3D! Beamer, TVs & Monitore

[MrHinkelschwein]

Einigi Blu-ray 3D sind jetzt erhältlich, d PS3 het es 3D Update übercho und Nvidia, ja sogar ATI gönd i dem Bereich endlich en Schritt witer Tumm isch nur, dases nach wie vor unterschidlichi Standards bi de Überträgig git. So lauft s 3D vo de PS3 z.B. nur in Kombination miteme TV. 3D Monitore sind oni PC nutzlos, selbscht wenn si en HDMI Port hend usw...

Im Unterhaltigsbereich wird s Bild im Side-by-side Format (links und rechts bild nebetenand) überteit. D PCs hingege schicked d Bilder nachenand. Isch chli nervig und s git bis hüt na kei bruchbari Konverter. Also ufpasse bim poschte!

1. Wahl: 3D TVs
+ Blu-ray 3D
+ Nvidia 3D Vision
+ Konsole in 3D

2. Wahl: 3D Monitor/Beamer
+ 3D Film über de PC luege
+ Nvidia 3D Vision
- HDMI isch für 3D nutzlos, isch im Moment also nanig Konsole kompatibel

Da aber eh nur di wenigschte Konsolespiel 3D kompatibel sind spills eh nid sone Rolle. Ufem PC gsets natürlich ganz andersch us. ALLES, was uf DirectX oder OpenGL basiert chan in 3D dargstellt werde. Also di 5 Jahr alte Spiel genau so wie alli mögliche Emulatore, Visualizer und Tools.

D Grät sind allgemein recht billig bzw. nid türer als d 2D Konkurrenz. Wär also demnächst irgendwas mues ersetze chauft sich am gschidschte grad es 3D Modell...s sind im Grund gno di gliche alte Grät mit dopplet sovil Hertz. Bis irgendwenn mal di autostereoskopische Grät is Wohnzimmer chömed lohned sich die uf jede Fall

[Jones]

HDMI isch nid nutzlos, es muess eifach 1.4 si so wie ig gläse ha, nid?

[MrHinkelschwein]

HDMI isch nid nutzlos, es muess eifach 1.4 si so wie ig gläse ha, nid?

nene, das isch wider es anders Thema. Also HDMI isch insofern nutzlos, will det s 3D Bild im Side-by-side Format übermittlet wird. Mit dem Signal chan en Monitor bzw. en Beamer im Moment na nüt afange, nume d TVs. Bi 2D Material funktionierts natürlich nach wie vor.

HDMI 1.4 bruchsch für es 1080p 3D Bild am TV. Miteme 1.3 Kabel bringsches glaubs nume interlaced bzw. 720p ane. Wobi interlaced bimene 3D Bild einges besser usgset als bi 2D. Vo dem her spills also eh kei Rolle...es sei denn du bisch ultra empfindlich was d Bildqualität abelangt...

[Jones]

ah so...
ha paar beamer gseh, wo 3D touglech sige allerdings nume hd-ready (so um die 1500.--)!
full-hd 3D chasch no überhoupt nid zahle... oder äbe gits gar nid!

[blackraini]

S' bald lieferbari HP Envy 17 3D vor 2 Wuche usprobiert - het Spass gmacht... leider nur 1.366 x 768

Wia immer ide CH zumene völlig überrissene Pris (2600.-)

[Pombaer]

Lohnts sich zurzyt en 3D-Monitor z choufe? E chliine Priisungerschied existiert ja anschinend bi de Monitor ja schono. Würd mi schono reize :S

Chame das Züg irgendwo teschte (Mediamarkt und Konsorte?)?

[blackraini]

I de Manor chasch sinds i.d.R. sehr behilflich - au MM sinds imo vorfüehrfreudig

[MrHinkelschwein]

Lohnts sich zurzyt en 3D-Monitor z choufe? E chliine Priisungerschied existiert ja anschinend bi de Monitor ja schono. Würd mi schono reize :S

Ich finde scho....halt je nach dem wasd demit vor hesch....Ich finde son Monitor lohnt sich elei scho für s Google Earth in 3D. N64 Games im Emulator gsennd natürlich ebefalls super us und über all die PC Games mümer gar nid erscht redä.

