Seite 2 von 2

Re: Parkschade zuesätzlich versichere lah?

Verfasst: 28 Okt 2018 21:04
von Herr Rossi
Ich bi bim Meier au vom ne neue Chlapf usgange. Würd die Versicherig aber au abschliesse bim ne Auto wo 5 jährig isch.

De Spruch mitem finanzielle Schade macht vil Sinn, drum macht die Versicherig au nur Sinn wenn dis Auto chli wetsch im Schuss bhalte wenn z.b. kei Chole für es nöis hesch oder zumindescht weisch dass selber kei Schade wirsch verschulde. Guet bi dere Versicherig isch aber, dass si recht easy chasch bschisse bi selbstverschuldete Parkschäde.

Keis Auto isch meh besser. Null finanziells Risiko roxx!

Re: Parkschade zuesätzlich versichere lah?

Verfasst: 29 Okt 2018 16:06
von Jones
resuscitation hat geschrieben:Das hät bestimmt ä Versicherig gschriebe.. welli?
Nei das wär ja kontraproduktiv wiu eso praktisch ke versicherig würsch abschliesse.. ;-)

Re: Parkschade zuesätzlich versichere lah?

Verfasst: 29 Okt 2018 16:08
von Jones
Herr Rossi hat geschrieben:
Keis Auto isch meh besser. Null finanziells Risiko roxx!
lol
Ja klar wenn ir stadt wohnsch, schaffsch u nid gross use wosch...

Re: Parkschade zuesätzlich versichere lah?

Verfasst: 29 Okt 2018 16:33
von Herr Rossi
Jones hat geschrieben:
Herr Rossi hat geschrieben:
Keis Auto isch meh besser. Null finanziells Risiko roxx!
lol
Ja klar wenn ir stadt wohnsch, schaffsch u nid gross use wosch...
Lol nei, wohne nid ide Stadt und go praktisch jedes Weekend furt.

Re: Parkschade zuesätzlich versichere lah?

Verfasst: 29 Okt 2018 17:32
von evo
Herr Rossi hat geschrieben:
Jones hat geschrieben:
Herr Rossi hat geschrieben:
Keis Auto isch meh besser. Null finanziells Risiko roxx!
lol
Ja klar wenn ir stadt wohnsch, schaffsch u nid gross use wosch...
Lol nei, wohne nid ide Stadt und go praktisch jedes Weekend furt.
Dr hundskomun schwizer isch mitlerwile öpe so flexibel wiene granitplatte. Es isch scho brontal. NICHTS OHNE MEIN TÜTÜ AUTELI

Re: Parkschade zuesätzlich versichere lah?

Verfasst: 30 Okt 2018 15:21
von Marco_in_motion
Würdi jetzt nööd underschriibe, immer wänni Zug fahre hani Glück wänni sitze chan und ich fahre sälte richtig Stadt.
ÖV wird au ufem Land megavill bruucht, d'Lüüt organisieret sich scho.

Re: Parkschade zuesätzlich versichere lah?

Verfasst: 31 Okt 2018 18:37
von Jones
Herr Rossi hat geschrieben: Lol nei, wohne nid ide Stadt und go praktisch jedes Weekend furt.
fair. immer e frag vo dr lust, länger ungerwägs z'si... mängisch het meh das, mängisch nid. mängisch isch öv schneller, meistens nid... :vortex:

Re: Parkschade zuesätzlich versichere lah?

Verfasst: 31 Okt 2018 21:10
von emP
zeromeier hat geschrieben:
resuscitation hat geschrieben:ich chan parkiere :mrgreen:
Es gad eher um die andere, söt jede checke
stellschne i dem Fall eifach immer zwüsche die Chläpf vom resuscitation =Gewinn!

Re: Parkschade zuesätzlich versichere lah?

Verfasst: 01 Nov 2018 15:31
von resuscitation
emP hat geschrieben:
zeromeier hat geschrieben:
resuscitation hat geschrieben:ich chan parkiere :mrgreen:
Es gad eher um die andere, söt jede checke
stellschne i dem Fall eifach immer zwüsche die Chläpf vom resuscitation =Gewinn!
Wow.. ich han gar nöd gwüsst, das ich mehreri Autos han :shock:

Re: Parkschade zuesätzlich versichere lah?

Verfasst: 02 Nov 2018 07:11
von evo
:shock:

Re: Parkschade zuesätzlich versichere lah?

