Bitcoin

In den Weiten der Galaxie: Technik!

Moderatoren: Master(G), Mr Burzel

Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Bitcoin

Beitrag von Xinobrax2 »

Da s i dem Forum na keis Topic dezue git hani denkt ich mache mal eis. Wer vo euch verwendet Bitcoins? Wär doch ideal für s Trading Forum!

Usnahmswis mal Galileo:
http://vimeo.com/64923590" onclick="window.open(this.href);return false;
Ich finds di bescht Erfindig sit em Internet :panik:

Es Peer-to-Peer Geldsystem...oni Banke, oni zentrali Stelle. Mach mit!

http://www.weusecoins.com/de/" onclick="window.open(this.href);return false;
http://www.bitcoin.org/" onclick="window.open(this.href);return false;
Benutzeravatar
Snatcher
Crocodile Hunter
Crocodile Hunter
Beiträge: 6192
Registriert: 04 Apr 2002 20:09
Kontaktdaten:

Re: Bitcoin

Beitrag von Snatcher »

kacke, Idee isch guet an und für sich, aber wie immer mit so öppisem wird's zumene Spekulationsobjekt und dementsprechend wird's au missbrucht. was ja au scho passiert isch. viel zgrossi schwankige.......

vor allem isch es ja denkt Geld unabhängig szie genau weg de Problem wo Geld mit sich bringt und trotzdem chasch/muesch ja bitcoins mit richtigem Geld chaufe, also völlig hirnverbrännt?! (uusert generiere was ja nüme funktioniert)

sgute drah isch das es eigentlich wie Geld isch, es funktioniert au nur will miers akzeptiert hend und drah glaubed. und da es cap vorhande isch sötts au kei Inflation geh, aber leider het sichs ja scho mit em Geld vermischt oder es wird am Euro gmesse was absolute Blödsinn isch --> Blasebildig, Spekulatione usw...

ich glaube scho au das eusi gsellschaft irgendwenn a la star trek geldlos wird funktioniere und lüt fürs Allgemeinwohl werdet schaffe und nöd um irgendwelche euros zverdiene, aber das wird no seeehr lang gah und mier werdet das nöd erlebe.

wie gseit Idee isch guet, aber es isch scho gscheiteret will sicht bitcoins am euro messed. sie söttet en unabhängige/stabile nöd veränderliche wert ha um missbruch/spekulatione zverhindere.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

Ich gsene nid was im Moment gege d Spekulatione spricht...de Wert reguliert sich über Agebot und Nachfrag. Mal stigter, mal sinkter...aber so auf die Dauer...bis jetzt heter sich bereits verhundertfacht und stigt witer. Klar wär en unabhängige Wert besser...aber sone abgschotteti Währig izfüehre isch zimlich ussichtslos. Ich interessiere mich für alli mögliche Alternative Asätz...Freigeld, Schwundgeld, Zitgeld...whatever...es git jenschti Projekt...nur nteressiert das kei Sau. Wennt e Alternative zum Fiat Geld wotsch ufbaue, denn muesch au vo Afang a irgendwie d Investore und Startups alocke. Susch blibt das nur e witeri Regiowährig wo di teilnehmende Idealiste chli unterenand tüschled.

Bitcoin wird imo irgendwenn en eigne Wert ha....de chan sich aber erscht etabliere, wenn bereits e grösseri Infrastruktur vorhande isch. Usserdem isch d kopplig ja nid 1:1....es git eigentlich überhaupt kei kopplig...aber üsi Gsellschaft neigt halt dezue Wert in Geld z messe...drum au bi Bitcoins. Mal agnoh de Euro wär morn plötzlich nur na d Helfti wert....De Burger wo vorher 10€ koschtet het, koschtet plötzlich 20€. Meinsch de Wert vom Bitcoin würd em Euro folge und sich halbiere? Wohl chuum...im Gegeteil, de wär denn wie de Burger dopplet so tür. En Burger wo vorher 0.1 BTC koschtet het, koschtet au nacheme Crasch vom Euro na 0.1 BTC...nur die wo neui Bitcoins wend chaufe müend denn halt chli me bläche.

