Welchen Film oder welche Serie hast du gerade gesehen?

[Mastler(P)]

street fighter dä film 7/10 s letscht mal ih dä 90er im tv gse. ha dä trashig schlächt im sinn, debi isch er trashig guet. dä raúl isch grandios. cha sini szene immer wieder luege.
addams family & family values 7/10
bio dome 2/10 ich han en gar nüm fertig gluegt, was für en scheiss.

[The Sheep]

Lovecraft Country [S01 Episode 1 & 2] (3/10)

:typej: Was für e konzäptlose Müll. De H.P. würd Tentakel us sim Sarg wachse lo, wenn er wüsst was die us sine Stories gmacht händ.
Es isch vo afang a klar worde, dass HBO s'Thema Rassismus in dere Serie wichtiger isch als de Räscht. Und ich has wirklich versuecht z'akzeptiere. Aber es passt eifach nit zämme. Mir wärs lieber gseh, sie hättet en ärnschthafti Serie zum Thema Schwarzi in Amerika zu dere Zit gmacht, als sones dumms Crossover. Und das sag ich als Lovecraft Fan!

[Mastler(P)]

Es isch vo afang a klar worde, dass HBO s'Thema Rassismus in dere Serie wichtiger isch als de Räscht.

lol, wie watchmen.

[Vyse]

Also wenn mir de gliech Film meined wo sich es paar Lüt zum Znacht treffed chämt dä vo mir höchstens 3/10 über. Hundslangwielig gsi

The Invitation 8/10

Jup, dä. Ich mags mängisch no, wänn en Film sich nöd ständig um miini Uufmerksamkeit bemüeht und mich zwanghaft underhalte will, sondern bitz subtiler isch.


Radius 7/10
Rächt en orginelle Film. Bitz Mystery, Thriller, Drama, en Huuch übernatürlich aber so integriert, dass es nöd abghobe würkt. Eher langsam. Mega guet.

[agestuffer]

King of Qeens, Home Improvment und Knight Rider.. Luegi immer mal wieder.
Knight Rider isch vorallem truurig, die Stunts und so sind unter aller Sau..
agestuffer

[Avenger]

Knight Rider, immer wieder super! Am beste vor jeder Folg d Sprittwoch-Reviews läse. Denn isch es grad no viel geiler.

[Herr Rossi]

Adams Apples, The Big Lebowsky
Beidi 9/10

All paar Jahr wieder, evergreens

Am Weekend gib mer Tenet, ha null Erwartige, vermuete aber zvil Pathos und massiv Logiklöcher

[FarCry]

TENET - 8/10
Wie Inception und Memento auf Drogen.

[rebornkid]

TENET - 8/10
Wie Inception und Memento auf Drogen.

Gangi morn go luege, bin mega gspannt.

[Vyse]

Hmm, Trailer gseht uhuere lame uus, wänns nöd en Christopher Nolan wär, wäri nie uuf dIdee cho, dä z luege. Easy, die meischte Trailers sind eh totali Katastroph.

[abyss]

Bi mir isches so: Trailer super/Film scheisse...Trailer shitty/Film süper...

[Vyse]

Isch ebbe würkli so.

[joe_higashi]

stalingrad 8/10..hanen weniger derb in erinnerig gha. endli mal ide langfassig gseh. sehr guete duetsche anti chriegsfilm.

[Herr Rossi]

Uncut gems 4/10
Luut, langwilig, nervös, schlechti Schauspieler, null Inhalt

Hend ne s vierte gluegt, 2 hend ne cool gfunde wil de Sandler kei Blödelmann schpilt, was er aber schpilt. Offebar isch es beabsichtigt dass de Film eim sett uf d Nerve ga, ich ha ne hauptsächlich belanglos und langwilig gfunde. Zum Glück hemmer es paar feini Bierli (9/10) und e guete Wii (8/10) dezue trunke.

E Film womer schnell wieder vergisst

[rebornkid]

Hmm, Trailer gseht uhuere lame uus, wänns nöd en Christopher Nolan wär, wäri nie uuf dIdee cho, dä z luege. Easy, die meischte Trailers sind eh totali Katastroph.

Hey nei, han absolut nix begriffe! Aber isch so guet inszeniert. Muess en den die Hei sicher nomal luege. Bim grad braindead.

[The Sheep]

Bill and Ted: Face the Music (6.5/10)

nit ganz so schlächt wie erwartet, aber fascht

[Vyse]

Muess en den die Hei sicher nomal luege.

Wänn en Film muesch nomal luege, ischs doch meischtens es sehr guets Zeiche
Han genau sgliiche bim Blade Runner 2049 befunde und en zweite mal grossartig gfunde.

[rebornkid]

Muess en den die Hei sicher nomal luege.

Wänn en Film muesch nomal luege, ischs doch meischtens es sehr guets Zeiche
Han genau sgliiche bim Blade Runner 2049 befunde und en zweite mal grossartig gfunde.

Uf jede fall, aber de movie isch scho grad chli hardcore was dStory agaht.

[Herr Rossi]

Wänn en Film muesch nomal luege, ischs doch meischtens es sehr guets Zeiche

Wenn i en Film es zwöits mol mues luege wil ne nid tschegge lits meischtens dra dass es nid beabsichtigt isch de Film ztschegge (Lynch Style).

Tenet 6/10

Audiovisuell 10/10
Story 7/10
Em Film unnötig Komplexität verabreiche 3/10

De Nolan hed glaub zvil Ziit gha und hed vili kreativi Asätz selber zerstört. Schad...

[Mastler(P)]

Wenn i en Film es zwöits mol mues luege wil ne nid tschegge lits meischtens dra dass es nid beabsichtigt isch de Film ztschegge (Lynch Style).

findi eigentlich au. entweder isch es kunscht wo uf sache dühted aber für verschiedeni interpretatione offe isch, oder es isch eifach scheisse erzählt. guet, ich ha damals vo lüht ghört wo dä erscht matrix nöd uf ahieb cheggt händ. es gitt demnach für mich au eifach lüht wo zwenig kapazitäte händ um gwüssi sache grad zverstah.

black sheep 6/10
eigentlich nur weg derre szene wieder welle luege:


Quelle

moon over parador 6/10
scho recht es produkt us sinere ziit vor machart her. dä lead hät mer nöd so passt, amigs bitz campy. ràul isch no früsch gsi.

[Master(G)]

Coma (2019)

sone russischi produktion mit rächt guete special effects. sthema wär eigentlich no interessant, aber de film hett ned ganz überzügt

5/10 - (6/10 wäg special effects)

[OlDirty]

The professor 8/10

eigentlich tragisch und doch sehr amüsant und unterhaltsam

[Mastler(P)]

adams apples 8/10 gueti charas, paar wtf momänt. no güet. dangge.

[Herr Rossi]

Bitte

[Mastler(P)]

Uncut gems 4/10
Luut, langwilig, nervös, schlechti Schauspieler, null Inhalt

hät mich au nervös gmacht und am schluss denn depri.

dä kolleg hät gmeint good time wär no schlimmer und sie händ überhaupt kei good time gha im film.