The(G)Forum

https://www.ricardo.ch/de/a/sony-playst ... 243492672/
evtl. au schon erwähnt worde...mal abgseh vom für mich absurede Priis. Wie funtkioniert das bi dem Grading vo Konsole, wänn die öpis ufmached, wo ja neu sött sie, isch es nachher ja nöme ungeöffnet oder beurteiled die eifach de Zustand vo de Box? Crazy World, wo Lüüt glaubed, Videospiel seged Investitionsobjekt.

Ech find all das Grading lächerlich. S'einzig wo mer gfallt sind diä Videos, wo eine Gradeti Games chauft ond ahschlüssend d'Verpackig uufriist ond gamet demit.

passend zo de 72 Sticks.... 16 Commodore Monitore!!
Cha die Auktion ned eine vo euch ersteigere ond mer den en COMMODORE 1702 verchaufe???
Ech sueche scho lange eine...bruche aber ned 16 Monitore :typej: (ech zahle för 1 wohl meh als för all 16)

https://www.ricardo.ch/de/a/16-stueck-o ... 244831690/

Ich bis am beobachte.
Aber ehrlich gseit weissi au nöd, wasi mit 15 Monitore (wänni eine dir gibe) söll afange

Rtron hat geschrieben: ↑06 Nov 2023 15:45 Ich bis am beobachte.
Aber ehrlich gseit weissi au nöd, wasi mit 15 Monitore (wänni eine dir gibe) söll afange

ech tänke, guet d'hälfti chasch vertschutte... ech nähmt sogar beid 1702 för sicher en hunderter

Miini Fründin wür mi kille, wänn ich mit 16 Monitore ahchämt

Rtron hat geschrieben: ↑06 Nov 2023 16:13 Miini Fründin wür mi kille, wänn ich mit 16 Monitore ahchämt

nor no 14
dä Fade nähmt vellecht au no eine, dä 13
wenn no en Umfrog machsch im Verchaufs-Thread sind am Schloss velecht nor no 5 und du häsch 500 Stutz gwönn gmacht

https://www.ricardo.ch/de/a/1244809196

Die wäret doch au guet. Dä wärets nume 6

esch aber kä COMMODORE 1702 debi. Ech wott äbe GENAU DÄ!

Jä so

Verkaufen sie die anderen einzeln - da verdienen sie sicher mehr

geosnow hat geschrieben: ↑09 Nov 2023 11:44 Verkaufen sie die anderen einzeln - da verdienen sie sicher mehr

aso mach!
du chaufsch jo au sosch immer jede shizzle. Los!

nimme 1x oder 2x de 1702 Monitor!!

Ich würd en 1084er mitmeh scart input ne, also no eine weniger
En 1702 hani, C64 min erschte eigne compi, damals im dorflade am chundeverkaufsbrettli en zettel gsi, c64 moni printer und x gedöns 4 free.
Uf dem moni hani den au Amiga, NES, SNES gamed als chline, zwar nur mono sound aber defür mit besserem bild als rf, hani als chline aber nöd checked. Er lauft immer no

gsehsch jetzt Rtron! Scho bisch fasch d'Hälfti los!

öb all laufd isch denn no en anderi Frag... Das ghat use Auktion ja glaub nid so genau uusse

agestuffer hat geschrieben: ↑12 Nov 2023 19:19 öb all laufd isch denn no en anderi Frag... Das ghat use Auktion ja glaub nid so genau uusse

stimmt. de holy shit esch krass tüür weg... über 100 stutz pro Moni

hött mol entgäge em slogan: wäder "rare" no "special"....
ben ech eigentli de einzig wo di tomme 1UP-cabs ofe sack gönd?

https://www.ricardo.ch/de/a/arcade1up-c ... 246935308/

s'einzig, aber wörkli s'einzig guete dra esch, dass es all die newbie-nerds bedient, wo ned druus chömid oder ned wend gschiihts Geld id Hand nä und somit die rechtige Cabs ned no meh id höchi triibed.

^ ^ du gisch dir gad selber d‘Antwort. Ich find so züüg guet, ich han kei platzt das, aber dä priis isch :typej:

Blast City, Astro City, Egret 1:1 Replikas würd ich sofort chaufe, Ghüs us Glasfasere, 4:3 LCD Screen und Ahschlüss für PC, Switch etc.

sirarthur hat geschrieben: ↑01 Dez 2023 15:52 Blast City, Astro City, Egret 1:1 Replikas würd ich sofort chaufe, Ghüs us Glasfasere, 4:3 LCD Screen und Ahschlüss für PC, Switch etc.

geil, dä chömid mer eus null id queri

wer no es edlers Wiehnachtsgschänk suecht:
https://www.ricardo.ch/de/a/simulator-r ... 247325690/

Hät de au Hydraulik?

Mumer ha...PS1 för 20K
https://www.ricardo.ch/de/a/1243492672

m.o.terra kaesi hat geschrieben: ↑12 Dez 2023 18:31 Mumer ha...PS1 för 20K
https://www.ricardo.ch/de/a/1243492672

Denn sin jo das do grad Schnäppli:
https://www.ricardo.ch/de/shop/MrFrazCo ... gory=82018

m.o.terra kaesi hat geschrieben: ↑12 Dez 2023 18:31 Mumer ha...PS1 för 20K
https://www.ricardo.ch/de/a/1243492672

Isch ja nöd mal die erst Version