GELD TOPIC / Kryptowährig

[Herr Rossi]

Alles rot ussert mini "Shitcoins" gäll Aug

Ich chume wüchentlich zum jetzige Kurs 500.- (de macht no x5 innert 3 Mönet) über mit mim DOME vesting
Und das bis Endi Oktober

[thaeye]

[calanda]

Alles rot ussert mini "Shitcoins" gäll Aug

Ich chume wüchentlich zum jetzige Kurs 500.- (de macht no x5 innert 3 Mönet) über mit mim DOME vesting
Und das bis Endi Oktober

uf wellere plattform hesch du dini coins? gate .io?

[Herr Rossi]

SafePal hardware wallet

[Vyse]

Alles rot ussert mini "Shitcoins" gäll Aug

Ich chume wüchentlich zum jetzige Kurs 500.- (de macht no x5 innert 3 Mönet) über mit mim DOME vesting
Und das bis Endi Oktober

Häsch Glück gha, nämli Glück insofern, dass zur richtige Ziit iigstige bisch. Ich han en grosse Teil vo dä Cholle i Projäkt uus em 2017 innegsteckt, wo genauso vielversprächend gsi sind und nüüt meh wert händ (oder explodiert, dänn gfalle sind und siit vier Jahr um dä gliich Priis ummetümplet).

Du bisch ja erst siit wieviel, zwei Jahr oder so debii? Also ziitlich perfäkt für dä ganz Metaverse shit wo ja grad dä Megahype isch.
Zum Glück han ich uus dä "alte" Ziit no Ethereum und Bitcoin phalte. Ich bin eigentlich i dä völlig falsche Ziit iigschtige. Hät sölle früehner, wo dä Bitcoin no total obskur gsi isch oder jetzt, wo me dCholle in Metaverse inneschlüüderet.

Zwüscheziitlich ischs um dä Uufbau vo dä Infrastruktur gange: Layer1, Layer2, Exchanges, Privacy-Coins (was isch mit dänne eigentlich passiert?), Brugge zwüssched Blockchains, also ultratechnische Scheiss, zu däm me chuum en persönliche Bezug finde chann und so technisch isch, dass es eim Brächreiz verursacht wämme nur scho dä erst Satz vomene Artikel list, womit persönlichi Bemüehig um Fundamental Analysis i dänne Beriich zunere Folter wird (me machts natürli trotzdem, liidet eifach dä ganz Tag und isch jewiils ultra hässig am Abig).

Bim Metaverse hingäge chasch di bitz mit Videogames, Kunst, Musig (alles im Zämmehang zu NFTs) beschäftige usw. das isch e völligi Umchehr was FA ahbelangt. Insofern, ebbe, ziitlich Glück gha.

[Herr Rossi]

Ja sicher, Glück.... lol

Ich investiere i das Tech-Projekt sit 8 Mönet und befass mich fascht täglich demit. Gäbs Aktie devo hätti die kauft und nid Krypto. Glück my ass

[Vyse]

Ziitlichs Glück. Hättsch dich genauso i das vertüüft, gächts nöd um Videospiel sondern um Layer1 Protokoll, wo dEffiziänz vo math. Algorithme uusgwertet werdet, wo Source Code analysiert wird, wos um extrem tech. ashpruchsvolli Intergration usw. gaht? Da bechonnsch ja sChotze nach es paar Mönet. Die neue Videospiel-Projäkt gits ja nur wäg em Crypto, das gäbs gar nöd i däre Art, wäred all die vorahgehnde Schritt im Cryptospace nöd uusgfüehrt worde.

Egal, ich muen lerne, wie me besser tradet, irgendwie bruuch ich en Zuegang zu däre scheiss Cholle.

