The(G)Forum

Ha 3x bstelligä gmacht. Sende lah ufe paketshop im dütsche.

2 bstellige bi play-asia. die erschti isch vo allne die tüürschti gsi, ohni problem cho. die zweiti hätt de zoll abgfange und mit 25 eur berappt. PA schickt aber d paket im eu vo holland us, dett händs luut costumer care ihres lager. zudem ischs päckli um einiges günstiger im wert als s erschti. innerhalb vo de eu zahlsch abr eigli kei zoll ussert s würd id CH cho, wases ja nöd isch und au dänn wärs no i dä freigränzä gsi.

s letschti paket isch usm düütsche selber cho bi strictly limited bstellt. das sind düütschi. however, isch trotzdem en zoll chläber druff gsi mit. für was en zoll, wänn dä paketshop ja eh im dütsche isch? macht mir eifach 0 logik.

für mini erste erfahrigä ischs nöd grad beruuschend.

ois feedback, erfahrigä?

Ich loh mir sicher sitt über 10 Johr mini sachene vo Ebay, Play Asia, Amazon und div anderne aabieter, wenn nid günschtiger in de CH immer nach Düttschland liefere. Bis jetzt ha i nur in eim Fall problem kha, dört aber grad richtigi. Ich ha bineme Kanadische Familiebetrieb Schoggi im Wärt vo 600$ bstellt kha. Die isch z düttschland zum erschte mol abgfange worde, da mit DHL statt UPS verschickt worde isch. Die Zollstation isch z Hamburg und ich miesst sälber gos Päckli entgegenäh. Ettlichi Mails, Aarüef usw hend nüt brocht. Super...das Päckli stoht jetzt sitt lettschtem November dört und wartet uff mis erschiiene.
Aber sunnscht, nie problem, nie en Zollkläber oder sowas in dere Art kha.
Au nid bi Limited Run oder Strickltly limited...oder wo i Paprium oder Krautbuster bstellt ha..

schomal guet zwüssä. mal en plan b adresse ahluägä.

Lol han glaubs n shit gmacht. Han Zügs bstellt und well de Shop hesch könne in Schwiz und CHF umstelle bini devo usgange, das es us de Schwiz chunnt. Wenn i ez Päch han chunnts glich us DE und de Zoll wird mi figuliere!

ischs bi de ch stichproob oder nähmeds konsequent jedes päckli usenand?

kingcaid hat geschrieben:ischs bi de ch stichproob oder nähmeds konsequent jedes päckli usenand?

Stichprob

Stichprobe, und nach meiner erfahrig si sie einigermassen treffsicher.

ha grad e falschi zollrechnig becho. 20'000 yen zviel, offesichtlich tippfehler. huere affe. vorallem muesch de zettel jez immer selber abelade, schickes ja nüme mit.

Öper erfahrig mit reklamiere? Ha glese innert 60 täg und chostevorschuss 100 stutz. Au wenn recht bechunsch berappets 30 stutz. Huere assi wenn sie de fehler gmacht händ

Mier hends au schomal en 2 Paket liiferig (säg jetzt mal zämä 3000 Stutz oder so gsii) dopplet verzollet. Also jedes Paket mit jewiilg 3000 ( anstelle beides zämä) Hani denn au reklamiert und das Gäld retourübercho. Isch eifach lang gangä und 7 x muessä nachäfragä und so..

Argh, han jetzt au was bschtellt für usd 50 im wärt (mit versand) und jetzt söll i chf 30 franke zahle (7 für stüüre und 22 für fedex aufwandsauschale)?!? Gohts dänne no? im zolldokumänt stoht e wärt vo 77.-... häh?

Das mit em choschtevorschuss han i au grad gläse https://www.ezv.admin.ch/ezv/de/home/zo ... chtig.html schweinerei.

mr.raw hat geschrieben: ↑25 Aug 2021 11:57 Schoggi im Wärt vo 600$ bstellt

i pstelle usem usland nur no uf düütschland. zoll kann miar sowas vo am arsch läcka. und dia fantasie logistikköschte au grad.
siit jahre no nia problem ka.