Bis di autostereoskopische Monitore chömed mümer sicher na 2 - 3 Jahr warte. Insofern...aber de erschti Umbruch findet jetzt statt...wer imne Jahr kein 120Hz Monitor het wird sich höchscht wahrschinlich na drüber ufrege...

[O_O]

Bis di autostereoskopische Monitore chömed mümer sicher na 2 - 3 Jahr warte.

:ugeek:

[MrHinkelschwein]

Bis di autostereoskopische Monitore chömed mümer sicher na 2 - 3 Jahr warte.

:ugeek:

Bisch du s Pony? Wenn hemer gwettet? Wotsch du s Topic go rette?

[Sephi]

Ich chan ou guet no 7 Johr uf autostereoskopischi Displays warte solang 3D so uninteressant wie jetz blibt!

[MrHinkelschwein]

Du wotsch mich jetzt aber nöd öppe provoziere, oder?

[Sephi]

Du wotsch mich jetzt aber nöd öppe provoziere, oder?

E chli, aber vilmeh isch das würklech mini Asicht zu der ganze 3D-Gschicht. Es gitmer gar nüt
und bi de Videospieli woni bis jetz in 3D gspilt ha (u.a. Killzone 3) hanichs sogar als negativ
empfunde im Verglich zum normale Modus. Beschtefalls findis en nätte gag wenns guet integriert
isch. Bi Avatar, Toy Story 3, UP! hanis im Chino ganz luschtig gfunge, aber grad bi de letschte 2
gits em Film nid vil, bzw. es sind sowieso brillanti Filme mit oder ohni 3D. Denn isches für mich
s Ufsetze vonere Brille (ja ich finds nach wie vor nöd agnähm) nid wärt. Solangs am Medium nüt
bringt, oder schlimmschtefalls sogar dezue füehrt dass ganz offesichtlechi in-ya-face-3D-Szene i gwüssi
Filme/Spiel ibout wärde, wirdeni ke Fan!

Der 3DS hani in Aktion natürlech trotzdäm super gfunge was vor allem dra ligt dass äbe d Brille
(en Houptstörfaktor für mi) wägfaut. Aber ou dört bini no skeptisch, bzw. weiss nid wie lang
der Oho-Effekt denn ahaltet.

Ahja, fairerwiis gibeni zue: Bim Avatar hanis no glatt gfunge, eifach wiu die runde Displays i der Marine-Zentrale
wo usem Bild usechöme öppis positiv-nerdigs hei gha. Aber nötig? Nid unbedingt.

[MrHinkelschwein]

Ach, ich bin au skeptisch...aber ich zwifle nöd im geringschte dra, dass 3D de nögschti Schritt wird si. En chline Schritt...aber mir werded en glaubs zimlich schnell hinter üs bringe.

Ich bin erscht happy, wenn mir hochuflösendi HMDs mit augmented reality hend. Aber bises sowiit isch, müend verschidentschti Technologie us unterschidliche Bereich vora tribe werde. All die 3D TVs, Monitore & Beamer diened genau eim Zweck: Si schaffed Content.

S gröscht Problem isch ja tatsächlich de Content. Keine macht 3D Film für Grät wos ned git und keine macht Grät für Content wos ned git. Huen und Ei halt. Aber jetzt chunt langsam was in Bewegig. Ich bin au ned der Meinig, dass en Film in 3D besser isch. Aber um das gats ja au nöd. Mer chan ja au ned pauschal argumentiere das Schwarz/wiis Film besser sind als die in Farb obwohls i vilne Fäll tatsächlich zuetrifft. Es Kunstwerk ahand vo de ziitgemässe Technologie z mässe isch sinnlos...bzw. mer chans zwar mache aber es seit ned grad vil über de Inhalt.

Fazit: 3D macht weder Film na Spiel besser...aber es verbesseret d Illusion dehinter. D Technologie het risigi Sprüng gmacht i de letschte paar Jahr und ich bi zueversichtlich.

Wenn du d Wahl hetsch s echte Lebe in 2D oder in 3D z lebe würdsch ja au 3D wähle, oder? Tja, genau die Wahl hemer jetzt i de Unterhaltigsindustrie...scho bald au oni nervigi Brülle...

[Sephi]

Fazit: 3D macht weder Film na Spiel besser...aber es verbesseret d Illusion dehinter.