Verfasst: 02 Nov 2018 08:58
von Skeletor
häsch es neus auto?

Re: Parkschade zuesätzlich versichere lah?

Verfasst: 02 Nov 2018 17:32
von XYBOT
zeromeier hat geschrieben:Ich will Teilkasko mache, Parkschade chamer zuesätzlich drii neh, choscht 200.-; zallt 2k.

Ich bin mir unschlüssig, tendier aber zu nöd drii neh. Was hesch Du?
machs doch wie in italie, leerlauf ine, fertig :idea:

Re: Parkschade zuesätzlich versichere lah?

Verfasst: 08 Nov 2018 10:10
von zeromeier
ich han de Parkschade jetzt übrigens eis Jahr drii gnah und rüeren negscht Jahr wieder use. Im erschte Jahr würs mich wüki ärgere wenns en tumme Schade hed vomene andere Idiot.

Re: Parkschade zuesätzlich versichere lah?

Verfasst: 08 Nov 2018 16:00
von resuscitation
Lauft dä eifach ab oder muesch dä Teil nachher aktiv usenäh?

Re: Parkschade zuesätzlich versichere lah?

Verfasst: 08 Nov 2018 16:23
von OlDirty
i ha e Vollkasko und parkier grundsätzlich immer möglichscht wiet weg vo allne ander au wenn i mues wiet laufe.Pampersbomber mit Gofe wo Türe zwiet ufmached und alti Lüt wo besser söttet laufe als Autofahre cha mer so scho mol miede will die nöd wiet laufe wend. Au nie oder nur i absolute Usnahmesituatione a sietwärts parkiere wos kum Platz het.Alles en Graus!!

Re: Parkschade zuesätzlich versichere lah?

Verfasst: 08 Nov 2018 16:26
von OlDirty
XYBOT hat geschrieben:
machs doch wie in italie, leerlauf ine, fertig :idea:
wenn i da nur lese wirds mir grad anderst.Da got bi alte Scheisswäge und für Lüt dene sAuto am Poppes vorbie goht.Für mich de Horror :typej:

Re: Parkschade zuesätzlich versichere lah?

Verfasst: 13 Nov 2018 11:17
von Marco_in_motion
resuscitation hat geschrieben:Lauft dä eifach ab oder muesch dä Teil nachher aktiv usenäh?
Alli Versicherigsleistige bi jedere Gsellschaft mues de Chund immer sälber uusdrücklich usenäh und das im Normalfall mittere Unterschrift absägne.
Ussert du zahlsch nümme, dänn bisch dini Leistige au los :vortex:

Stell der vor du häsch gmeint du hegsch no Parkschade drin, es isch aber endi Monat abgloffe und jetzt häsch ä Büüle bemerkt :bussi:
Darum verlängered sich Versicherigspolicene selbständig wiiter, damit mer kein Deckigsunterbruch hät wo mer nöd sälber verahlasst hät.

Re: Parkschade zuesätzlich versichere lah?

Verfasst: 18 Nov 2018 07:55
von Acid
Jones hat geschrieben:Chürzlech glese:
Meh söu versicherige nid ahand vo de wahrschinlechkeit vome mügleche schade abschliesse sondern vom potentielle finanzielle schade. Macht total sinn findi!

Genau das in etwa hani gmeint. Drum macht z.B. en Haftpflicht durchus Sinn, oder zums bim Durbrenner Chrankakassä azluege, d Grundversicherig (was det allles drin söt sii und so isch en anderi Frog).

Hützutags isch oft devo d Reed Versicherigä usäzholä, und dass si sich lohned und dassmer irgendes 500.- fränkigs technischs Grät versichered, und dassmer guet versicheret isch, wenn eim d Kamera gstollä wird, und dass dies, und det nomol 20 Stutz will es chönt jo, und ich han zahlt also muesi irgendwiä wieder luege dass sich au gloht hed (und mer schreckt quasi vor Versicherigsbetrug nid zrug, willmer z dumm isch zum Begriffä was e Versicherig isch)...und all so Schwachsinn.

De Grundgedankä und de Charakter vonere Versicherig isch aber nid de dass sie sich söll lohnä, im Gägäteil, Versicherigä sind kei Wohltätigkeitsverein sondern Gschäfter. D Chundä zahled i de Summä immer meh wiäs uszahlt überchömed, und d Prämie isch grundsätzlich nach Wahrschindlichkeit berechnet, und wenn d Versicherig ihrä Job nid scheisse macht, verlangt si i de Summä immer sehr vil meh wiä sie uszahlt.
Drum sind diä sinnvollschtä Versicherigä diä, wommer immer numä zahlt und zahlt und zahlt, und absolut glücklich demit isch, wemersi so wenig wiä möglich mues in Aspruch neh, am beschtä gar niä. Wemer niä en Unfall macht und öper in Rollstuel bringt, oder e übli Chrankheit hed, unds um Elend und Chöschtä god, womer sälber schlicht nid, oder nur mit no vil grösserem Elend chönti beweltigä. Wenn ich allerdings mol de Fall han dass ich 500.- mues heräblättere, will mir öpis kaputt gangä isch, oder ich diä voll Franchisä vo 2500.- mues zahlä, will ich sit über emene Johrzehnt mol wider zum Dokter mues, god mini Wält nid under...


Es gid natürlich scho Fäll wo e chli en anderi Sichtwiis nid nur blöd isch. Vollkasko bimene neuä Auto isch villicht nid immer Schwachsinn. Es Gschäft wo sich d Sicherheit "chauft" bimene Usfall vo irgendöpis sofort en Ersatz zha, willmer vorher quasi scho dri investiert hed, oder dass öper wo wäg irgendeme Problem weiss dasser ständig bim Arzt isch, nid diä högscht franchisä nimmt, sondern diä tüüfscht...aber do redemer vom Charakter her denn eigentlich scho ehnder vomene Service Vertrag, nüm vonere Versicherig.



Marco_in_motion hat geschrieben: Darum verlängered sich Versicherigspolicene selbständig wiiter, damit mer kein Deckigsunterbruch hät wo mer nöd sälber verahlasst hät.
Au das isch wieder ä nid ganz falschi Sicht uf d Sach...aber nur ei Sitä vo de Medaille. Dia ander isch, dass d Versicherigä mit dem System dia ehnder passivi Alag vo de Mänschä usnützed, und diä, willsi nid ständig wieder demit konfrontiert werded, bzw. vergässäd was überhaupt alles händ, i de Regel no ewig Versicherigä eifach zahled wos mol abgschlossä händ, unabhängig devo öbs überhaupt Sinn macht, oder si inzwüschä uf verschiedeni Art sibä mol s glichä versichered händ.

Aber ja, wär natürlich scho nid ganz praktisch, wemer jedes johr wieder alles neu müest abschlüssä, und wemers vo Afang a guet macht söts sich jo au nid ständig alles ändere...aber ebä, au do en witere Grund nur s nötigscht drin zha. Ich bin allerdings au öper wo sich ungern ständig mit dem Züg beschäftigt.

Re: Parkschade zuesätzlich versichere lah?

Verfasst: 18 Nov 2018 09:47
von Marco_in_motion
Acid hat geschrieben:
Marco_in_motion hat geschrieben: Darum verlängered sich Versicherigspolicene selbständig wiiter, damit mer kein Deckigsunterbruch hät wo mer nöd sälber verahlasst hät.
Au das isch wieder ä nid ganz falschi Sicht uf d Sach...aber nur ei Sitä vo de Medaille. Dia ander isch, dass d Versicherigä mit dem System dia ehnder passivi Alag vo de Mänschä usnützed, und diä, willsi nid ständig wieder demit konfrontiert werded, bzw. vergässäd was überhaupt alles händ, i de Regel no ewig Versicherigä eifach zahled wos mol abgschlossä händ, unabhängig devo öbs überhaupt Sinn macht, oder si inzwüschä uf verschiedeni Art sibä mol s glichä versichered händ.

Aber ja, wär natürlich scho nid ganz praktisch, wemer jedes johr wieder alles neu müest abschlüssä, und wemers vo Afang a guet macht söts sich jo au nid ständig alles ändere...aber ebä, au do en witere Grund nur s nötigscht drin zha. Ich bin allerdings au öper wo sich ungern ständig mit dem Züg beschäftigt.
Das isch nöd e Sicht vo mir uf d'Sach sondern fundierts Wüsse, nach 10 Jahr i däre Branche sött ja au öppis hange blibbe sii :lol: Stillschweigendi Vertragsverlängerige sind im VVG (Bundesgsetz über de Versicherigsvertrag/Versicherungs Vertrags Gesetz) greglet.