Übrigens, s Mining mit aktuelle AMD Charte lohnt sich nach wie vor. Solang de Kurs über 50$ blibt sind d Stromchöste deckt. De Difficulty Level rasst zwar grad id Höchi weg de neue ASICs...aber im Notfall chasch ja imerna uf Coins umstige wo ufem Scrypt Algorithmus basiered. Btw, ich han sogar Bitcoins gmint, wo d Stromchöste höcher gsi sind....damals hets sich überhaupt nid glohnt...aber denn hets e gröberi Kurskorrektur gä...und ich han plötzlich Coins im Wert vones paar tusig Fränkli gha...insofern...De kurs isch grad bi 125$...und er wird witerhin stige...mit es paar Ups und Downs dezwüschet.

Letztendlich....wie du ja gseit hesch, funktioniert Geld eh nur wemer dra glaubt. De Entscheidend Faktor isch für mich drum nid de momentani Wert sondern de Ufbau vom System. Chamers innerhalb vones paar Sekunde um d Welt schicke? Wenn ja, wie hoch sind d Gebühre? Gits zentrali Institutione? Mit Bitcoin chani innert 3 Sekunde 10 Rappe anen Blogger us China schicke...oder für es MP3 zale unds denn na i de gliche Minute abelade. Debi zali ca. 0.0001 Franke Gebühre...mach das mal mitere andere Währig.
Benutzeravatar
randy
The(G)Forum Moderator
The(G)Forum Moderator
Beiträge: 17351
Registriert: 05 Mär 2002 19:49
Wohnort: BS/BE
Kontaktdaten:

Re: Bitcoin

Beitrag von randy »

han mol vor es paar joor e sändig uff chaosradio drüber ghört und hans no spannend gfunde. han aber no nie sälber gmined. besser wärs gsi :lol:

ah, do no en link http://chaosradio.ccc.de/cr169.html" onclick="window.open(this.href);return false;
Bild
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

Hani damals au gloset...super gsi :D Leider hend sich die Experte ebefalls chli verschetzt :mrgreen:
Benutzeravatar
Snatcher
Crocodile Hunter
Crocodile Hunter
Beiträge: 6192
Registriert: 04 Apr 2002 20:09
Kontaktdaten:

Re: Bitcoin

Beitrag von Snatcher »

ok, denn han ich vielleicht versuecht eh ideologie drin zsgeh wo gar keini vorhande isch, am schluss isch es doch wieder nur es Spekulationsobjekt.

ja klar isch es nöd kopplet zum euro, aber du selber hesch denn sogar en verglich gmacht mit "was isch, wenn de euro...."
darus ziehn icht schlussfolgerig, das es eifach es witers system isch zur absicherig wie gold, immobilie, wein, kunst usw..
was ich eifach nöd ganz chan nachvollzieh, segemer das system wird zum erfolg und lüt wennd umsverrecke bitcoins, aber mit de obergrenze vo 21mil isch sagebot natürlich beschränkt. dadurch schlüss ich das denn de pris it höchi schnelle wird und tatata scho hemereh blasebildig wo den platzt und es paar wieder ganz blöd dirgeihed, aber vermutlich wird den limite eifach nach obe gschobe und scho isch Problem glöst. obwohl denn genau die gliche fehler gmacht werde würdet wie mit em fiat Geld.

http://www.telegraph.co.uk/technology/n ... ursts.html" onclick="window.open(this.href);return false;

ich glaub ich def hützutags eifach nöd meh erwarte als das so es projekt doch wieder nur als Investment endet.
mini frag isch, wieso hesch du dich für bitcoins entschiede und nöd en anderi alternative?
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

De verglich zum Euro hani gmacht, will seb ebefalls e Währig isch...und de Sinn vonere Währig isch ja Wert z repräsentiere. Ich han aber vor allem Froid a Bitcoins will s System so verdammt genial isch.

