HTC Phone -> Android NOOB Fragä :)

[Jones]

Ja! und zwar scho agfange bim: wie abelade und installiere

step by step:

zersch ufem phone:
- einstellungen
- über das telefon
- MIUI-Version (für POCO) paarmal drufklicke bis und d'mäudig erschint "du bist jetzt entwickler"
- 1 x zurück
- abescrolle zu weitere einstellungen
- ganz unde "entwickleroptione"
- USB Debugging aklicke, die paar sekunde warte und bestätige

somit isch dis phone vorbereitet.

denn am PC die datei abelade:
https://github.com/Szaki/XiaomiADBFastb ... tTools.jar

muesch nid mau installiere. chasch anschl. direkt starte!




denn phone mit usb kabel ahänke und die PC software starte, ufem phone USB Debugging-afrag ufem screen bestätige und schwups hesch das progämmli offe mit zuegriff uf all dini dienste

alles, was im uninstaller deinstalliersch, landet automatisch im tab reinstaller.
alles, was im disabler usschaltisch, landet outomatisch im enabler

ig ha nüt deinstalliert sondern alles deaktiviert. chunnt ufs gliche use.

ig ha all die sache deaktiviert und es isch nie es problem ouftoucht!

[Avenger]

Gestures fing I no guet uf de neue android. Probiers us bevors deaktiviersch. Denn bruchsch au kreis, Dreieck etc nüm.

Bloatware nervt wirklich, drum han I mir es Nokia gholt. Die si nid speziell guet, aber isch meh oder weniger original android. E richtigi Wohltat!

Am beat sinere Signatur muess I immer gigele.

[Buccaneer]

Muss mi da würkli dureackere. Soviel zügs einer sich cha spare....

[Buccaneer]

Add blocker???
Wo au funktioniert wenn mehr zB indem YouTube APP inne Isch?

[feeshlee]

naja, mittem duckduck browser chasch au youtube-videos ahluege. via suechi / videos. die chasch dänn ohni werbig luege. allgemein wird werbig uf däm browser ziemli guet reduziert.

[Herr Rossi]

YouTube Vanced installiere und nie me yt Werbig und Ton bi usgschaltetem Screen

[Buccaneer]

Und das gaht au, wenn mer i de APP Isch?

[Jones]

I ha dr madame hüt grad es neus handy bstellt...
Es realme gt master..

Morn wird igrichtet...

[Herr Rossi]

Und das gaht au, wenn mer i de APP Isch?

Idee Vanced app, ja. Chasch als Standard YouTube app verchnüpfe, sogar mit dim yt login. Bescht!

[Buccaneer]

Warum macht de Google Play Store nüt meh?
Alles aktualisiere oder zum intalliere isch uf ausstehend....

So Lösige hani scho probiert:
https://www.heise.de/tipps-tricks/Play- ... 29867.html

Was i gester gmacht ha isch mis google Konto mal d Istellige chli gändered. Alles chli restriktiver gmacht mit Wärbig und Dateustusch und blabla. Chönnts a dem lige?

[Jones]

hesch i de settings dateverbruch ungerbunde? chasch für jede dienst und jedi app istelle...

[Buccaneer]

YouTube Vanced installiere und nie me yt Werbig und Ton bi usgschaltetem Screen

Uh das isch no tricky.
Natürli will google nid, das mer das hed und darum gitts es nid im Play Store. Aber es gitt dett hufe anderi, wo glich oder ähnlihc heissed. Fast wäri inegheit.

[Herr Rossi]

YouTube Vanced installiere und nie me yt Werbig und Ton bi usgschaltetem Screen

Uh das isch no tricky.
Natürli will google nid, das mer das hed und darum gitts es nid im Play Store. Aber es gitt dett hufe anderi, wo glich oder ähnlihc heissed. Fast wäri inegheit.

https://vancedapp.com/

De Vanced Manager installiere und denn innerhalb vom Manager microG und youtubeVanced installiere.

[Buccaneer]

Ja danke has de scho gschafft.
Well im Play Store alles chli komisch usgseh hed, hani gschnell gegoogled und bin de druff cho.
Funktioniert wie es Träumli! Danke!

Würkli es MUST HAVE.