Seite 32 von 35

Re: Bitcoin

Verfasst: 14 Feb 2018 08:31
von BrainBug
PlanetHarrieR hat geschrieben:"Island fürchtet Strommangel wegen Bitcoin

Island zieht wegen seiner niedrigen Strompreise immer mehr Rechenzentren an, die Bitcoins herstellen. 2018 könnte deren Energieverbrauch den aller Haushalte übertreffen."

http://www.spiegel.de/wirtschaft/sozial ... 93219.html" onclick="window.open(this.href);return false;

krass

mega scheissig :?

Re: Bitcoin

Verfasst: 14 Feb 2018 14:30
von Xinobrax2
Relativ...de Privathushalt macht i de westliche Länder grob so um di 25% us. Witeri 25% verbrucht s Gewerbe/Dienstleistige und di reschtliche 50% sind i de Industrie. Hinzue chunt na, dass de Stromverbruch vo de Miner nid mit de grössi vom Netzwerk korreliert und Hochrechnige daher ziemlich irrefüerend bzw. sinnlos sind. De Stromverbruch ergit sich letztendlich usere Kombination vom Difficulty Level und em Kurs. Da de Difficulty Level ali 2016 Blöck bzw. ali 2 Wuche neu berechnet wird und de Kurs laufend schwankt wär en Investition bi de Priise vo Island sowieso ziemlich riskant, will d Miner-Farme jederziit durch d Konkurrenz in Russland, Südamerika oder Indie chented übertroffe werde.

Allerdings hani sowieso d Vermuetig, dases bi sonige Artikel gar nid um realistischi Prognose gat...

Re: Bitcoin

Verfasst: 15 Feb 2018 18:13
von The Sheep
Es schint langsam wieder ufwärts zgo. De Bitcoin het soebe 10'000 Dollar Marke passiert.

Re: Bitcoin

Verfasst: 15 Feb 2018 18:40
von Vyse
Ziit zum Gäld akkumuliere für dä nächscht Crash.

Re: Bitcoin

Verfasst: 15 Feb 2018 19:50
von The Sheep
Was für en nächschte Crash? Hani de vorherigi verpasst ?

Re: Bitcoin

Verfasst: 15 Feb 2018 22:04
von Vyse
lol :lol:

obs e Korrektur oder Crash gsi isch, isch wohl Definitionssach.


Quelle

Re: Bitcoin

Verfasst: 16 Feb 2018 17:50
von Vyse
Genau eso :groel:


Quelle

Re: Bitcoin

Verfasst: 22 Feb 2018 19:15
von PlanetHarrieR
Binärstellenmünze

Re: Bitcoin

Verfasst: 12 Mär 2018 08:49
von meyerli
http://m.20min.ch/finance/news/story/23601592" onclick="window.open(this.href);return false;

Pornoindustrie mit eigete Coins... wäred jetzt na günstig :kicher:

Re: Bitcoin

Verfasst: 12 Mär 2018 10:05
von The Sheep
s'glich wie in der Casino Branche. Das Jahr an der Mäss in London het jede 2. Stand s'Gfühl gha si heged die offizielli Kryptowährig defür.
95% wärdet wieder in der Versänkig verschwinde.

Re: Bitcoin

Verfasst: 14 Mär 2018 10:50
von geosnow
so guet.

Re: Bitcoin

Verfasst: 14 Mär 2018 12:14
von thaeye
google sperrt s advertising für cryptocoins ico etc.

Re: Bitcoin

Verfasst: 14 Mär 2018 12:27
von Xinobrax2
Scho? Facebook het das vor einige Täg au scho akündigt...

Re: Bitcoin

Verfasst: 14 Mär 2018 12:29
von thaeye
jo google ziehts dure.

Re: Bitcoin

Verfasst: 14 Mär 2018 14:19
von geosnow
so schad. chamme kei chlialeger meh bschiise.

Re: Bitcoin

Verfasst: 14 Mär 2018 18:56
von Xinobrax2
geosnow hat geschrieben:so schad. chamme kei chlialeger meh bschiise.
Doch klar...alli andere Finanzprodukt sind na erlaubt.


Btw, de kreativschte Cypherpunks und Anarchischte im WWW d Werbig für ires Baby z verbüte isch biz churzsichtig und kontaproduktiv :lol: Die lueged sich s Gschäftsmodell vo Google a und denked sich "eigentlich chentmer sowas wie AdSense au mit Kryptos mache. Ideal wär en Coin für Micropayments, willmer denn pro Klick in Echtziit chenti uszale. Eigentlich brüchts nid mal e Firma dehinter, wilmer das au alles dezentral chenti automatisiere via Smart Contracts. Das spart Gebühre und bringt de Teilnehmer me Vorteil."...so, viel Vergnüege debi das z kontere...

Re: Bitcoin

Verfasst: 22 Mär 2018 22:30
von geosnow
das gaht aber nur, wenn scho de markt quasi beherrsche tuesch. aber d idee isch frech.

Re: Bitcoin

Verfasst: 22 Mär 2018 23:57
von Xinobrax2
Naja, gib dem Konzept mal 10 Jahr...

Sit Google gmeint het si müesid bi Youtube Content zensiere und demonetarisiere gits Steemit und D-Tube. Zwar no alpha und biz buggy, aber s Konzept verhebet. De Versuech Technologie oder Informatione z unterdrücke gat früener oder spöter immer chli nach hinde los...

