo an möglichscht vielne Statione wo Rares verchaufe verbi chunnsch und en möglichscht witi Strecki zrucklegsch (glaubs 160 ly sind optimal gseh) bis sie verchaufsch. Da en Vorschlag für sone Route usem Netz: http://i.imgur.com/HtMnZyf.png" onclick="window.open(this.href);return false;
Zuletzt geändert von The Sheep am 10 Jul 2017 15:07, insgesamt 1-mal geändert.
Jetzt machts Zing in der Schüssel!
Benutzeravatar
Buccaneer
VIP-Member
VIP-Member
Beiträge: 8077
Registriert: 19 Okt 2010 14:32
Kontaktdaten:

Re: Elite Dangerous (Season 2): Horizons

Beitrag von Buccaneer »

Cool. Danke!
Wird nöggstens demit afange. han ez ca. 10 - 12 Mill uf de Site und Bounty Hunte isch ez usgreizt. Willi erst wieder mache ,wenn i es grössers Schiff han, und au grösseri Gägner chan allei agriffe.
:yoberry: Lüt wo mich kennend bezeichned mich als Neo Woke :yoberry:
Benutzeravatar
The Sheep
VIP-Member
VIP-Member
Beiträge: 4500
Registriert: 06 Okt 2010 23:37
Kontaktdaten:

Re: Elite Dangerous (Season 2): Horizons

Beitrag von The Sheep »

Wenn scho es paar Mio hesch, würdi en Diamondback Explorer chaufe. Mit däm chunnsch schnäller vora
Jetzt machts Zing in der Schüssel!
Benutzeravatar
Buccaneer
VIP-Member
VIP-Member
Beiträge: 8077
Registriert: 19 Okt 2010 14:32
Kontaktdaten:

Re: Elite Dangerous (Season 2): Horizons

Beitrag von Buccaneer »

De hani au scho aglueged! Wie viel Fracht chan de Fasse?
De chlini Hauler chan gad mal 8. Das chani mit minere Viper MK3 au, wenn i no es zuesätzlichs Modul inehaue... Wenn de Diamondback meh chan, wür i de näh.
:yoberry: Lüt wo mich kennend bezeichned mich als Neo Woke :yoberry:
Benutzeravatar
The Sheep
VIP-Member
VIP-Member
Beiträge: 4500
Registriert: 06 Okt 2010 23:37
Kontaktdaten:

Re: Elite Dangerous (Season 2): Horizons

Beitrag von The Sheep »

Du meinsch default Usrüschtig wenns Schiff chauffsch. Du channsch en Hauler aber bis uf 22 Tonne Fracht ufrüschte. Da en Fuel Scoop bruchsch und Schild nid unbedingt söttsch opfere, bini aber vo 16 usgage (2x 8). Das langet für das.

Mit däm Tool chasch alli Usrüschtigsvariante vergliche: http://www.edshipyard.com/" onclick="window.open(this.href);return false;
Jetzt machts Zing in der Schüssel!
Benutzeravatar
The Sheep
VIP-Member
VIP-Member
Beiträge: 4500
Registriert: 06 Okt 2010 23:37
Kontaktdaten:

Re: Elite Dangerous (2018): Beyond

Beitrag von The Sheep »

Geschter händs an der Frontier Expo d'Roadmap für 2018 präsentiert. Wird leider no nüt mit neue Planetetype zum lande, aber defür wärde die bisherige im erschte Quartal 2018 ufghübscht mit neue Shader und ändi Johr au mit kompläxere Landschaftsgeneratore. Natürlich isch das nit alles. Es wird vor allem am Core Gameplay einiges gmacht wärde, zb um Crafting, Mining, Exploring und s'Gruppespiel interessanter zmache. Denn wirds en Galnet Audio News Stream gä, womer au im Schiff chann lose, um es bitz mehr Story in das ganze zbringe. Und natürlich chömmet au neui Schiff

https://youtu.be/T5c-uTYWrZ0?t=11085

Die ganze Updates wärdet für Horizon Spieler gratis si. Isch also kei Bezahlerwiterig.
Dateianhänge
elitedangerous_fx_beyond-3-1024x576.jpg
elitedangerous_fx_beyond-2-1024x576.jpg
new shaders.jpg
Jetzt machts Zing in der Schüssel!
resuscitation
Hardcore Gamer
Hardcore Gamer
Beiträge: 1813
Registriert: 20 Dez 2012 17:54
Kontaktdaten:

Re: Elite Dangerous (2018): Beyond

Beitrag von resuscitation »

Mir wär viel lieber gsi, wie hettet d'Navigation mit dä Sternecharte verbesseret. Das Teil isch so öppis vo unübersichtlich. Für mich dä Hauptgrund gsi, wieso ich s'Game deinstalliert han.
Benutzeravatar
The Sheep
VIP-Member
VIP-Member
Beiträge: 4500
Registriert: 06 Okt 2010 23:37
Kontaktdaten:

Re: Elite Dangerous (2018): Beyond

Beitrag von The Sheep »

Bisch du sicher dass nid d`Stärnecharte vo No Man's Sky meinsch? Die het mi schier in Wahnsinn triebe damals.

