The(G)Forum

zeromeier hat geschrieben:

Unseen hat geschrieben:Werd secher weder besser.

Same reaction here

S10E21 =

Zämefassig: Carol chocht und de Daryl repariert sis Töffli

20+21 =

22 esch weder rächt ordentlech gsi. Uf IMDB sogar met 9.6!!!

FTWD esch weder trurig gsi. Mann!

9.6 wahrschiinlich will das inzwüsche wüki nur no Lüüt lueged wo au gzsz mit 10/10 Bewerted.

die wüssed afe au nüm was bringe.
jetzt isches scho fascht en polit-thriller mit bitz zombies drin.


zum glück isch glii fertig.
aber denn chunt ja de ableger mit em negan und de maggie rofl.....

Gits das immer no?

ja die letscht season jetzt... jetz sinds innere funktionierende stadt mit ere 2 klasse-gsellschaft. luxus. geld. intriege. politik. entführige und anarchistischi rebelle mit stormtroooper outfits. katastrofe das.

Gloub das erspar mer...

und was sölled die batman-flügeli am arm? kei ahnig. :typej:

danke, hollywood.

Du bisch sicher dass nid Star wars mit Walking dead verwächslisch?

sogar mit atemmaske geg dä zombievirus

The woking dead

Master(G) hat geschrieben: ↑30 Mär 2022 11:32 aber denn chunt ja de ableger mit em negan und de maggie rofl.....

tönt ämu interessant in Manhättän!
FTWD esch ned so schlächt, Schlacht ome Torm met Strand als ganz Böse.
TWD esch die nöi Groppe i de City wörklech chle blöd. So schad.

Ändlich fertig. Schöne Schluss gseh, bis uf die doofe Cliffhanger wo sie nur gmacht händ um 3(!) neui Spin-Off Serie z'bewärbe. Es isch so schad hütigtags. die Studios chönne de Hals nüm vollbecho. Jedi einscht erfolgrichi Franchise wird bis zum Erbräche usgschlachtet.

Simer ehrlich: Sälbscht Zueschauer mit nur mittelmässigem Aspruch isch ufgfalle, dass de Macher d'Ideä bereits uf halbem Wäg zu dene 11 Staffle usgange sind - ja, ab und zue händs au nachhär vereinzelt es paar gueti Folge anebecho, aber generell, vor dene zwei obermüehsame Wisperer Staffle hättets The Walking Dead chönne, und sötte zume Änd bringe.

Was isch passiert am schluss? Luegs eh nie, wet aber wüsse, wies 'usgange' isch.

Und da ja d Serie jetzt vobi isch und da i de Comics scho lang passiert isch. Eigentli sind ja Ezekiel und Rosita vo de Alpha dazumal pfählt worde. I de Serie het mer sich defür entschiede da mit Nonames z fülle wo i de Comics kum oder gar nöd vorhande gsi sind.

s Finale het letschtendlich nur zeigt, wie viel schlechter d Serie als Comics gsi isch und mer sich eifach am Original het sölle halte. Was ja au scho sit längerem abgschlosse isch. Aber da mer sich ja scho mit Staffle 2 vo de Comics distanziert het und nur Grob Charaktere überno het, isch d Serie ohnehin nüm rettbar gsi.

Ah, dänkt es sig was guets passiert, aber de Müll vode letschte 5 Seasons isch eifach fortgsetzt wurde

DeftOne hat geschrieben: ↑22 Nov 2022 13:15 Und da ja d Serie jetzt vobi isch und da i de Comics scho lang passiert isch. Eigentli sind ja Ezekiel und Rosita vo de Alpha dazumal pfählt worde. I de Serie het mer sich defür entschiede da mit Nonames z fülle wo i de Comics kum oder gar nöd vorhande gsi sind.

Ja, dass passiert wemer d'Biografie vode Charaktere anhand vo Zueschauerbeliebtheitsskale feschtlegt, was hüt leider in 95% vo allne Serie so gmacht wird. Das sind reini Kommerzentscheid füres Unterschichtepublikum, wo bim gringschte Ufcho vo unagnähme Gfühl ufen Sänder voder Konkurränz chönnt zwächsle, wasmer natürlich scho im Asatz verhindere möcht. :typej:

The Sheep hat geschrieben: ↑22 Nov 2022 22:24 Ja, dass passiert wemer d'Biografie vode Charaktere anhand vo Zueschauerbeliebtheitsskale feschtlegt, was hüt leider in 95% vo allne Serie so gmacht wird. Das sind reini Kommerzentscheid füres Unterschichtepublikum, wo bim gringschte Ufcho vo unagnähme Gfühl ufen Sänder voder Konkurränz chönnt zwächsle, wasmer natürlich scho im Asatz verhindere möcht. :typej:

Naja, so wie i mal glese ha, ischs so gsi, dass vielne Lüt die eint Szene mitm Glenn zhart gsi, drum het mer denn wohl eifach nüm sowas wölle ha i de Serie.

debi sinds doch genau die szene wo eim ifahret und im gedächtnis bliibet... ich säge nur red wedding im game of thrones!

Naja, ha demit ja au wölle uf m Sheep sin Teil igo wölle, wo mer sich nach Charakterbeliebtheit apasst het. Und i ha halt mal glese, dass d Zahle ziemli ibroche sind nachm Glenn, wobi mer sich ja zumindest döt no at Comics ghalte het.

Und i denk zumindest das chamer ja Game of Thrones no lo, sie hents durezoge, wenns um so Sache gaht (zumindest wenn sich be de Büecher nix meh allzu gross ändere wird, was ablebe vo Charaktere betrifft).

Walking Dead het ja au no anderi Problem gha, wie das gwüssi Schauspieler nüm debi hent wölle si wie de Jesus, Rick, Maggie oder au be Fear the Walking Dead. Wobi ja Rick und Maggie zum Geld mache au wieder retour cho sind.

also ich hann nach dere Folg mit der Hirichtig au langsam d'Luscht verlore, aber nit wäg dere spezielle Szene (ich han die eine vo de Höhepunkt voder ganze Serie gfunde, obwohl ich am Glenn sin Charakter immer guet han möge), sondern will der Räscht vo dere Staffle eifach langwilig gseh isch. Sämtlichs Pulver in der erschte Folg verschosse und ab denn isch eigentlich nüt me passiert. Au in de nachfolgende Staffle isches nüm besser worde. Mer het richtig gmerkt wie si d'Luscht verlore händ und wie das ganze offebar mehr und mehr e Pflichtüebig worde isch, die Serie möglichscht lang am Läbe z'erhalte. Gschichte händ sich wiederholt, und sind vorussehbarer worde. Und denn händs Staffle Themene au no als wie lenger afange mache. Zwei Staffle mit em Negan als Bösewicht, zwei Staffle mit der Alpha....

Und ja, das mit de Schauspieler wo irgendwenn möchtet ufhöre, oder wo nüm tragbar sind wil sie plötzlich s'Gfühl händ, sie seget mittlerwile so wichtig, dass ihne e viel höcheri Gage würd zuestoh, sind Problem wo inere Serie wo über so langi Zit lauft zwangsläufig vorchömme, und Planig ufe Chopf stelle.

Master(G) hat geschrieben: ↑23 Nov 2022 07:52 debi sinds doch genau die szene wo eim ifahret und im gedächtnis bliibet... ich säge nur red wedding im game of thrones!

genau das