The(G)Forum

Bi mir isches jedefalls so. De Grund liid uf de Hand: Die grafisch Qualität isch mittlerwiile dermasse guet, dass ich nümä kickt wird vo neue Games.

Früener:

Gama & Watch gha, Atari VCS becho, Wälte dezwüsche
VCS mit Mario Bros gha, NES becho, Super Mario Bros 2/3 gspielt, wälte dezwüsche
NES mit Double Dragon 2 gha, Mega Drive mit Streets of Rage kauft, gigantisch
Sälbscht de Wächsel vom Mega Drive ufs SNES isch dank Mode 7 rächt krass gsii
Denn Super NES Street Fighter 2 zum NEOGEO mit Art of Fighting 2, Dimensione dezwüsche.
Jetzt 3d: Saturn kauft, krass, Virtua Fighter 1
PlayStation: Toshinden und Ridge Racer mit Texture, mega
PS2: neui geili Liechteffekt im RRV
so gad das wiiter bis zimli gnau zur PS3/XB360, de Sprung jetzt isch eifach sehr überschaubar gsii.
Viel Spiel gsend so guet us, sie münd gar nümä besser usgseh. Technisch reizt mich praktisch keis Game meh, drum Game Over.

jetzt eifach en u-turn mache, denn freusch di wider

Absolut, die technisch brillianz brucht au mit abstand am meiste resource bi dr entwicklig. Jedes spiel wo nit 100 millione budget het wird instantly zu indybrunz abegstämplet.
S wahrliche gamedesign blibt s uf dr streck-> lüt kaufes nid -> investore kriege kalti füess -> microtransactione wärde igfüert in dr hoffnig no chli was usezhole -> shitstorms -> legendäri franchise verkömme zu müll

evo hat geschrieben:Absolut, die technisch brillianz brucht au mit abstand am meiste resource bi dr entwicklig. Jedes spiel wo nit 100 millione budget het wird instantly zu indybrunz abegstämplet.
S wahrliche gamedesign blibt s uf dr streck-> lüt kaufes nid -> investore kriege kalti füess -> microtransactione wärde igfüert in dr hoffnig no chli was usezhole -> shitstorms -> legendäri franchise verkömme zu müll

das isch mir alles komplett egal

verstahni bis zume gwüsse Grad, aber schiinbar gahts der nur um d'Grafik. Dänn hets mer nach de 360er & ps3 au nüt meh gäh. Guet ich han au nüt neuers als säb - e Vita hani no und en new 3ds xl aber ich chaufe niä games für diä zwei.
Nöd wäge Grafik wo mi nümme kickt sondern will d'Games an sich fast nix meh tauged.
Ich zocke nur no retrogames will für min Gschmack, d'Spieli eifach besser sind. Sie händ au meh de Charakter "Spiel".

Hüt chaufsch es Game, dänn muesch zerst irgend en Scheiss downloade damits startet, oder installiere. Dänn merksch dases völlig verbuggt isch und umeruckled. Ok wartemer uf de ersti Patch wo's erträglich macht.
Paar Täg/Wuche sind umme und du redsch dir ih dases di immerno intressiert und jetzt wo de Patch da isch - chamer loslegge.
Dänn merksch dass s'meiste vo dem Content wo dich zum Chauf animiert hät, nur via Microtransaction erreichbar isch.

Dänn zocksch eifach mal wiiter und merksch dass das, wo es guets Spiili uusmacht garnöd vorhande isch, kei Atmosphäre, de Sound passt nöd und d'Story isch flach oder nöd vorhande. d'Stürig isch schwammig aber wenigstens laufts in 1080p.
De Schwierigkeitsgrad isch au eso ahgsetzt dases im erste Rutsch durezocke chasch, will chasch ja eh zu jedere Sekunde speichere. nach 14h sind dini 79.- "durekonsumiert". Current gen, laul.

mir gönd die meischte Games au eifach (viel) zlang.

früener e rundi Ridge Racer: Easy.
Hüt Horizon: gad ca. 60h

ah was, game super.

ich verlür d'freud zum glück nöd. ich sött eifach weniger games chaufe, will ich immer weniger däzue chume zums fertig spiele.
und richtigi ziitfresser bruchi eigentlich au nümä.

ich spiele zwüschet inne gern eifach mal ä rundi NHL, NBA oder so. das isch super. und süscht halt mit kollege es RB6 oder cod im blackout modus.

allei sind so spieli wiä resi 2 super, nöd zlang, super atmosphäre. ich han freud ah so sache.