Grad bi vilne 3D-Filme mit ächte Schouspiler würdi do widerspräche. Es würkt oft unnatürlech und überzeichnet,
wasme zwar bewusst als Stilmittel chönnt isetze, aber i de meischte Fäll äbe d Tatsach "du bisch grad
en 3D-Film am luege" im Chopf vom Zueschauer präsent haltet. "D Illusion wahre" isch s Gägeteil vo
de Zueschauer druf ufmerksam mache, dasser gad e Film am luege isch. Grad will s Publikum normali
"2D"-Filme gwöhnt isch würkt doch 3D immer bitz künschtlech bzw. speziell bi Filme - süsch hätt ja
niemer Fröid a 3D.

Weisch wasi meine? Wenn en Film normal luegsch wirsch nid ständig vom Medium sälber dra erinnert
"du luegsch en 2D-Film, du luegsch en 2D-Film". Bi 3D-Filme isch das aber der Fall, du dänksch "ui
en 3D-Effekt, s züüx luegt use" und das verstärkt ebe nid d Illusion. U sobald dich en 3D-Film das nid
loht lo dänke, isch s 3D ja überflüssig, wills nümm aktiv wohrnimmsch und de Film genausoguet in 2D
chönnt sii.

[MrHinkelschwein]

Stimmt scho...ev. beschäftigi mi selber scho z lang mit dem Zügs. Ich finds mittlerwile nüm so speziell wenn was usem Screen chunt oder na besser, id Tüüfi gat. Bi mir ischs genau andersch ume...ich reg mich über 2D Screens uf und denke andauernd "gopf isch das flach". Wenn du en PAL TV gsesch denksch ja sicher au "hei isch die Uflösig früener beschisse gsi"...

Logisch denktmer bi de erschte 10 3D Film im Kino a nüt anders...aber wenn die Dinger denn mal i de heimische Wohnzimmer stönd werded sich d Lüt schnell mal dra gwöne. Was glaubsch...a was hend d Lüt im Kino bi de erschte Ton- oder Farbfilm denkt?

Btw, s Ziel wär eigentlich tatsächlich, dasmer de 3D Effekt nöd aktiv wahrnimmt. Das ganze popout 3D Zügs isch vor allem i de 80er beliebt gsi...au ganz toll, aber nach de 2. Achterbahnfahrt oder de 3. Spinne wirds lame...hüt isches scho eher es Stilmittel...und es isch e Kunst für sich. De James isch eine vo de wenige wo kapiert het wimers chan isetze...

[Acid]

S Problem amene 3D Film isch jo ebä au, dasses ebä eifach es Problem mit de Wahrnehmig gid, do er jo nid 3D isch, sondern nur so tuet.

Es isch ebä nid so dass üs das en besseri Illusion bringt, oder dass d Illusion kompletter wird. Wiämer alli wüssed hängd diä meh vo üsem Hirni ab... und wenn üs öpis zeigt wird wos um Inhalt god sind üs Effekt etc. jo plötzlich zimlich glich.
Es bringt üs au nid nöcher a en Realität.

Und es bringt au einigi Schwirigkeitä mit sich. So chunts jo eigentlich drufa, wiä wit mer z.B. vonerä Linwand entfernt hockt... (je nach demm müestet diä zwei Bilder nöcher oder witer usänand ligä...). Und denn gits no es grundlegends Problem mit üsem Hirni und üsnä Augä. Wenn mir uf öpis lueged wo nöcher bi üs isch, gönd üsi pupillä zämä und mit fokusiered das. Das dörfmer aber do nid, will einersits isch nüt würklich nöcher, und andersits chönd mir nid wälä uf was mir luege wänd, bzw. mir chönd zwar welä uf was mir luege wänd, aber üses Hirni will denn a Unscharfä Stellä Fokusiärä, und es nützt nüt, will jo de wo dreht hed entscheided was scharf isch und was nid... es git also echli es duränand (warums bi gwüssnä Lüt denn au gar nid funktioniärt, oders anderi asträngänd findet. Es verstosst gäg so einigi Gsetz vo üsere natürlichä Wahrnehmig.

