ALCOM - Game Over

[agestuffer]

Schad, ALCOM hört mit Games und Co uf. Nur no PC/Computer Shop

https://www.alcom.ch/index.php

agestuffer

[abyss]

Fuck! Dasch doch Scheisse! Dir heit so geils Merchandise gha!

[Master(G)]

scho krass... has geschter au gseh, uf instagram:

[Jones]

schad...

[Master(G)]

aso GAME OVER isch es ja ned! muess mer scho klar stelle.

aber; isch vermuetlich die bescht lösig für beid parteie. alcom hett sicher kämpft ide letschte jahr. ich mein, de hett sicher jenschtes chole verlochet für merchandise wo jetzt nur eifach "umestaht" und au für games, will sie nie das kontingent chönt inehole, wos vielleicht brüchtet. es isch au niemals das finanzielle polster vorhande, wo en WoG hett und bevors jetzt komplett down-under gönd, isch en spezialisierig die logischi schlussfolgerig.

de WoG profitiert vo neue chunde und de alcom spart massehaft chole und närve mit dem schritt.

ich mein, gamer-pc's und hardware isch jetzt nix, wo de WoG bsunders guet drin wär. ich find das ergänzt sich guet. d'schwiiz isch eifach zchli für zwei, zumal de WoG ide letschte 10 jahr eifach übermächtig worde isch, was games und merch agaht.

[Kretinou]

Ich erinnere mich, dass ich auf dieser Seite Neo-Geo-Spiele gekauft habe.

[Master(G)]

(G)net isch 14 Jahr Werbepartner gsi vom Alcom, bis de Andy 2013 beschlosse hett, dass er das "Budget" für eus nüm hett. Denn bini zum WoG go fröge und sitt 2014 simmer WoG Partner. De WoG isch scho de bescht ide Schwiiz wenns um Games und Merch gaht. Sauschnell, unkompliziert, grosses Lager, sehr gueti App und Website, easy Bstellvorgang, sehr kulant bi Retoure und Garantiefäll...

[Moff]

rip, ha det mal min gamecube kauft ha wo mit schalter het chönne ntsc-us und ntsc-jap spiele, geili sach gsi

games mässig bini halt sit über 10 jahr 99% digital

[Jones]

games mässig bini halt sit über 10 jahr 99% digital

ig äbe o...
sit ig nur no am PC spiele, isch alles digital...
o uf dr switch hani mittlerwile meh als 50% digital...

[siralos]

Das merchandise zeug isch doch nie guet gloffe, viellecht i de nuller jahre ohni aliexpress und co ja.

Besser sich uf öpis spezialisiere anstatt jenstes zueg zu verchoufe.

[sidusson]

Ja huere schad. Bi alcom bini scho guet 20 jahr chund gsi. Aber ja gschidr so aus komplett game over.

[LuiStyle]

Finds jetzt chli schaad , han frühner det viel Geld liege lah. Es isch geil gsi mitem Agestuff in Lache, wo dä Pitch gange isch, isch es irgendwie nüm s’glich gsi und sit dä Onlinemarkt boomt hani det sehr selte innegluegt und ikauft. Ich hoffe sie findet sich z‘recht im PC Märt wo au sehr hert isch.

[siralos]

Pc markt isch no herter findeni.
Da sind scho anderi wo billiger gsi sind als digitec zue gange zb. Topd, stegpc.

[agestuffer]

Han ja gschribe Game Over - also Games sind gmeint.. Nid ALCOM isch over
Gueti Ziite dette gha bim ALCOM - schad isches mit Games verbii..

[zeromeier]

Ewig nix meh kauft det, bi wog aber au nöd. Wenn i ide ch e konsole will, digitec usw. Games e all digital. Absehbar gsii das bim Alcom.

[Reinforced]

R.I.P. Games bi Alcom bstelle lang min Hauptlieferant gsi bi neue Games oder au paar Retro Sache. Ehrlechgseit o sitt 2020 nüme poschtet dört halt o nüme mit an board bide neuschte Konsole.

was mir ono in Erinnerig isch blibe isch de Shop idr Berner Altstadt mitem Vodka James u.a. Espgaluda uf PS2 kauft dört De isch aber leider schnell mal wieder zue.

[siralos]

Ja dä unge i bern hani ou diversi games chouft gha unger angerem ff7 us.
Dr center bi de ziitglogge, da hani min umbaute dc poschtet gha und de psx la umboue....bim alcom hani eifach jenstes us zueg bestellt.

[Jones]

Bi zytewiis jedi wuche bim james im lade gsi woni no z'bern büglet ha...

[Seppatoni]

Sehr schad. Als Chund sit AGEstuff Ziite bini dozmol dur d'Fusion und em Pitsch sim Wechsel (Ende 2001?) ebefalls zu Alcom gwechslet und bi bis etz treue chund blibe. Ha nie Problem gha, immer zfride gsi. Sehr schad, aber wohl en nötige Schritt. Han ghofft, dass mit de Wiederufnahm vo Reto vor es paar Mönet wider chli verstärtk uf es Umfangrichts Sortiment gsetzt wird, aber das het sich etz demfall recht schnell erledigt gha.

Vor em AGEstuff bini bereits WoG-Chund gsi, han döt no mini SNES-Spili bstellt gha. Und etz demfall für mi wider back to the Roots.

[Moff]

Pc markt isch no herter findeni.
Da sind scho anderi wo billiger gsi sind als digitec zue gange zb. Topd, stegpc.

steg isch ja vor paar mönet zuegange
het mich au überrascht, dass aclom das macht, also dass pc hardware offebar lukrativer isch als games

[Mr Burzel]

Frog isch nur wie lang…de PC Markt isch doch def. gsättigt und viele kaufe doch Ihre Gamer PC z.B. bi Joule…

[siralos]

Weiss ou nid wie das sötti ga. Pc hardware isch ja no schnällläbiger als konsole markt und soo vieli pc baschtler hets ja ou nümm.

Hoffe sie halte sich irgendwie über wasser und stiege de wieder mit games und konsole iche.

[LuiStyle]

Simer ehrlich das chunt nöd lang guet!
Ich han nonie irgend en PC bi ihne kauft, will sie immer z‘tüür gsi sind und händ schwächeri Hardware drin gah vergliche mit anderi Abüter.

[Master(G)]

Simer ehrlich das chunt nöd lang guet!
Ich han nonie irgend en PC bi ihne kauft, will sie immer z‘tüür gsi sind und händ schwächeri Hardware drin gah vergliche mit anderi Abüter.

valid point!

[Mr. Heli]

pc markt chani nid beurteile, da ich selber nid spiele. aber ich denk mit steg und co, sowie allem was über platforme (digitec etc.) lauft, wirds en sehr schwere stand ha.

games bi alcom isch super gsi, zwar immer en stutz meh zahlt, defür s game scho 1-2 täg vorem offizielle release becho
im lade bini nur einisch gsi, dete wo de pitsch no det gschaffet het. go de DS bi release abhole.

jez bini au bi wog.