Skeletor hat geschrieben:ah was, game super.

völlig. ich spiel fifa, pubg und civ, usser pubg äigentli alles sit jahre / jahrzähnte.

s'neue Züg interessiert mich eifach nüm gross, ca. 2 Spiel pro Jahr.

Das seisch du imfall all jahr oder mindestens all 2 jahr :lolz:

ich bin au nümä im gliche hype wiä früehner, das chan aber au ä frag vom alter und dä prioritäte setze.

au wenns bi mir sicher meh wiä 2 spiel pro jahr sind, wo mich interessieret.

ich glaub au, dass es mit alter und prioritäte ztue hett... ich merk das ja sogar, und ich han früener alles immer ghypet und jede scheiss gspielt.

hütt spiel ich lieber es guets spiel mehrmals als es durchschnittlichs neus azfange. oder nimme mal es alts wieder vüre...

spiele zwar immerno viel. aber viel weniger unterschiedlichi spiel.

bi mir isches definitiv s'alter...

Skeletor hat geschrieben:Das seisch du imfall all jahr oder mindestens all 2 jahr :lolz:

schoso. ich tun eifach immer konsequänter Sache weg eliminiere.
bspw. de PS online Dienscht (weiss nöd mal wiener heisst) tuni nümä verlängere.
Maniac Abo hani kündt per März19.

ich glaub (!) ich wür au kei ps meh chaufe, usserd sie hed wüki irgend es game woni unbedingt wett; was sehr unwahrschiinlich isch, quantic dreams bringt ja jetzt au games für anderi grät lol

guets biischpiel: uncharted - the lost legacy. Die andere Uncharted hani immer super gfunde, gern gspielt.
das hani bis hüt nanig mal agspielt. ich fühl mich übersättigt, immer s'glich. nöd mal inträsse s'game id ps4 ine ztue.
So isches mit praktisch allne Spiel; und das nöd ersch sit geschter.

oder farcry5: die andere farcrys (s'zwei usgnah) all mega gfunde, all duregspielt. s'5i agfange, belanglos gfunde. am 2. Januar namal e Chance geh, hed mich packt, 6h gspielt, mega gsii, han wüki luscht gha zum wiiterspiele. Jetzt isch Februar und ich hans effektiv de ganz Monat nümä gspielt. Sicherlich au e Ziit- und Energie-frag, trotzdem krass.

und ich han kei xbox will all kollege ä ps händ. logisch, 2 konsole und 2 online-dienst zahle, wenn eigentlich zu 99% nur uf einere spielsch, bringt nüt. aber au das han ich dir scho sit jahre gseit.

Master(G) hat geschrieben: hütt spiel ich lieber es guets spiel mehrmals als es durchschnittlichs neus azfange. oder nimme mal es alts wieder vüre...
spiele zwar immerno viel. aber viel weniger unterschiedlichi spiel.

Ich wür au gern endlich Cities Skylines wiiterspiele, chum eifach nöd dezue. Brücht gar kei neui Spiel, nur Ziit zum das eine Spiel mal wieder spiele.
Oder ebe Civ, hani s'vor-letschte Addon kauft, würi gern wieder spiele, nümä dezue cho sit denn (2-3 Monat her)

tja als chind häsch au no nöd 13091308130 seriä /1390130913 film / kei fründin / kei was weiss ich alles gha.

prioritäte verschiebet sich. ich hett au gern dmotivation mich uf es witcher 3 ih zlah. aber es isch mir zviel "arbet".
ich han gern spieli wo ich chan inne tuä und loslegge und chan sofort ufhöre. bi gwüssne spieli chumi gar nümä dri, wenn ich mal ufghört ha.

ich find games mit längi bis zu 25h guet, drüber fehlt mir oft d ziit. und es verleidet eim au oft.

d hälfti vo mine games han ich wahrschinlich gar nie oder nid sehr oft gspielt. chunt ja ständig immer wieder öpis, neus meh chan gar nie alles spiele. bis jez han ich nur sehr wenig games es zweits mal gspielt. viellicht langets für es dritts mal i es paar jahr. vernünftiger wärs zum jez verkaufe und denn wieder chaufe wenn meh s spiele will. aber ebe, mit de Vernunft isch das so e sach

Skeletor hat geschrieben:bi gwüssne spieli chumi gar nümä dri, wenn ich mal ufghört ha.

gad mir ähnlich, bzw. ischs mir au eifach egal, gar kei Inträsse meh zum namal driicho / wiiterspiele.
das als Chind meh Ziit gha hesch stad usser Frag. Aber ganz ehrlich: Ziit chamer sich immer neh, wemer will.

um das gads aber nöd, es gad drum, dass mich neui spiel oft nümä interessiered. geschter au knapp 2h
pubg gspielt, isch mega gsii. spieli lieber das wieder als 10 neui.

