The(G)Forum

calanda hat geschrieben: ↑09 Mai 2023 18:38 Meier mer merkt das du im reisemodus bisch. Kenne viel wo so denkt hend in dere zit wos am reise gsi sind. Aber irgend wenn holt di realität wieder i

Absolut korrekt. Kenn au eini wo ersch grad 3 Mönet Sabbatical gha het inkl. x-Wuche Sälbschtfindigswältreis. Chum wieder zrug hets ere nach 3 Tag scho wieder total abglöscht.

Das isch entweder s'falsche Mindset oder dr total falschi Bruef. Villicht öpis mit "Sinn" mache - (no meh) Chinder oder so?

Es isch ganz eifach dEntfremdig vo eim sälber veruursacht duur Arbet, e Spaltig vo diim Wese erzwunge duur dNotwändigkeit vo dä Lohnarbet. Diini authäntisch, innere Regige und Impüls muesch du unterdrücke oder sogar vernichte und demit dä Gwaltakt uushaltbar wird (will das, es sich täglichs, wiederholds Trauma isch), muesch en Wesensspaltig vo dier sälber vornäh, also, du muesch innerlich abwesend si, zum e Retraumatisierig möglichsch zverindere und chasch erst authäntischi Ahteil vo dier wieder zuelah, sobald du in Sicherheit bisch, also fern vo dä Gwalt vom Arbetsort, ah däm über eim verfüegt wird under omnipräsente Ahdrohige vo Konsequänze, wänn dich dä uuferleihte Strukture widersetzisch. Es isch en systematischi Vernichtig vom däm, was me mänschlichi Essänz oder sWesentliche im Mänsch wür bezeichne. Mänsche werdet ganz eifach broche.
Die Gfährdig spüred natürli dMänsche aber sie chönnts nöd rächt iiordne oder düte, will dLohnarbet isch ja zu öppis natürlichem und sogar sinnstiftendem erchlärt worde aber dass dä Widerspruch so krass chann si, zw. däm wies erläbt und wies vermittlet wird, will me ja gar nöd so rächt annerchänne.

Isch jetzt eher es Essay gsi über dr Militärdienst aber egal ...

Militär macht meh Sinn, en Vorbereitig zum das verteidige, wo me liebt: siini Heimat. Da bringt me eher no es Opfer und es isch ja nöd es stetigs Müehsal, sondern RS und bitz WK (seiht dä, wo weder no gmacht hät).

Denn gang doch zum Militär goge schaffe wenn das s'gringere Üebel isch. Et voilà:

https://www.vtg.admin.ch/de/karriere/be ... erufe.html

Das isch jetzt eifach voll nöd dUussag vo miim Geschriibsel gsi

Vyse hat geschrieben: ↑14 Mai 2023 10:36 Das isch jetzt eifach voll nöd dUussag vo miim Geschriibsel gsi

gwüssi lüt hei's prinzipiell nid eso mit textverständnis weisch... 3,2,1, triggered...

Vyse hat geschrieben: ↑14 Mai 2023 10:36 Das isch jetzt eifach voll nöd dUussag vo miim Geschriibsel gsi

Scho klar - Dich schiisst eifach s'Schaffe an sich grausam ah - vor allem für öper anders. An sich no verständlich wenn mer en doofe Job het.

Aber mit so Sache wie "und demit dä Gwaltakt uushaltbar wird (will das, es sich täglichs, wiederholds Trauma isch" übertribsch villicht scho es birebitzeli.

Was macht eigentlich dä PHEV-Störsender dauernd do?

sorry muesch haut wieder i dis monolog topic...

calanda hat geschrieben:
Meier mer merkt das du im reisemodus bisch.

Fertig Reise-Modus, bin eher a dim Modus interessiert (eigets business).

zeromeier hat geschrieben: ↑14 Mai 2023 21:32

calanda hat geschrieben:
Meier mer merkt das du im reisemodus bisch.

Fertig Reise-Modus, bin eher a dim Modus interessiert (eigets business).

Ah scho ha gmeint gasch wieder uf columbie?