[Vyse]

Und was mich au Wunder nimmt, zum diin Beurteiligsprozäss zverstah: Was isch z.B. uuschlaggebend für Metahero gsi für dich? Chann dBefürwortig vo däm nöd verstah, ussert me zällt uuf dNaivität vo dä User. Es isch ganz klar, dass die Technologie jedes Mittelgrosse Gamestudio au hät, wo liiht also sPotential im Ahgebot vo Metahero?
Ich erwähne Naivität vo dä User, will möglicherwiis lönd sich Lüüt vo somene Scanner beiidrucke, während das en alte Huet i dä Gameindustrie isch (und Blockchainintegration isch ja hützutags kei Sach meh).

[Herr Rossi]

Metahero isch für mich am Afang just another coin gsii. Mi Arbetskolleg hed die ganz Zeit vo dem glaberet, isch mer recht uf de Sack gange demit. De hed er de scanner erwähnt und CD Project. De hani afo recherchiere wer da wie wo involviert isch, whitepaper, Zuekunft etc.

Ich ha wenn denn Glück gha dass de Berkan sone Schnorri isch und mich guet mag

Lol, du und dini Asichte...

[Vyse]

Was mich Wunder gnoh hät, isch diin Beurteiligsprozäss aber i däm Fall isch es eifach yolo gsi, will dä ander devo gschnurrt hät? Ok, das isch fair, han ich au scho gmacht aber das isch dänn eifach Glück, so wies schriibsch (guet, i däm Fall isch dä Coin jetzt down um 80% aber ahgnoh es wär jetzt umgekehrt). Trotzdem, ich verstah dä Beurteilgsprozäss immer nonig. Ich meine, bi Protokoll also Layer1 gits ganz klari Faktore in Bezug uf dAhwändigsfäll z.B. eine vo dä wichtigschte isch Ahzahl Transaktione pro Ziiteinheit und Skalierbarkeit, das sind enorm komplizierti Theme zum eigeständig chönne eruiere, ich bin kein verdammte Mathematiker, zum chönne die Codefragmänt uuf Ihri Effiziänz prüefe.

Im Metaverse-Gamespace, ich han kei Ahnig, wie me da dä Vorteil und somit sPotential chönnt definiere. Ein Punkt zwar vom NFT isch rächt cool, nämlich dä, dass diini NFT-Assets ii jedes Game chasch "importiere", wo die Blockchain understützt, heisst also, ich chann miis NFT-Doom-Büsi im Decantraland irgendwo platziere aber ich channs genauso imene völlig andere Spiel, vomene andere Herstller verwände, das isch nice aber das isch öppis, wo uuf jedere Blockchain chasch mache, wo nfts understütz, also isch das nüüt bsunders. Wie gahsch du also vor i dä Bewertig vom Projäkt?

Abgseh devo, isch es eh irrelevant, ich han über 30K im Crypto, kei Gäld meh zum investiere und dä Bitcoin verchauf ich i dä nächschte 10 Jahr nöd.

[Mastler(P)]

Ich investiere i das Tech-Projekt sit 8 Mönet und befass mich fascht täglich demit. Gäbs Aktie devo hätti die kauft und nid Krypto. Glück my ass

wenn du erfolg häsch, denn isch es immer glück, oder privileg.
wenn du misserfolg häsch, denn isch es immer unglück, oder underdrückig.

merk dir das endlich

egal wie vill ziit du dri stecksch, es isch nie en verdienst vo dir.

Egal, ich muen lerne, wie me besser tradet

du bruchsch eifach meh glück

[Vyse]

Er befasst sich demit. OK, wie gseht das "sich befasse" genau uus? Wie chann ich mier das vorstelle? Was sind dBewertigskritiere? usw. also, was isch dä Beurteiligsprozäss, wo zum Entschluss füehrt, dass das Projäkt wert isch, drii zinvestiere? Hät er eListe, wo er abhakt? Wänn ja, dörf ich die Liste gseh? Wänn nöd, wie genau isch dHerangehenswiis, so dass die für en andere Mänsch nahvollziehbar und somit wiederhollbar und also kei Glück isch?

Du bisch so en huere Polemiker im Internet, real Life überhaupt nöd aber unerträglich im Netz.

