Seite 1 von 1
DAB+ (cable)
Verfasst: 01 Dez 2023 09:57
von Jones
Radio TV profis hie?
Ha am vater dä chouft vor einiger zyt:
https://www.digitec.ch/de/s1/product/ya ... ier=406802
Er emfaht radio übers kabel.. Bisher sige unzahligi sender cho... Itz het sr kabelabieter gwechslet oder opis gänderet u itz si nur no wenigi CH sender verfüegbar...
Gem dateblatt het er aber gar ke DAB+ cable...
Warum si denn vorher meh Sender cho?
Warum chöme o mit dr antenne nume die gliche wenige sender?
Checkes nid...
Dr lokal radio TV lade het ihm das verchouft:
https://sumatronic.ch/produkt/sumadab-cable-adapter/
I verstah dass das theoretisch müssti DAB+ cable aktiviere aber warum chöme o über d'antenne die viele sender nüm wo vorher cho si? Im outo hesch ja o viu meh...
Bi z'blöd...
Re: DAB+ (cable)
Verfasst: 01 Dez 2023 10:00
von turntablism
mal churz..nomal en komplette suechlauf mache. und denn nomal probiere ob die sender immer noned empfangbar sind.
Re: DAB+ (cable)
Verfasst: 01 Dez 2023 10:28
von Jones
Hani gmacht... Nüt bracht.. weder am kabel no ar antenne...
Re: DAB+ (cable)
Verfasst: 01 Dez 2023 10:34
von turntablism
ok
ha ebbe nur das ghört vom vintage radio:
WAS ÄNDERT PER 1. DEZEMBER?
Das Sendegebiet wird grösser
Bisher hat Vintage Radio für die Verbreitung auf DAB+ verschiedene regionale Sendegebiete benutzt. Damit war der Empfang in einigen Gebieten noch nicht möglich.
Nach der Umstellung am 1. Dezember kommen vor allem im Kanton Graubünden neue Empfangsgebiete dazu, u.a. in den Ferienregionen Klosters, Arosa, Lenzerheide und Surselva inkl. Flims und Disentis.
Im Oberwallis und im Tessin ändert sich am Empfang über DAB+ nichts.
Evtl. Sendersuchlauf nötig
Der Wechsel auf das neue Sendegebiet kann dazu führen, dass nach der Umschaltung ein neuer Sendersuchlauf nötig wird. Weitere Infos dazu findest du im Abschnitt "Sendersuchlauf" weiter unten.
Re: DAB+ (cable)
Verfasst: 01 Dez 2023 12:28
von Jones
Isch scho sit paar mönet so u betritt z'ämmitau...
Süsch öper e idee?
Re: DAB+ (cable)
Verfasst: 01 Dez 2023 12:39
von turntablism
mer wohnt au nöd im emmental
ich ha no en analog receiver wo zum glück no lauft. (s einzig guete am rosche schawinski, dass er sich für ukw verlängerig ihsetzt
)
DAB Radiöli hani mit de coop pünkt kauft - so en chliine mit antenne und sogar e fernbedienig. a dämm mit klinke uf cinch kabel an Verstärker aghänkt.
hender keis radio tv elektroniker fachgschäft wo mal chan verbiichoo ?
Re: DAB+ (cable)
Verfasst: 01 Dez 2023 12:47
von Jones
Sicher gits das aber bevor so eine mim dad nomau gäud usem sack zieht hani dänkt i frag hie mau ume..
Hoffe uf öper mit ahnig...
Re: DAB+ (cable)
Verfasst: 01 Dez 2023 13:32
von turntablism
was hett er denn für en ahbüüter gha und was jetzt für eine ?
blödi frag, aber anstatt id steckdoose mit em kabel...chasch nöd eifach e wurfantenne hinte am receifer aschlüsse ? macht das en rieese unterschied im empfang bzw. bi de senderuswahl ?
ich ha nöd viel ahnig vo dab, dab+ ha mi nie dermit befasst
Re: DAB+ (cable)
Verfasst: 01 Dez 2023 15:23
von Jones
turntablism hat geschrieben: ↑01 Dez 2023 13:32
ich ha nöd viel ahnig vo dab, dab+ ha mi nie dermit befasst
meh merkts grad...
und lese bereitet offebar o schwierigkeite.
i ha ja am afang extra gschriebe, dass es am kabel UND mit dr antenne nid geit..
Re: DAB+ (cable)
Verfasst: 01 Dez 2023 15:44
von turntablism
tja, denn viel glück.
Re: DAB+ (cable)
Verfasst: 01 Dez 2023 20:11
von siralos
https://www.broadcast.ch/empfangsgebiet/
da chasch die poschtleitzahl mal iigäh, da gsesch när welli sänder du söttisch empfah...so plus minus.
wenni mit dem outo durch schwiiz fahre, tue ig ou anderi dab+ sänder empfa als i fribourg. gwüssi dab+ sänder gönge irgendeinisch ou ganz wäg warum ou immer.
Re: DAB+ (cable)
Verfasst: 02 Dez 2023 12:01
von fifi
Ich bi mal im Gschäftsauto nebedrah ghockt, und mir hend en sender welle lose. Er isch zwar glischted gsi, aber meh hät en nöd chönne empfange. Irgendwenn simmer im menü vom radio zu sowas wie en "Antennewechsel" cho, weiss leider nümm wies gnau gheisse het. Aber mir hend den gswitcht und über de ander "Antennesender" isch de Radio empfangbar gsi. Unterirdische Technik...
Per Kabel gaht das wohl chum vermueti, aber vlt chames sowas au mache wenn per Antenne Empfangsch? Wobi immne Tal, da wird wohl d'uswahl begrenzt sii.. Probiere chammer ja mal!
Wenn mir Sender ab hande cho sind in Vergangeheit, den hani müesi en Sendersuechlauf mache das wieder umme sind, das häsch ja aber scho gmacht.
Re: DAB+ (cable)
Verfasst: 02 Dez 2023 12:54
von siralos
i gwüssi outoradio chasch immer no zwüsche dab+ und fm wähle.