Re: Bitcoin

Verfasst: 27 Mär 2018 10:43
von Acid
I hoffa hesch Recht Xino, bin aber no kli skeptisch...
I bin jo scho lang ufam anti Google Trip...han no nia dia Ding akzeptiart (nbid willi würklich glaub dasses was bringt, aber us Prinzip) wos eim wänd uftrucka, und gang drum nur im Privata Modus uf Youtube...aber i gang ständig für viles uf Youtube, und au mit Duckduckgo und so, gangi doch immer wieder in Private Modus uf Google, wills halt doch dia beschta ergebnis bringt, grad was s lockalisierte Suacha betrifft, kasch s andere komplett vergessa.

Und I würd grad so gern mini Shows und Podcasts nid uf Youtube luaga und aboniera (das machi jo eh per RSS, drum spilts miar eigentlich au kei Rolla), aber d Realität isch, dass halt dia meischta det sind, und wemer d Qualität (i meina damit nid d Bildquali oder so, sondern vom Bruucha her) vo andera Agebot, au serig wo scho lang uma sind wia Vimeo, aluagt, isch das halt leider irgendwia au klar...
Und es muas no nid mol Praxis orientiert si, also i weiss jo nid würklich wia Whats App isch, aber d Lüt frögend mi immer wieder öbi au han...I denk denn amigs, was isch eigentlich genau s Problem a E-Mail? Lüt wo Telefon hend womer guat kann Whats Appla könd det druf au E-Maila, und alli wo en Computer hend könnd au mitmacha, und dia wo google Wänd könnd det a mail ha und alli wo nid, könnd a anderi ha, und andersch wia bi vilna andere Sacha isch absolut nid kompliziert und schwirig.

Aber wer weiss, Facebook isch im Moment jo au grad wieder kli am serbla...aber realistischer als dasses tatsächlich a Open Source Alternativa oder so gäbti schiintmer denn halt glich dass d Lüt denn über Whats App drüber reded wia Scheisse Face Book isch, dassi ihres Konto löschä lönd, und Instagramm eigentlich eh langed...


Und halt au was Blockchain und so neui Technologia betrifft...a huufa Chance für a offeni Gsellschaft, aber d Wahrschindlichkeit dass denn doch vor allem bestehendi Struktura bedianand, und demit denn dura setzend isch nid so chli. Au wenns wohl selbscht denn änderiga wird mit sich bringa, wo villicht ganz guat sind, villicht aber au nid.

Re: Bitcoin

Verfasst: 27 Mär 2018 11:36
von Xinobrax2
Uf Youtube wird bi mir sowieso alles blockiert was trackt. Wemer da nid macht ischmer nach spötischens 3 Videos inere Filterblase :lol: Ufem Handy verwendi NewPipe, das isch sowieso viel besser als di normal Youtube App. Chasch z.B. au s Zügs als Audio/Video File abelade, oder Videos imene Popup überblende oder Audio im Hintergrund laufe la und de Screen usschalte.

Was D-Tube als Youtube Alternative betrifft, die bruched sowieso na es paar Jahr. S ganze basiert uf IPFS und das isch wiederum na i de alpha. Mis Projekt unterstützt ebefalls IPFS Files, aber ich hans uf de Website nanig aktiviert. Sobald die mal en Release Candidate hend gats los...und ich bin mir sicher, dass au na anderi Lüt a Projekt i dere Art arbeited. De Vorteil vo D-Tube isch halt unter anderem au, dass d Uploader via Steemit vergüeted werded. Hesch also quasi e Monetarisierig integriert und das sogar na oni Werbig.

Weg Facebook...kein Plan, hani scho ewigs nüm...WhatsApp hani na nie gha. Git scho lang bessers...

Re: Bitcoin

Verfasst: 01 Apr 2018 09:02
von Acid
Snowden: Satoshi is ex-NSA Researcher and Original Binance Seed Investor

https://www.icoexaminer.com/ico-news/sn ... -investor/" onclick="window.open(this.href);return false;

Re: Bitcoin

Verfasst: 01 Apr 2018 09:52
von The Sheep
Acid hat geschrieben:Snowden: Satoshi is ex-NSA Researcher and Original Binance Seed Investor

https://www.icoexaminer.com/ico-news/sn ... -investor/" onclick="window.open(this.href);return false;

oder au nit :kicher:

Re: Bitcoin

Verfasst: 03 Apr 2018 15:35
von Acid
ah ja, lol... :typej:

Aber eigentlich bi satoshi Meldiga jo glich was für es Datum dasses isch.

Re: Bitcoin

Verfasst: 03 Apr 2018 16:02
von Xinobrax2
Ich gsene das grundsätzlich so...

...wenn sich de echti Satoshi will oute, denn chaner sini Identität mit sim PGP Key zwifelsfrei bestätige. Weners nid will, denn wirds au nid passiere. Thema erledigt. So oder so wirds au in Zuekunft immer wieder Meldige ge wo irgend en Satoshi präsentiered...nid nur am 1. April...und mer chan das alles ignoriere wills eifach nur überflüssigs Ruusche i de Informationsfluet isch...

Re: Bitcoin

Verfasst: 23 Mai 2018 18:09
von feeshlee
https://digiconomist.net/bitcoin-energy-consumption" onclick="window.open(this.href);return false;

:typej: