hürat, aträg und so romantische scheiss

[Mastler(P)]

mir händ scho drüber gred, aber wieso findsch muen mer das unzähligi mal bespräche? wie vill mal wötsch das durre chätsche? gsesch ja das es schiens au ohni verhebe cha, wenn da paarne zuelosisch.

[Herr Rossi]

mach güeter treuing und bim standesamt damit dä papa staat quasi ihwilligt und euses bündniss anerchänt damit si da und bi mir bliebe cha.
sie fänd das natürlich super wenn mir igendwenn eh riese hochzit mit 1000 lüht und anderem gschmeuss hettet. nur scho will ihre dä bapi kei quinceañera geh hät, isch si jetz extra geil uf so ne riese fiir..

wieso häsch denn und wieso und wie schnell ischs dä bach durab?

Also wenner nur standesamtlich wend hürate damit si cha da blibe würdi nid sones Theater mache. Oder isch so so krass high maintenance?

Sind 10 Jahr zäme und devo 7 Jahr ghürate gsii, nachem 2. Chind hed si wider agfange herti Droge näh, lüge etc. Ha d
Notbrems zoge, miteme blaue Aug devo cho und für si kei rote Rappe müsse zahle.

Egal, isch 10 Jahr här. Recht doofi Ziit gsi, aber mini Mädels sinds trotzdem Wert gsi =)

Isch dini us Südamerika?

[Vyse]

mir händ scho drüber gred, aber wieso findsch muen mer das unzähligi mal bespräche? wie vill mal wötsch das durre chätsche? gsesch ja das es schiens au ohni verhebe cha, wenn da paarne zuelosisch.

Jäso, wänn bim Thema Ehe dSach klar isch unds nur no zumne Duurechätsche wird, isch ja guet. Dänn ischs individuell, wie me vorgah wott, pragmatisch oder Spektakel. Was eher zunenand passt.

[agestuffer]

Ich ubertribe evtl chli, aber verhürotet si isch s dümmschte woni i mim Läbe bisher gmacht ha. Oni Güetertrennig sowieso nid und denn au nur notariell beglaubigt.

Bisch demfall wieder gschidä oder ächt ünglücklich i de Ehè?
agestuffer

[agestuffer]

mir händ scho drüber gred, aber wieso findsch muen mer das unzähligi mal bespräche? wie vill mal wötsch das durre chätsche? gsesch ja das es schiens au ohni verhebe cha, wenn da paarne zuelosisch.

Wie wiil Stundä hesch denn scho mi ierä Verbracht? 100, 200 oder tuusigi
Sinder mal zämäzogä zum probierä und so?
Sex hender scho gha nimi ah
agestuffer

[Herr Rossi]

Ich ubertribe evtl chli, aber verhürotet si isch s dümmschte woni i mim Läbe bisher gmacht ha. Oni Güetertrennig sowieso nid und denn au nur notariell beglaubigt.

Bisch demfall wieder gschidä oder ächt ünglücklich i de Ehè?
agestuffer

Isch die frag ernst gmeint nachem läse vo mim 2. Post?

[Vyse]

Hüürate isch eh doof, aber whatever.
Was ich mich fröge wür, isch, ob sie nöd potentiell beabsichtigt Family "zimportiere"... nur so, ahfänglich schiint alles Beschtens und super romantisch und nahdisnah häsch immer öpper meh bi dier am Wohne.

[Mastler(P)]

Oder isch so so krass high maintenance?
...
Egal, isch 10 Jahr här. Recht doofi Ziit gsi, aber mini Mädels sinds trotzdem Wert gsi =)
Isch dini us Südamerika?

si brucht leider scho es guuets maas ah maintenance.
denn isch ja au nöd alles so schlächt gsi. beziehge wo nöd ewig hebet händ au ihre wert und positive sitene.
ja, sie isch vo deht ume.

Dänn ischs individuell, wie me vorgah wott, pragmatisch oder Spektakel. Was eher zunenand passt.

ich bin dä pragmatiker, sie brucht chli spektakel. mer muess halt ufenand zuegah und kompromiss träffe.

Wie wiil Stundä hesch denn scho mi ierä Verbracht? 100, 200 oder tuusigi
Sinder mal zämäzogä zum probierä und so?
Sex hender scho gha nimi ah
agestuffer

weiss doch ich nöd wievill ziit mer scho verbracht händ. ha kes save game.
ich kenn sie jetz denn 9 jahr, aber mir sind di meischt ziit nur kollege gsi und si isch nur öppe all jahr mal für 3 mönet da.
zämmezoge simmer nonig und ich gseh sie au momentan fasch nur am wucheend.
sex häts türli scho paar mal gha. deht bruch und wött ich aber meh als sie. das kenn ich us andere beziehge so au nöd.

Was ich mich fröge wür, isch, ob sie nöd potentiell beabsichtigt Family "zimportiere"... nur so, ahfänglich schiint alles Beschtens und super romantisch und nahdisnah häsch immer öpper meh bi dier am Wohne.

aso ihri schwöster isch scho es jahrzähnt da und gaht au gar nöd dfamilie deht bsueche. dä vater wötts land au vehement nöd verlah.
s einzige was sie gern wott, isch amigs chli geld abeschicke. aber wenn sie das selber verdient isch mer das eh scheiss egal.

bi mir wohnt nachr sicher keine usser sie.

[Herr Rossi]

Ich finds recht crazy dass öper wo mit so cheesy Romantikstuff nüt cha afoh im ne Gameforum nach Tipps fragt. Respekt!

[turntablism]

Mach was für richtig haltisch und machs richtig.
Muesch eifach no gseh, dass vilicht zwei verschidni kulture nöd immer ganz glich funked. Es mues einiges respektiert und akzeptiert werde, vo beidne.

[resuscitation]

hmm.. no spannend, dass dä Ribit no nüt gschribe hät

[Mastler(P)]

Ich finds recht crazy dass öper wo mit so cheesy Romantikstuff nüt cha afoh im ne Gameforum nach Tipps fragt. Respekt!

ich cha nöd nüht damit ahfah, aber ich bruchs nöd. wie gseid, sie scho bitz. macht doch eigentlich sinn das ich demfall nach input frög, egal wo.

Mach was für richtig haltisch und machs richtig.
Muesch eifach no gseh, dass vilicht zwei verschidni kulture nöd immer ganz glich funked. Es mues einiges respektiert und akzeptiert werde, vo beidne.

das isch mir klar und für mich kes problem.

hmm.. no spannend, dass dä Ribit no nüt gschribe hät

dä hät bi dem thema au no weniger ahnig als bi anderne.

[thaeye]

MACHS Nöd, ALS MAA MUESCH EH ZAHLE! aber easy losisch ufs "herz". wenns machsch den voll uf don romantico alles gueti!

[Mastler(P)]

ich ha wegm bundy beld grad wieder mal baar folge gluegt.
letscht jahr han ich mer mal überleiht gha ,dass ich gern so spielzüg ring chaufe wür zum dri blase wo denn pfieffed.
so eine wie dä al überchunt, won er vo dä aliens angst hät won em dsocke chlaue wänd.

wie heissed die? gitz die no irgendwo? passt jetz zwar nüm zitlich, aber ich ha die eich als ehe-gag welle verwände.
ich finds trotzdem no witzig und hett gern söttig. wo gitz?

[Mastler(P)]

MACHS Nöd, ALS MAA MUESCH EH ZAHLE! aber easy losisch ufs "herz". wenns machsch den voll uf don romantico alles gueti!

au du zahllsch für dini fründin. was spillts gross no für eh rolle?
logisch losi ufs herz. genau so wie wenn ich bim schach uf dä verstand los, isch das bi dere situation s wichtige organ.

[Vyse]

bi mir wohnt nachr sicher keine usser sie.

Scho guet so, aber es git Stories Mann, da vergaht dier sLache Sie, sorry, säge ja nur.

[zeromeier]

MACHS Nöd, ALS MAA MUESCH EH ZAHLE! aber easy losisch ufs "herz". wenns machsch den voll uf don romantico alles gueti!

au du zahllsch für dini fründin. was spillts gross no für eh rolle?
.

Ähm, nei?

[Mastler(P)]

Ähm, nei?

nie nüht? oke.

[Herr Rossi]

Inere gsunde Beziehig isch das usgwoge. E Frau oder Fründin wo finanziell abhängig isch, es absoluts No Go für mich. De Ehevertrag mues verdammt guet si, das hed Null mit Romantik ztue.

[zeromeier]

Inere gsunde Beziehig isch das usgwoge. E Frau oder Fründin wo finanziell abhängig isch, es absoluts No Go für mich. De Ehevertrag mues verdammt guet si, das hed Null mit Romantik ztue.

Das!

[Mastler(P)]

sicher verstahni. ich wott au nöd das sie finanziell abhängig isch, sondern mit dä ziit finanziell selbständig isch. sie au.

[Herr Rossi]

Hau ine!

[feeshlee]

pfff... sie hät mier dä ahtrag gmacht.
also hämmer 2004 ghürate.

[Ribit X Titan]

Ich sehe es bei uns kaum als romantisch an, nur voll sachlich und berechnend. Klar ist aber dass es bei jedem anders sein kann wie man zu Liebe findet, deswegen kann mir auch keiner ein narrensicherer Tipp geben, es gibt keinen.

Sind natürlich Luxusprobleme für Leute mit zuviel Glück im Leben. Das hier finde ich um einiges bedeutender:
https://theconversation.com/message-to- ... zon-115465" onclick="window.open(this.href);return false;
Schon wieder ein Extrem-Rechter Arsch in der brasilianischen Regierung, kann sogar gut figgen, für jeden toten Baum einen Stoss.

[thaeye]

de bolsonaro chunt bald dich au go fiiickkkeeeeeee. de gits dir richtig guet!