Obwohl ich extrem froh bin dä Job scho lang nümme z'mache, muesi rasch verteidige: Di Stillschweigendi Verlängerig um es Jahr isch nöd es "System" vo de Gsellschafte, de Chund z'binde sondern ihn z'schütze wiä scho erklärt. De Chund wird ja au ständig dämit konfrontiert, das isch nämmli dänn amigs "Wänn de Versicherigsheini ahlüütet" De Chund ihn aber us de Leitig rüehrt, oder abwimmlet. De Chund will kein Termin will es intressiert ihn nöd oder er meint es chosted nacher nur no meh. Bi some Termin chönnt mer aber mal de ganz shit ahluege/aktualisiere.
Wänn de Chund en Brief vo de Versicherig bechunnt intressierts ihn i de Regel nöd, ussert es isch en ihzahligsschii drin. Dä gaht er brav go ihzahle aber sust alles wo länger als 2-3 Ziile gaht zum läse - ab in Chübel.

Geil isch au dä ganzi Onlineversicherigs-Scheiss, online e Versicherig go Abschlüsse mit de Gedanke: "Ich bruuch kein Berater, ich cha ja alles im Internetz nahläse und spare erst rächt no Chöle" Sehr guet Rüedi und Üeli :lol:schlauer Bauer und arrogant no däzeue :lol:
Onlineversicherige sind gmacht worde zum Provisione ihspare & günstigeri Prämie ha und somit attraktiver für de Chund, will ganz vill Chunde säged ja au "Mini Versicherig isch super, ich zahle jetzt vill weniger als vorher" checked aber garnöd dass sie en völlige Brunz abgschlosse händ wo dänn eifach nur no bi de unwahrschindlichere Hälfti vo de Schadefäll Leistige erbringt, aber wer liest scho di verdammte AVB's... hauptsach spare "Ich han eh niä en Schadefall, ich chan ebe no Auto fahre" aber nacher hässig sii wänns Usschlüss händ und de 5er und s'Weggli nöd becho händ :lol:

Da chani nur säge: Sälber Schuld! es isch eue Chole, also intressiered eu gfälligst. Wänn de Bank-möngel ahlüted lost mer au zue, logisch, will chole brucht mer ständig, da hättmer ganz en andere Bezug däzue. E Versicherig bruuchts nur im Schadefall, ganz villi händ Jahrzehnte lang kein Schadefall, weder Auto no Huusrat no sust was, darum befasseds sich au nöd dämit. Wer nöd fuul isch de chan sich rächt günstig versichere, genau uf sini Bedürfnis abgstimmt, aber ebe mer sötts au mache oder de Berater anelah. Wobii, da gits extremi Qqualitätsunterschied das därf mer au nöd under de Teppich cheere. Am beste isch, sich echli informiere und de Berater löchere bis er's eim eso erchlärt dasmer's verstaht.

Re: Parkschade zuesätzlich versichere lah?

Verfasst: 19 Nov 2018 08:00
von Herr Rossi
Marco_in_motion hat geschrieben:.... Onlineversicherigs-Scheiss, online e Versicherig go Abschlüsse ....Provisione ihspare & günstigeri Prämie ha und somit attraktiver für de Chund....
Das trifft sicher uf vili zue, uf vili au nid. Die wo sich informiered und ganz genau wüssed was und wie si öpis wend versichere loh schliessed onilne e Versicherig ab. Es isch aber au nid verwunderlich wenn das immer me Lüt so möched, vo nüt chund nüt; s Vertraue id versicherige isch i de letschte 20 Johr eher gsunke als gwachse und das hed sini Gründ.
Marco_in_motion hat geschrieben:Wänn de Bank-möngel ahlüted lost mer au zue
Jein, us de gliche Gründ wie obe. E gschide Mönsch weiss selber was er brucht und wiener sich mues verhalte mit em Geld. Da aber ganz vil Mönsche nid chönd mit Geld umgoh machts sicher Sinn wemmer sich vo de Bank lod lo berote. ha vor rund 10 Johr e Berotig in Aschpruch gnoh und bi froh dasis gmacht ha, bi schlicht z wenig fähig gsii mis Geld gschid zverwalte. Leider gits zvil Mönsche mit grossem Ego, die chönd mit nüt richtig umgo und hend glich immer und zu allem e Meinig. :|