Was d Begrenzig betrifft. D Azahl isch uf 21 Mio begrenzt, demit s System deflationär isch. Das mues aber nid zwingend e Blase zur folg ha. Die Grenze bedütet nur, dass d Geldschöpfig denn abgschlosse isch...das mues aber nid zwangsläufig bedüte, dass d Wertschöpfig ufhört. Jede Coin chan uf 8 Stelle nach em Komma gspilttet werde. Theoretisch gits also 21'000'000 x 100'000'000 Einheite. 2'100'000'000'000'000...das söt lange für en globale Markt. Aber nur i de Theorie....es wär ja eh blöd für alles di glich Währig z verwende. S wär z.B. sinnvoll Grundbedürfnis und Luxusgüeter mit unterschidliche System z verwalte.

Was d Bubble betrifft...das d Mainstream Press das so gset isch klar...aber eigentlich...nim ich das nid so ernst...wills kei Blase git. Bitcoin isch kei Aktie.

Snatcher hat geschrieben:ich glaub ich def hützutags eifach nöd meh erwarte als das so es projekt doch wieder nur als Investment endet. mini frag isch, wieso hesch du dich für bitcoins entschiede und nöd en anderi alternative?
Hmmm...di meiste Ideeä chömed nie über d Theorie hinweg...und die wo denn trotzdem irgendwenn mal praktisch umgsetzt werded, blibed regional. Bitcoin isch nid eifach nur es theoretischs Konstrukt. Es funktioniert i de Praxis, jetzt, global. Hinzue chunt, dases dezentral isch. Niemert chan mis Konto ifrüre wie z.B. PayPal das gern macht...oder wiemers jüngst in Zypere gseh het. Es isch aber nid nume dezentral, sondern au na völlig transparent. Ich chan de Kontostand vo jedem beliebige Bitcoin Konto überprüefe...ich weiss zwar nid wem all die Konte ghöred aber das passt. Frei nachem Motto "Öffentliche Daten nützen, private Daten schützen.". Ebefalls transparent isch de Sourcecode. De isch Open Source, find ich super. Für mich di bescht Alternative wos momentan git...isch eh längst überfällig gsi...


Btw, vor wenige Täg isch grad d Bitcoin Conference gsi...het es paar interessanti Vorträg uf Youtube...

Quelle


Quelle


Quelle
Zuletzt geändert von Xinobrax2 am 29 Mai 2013 06:03, insgesamt 1-mal geändert.
Benutzeravatar
Tatsujin
PC Engine Lover!
PC Engine Lover!
Beiträge: 80220
Registriert: 05 Mär 2002 17:28
Kontaktdaten:

Re: Bitcoin

Beitrag von Tatsujin »

Naemets im Mac au bitcoins?
Bild www.pcedaisakusen.netBild
PCE Games countdown: 695/738 (44 to go or 95% clear)
PCE Shmups countdown: 111/111 (all clear!!)
PCエンジン - シューティングゲーム読み秒:111/111枚 (クリア!!)
Intuitive improvisation is the secret of genius.
Benutzeravatar
feeshlee
Rassischt
Rassischt
Beiträge: 31689
Registriert: 08 Mär 2002 09:27
Kontaktdaten:

Re: Bitcoin

Beitrag von feeshlee »

ich lahne mal d'finger devo. isch mer nochli z'instabil das ganze.
dis mami uf allne viere.
Misanthrop? Nah, giz öppis stärchers?
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

Tatsujin hat geschrieben:Naemets im Mac au bitcoins?
:kicher:

Irgendwenn vilicht....spillt für mich kei Rolle...ich han e Prepaid Master Card woni mit Bitcoins chan uflade weni mal Fiat Geld bruche.
Benutzeravatar
feeshlee
Rassischt
Rassischt
Beiträge: 31689
Registriert: 08 Mär 2002 09:27
Kontaktdaten:

