ich has jetzt au chöne spiele, dank em mr.raw!
am afang, die erste paar sessions hani no dänkt; shit, huere schwer, wenig durdachts leveldesign, hektik... aber denn hanis gschnallt.. mit em slide! de slide isch mega, mer isch ja unverwundbar wemmer slided, das isch key! und plötzlich sind die ganze vermeintlich unfaire stelle gar nüm unfair.
ich finds würkli mega! grafik isch super und es lauft wie es träumli. stürig schön schnell und direkt. numme dass mer mit D de schuss fixiert isch bitz müehsam und gwöhnigsbedürftig, will mer das feature doch no viel brucht, also ich.
huere viel hübschi details.. chickens am afang wo die kille chönd, die viele verschiedene gägnertype. de wilhelm-scream. und die viele verschiedne todesarte vo dinere spielfigur. super.
i jedem level gitts no neui gägnertype, sogar im letschte no (de indiana-jones-glatzchopf-boxer-nazi!)
nahkampf agriff mit em mässer sind au super. chasch de gwüssi schwere gägner hinterherlaufe und sie abemässerle.
bitz schad isch, dass de bärenfresser und herrin peitsche ned grösser inszeniert worde sind, so als ändgägner...
das mit de beide modes t- und c-mode isch au super. grad für mehrmaligs durespiele.
die letschte paar level sind sind ja huere wolfensteinmässig
aso wenn das mal für ps4 oder switch oder sowas chunt, isch das sowas vo kauft!
"auf geht's!" - "maschinenpistole".... lol... so super.