Ja den viel erfolg bim umsetzte

vectrex hat geschrieben: ↑14 Mai 2023 13:37

Vyse hat geschrieben: ↑14 Mai 2023 10:36 Das isch jetzt eifach voll nöd dUussag vo miim Geschriibsel gsi

Scho klar - Dich schiisst eifach s'Schaffe an sich grausam ah - vor allem für öper anders. An sich no verständlich wenn mer en doofe Job het.

Aber mit so Sache wie "und demit dä Gwaltakt uushaltbar wird (will das, es sich täglichs, wiederholds Trauma isch" übertribsch villicht scho es birebitzeli.

Was macht eigentlich dä PHEV-Störsender dauernd do?

Sowiit verbiigschosse isch das imfall nöd. Marx hät das sehr guet und nahvollziehbar erchlärt und das isch ja nöd es theoretischs Konzept, sondern en beobachtbari Uuswürkig uuf dä Proletarier, also die meiste vo eus.
Anstatt öppis mit Wert zerschaffe (und was Wert hät, isch nöd immer ökonomisch verwertbar), wird dä Mänsch zumene blosse Uusfüehrigsprozäss reduziert. I däm Produktionsprzäss, bisch du als Individuum uusgschlosse, du stahsch i keim Bezug zu dier sälber, sondern wirsch als rein üsserlichi, unpersönlichi, biologischi Produktions-Entität iigsetzt, zum erreiche vomene Ziel/Produkt, wo nüüt mit dier ztue hät, sondern sZiel isch vom Betrieb.

Dä Arbeiter hät kein Ifluss uuf dä Ablauf und dProzäss und fühlt sich entfremdet. dArbet wird zumene blosse Mittel zum überläbe und entbehrt jeglichem, individuellem Wert, dArbeiter sind zwunge sich imene entfremdete Zustand zbefinde, was ihri Mänschlichkeit beiiträchtig und das chann sowiit Konsequänze ha, dass me au usserhalb vo dä Arbet siini Umgäbig uufgrund däm empfundene Schmerz ahfaht zerstöre (Entfremdig = Schmerz/Liid), was wiederum en zuesätzliche Iibruch vo dä Mänschlichkeit zur Folg hät usw.

zeromeier hat geschrieben: ↑14 Mai 2023 21:32

calanda hat geschrieben:
Meier mer merkt das du im reisemodus bisch.

Fertig Reise-Modus, bin eher a dim Modus interessiert (eigets business).

Das will jede. Wälle bringt no absolut gar nüüt. Ich will das siit über 20 Jahr, wie aber me exakt öppis uufbaut und was, bliibt wiiterhin absolut unbeantwortet. Also ganz konkret: Was machsch exakt, nachdäm dä Entschluss gfasst häsch i dä nächschte 48 Stund? Wie gseht die ganz Woche uus und was sind dMeilestei für die nächschte 3 Möned?
Wäm Lüüt ich ah? Was isch dä Inhalt vomene Mail, wo ich ah wer genau muen schicke? Was für e Websiite mueni baue? Was söll dä Inhalt vo däre sii usw.? Das sind alles Frage, wo niemert beantwortet, will niemert öppis weiss oder chann konkret werde. All findet: "Ja, das muesch halt scho sälber uusefinde". Well shit, wänn ichs in 20 Jahr nöd uusgfunde han, wird ichs au nöd i dä nächschte 20 Jahr uusefinde.

eigeständigkeit isch ja scho was schöns, aber übertriebets nöd mit schönrede, nöd vergesse me gat vilfach ines härts finanziells risiko bi de eigeständigkeit. und schliesslich bisch den glich am "markt" usgsetzt und muesch verchaufe chöne.