Re: Bitcoin

Beitrag von feeshlee »

han grad im likeforex checkt: dä bitcoin isch global glich tüür.
1 BTC = 128.80 USD (US Dollar)
1 BTC = 135.02 AUD (Australian Dollar)
1 BTC = 85.77 GBP (British Pound Sterling)
1 BTC = 134.18 CAD (Canadian Dollar)
1 BTC = 789.32 CNY (Chinese Yuan Renminbi)
1 BTC = 100.24 EUR (Euro)
1 BTC = 7,244 INR (Indian Rupee)
1 BTC = 13,173 JPY (Japanese Yen)
1 BTC = 1,266 ZAR (South African Rand)
1 BTC = 125.89 CHF (Swiss Franc)
aber wie isch das in verschiedene länder mit dä priise vo hardware?
wieviel bitcoins choscht en playsi da ide schwiiz und wieviel choschtet si ide usa?

weiss jede, dass i verschiedene länder d'kaufkraft verschiede isch, aber dä konsument bländed das us und gseht nur (no dütlicher), dass die gliche sache woandersch weniger bitcoins koschtet und chlöned oder findt vilich no schnäller en wäg, es produkt da z'kaufe wos billiger isch.
mit lieferköschte und zoll isch das ja no z'kompensiere.

aber was isch dänn mit software?
ide schwiiz koschtet s'game uf steam en halbe bitcoin, in russland en viertel? oder laufts dänn uf das use, dass dä russ sich s'game uf steam nüm chan leischte oder das software im internet nur no regional vertriebe wird?
dis mami uf allne viere.
Misanthrop? Nah, giz öppis stärchers?
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

Bitcoin isch zur Ziit na zu 95% e Internet Währig...also global. Für Onlineshops, virtuelli Güeter oder Dienstleistige. Di grössere Unterneme wo Bitcoins akzeptiered wie z.B. Wordpress verwended eh Bitpay. Mit dem Dienst chönd d Chunde in Bitcoins zale und bi Wordpress landed Dollars. De Priis wird in Echtziit entsprechend em aktuelle Kurs berechnet. Insofern rechned vili Unterneme eh na mit Fiat Geld...aber s isch praktisch, für beidi Site.

Z.B. bi Steam heted alli di gliche Priise...de Russ chan sichs aber trotzdem leiste wiler sini Dienstleistig problemlos im Weste chan abüte. Btw, s git einigi Länder wo s 08/15 Volk kei Möglichkeite het Fiat Geld is Usland z überwise. Isch für die oni entsprechendi Genehmigunge verbote. Mit Bitcoins chönds global handle, wenn si gelegentlich Zuegriff uf s Internet hend.
Benutzeravatar
Tatsujin
PC Engine Lover!
PC Engine Lover!
Beiträge: 80220
Registriert: 05 Mär 2002 17:28
Kontaktdaten:

Re: Bitcoin

Beitrag von Tatsujin »

Schna easy, aber no nuet fuer miich jetzt vo nutze uns so.
Bild www.pcedaisakusen.netBild
PCE Games countdown: 695/738 (44 to go or 95% clear)
PCE Shmups countdown: 111/111 (all clear!!)
PCエンジン - シューティングゲーム読み秒:111/111枚 (クリア!!)
Intuitive improvisation is the secret of genius.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

De praktisch Nutze bestat in erster Linie darin dass Banke überflüssig werded.

S Bargeld womer hütsotags bruched het kein eigentliche Gegewert. Es stat repräsentativ für Zahle i de Rechner vo de Banke. Die widerum decked das mit Buechgeld vo de Zentralbanke, ebefalls virtuell...und d Zentralbanke decked das durch Wertpapier und Gold...ebefalls virtuell. Es isch eifach völlig überflüssig. Um Zahle vo A nach B z schiebe bruchts kei Banke sondern lediglich 2 PCs...und PCs verlanged kei Gebühre oder Bonis sondern lediglich chli Strom und guet isch.