[Herr Rossi]

du alte Troll

@Vyse
De Hero isch mal 6x höher gsii, ja, aber ich bin immer no ide Gwünnzone

Ich hätte de Entscheidigsprozess gern teilt mit dir, bimene gmüetliche Treffe zum Bischpil. Chömmer hören nachehole, wär eh mol wieder noche und birgt weniger Potential für Missverständnis. Seli wieder mal uf Tsüri cho? Oder chunsch mal uf Luzern, Mastler chunsch au?

Edit
Ich ha kei Lischte woni abhake

[Vyse]

Ja eh, bin uuf jede Fall mal ahmene gmüetliche Namittag debii Wie du willsch, Luzern isch mier au rächt.

[Jones]

i gloub dr rössler isch hüt scho in züri...

[Vyse]

Schön für ihn, hoffentli hät er dä Gaudi, ich han hüt anderi Plän

[Mastler(P)]

Ich ha kei Lischte woni abhake

wieso häsch kei liste? wötsch dini effizienz nöd systematisch maximiere? wänn nei, wieso nöd?



chönt scho mal zur abwechslig uf luzern cho. am beschte am wucheend, wenn mer schön ziit hät.

[Herr Rossi]

i gloub dr rössler isch hüt scho in züri...

???


@VystlerP
Jippie, machemer via whatsapp

[Herr Rossi]

Woohoo
Everdome #1 trending bi coingecko

[Vyse]

Danke, jetzt han ich grad schlächti Luune.
Wieviel häsch pro Coin zahlt?

edit: 0.001, ok nöd schlächt. Wieviel Slots häsch gha? Isch glaubs pro user 100$, oder? Heisst, hättsch jetzt ca. 6000.-, guet, das wür ich au nöd verchaufe und wür eher eine uuf yolo mache.

[Herr Rossi]

Danke, jetzt han ich grad schlächti Luune.
Wieviel häsch pro Coin zahlt?

edit: 0.001, ok nöd schlächt. Wieviel Slots häsch gha? Isch glaubs pro user 100$, oder? Heisst, hättsch jetzt ca. 6000.-, guet, das wür ich au nöd verchaufe und wür eher eine uuf yolo mache.

Ich ha 10 Slots à 65'000 token becho. D.h. ich ha für $650 650k token kauft.

10% hesch sofort becho, de Rescht jedi Wuche 2%. Zum momentane Kurs gid das wüchentlich 900$ bis Endi Oktober.

Ha 14% verchauft, de Rescht wird gstaked mit x2 für eis Jahr.

[Mastler(P)]

nice

[calanda]

Danke, jetzt han ich grad schlächti Luune.
Wieviel häsch pro Coin zahlt?

edit: 0.001, ok nöd schlächt. Wieviel Slots häsch gha? Isch glaubs pro user 100$, oder? Heisst, hättsch jetzt ca. 6000.-, guet, das wür ich au nöd verchaufe und wür eher eine uuf yolo mache.

Ich ha 10 Slots à 65'000 token becho. D.h. ich ha für $650 650k token kauft.

10% hesch sofort becho, de Rescht jedi Wuche 2%. Zum momentane Kurs gid das wüchentlich 900$ bis Endi Oktober.

Ha 14% verchauft, de Rescht wird gstaked mit x2 für eis Jahr.

woooow

super gmacht

[Vyse]

Best theoretisch (will nöd verchauft) ROI isch bis jetzt MINA Ico gsi. 1 Slot für 500$, hätt ich uuf em Peak verchauft, wäreds 12K gsi.
Bitcoin im 2017 für 3K kauft, letscht all time high känned mier ja all.

Mag lieber nöd drah dänke, wieviel Gwünn ich siithär versüümt han.

[Herr Rossi]

Mag lieber nöd drah dänke, wieviel Gwünn ich siithär versüümt han.

Isch gschider nid

Edit:
DOME immer witer am chlättere. En dip wär itz de mal nid ungsund