Aber Galaxy Map vo Elite isch doch easy. Chasch ja jedi Bewegig sälber belege wies möchtsch ha.
Sälbscht im VR chumi demit zschlag, obwohl ich mir d`Navigation dört es bitz umständlich igrichtet han mit Joystick und Maus kombiniert.

edit: spielsch du uf Konsole mit Joypad? Da hani kei Ahnig wie sis glöst händ
Jetzt machts Zing in der Schüssel!
Benutzeravatar
The Sheep
VIP-Member
VIP-Member
Beiträge: 4500
Registriert: 06 Okt 2010 23:37
Kontaktdaten:

Re: Elite Dangerous (2018): Beyond

Beitrag von The Sheep »

Die nächsten eineinhalb bis zwei Jahre wird es wohl ziemlich still werden um Elite Dangerous.
Frontier hat verkündet, dass sie seit Herbst 2018 an einem Megaupdate arbeiten. Dieses Update wird aber frühestens Herbst 2020 fertig werden.

https://forums.frontier.co.uk/showthrea ... te-(01-03)

Ob es dabei wie viele spekulieren um den Anflug auf Planeten mit Atmosphäre geht, und/oder "space legs", die Möglichkeit das eigene Raumschiff zu verlassen und umherzulaufen, was beides viele Möglichkeiten bieten würde Grafik und Gameplay zu erweitern, ist noch unbestätigt. Aber man darf annehmen, dass es in diese Richtung geht.

Ich könnte mir vorstellen, dass der Grund für die lange Wartezeit in einer Erweiterung der Engine liegt, oder vielleicht sogar im Wechsel auf eine andere. Vielleicht haben sie festgestellt, dass diese Features mit ihrer Cobra Engine nicht in der Qualität realisierbar sind, die wir von Frontier gewohnt sind. Aber vielleicht liegt es auch nur daran, dass sie ein eher kleines Team sind. Schliesslich wird Elite Dangerous nicht gerade eine Gelddruckmaschine sein.
Jetzt machts Zing in der Schüssel!
resuscitation
Hardcore Gamer
Hardcore Gamer
Beiträge: 1813
Registriert: 20 Dez 2012 17:54
Kontaktdaten:

Re: Elite Dangerous (2018): Beyond

Beitrag von resuscitation »

The Sheep hat geschrieben:Bisch du sicher dass nid d`Stärnecharte vo No Man's Sky meinsch? Die het mi schier in Wahnsinn triebe damals.

Aber Galaxy Map vo Elite isch doch easy. Chasch ja jedi Bewegig sälber belege wies möchtsch ha.
Sälbscht im VR chumi demit zschlag, obwohl ich mir d`Navigation dört es bitz umständlich igrichtet han mit Joystick und Maus kombiniert.

edit: spielsch du uf Konsole mit Joypad? Da hani kei Ahnig wie sis glöst händ
Ufem PC find ich d'Bedienig vo dä Sternecharte düütlich eifacher.. aber hät än Moment bruucht, bis ich verstande han, das mr ganz eifach Route chan nutze und dänn dä nöchst Jump grad azeigt wird.
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: Elite Dangerous (2018): Beyond

Beitrag von Drachenherz »

The Sheep hat geschrieben:Die nächsten eineinhalb bis zwei Jahre wird es wohl ziemlich still werden um Elite Dangerous.
Frontier hat verkündet, dass sie seit Herbst 2018 an einem Megaupdate arbeiten. Dieses Update wird aber frühestens Herbst 2020 fertig werden.

https://forums.frontier.co.uk/showthrea ... te-(01-03)

Ob es dabei wie viele spekulieren um den Anflug auf Planeten mit Atmosphäre geht, und/oder "space legs", die Möglichkeit das eigene Raumschiff zu verlassen und umherzulaufen, was beides viele Möglichkeiten bieten würde Grafik und Gameplay zu erweitern, ist noch unbestätigt. Aber man darf annehmen, dass es in diese Richtung geht.

Ich könnte mir vorstellen, dass der Grund für die lange Wartezeit in einer Erweiterung der Engine liegt, oder vielleicht sogar im Wechsel auf eine andere. Vielleicht haben sie festgestellt, dass diese Features mit ihrer Cobra Engine nicht in der Qualität realisierbar sind, die wir von Frontier gewohnt sind. Aber vielleicht liegt es auch nur daran, dass sie ein eher kleines Team sind. Schliesslich wird Elite Dangerous nicht gerade eine Gelddruckmaschine sein.
Es könnte auch deshalb so lang gehen, weil Frontier auch an einer neuen Franchise arbeitet. Just sayiing...
Antworten

Wer ist online?

Mitglieder in diesem Forum: Ahrefs [Bot], Google [Bot] und 48 Gäste