Btw, mal abgseh vo Bitcoins...s System dehinter isch eifach super. Mer chans au völlig andersch isetze wie z.B. bi de Namecoins. Anstatt Transaktione verwaltet d Namecoin Blockchain *.bit Domains. Dezentral und oni DNS. Super Sach...und ersch de Afang vonere neue Entwicklig.
Zuletzt geändert von Xinobrax2 am 29 Mai 2013 07:33, insgesamt 1-mal geändert.
Benutzeravatar
Tatsujin
PC Engine Lover!
PC Engine Lover!
Beiträge: 80220
Registriert: 05 Mär 2002 17:28
Kontaktdaten:

Re: Bitcoin

Beitrag von Tatsujin »

Isch chli wie bim deliphoniere ueber d swisscom oder voip.
Bild www.pcedaisakusen.netBild
PCE Games countdown: 695/738 (44 to go or 95% clear)
PCE Shmups countdown: 111/111 (all clear!!)
PCエンジン - シューティングゲーム読み秒:111/111枚 (クリア!!)
Intuitive improvisation is the secret of genius.
Benutzeravatar
feeshlee
Rassischt
Rassischt
Beiträge: 31689
Registriert: 08 Mär 2002 09:27
Kontaktdaten:

Re: Bitcoin

Beitrag von feeshlee »

d'banke chönt dier aber immer no kredit in form vo bitcoin geh. mit bitcoin zinse. das isch eis vo dä hauptgschäft vo banke. was passiert, wänn banke ufhöred kredit vergeh, hämmer im 2008/9 ja erlebt: 2big2fail....
dis mami uf allne viere.
Misanthrop? Nah, giz öppis stärchers?
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

Für Bitcoin Kredit bruchsch kei Banke...für das gits bereits es paar Agebot...seisch wasd wotsch finanziere, zu welem Zinssatz, i welem Ziitruum und d Lüt gebed dir Bitcoins...ganz oni Banke. Peer-to-Peer Kredit. Bispiel: https://bitfunder.com/" onclick="window.open(this.href);return false; oder https://btcjam.com/" onclick="window.open(this.href);return false; Isch chli wie Kickstarter, aber au für Privatpersone.

Apropos Kredit...für d Banke isch das nume sones tolls Gschäft, will si Geld verleihed wo si gar nid hend. S Geld entstat ersch durch de Kredit. D Gschäftsbank mues bi dem Vorgang lediglich e Mindestrserve vo 2,5% bi de Zentralbank, i dem Fall de SNB vorwiise. Durch de Vorgang sind d Gschäftsbanke i de Lag Geld z schöpfe...ursprünglich isch de Vorgang mal de Zentralbanke vorbehalte gsi...und genau das isch eis vo de Hauptproblem. Uf de Basis vo 2,5% vorhandenem Geld wird neus Geld erschaffe....wobi selbst die 2,5% durch en andere Kredit chönd entstande si. Für das Geld wo d Bank also eigentlich gar nöd het verlangt si denn au no Zinse....Zinse wo mathematisch betrachtet gar nid vorhande sind, es sei denn irgendwo nimt irgendöpert wider en neue Kredit uf. Es endlos dämlichs System...es Chartehuus wo üsi Gsellschaft sell stütze...rolf...
Benutzeravatar
feeshlee
Rassischt
Rassischt
Beiträge: 31689
Registriert: 08 Mär 2002 09:27
Kontaktdaten:

Re: Bitcoin

Beitrag von feeshlee »

möglichs szenario:
also kei banke, will p2p credit.
start-ups holed sich credit vo öpper anderem oder mached crowdfunding.
ich werde für mini arbet in bitcoins zahlt.
ich zahle mini stüre in bitcoins.
...

rein technisch gseh chönts vilich funze.
nur ebe: so sprüch, wie 'dänn bruchts kei banke meh' oder 'dänn bruchts kei öl meh' oder 'dänn bruchts kei krieg meh' händ all ein hake: es git no viel z'viel lüüt in iiflussriiche positione, wo ihri exischtenz sichere wänd. wänn dä bitcoin cho würd, dänn würded banke sich dä unter dä nagel riisse. warum? will wänn sie gsehnd, dass mittem bitcoin gschäftet werde chan, sie sich ihre teil vom chueche holed und sigs nur idem sie am afang 'lästigi' arbeit rund um dini bitcoin-finanze abüütet (so wie damals banke afa händ existiere und sich z'etabliere, wos no kei futures und son scheiss geh hät).
dis mami uf allne viere.
Misanthrop? Nah, giz öppis stärchers?
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

