Japan 2012, chline reisebricht...viel fotene!

[Genfer]

Salut,
Jetzt no es chlises brichtli vor reis nach japan afangs oktober.
Bis jetzt han erscht die farbige föteli. Ich mach lieber s/w aber das wird no es langs zytli go bis ich die entwickelt han.
Muess jetzt luege wien ich zyt han, weiss nöd öb ich alles uf eimal chan poschte!

3 1/2 täg Tokyo





Früh morgens i de heilige halle vom Mikado...
Was no gäbisch isch im Mikado, dä sound chund erscht wänd en batze inerüersch. Somit chamer gäbig zocke und
dä ganz sound gnüsse (am morge, dän häts no fascht kei lüt). Am obig isch dän scho ächli en krach gsi im Mikado.









Darius Burst isch jo wohl anderscdh geil

[damian]

häsch gspielt? isch das neu?

[Genfer]

Han scho gschpielt aber nit so viel...kei ahnig wies funktioniert. Eifach zum luege wies tut...und es tut enorme

[Genfer]

Irgendwo in Shinjuku...




Imene Park in Shinjuku



Znacht in Akiba...

[Genfer]

3 1/2 täg in Osaka...




Super Potato in Osaka...




Osaka Castle...

[Genfer]

Gamelade näbem Super Potato, Den Den Town

Weiss nöm wie dä heisst. Früner häts no en andere do gha, irgend öpis mit Tiger ?!





Osaka menschen...

[evo]

findeder na guet? japan und so?

[O_O]

scheiss chatzefrässer.

[Reinforced]

chamer sich guet ohni geigerzähler bewege?

[O_O]

chamer sich guet ohni geigerzähler bewege?

hät nid dänkt das die nach tschernobyl da wieder e stadt ufbaue.

[LeviathanX]

Schöne Bilder ...Nächstes Jahr bin ich auch endlich mal da, drei Wochen lang; von links nach rechts auf dem Kontinent unterwegs...

[m.o.terra kaesi]

cooli farbe. met was häsch fotografiert?

[Tatsujin]

Analogue

[Marco_in_motion]

D'Fottis sind Hammermässig:sabber:

[geosnow]

mal chli kritisch, hättisch de himmel bim osaka schloss nöd besser annebracht? beliechtig, blendi, andere film?

sus findi d pix scho sehr geil.

[Genfer]

Arghhh…jetzt häts mer dä ganz poscht glöschet…Ich chan nur immer es bitz schribe dän muess ich wieder ufhöre. Ich füeg dän schpöter alles zäme.

Nochli text vom gamepöschtele

Tokyo, Akiba
En grossteil vo dä games han ich gfunde aber leider nid alles. Han kei sälteni perle gsuecht sondern eifach nur gueti games (hauptsächlich PCE und Sfamicom).
Bin diesmal nid zum Nakano BLD gange, döt han ich nämli s’letschtmol rächt viel gfunde.
Osaka
Weniger als in Tokyo aber als gueti ergänzig. Somit han ich dän s’meischte zäme gha. Am lätschte obig han ich no in Osaka (Den Den Town) en neue lade gseh, han zerscht gemeint sig en Super Patato (sehr ähnlichi dekoration. Aber isch irgend en A-Too Media ?! mit viel goodis, t-shirt, plüsch und natürlich games. Han aber nöme rächt möge luege.
PCE: kei einzigs Shinobi und Ninja Spirit
Sfamicom: kei einzigs Hagane komplett (git au immer weniger Sfamicom games komplett).

Arcade:
Han nur in Tokyo dä MAK und Gfornt gfunde.
Gfront: chli, chlini uswahl und sehr tür (grad bi grosse beträg macht sich dä dür Yen schmerzlich schpürbar.
MAK: isch super, au chli aber gueti uswahl und gueti prise (d’läde sind fascht näbenand) :typej: .
Dä schef vom MAK chan sogar guet änglisch. Er hät mir geit dass dä MAK bald än änglischi site wird ha und vermehrt mit übersee wot handle.
Mer chan ihm scho schribe und er würd au it schwyz schicke:
Masashi Senga, senga@mak-jp.com

[Genfer]

Föteli,
Sind analog, isch ä Rolleiflex 6x6 Mittelformat. Han ich grad 4 tag vor abflug übercho und somit han ich parktisch kei zyt gha zum usprobiere (isch hold alles ächli schnäll gange :typej: )
D'farbe sind zum teil komisch wils scan sind vom negativ (häts labor gmacht) sind und will ich zum teil falsch beliechtet han.
Mich nimmts dän wunder wies in ächt sind, han no kei abzög bschtellt.

Farbfilm han ich kei ahnig, han eifach emol dä Kodak Ektar 100 iso gnoh. Ich mach eigentlich hauptsächlich s/w fotis. Han eifach es paar farbigi fotis
vo dä gameshöps und vom Mikado wälle mache.

Dä grossteil vo dä fotis han ich in S/W gmacht, aber ich glaub ich bruch scho es halbs johr zum alles entwickle.
Ich han no ä 2. Rolleiflex bschtellt aber die isch leider bi abflug no im service gsi. D'idee wär eigentlcih gsi dass ich 2 aparät han, 1 für farb und 1 für s/w.
Im nachhinein bin ich aber "froh" gsi nur eine zha...d'usrüschtig isch nämli sehr schwer worde :typej:

[m.o.terra kaesi]

mal chli kritisch, hättisch de himmel bim osaka schloss nöd besser annebracht? beliechtig, blendi, andere film?
sus findi d pix scho sehr geil.

paperlapapp, sind mer es game forum oder es fotografie forum?!

[Astroboy]

mal chli kritisch, hättisch de himmel bim osaka schloss nöd besser annebracht? beliechtig, blendi, andere film?
sus findi d pix scho sehr geil.

paperlapapp, sind mer es game forum oder es fotografie forum?!

:typej:

[Genfer]

So, jetzt no die letschte ufnahme...

Metro Tokyo, billet automat



Osaka, region Namba

[sam]

super geniali bilder; bin begeisterät

[Tatsujin]

voll retro ebe, vo de farbe her wie so us de 70er

[geosnow]

er häts doch vorenere wuche ufgnoh

[mr.raw]

ich habe gestaunt!

[Vyse]

Super Fetlis!
Die Spieglige im zweite gsehnd no passend uus, als obs würkli uus dä Stadt wachse würed, so chli Neon-Tokyo Sci-Fi Glaswänd in Himmel uufe.