Han mal us UK öppis bstellt, isch ca. 8 Pfund. Bi de Post händs Pfundzeiche nöd richtig gläse und hand gmeint, de Warewert seg 89 Pfund. Han zwar reklamiert, aber kei Chance...Zoll isch wie Lotto.

randy, beim fedex muesch immer bläche. Limit hin oder her.

Zoll isch halt es Amt, häsch kei Chance. ich han mal es Tripworld GB Jap. vo Japan uf Dütschland schicke lah, isch ufgmacht worde wäge Verdacht uf Droge. lol ok. De Hund hebi ahgäh ....ähä. Sie händ sogar s'Game sälber ufgmacht und däbii en Riss i d'Ahleitig gmacht. ich hans müese go persönlich abhole und wonis gseh han, hani natürlich en mittelschwere Abraster gha. Ich ha dete blöd tah und uf Schadenersatz pocht bis de eint gseit hät, das er mi jetzt usebegleitet, was er au gmacht hät, mittem Spray ready i de Hand. Verdammti Huresöhn sinds am DE-Zoll! Dänn hani de Rechtsschutz ahglüte und diä händmer gseit, dass au sie Null Chance gäge egal welles Amt händ, sie händ mer däfür 150.- Schadensersatz vo sich uus überwiese, nice danke ...aber es blüeted öpper wo kei Schuld hät. De Zoll hät eifach freii Hand nach eigetem ermässe und chan nöd belangt werde, wänner din shit kabutt macht.

Avenger hat geschrieben: ↑10 Nov 2021 13:55 randy, beim fedex muesch immer bläche. Limit hin oder her.

Isch so. die verlanget immer mind. 15 Stutz für bearbeitig und so

wtf, es paar chleider us de usa bstellt /warewert 180 dollar, zoll nöd durelah bisis d rechnig igschickt han und jetzt chanis go abhole uf de post mitere bearbeitigsgebühr vo 46 chf

han vor 2 wuche scho eis vo dene überchoh ohni problem. und ohni gebühre.

mini japan päckli tue ich jez immer pro aktiv melde. susch bliebts nur wieder hange und ich chum kan brief über...
kaufe eifach immer grad mehreri sache ufs mal, denn isch d grundpauschale schomal verteilt uf mehreri games. när no eis zwei sache übertüred an isou verchaufe und de zoll isch wieder drin

de neust isch jez, dass mir d zollrechnig in post online account ine tüend. s paket muesch aber glich go abhole, wenn nid ume bisch. denn lieber so, dass grad zahle chasch, wenns paket bechunsch.

würklich, i lohn miar nia me öppis in d'schwiz schigga. und wenn i über dia grüan grenza muass.

puschlaver hend scho gwüsst wieso dass schmugglend.

Möcht au wiedermol chli im engadin go gränzwandere. Uu huara schee..

Grisu hat geschrieben: ↑12 Nov 2021 11:38 Möcht au wiedermol chli im engadin go gränzwandere. Uu huara schee..

i bin a johr lang im tessin go grenzwandere, und go grenzseggla. und grenzrobbe. grenzvomarroniüberläba. grenzkoreasumpffrisbeeschpiila. au schee.

Mr. Heli hat geschrieben: ↑12 Nov 2021 09:26
de neust isch jez, dass mir d zollrechnig in post online account ine tüend. s paket muesch aber glich go abhole, wenn nid ume bisch. denn lieber so, dass grad zahle chasch, wenns paket bechunsch.

Hani gester zum erstmal müsse erfahre vomene Päckli us Dütschland eifach hange bliebe bim Zoll und übers App müsse zahle :typej:

Marco_in_motion hat geschrieben: ↑10 Nov 2021 18:25 De Zoll hät eifach freii Hand nach eigetem ermässe und chan nöd belangt werde, wänner din shit kabutt macht.

es isch eh sauerey. da cha mer nur no s gsetz sälber id hand neh und maskiert mit chnüppel nahhälfe. sehr schad.
zoll isch wükli wie lotto. puuri willkür.

läck han ich jez gsuecht zum das zahle. hesch ka rechnig mit kontodate druf....

Chasch ja en Initiative starte und Unterschrifte Sammlä.... TU ES
agestuffer