Ich glaub also d Technik isch zumindescht jetzt nid würklich gnueg wit... und das ganzä Gepushe isch vilicht scho au so will d Technik witer isch, pusht händs d 3D Technik aber au all diä anderä mol, und wiä au jetzt, isches det au vor allem drum gangä d Lüt dezuä zanimierä Gäld ligä zloh... willmers jetzt witer Pushä chan, wird das ganzä aber natürlich au vil grösser ufgfahrä.

Für absoluti Technik Narrä sicher interessant, ich han bis jetzt aber au no keis bitz bedürfnis verspührt... wenns würklich mol guet gmacht isch, denn chöntimi vilicht scho au es bitzeli defür begeisterä, wer weiss.

[MrHinkelschwein]

Guet, wie gseit...en 3D Film z mache isch e Kunst für sich...imne guet gmachte Film spillt de Abstand zur Linwand usw. kei Rolle. De Effekt isch denn bi jedere Grössi glich...bim letschte CCC Easterhegg het eine n guete Vortrag drüber ghalte:
http://media.ccc.de/browse/conferences/ ... eo101.html

Ich finde scho das d Illusion besser wird. Halt in etwa so wie durch de Ton- oder Farbfilm. Kein Mensch denkt denn "ui das würkt echter"...um das gats binere Illusion au ned...es isch s unbewusste wos usmacht.

S Hirn gat also scho ganz andersch mit de Bilder um...ischmer scho oft ufgfalle. Bi HMDs isches sogar recht intensiv. Verschidenschti Sache füered det zur Illusion. Ufllösig, FOV, 3D, Headtracking usw...wenn öpis devo fehlt isch de ganz Rescht für n Arsch...aber wenn alles zeme chunt ischs mega

Und ja, de Begriff 3D isch halt schochli schwammig. Aber au echts 3D wird cho...bi Spiel hesches scho, bi CGI Film wärs möglich und au bi normale Film wirdses irgendwenn gä. Für manchi Displays wird bereits jetzt mit 6 Kameras ufzeichnet, was zumene 180 Grad Sichtfeld füert...

[Acid]

Guet, wie gseit...en 3D Film z mache isch e Kunst für sich...imne guet gmachte Film spillt de Abstand zur Linwand usw. kei Rolle. De Effekt isch denn bi jedere Grössi glich...bim letschte CCC Easterhegg het eine n guete Vortrag drüber ghalte:
http://media.ccc.de/browse/conferences/ ... eo101.html

Ja, das begriffi jetzt nonig ganz (und han leider nonig chönä de ganz Vortrag luege, han nur churz drigluegt), aber es wäri natürlich immerhin schomol besser.

Ich finde scho das d Illusion besser wird. Halt in etwa so wie durch de Ton- oder Farbfilm. Kein Mensch denkt denn "ui das würkt echter"...um das gats binere Illusion au ned...es isch s unbewusste wos usmacht.

Ja ich gseh das halt ganz vomene anderä Standpunkt. Natürlich isches s unbewusstä, nur isch für das ebä glaub das alles nid nötig. Das en Farbfilm d Illusion viel besser heräbringt als en S/W Film wag ich z bezwiflä. D Farb hed eifach neui Fälder uftoh und isch für gwüssi Zweck besser, für anderi wiederum bruchts kei Farb, und für wieder anderi ischsi sogar hinderlich. Alles i allem ischsi aber höchstens imene gewüssä Bereich für en Illusion zuäständig (s Gfühl womer hed, imene Feld voll farbigä Blueme zligä isch z.B. mitem Schwarzwisfilm wahrschindlich sicher viel schwieriger uf de Zuäschauer z übermittlä...). Bim Ton chamers vilicht no ehnder gsammthaft aluege, will det ebä au no en witerä vo üsnä Sinn bedient wird.

Schlussendlich chan aber au es Buech eim in en wahnsinnigi Illusion füere, und das no besseri wiä so mängä schlächtä Film. Es hed für mich also nid mitem Medium oder mit Effekt etc. ztuä... vil meh mit Glaubwürdigkeit oder Überzügigschraft. (Drum reiztmi z.B. au das ganzä modernä Action Züg wiä das vom Bay, vom Emmerich etc. nid würklich...)

[MrHinkelschwein]

Wiso en andere Standpunkt? Genau das meini ja....

[Acid]

Wiso en andere Standpunkt? Genau das meini ja....

? Also ich han gmeint du hesch gmeint das z.B. de Farbfilm d Illusion undbedingt steigeret, und drum au 3d d illusion steigeret?

