[Serie] Game of Thrones

[Sylvara]

isch ebe würkli ewig her und i ha damals nid wenig gliichzytig gläse - ev. sötti nomale aafah. isch aber eh besser so, denn vergliichi nid immer alles.

ha jetz die 3 erste episode gfunde und no es making of odersowas

[Sylvara]

Erscht Folg hät mier nöd so passt, zweit Folg isch scho vill verheissigsvoller.

isch mir genau gliich gange. nach dr erste folg hani dänkt, "naja guet", es isch zimli grenzwertig gsi. also sicher besser als wases vorher ghä het, aber das isch o nid grad schwierig wenn d'hauptkonkurrente i dem genre "legend of the seeker" oder anderi raimi konsorte sind.
es het öppe soviel schlechti schauspieler, wie gueti. am schlimmste isch dr teil mit de Targaryens gsi - sie geit no ganz knapp, aber ihre brüeder und die ganz pferde-horde, scho fast xena gsi lol

sean bean natürlich super und ganz gross isch dä, wo dr Tyrion spielt.
ab episode 2 isches denn zuenehmend besser worde, ds 3 isch scho ganz guet - vorallem ebe wege ihm und em Snow. freumi jedefalls uf die nächste folge.

wo isch eigentlich dr wolf vom Snow? er het ihn irgendwie nie derbii gha?

[Sephi]

Folg 3 ou super gfunge. D Charaktere und Dialög si würklech ganz gross.

[Skeletor]

verdammt mich schiesst das dermasse ah.

wenns uf kino.to sind, lueg ichs halt uf englisch.

[kraut]

es git doch sicher irgendwo dütschi untertitle?

[Skeletor]

ich kei ahnig vo däm zügs. also so würklich überhaupt gar kei.

ich lueg mal. ich han ja d'büecher gläsä, dänn chönti d'seriä ja mal uf englisch probiere.

[Sephi]

ich kei ahnig vo däm zügs. also so würklich überhaupt gar kei.

ich lueg mal. ich han ja d'büecher gläsä, dänn chönti d'seriä ja mal uf englisch probiere.

Ich mal für dich googlet:

Link vo Nazis entfärnt

Das gseht so chli nach däm us wo du wosch glaub, muesch dich eifach wohl uf dere Site registriere damit d Links gsehsch. Und evtl. findsches ja au in HD-Qualität. Isch würklech nur gad eine vo de erschte Hits gsi.

[Skeletor]

merci. ich lueg dänn dihei, chan im gschäft ebä nöd.

wirde scho was gfinde, han no nöd gsuecht bis jetzt.

[kraut]

mitem vlc-player chönntsch problemlos ou d untertitle separat abelade und i film/id serie ifüege. ha das vor es paar jahr aube no gmacht. ganz eifach.

[O_O]

ich schick der suscht all folge mit subs dani.

[Skeletor]

sehr gern

[h4xX0r]

ich schick der suscht all folge mit subs dani.

Wo gitts dütschi subs? Ich luege immer für de nussli

[Skeletor]

folg 1 und 2 hani jetzt gseh mit subs.

folg 3 na nöd. döt häts kei subs

[Trunks]

Und wie findsch? Mega oder?

[O_O]

ich schick der suscht all folge mit subs dani.

Wo gitts dütschi subs? Ich luege immer für de nussli

subcentral.de

[Skeletor]

Und wie findsch? Mega oder?

ich finds absolut mega. chönnts aber verstah, wenn märs nöd so guät findet, wenn mä d'büecher nöd gläsä hät. diverses gseht mä natürlich nöd und mä weiss eifach weniger.

aber d'darsteller sind grösschteteils guät gwählt für d'figure.


es gseht so us wiä mä sich alles vorgstellt hät.

[Trunks]

schrosch r. r. martin

[kraut]

yes, der skeletor chas itz ou luege! itz chöimer drüber diskutiere. ha aber grad ke lust...

[Moff]

git eigentlich au ned vill dezue zsäge

[Moff]

übrigens glaubed vieli wos buech glese hend, dass non-kenner müeh hend zfolge
tatsächlich ischs aber so, dass das gar keis problem isch, offebar hetmer det sehr en gueti arbeit gmacht, die richtige kapitel z'chürze und derfür neue szene izbaue wo die theme kompakter erchläre

[Astroboy]

I ha kes problem, auerdings lohnt sechs, dr chopf so richtig bur sach z'ha, wöu huere viu zwüsche de zile erklärt wird. Ömu für mi als nichtkenner ischs sehr guet gmacht.

[Skeletor]

ich schick der suscht all folge mit subs dani.

Wo gitts dütschi subs? Ich luege immer für de nussli

subcentral.de

wunderbar! danke.

diä 3. folg hani au gseh. shit es isch so guät.

ich muäss diä büecher glaub namal läsä.

[Sephi]

übrigens glaubed vieli wos buech glese hend, dass non-kenner müeh hend zfolge
tatsächlich ischs aber so, dass das gar keis problem isch, offebar hetmer det sehr en gueti arbeit gmacht, die richtige kapitel z'chürze und derfür neue szene izbaue wo die theme kompakter erchläre

Absolut! Als nid-kenner vom Buech überhoupt kes Problem, ou nid mit de verschidene Familie connekschens, legitim, illegitim, baschtlard etc. Und trotzdem wärde eim d Charakternäme und Beziehige nid irgendwie bemüeht ufdringlech iighämmeret.

[Chäller]

Au bi mir...känne d'Büecher nöd, aber han absolut keis Problem mit de Charas oder de Story-Zämehäng allgemein.

Au wänn mich die Serie nonig 100%ig überzüügt hät. mal guggn.

[thaeye]

isch nöd schlecht, aber grossi steigerig zum afang isch nöd da. halt chli drama und intrige dragon age II stil aber so speziell find ich das bisher nöd. guet ok, suuberi produktion isches uf all fäll.

bin eher de camelot typ dank de eva green.