Mr. Heli hat geschrieben:ich find games mit längi bis zu 25h guet, drüber fehlt mir oft d ziit. und es verleidet eim au oft.

jup, das chani so äigentli underschriibe. alles über 20-max25h isch zviel. 12h wär ideal.

es git scho usnahme, also wer bi witcher 3 seit dases arbet isch, dem haet s spiel eifach nöd gfalle. aber ja bi dene standart open world gschichte (das haet bestimmt psychologisch au en ifluss, eifach pünkt abgrase wo uf de map itreit sind und den isch d story amigs nah mies) isches arbet.

logisch verschiebet sich im alter d prioritäte, d verpflichtige und verantwortig stiegt ja au. en natürliche prozess. uusert natürlich als ewige student.

d'grafik isch sit dä xbox 360 würkli nümm besser worde. nintendo bringt drum au gar kei leistigsfähigeri konsole me use. früener hät mer mal gseit dass sich d'leistig all 18 mönet verdopplet. hüt sinds so ca. 8 jahr.

hanf hat geschrieben:d'grafik isch sit dä xbox 360 würkli nümm besser worde.

was für spiel spielsch du?

zeromeier hat geschrieben:Bi mir isches jedefalls so. De Grund liid uf de Hand: Die grafisch Qualität isch mittlerwiile dermasse guet, dass ich nümä kickt wird vo neue Games.

Früener:

Gama & Watch gha, Atari VCS becho, Wälte dezwüsche
VCS mit Mario Bros gha, NES becho, Super Mario Bros 2/3 gspielt, wälte dezwüsche
NES mit Double Dragon 2 gha, Mega Drive mit Streets of Rage kauft, gigantisch
Sälbscht de Wächsel vom Mega Drive ufs SNES isch dank Mode 7 rächt krass gsii
Denn Super NES Street Fighter 2 zum NEOGEO mit Art of Fighting 2, Dimensione dezwüsche.
Jetzt 3d: Saturn kauft, krass, Virtua Fighter 1
PlayStation: Toshinden und Ridge Racer mit Texture, mega
PS2: neui geili Liechteffekt im RRV
so gad das wiiter bis zimli gnau zur PS3/XB360, de Sprung jetzt isch eifach sehr überschaubar gsii.
Viel Spiel gsend so guet us, sie münd gar nümä besser usgseh. Technisch reizt mich praktisch keis Game meh, drum Game Over.

Ist was dran, aber andererseits ist der Sprung zu VR der größte ever! ^^ Endlich ist man selbst im Spiel, statt nur auf eine flache Scheibe zu starren.

Master(G) hat geschrieben:

hanf hat geschrieben:d'grafik isch sit dä xbox 360 würkli nümm besser worde.

was für spiel spielsch du?

Wahr, das täuscht. Leg mal Starttitel von der 360 rein, die damals genial aussahen (Kamelo, Kong King). Ich hab nicht schlecht gestaunt letztes mal, wie schwach und unsauber plötzlich die Grafik war.

isso!
in erinnerung sieht alles schöner aus als es wirklich ist!

PlanetHarrieR hat geschrieben:

Master(G) hat geschrieben:

hanf hat geschrieben:d'grafik isch sit dä xbox 360 würkli nümm besser worde.

was für spiel spielsch du?

Wahr, das täuscht. Leg mal Starttitel von der 360 rein, die damals genial aussahen (Kamelo, Kong King). Ich hab nicht schlecht gestaunt letztes mal, wie schwach und unsauber plötzlich die Grafik war.

schoso, nur flashts halt nümä so, wie damals vom sprung SNES -> NG

wahr. aber als jugendliche flasht der no vieles viel meh als hütt. normal.

Master(G) hat geschrieben:als jugendliche flasht der no vieles viel meh als hütt. normal.

ich han ersch no vor paar Jahr Stunde in Skyrim Mods gsteckt, demits geiler usgsed. Ich find Grafiksprüng mega, au hüt no.
Es gid eifach keini meh, wo wüki weg haued.