Eigeständigkeit macht i miine Auge nur i zwei Situatione Sinn: Entweder häsch en Familiebetrieb, wo siit Generatione wiitergäh wird (und etabliert und profitabel isch) oder du bausch eine uuf, zum en nacher für paar Millione verchaufe bzw. wänn er dier über Jahre Millione Profit iibringt (paar Millione).

thaeye hat geschrieben: ↑15 Mai 2023 14:40 eigeständigkeit isch ja scho was schöns, aber übertriebets nöd mit schönrede, nöd vergesse me gat vilfach ines härts finanziells risiko bi de eigeständigkeit. und schliesslich bisch den glich am "markt" usgsetzt und muesch verchaufe chöne.

im moment würi nia meh öpis anders welle... es wird en ziit cho wo mi au das aschisse wird oder i mini strategie ändere muess will i 55 bi und nuem wia es jungs rehli uf em dach umehüpfe cha. finanziells risiko hesch scho, trotzdem hesch au en finanzielli freiheit. je nach branache muesch nid mal guet verchaufe chönne

calanda hat geschrieben: ↑16 Mai 2023 04:10

thaeye hat geschrieben: ↑15 Mai 2023 14:40 eigeständigkeit isch ja scho was schöns, aber übertriebets nöd mit schönrede, nöd vergesse me gat vilfach ines härts finanziells risiko bi de eigeständigkeit. und schliesslich bisch den glich am "markt" usgsetzt und muesch verchaufe chöne.

im moment würi nia meh öpis anders welle... es wird en ziit cho wo mi au das aschisse wird oder i mini strategie ändere muess will i 55 bi und nuem wia es jungs rehli uf em dach umehüpfe cha. finanziells risiko hesch scho, trotzdem hesch au en finanzielli freiheit. je nach branache muesch nid mal guet verchaufe chönne

d marktbegebeheite änderet immer widr, du häsch jetzt chli glöggli weg solar und grad sind handwercher widr gsuecht, aber au das wird widr ändere und es wird fürd baubranche härter, i de usa isches jetzt scho sowiit, d schwiiz isch weg de höche zuewanderig bisher na vomene ibruch im immo sektor verschont blibe.

Also findsch höchi Iwanderig no guet?

bin ich hüslibsitzer? haet zvill zvill güsl i dem land.

thaeye hat geschrieben: ↑16 Mai 2023 08:43 güsl

Hippster?

modischi erschiinige chönd au güsl sii ja. meistens mensche vo bsunderem schlag wo sich dem abiederet.

Da lauf ich lieber mit mine violette Hakamhose ume und chaufe bio ur dinkel brot im secondhand lade.

Buccaneer hat geschrieben: ↑16 Mai 2023 09:16 Da lauf ich lieber mit mine violette Hakamhose ume und chaufe bio ur dinkel brot im secondhand lade.

I understood that reference

Vyse hat geschrieben: ↑15 Mai 2023 14:14 Also ganz konkret: Was machsch exakt, nachdäm dä Entschluss gfasst häsch i dä nächschte 48 Stund? Wie gseht die ganz Woche uus und was sind dMeilestei für die nächschte 3 Möned?

Gang wieder nach Kolumbie, wieso au nöd.

calanda hat geschrieben: ↑15 Mai 2023 03:37 Ah scho ha gmeint gasch wieder uf columbie?
Ja den viel erfolg bim umsetzte

machi au, Langziit-Ziil, aber die negschte paar Mönet werded vermuetlich no müesam, willi aktuell no kei Ahnig han wer mir weli Informatione gid, wo ich bruch

Aber no risk no fun und wie de Röné richtig seid, isches letschtändlich es finanziells Risiko. Ich bin aber lieber irgendwenn alt und säg, ich bin das igange, als dassi immer dänk "oh hätti doch" oder "wieso hani nur nöd" blabla, s'Läbe isch zchurz für Floskle, Angscht und Zrugghaltig, all in.

Worst Case chumi zrugg und schaff da wieder, hani scho >20j gmacht, chönti au no wiiteri 20, wenni müsst. Aber wenni 5 vo dene 20 was anders gmacht han, isches ehrlich gseid scho en Erfolg gsii.

@Vyse: Ide CH chönti au nüd mache, will zwenig Kapital.

Ich han nie dä Mangel ah Kapital für es Startup als Problem ahgseh, sondern sWAS. WAS machsch genau? Will wänn das häsch und en regelmässige Gwünn erziele chasch, nur scho regelmässigi 1000.- pro Monänt, dänn chasch es skaliere und Skalierig hät ganz klari Abläuf, wo me chann wiederum, Schritt für Schritt konkret umsetze. Aber solang s"was" nöd klar isch, sind Motivation,sMindset, usw. absolut irrelevant.