feeshlee hat geschrieben:rein technisch gseh chönts vilich funze.
nur ebe: so sprüch, wie 'dänn bruchts kei banke meh' oder 'dänn bruchts kei öl meh' oder 'dänn bruchts kei krieg meh' händ all ein hake: es git no viel z'viel lüüt in iiflussriiche positione, wo ihri exischtenz sichere wänd.
Ich gsen jetzt grad de Zemehang zum Öl und em Chrieg nöd aber ja, susch gibder Recht
feeshlee hat geschrieben:wänn dä bitcoin cho würd, dänn würded banke sich dä unter dä nagel riisse. warum? will wänn sie gsehnd, dass mittem bitcoin gschäftet werde chan, sie sich ihre teil vom chueche holed und sigs nur idem sie am afang 'lästigi' arbeit rund um dini bitcoin-finanze abüütet (so wie damals banke afa händ existiere und sich z'etabliere, wos no kei futures und son scheiss geh hät).
S tolle dra isch, dass sich das niemert CHAN unter de Nagel risse. Es isch technisch eifach nid möglich. Banke werded das au witerhin ignoriere. Isch chli wie bi Hollywood VS Torrent....Hollywood versuecht alles...aber letztendlich chönd si nur di gröschte Tuschplattforme wie Piratebay hin und wider mal höch ne...s Torrent Netz an sich isch aber nid agriffbar. S gliche wie bi Bitcoin...es werded direkt d Tuschbörse wie MtGox agriffe.

Klar wirds Banke au i 20 Jahr na ge...d Frag isch nur i welem Umfang und zu welem Zweck. Banke sind schochli übermächtig, aber Technologie lat sich nid ufhalte. Bitcoins jetzt nöd z bruche isch als würdsch sege "Nei mir bruched kei eMail. Üsi Partner hend das au nonig. Brief isch besser und d Post wird eh nid zuelah, dass si abgschafft wird".
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

http://www.20min.ch/finance/news/story/ ... e-11282768" onclick="window.open(this.href);return false;

Sorry dass ich 20min linke :oops:
Benutzeravatar
feeshlee
Rassischt
Rassischt
Beiträge: 31689
Registriert: 08 Mär 2002 09:27
Kontaktdaten:

Re: Bitcoin

Beitrag von feeshlee »

gits irgendöppis, wo banke dra hindered, bitcoins z'kaufe (im grosse stil)?
dis mami uf allne viere.
Misanthrop? Nah, giz öppis stärchers?
geosnow
VIP-Member
VIP-Member
Beiträge: 31864
Registriert: 06 Mär 2002 08:44
Kontaktdaten:

Re: Bitcoin

Beitrag von geosnow »

guet verdiene tüen vor allem wieder die scho riche wiä d Winklevoss brothers.
geosnow
VIP-Member
VIP-Member
Beiträge: 31864
Registriert: 06 Mär 2002 08:44
Kontaktdaten:

Re: Bitcoin

Beitrag von geosnow »

aja und währige sind kei aktie, das isch korrekt, aber sehr geil zum mit sehr grosse hebel z spekuliere.
geosnow
VIP-Member
VIP-Member
Beiträge: 31864
Registriert: 06 Mär 2002 08:44
Kontaktdaten:

Re: Bitcoin

Beitrag von geosnow »

http://news.cnet.com/8301-13578_3-57585 ... -the-feds/" onclick="window.open(this.href);return false;

go guet, chli uf washington go lobbisiere.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: Bitcoin

Beitrag von Xinobrax2 »

Find ich scheisse...aber jedem das seine...
feeshlee hat geschrieben:gits irgendöppis, wo banke dra hindered, bitcoins z'kaufe (im grosse stil)?
Theoretisch nöd nei...aber Banke chrüched de Technologie idR immer chli hinde dri. Ich rechne in nögschter Ziit nöd demit...
Antworten

Wer ist online?

Mitglieder in diesem Forum: 0 Mitglieder und 12 Gäste