[MrHinkelschwein]

Wiso en andere Standpunkt? Genau das meini ja....

? Also ich han gmeint du hesch gmeint das z.B. de Farbfilm d Illusion undbedingt steigeret, und drum au 3d d illusion steigeret?

Grundsätzlich ja aber wenn ich din Text so lise hesch du anschinend eifach e anderi Definition vo Illusion...
D Illusion wird insofern gsteigeret, da si nöcher ad Realität ane chunt. Das mues aber ned zwingend bedüte das si durch das besser wird. Grad din Verglich mit em Buech zeigt ja, das letztendlich eh alles im Chopf ablauft.

ABER, je me Informatione de Chopf überchunt, desto genauer chan de "Künstler" bestimme, was letztendlich bim Betrachter achunt. Darum sind bi Büecher au völlig anderi Kriterie entscheidend. Es Buech chan fantastischi Welte erschaffe, aber letztendlich kreiert si de Lesendi indem er d Wort interpretiert. En Film hingege liferet au d Bilder, jetzt inc. Tüüfi und DAS ermöglicht widerum völlig neui Illusione wie si z.B. de James erschaffe het.

Ich möcht aber weder uf Büecher na uf Schwarz/Wiis Film verzichte müese...

[Sephi]

Nöchi ane gwüssi "Illusion vor Realität" isch ja au kes Qualitätsmerkmal. Verschideni Lüt wend i verschidene Medie verschideni
Sache überebringe und, wie de Acid atönt het, chöönt es bestimmts Medium (Schwarzwiss/Farb/3D) je nachdem
was ebe söll überebrocht wärde geigneter sii als anderi. Bimene Tron würd zum Bispil 3D richtig igsetzt extrem Sinn
mache, währends en Kurosawa-Film würd kab0tt mache. Ebe, chunnt uf Zwäck, Art vom Isatz u no viles angers druf
ah. I däm Sinn wotti ou nid bezwiifle, dasses Regisseure wird gäh, wo mit 3D Sache wärde astöue, wo für ihri
Wärch Sinn ergäh. Aber d Presänz vor Brülle ufem Gring isch i däm Fau für mi, vor allem jetz no, e z höche Priis
für e z gringe Gägewärt. Und solang d Wärch gliichzitig no in 2D müesse Sinn mache gsehni ou sehr weni Möglechkeite
füre Innovativ Isatz vor Technologie.

Und äbe, im 3D d Zuekunft vom Filmmedium z gseh, da würdi jetz noni druf boue. Nid alles wo en Film nöcher ad
"Realität" (mit Afüehrigszeiche) bringt, wird vom Publikum oder de Künschtler ou begrüesst. Nid jede Maler
unterleit sini Bilder mit Musig. Nid jede Regisseur brucht shaky-cam zum es stärchers "Realitätsgfüehl" z vermittle.
Realitätsnöchi cha ja no dür ganz viu angeri Mittu aus 3D-Effekt härgstöut wärde, isch derbii aber immer Merkmal
und nur sälte Qualitätsmerkmal. D.h. obs Sinn macht öppis "realitätsnöch" z zeige muess vo Fall zu Fall entschide
wärde.

[MrHinkelschwein]

Mit "Zuekunft vo de Film" meini ja nid, dass demit d Vorgänger abglöst werded.
Mit "Stilmittel" hesches eigentlich scho zimlich genau uf de Punkt bracht...

Apropos Tron, det hendses ka genau richtig gmacht. D Szenene im RL sind ali 2D. Ersch im Cyberspace wirds 3D. Mega!

[Sephi]

Mit "Zuekunft vo de Film" meini ja nid, dass demit d Vorgänger abglöst werded.
Mit "Stilmittel" hesches eigentlich scho zimlich genau uf de Punkt bracht...

Apropos Tron, det hendses ka genau richtig gmacht. D Szenene im RL sind ali 2D. Ersch im Cyberspace wirds 3D. Mega!

Jo ebe, darum Tron als Bispil - han min vorherig Post nomol ergänzt! Ich binmer ebe noni sicher wie gross d
Tragwiti vo 3D als Stilmittel denn wird sii, solang glichzitig no 2D-Versione produziert wärde. Mol luege, bi gspannt.