The(G)Forum

"Jogge söttisch au ufpasse. Nöd uf de Strass, da gaht jede Tritt direkt in Rugge. Am beste uf Waldbode."

Mit de richtige Schueh renn ich 10-15 km pro Wuche oni Problem

bisch immerno agfrässe

Agfrässe triffts nid so guet. Da ich mega gärn choche, ässe und regelmässig Alkohol trinke wetti eifach öpis mache dasi chli in Form blibe. Und da ich nid wett fett werde machi das. Ich wett au mit 65i no bim seggsle chönne obe si oni Schweissusbruch, und e Ranze ha isch eifach doof. Denn lieber 3x30 Minute pro Wuche das here Sauego überwinde. Ich hasse seckle, Mittel zum Zweck.

jogge de mensch isch keis lauftier, lueg mal dis skelett vom fuess aaa. laufe isch de tod.

isch ebe geil alli die chnüschlotteris den in 30 jahr, inkl. ruggeproblem wills uf asphalt am mittag unbedingt jede tag haend muesse de krass businessfutzi usehenke.

Do machi no lieber de doppeladler als go jogge. Ganz leids züüg.

sicher nöd s'bescht für glänk aber es hät meh vor- als nachteil

turntablism hat geschrieben:sicher nöd s'bescht für glänk aber es hät meh vor- als nachteil

glaub ich ebe nöd, aber ebe jedem das seine (stat übrigens amene nazitor)

Chunt de au no uf d'Lauftechnik druf a. Die meiste laufet falsch, sprich setzed zörst mit em Ferse uf. So gaht jede Tritt in Rugge, egal mit was für Schueh. Beste isch, mer setzt nur mit em Fuesballe uf. Hanni am Anfang au komisch gfunde, brucht en moment zum umstelle, isch den aber keis Problem. Git am Afang brutal Muskelkater i de Wadde... Mit em Fuessballe bisch den e Art wie e Federe am dSchläg uffange.
Und durab sött mer sowie nöd d'Jogge, das isch de absoluti Tod für de Rugge und Glenk.

ja, vorderfuess lauf isch angeblich au guet.
chasch au sagenhaft tüüri nahrigsergänzigsmittel tablette ala chondroitin etc. fresse wo der glenkabnutzig verzögered. obs was bringt ?

thaeye hat geschrieben:

turntablism hat geschrieben:sicher nöd s'bescht für glänk aber es hät meh vor- als nachteil

glaub ich ebe nöd, aber ebe jedem das seine (stat übrigens amene nazitor)

sötsch glaub mal mitchoo uf en 40km lauf

Aug, bisch früener falsch go jogge oder tuesch eifach wider mal chli umemöögge?

Herr Rossi hat geschrieben:Aug, bisch früener falsch go jogge oder tuesch eifach wider mal chli umemöögge?

ich bin fuessballer gsi 20 jahr lang und schaff bimene chrafttrainingsabüüter. laufe isch eifach nix, seit dir jede gschiiide, einzig isch uusduur (herz chreislauf) ansonste bringts nix machsch nur villes kaputt. meistens isches eh d endorphin uschüttig (also droge) wo die lüüt so geil druff macht. mal ab und zue es läufli isch i.o, aber das marathonzüügs isch gar nix. muskuläri dysbalance ahoi! zu eisiitig de ganz quark.

aber gönd ihr nur go laufe, ihr lauftier. de mensch isch eher en chletterer als en läufer.

wenn scho laufsch den bitte au d statik optimiere, also die muskle trainiere wott bim laufe nöd bruchsch. (villi läufer haend z.b verchürzti hüftbüüger bi schwache hüftstrecker). wenn das nöd machsch und über jahrzehnte eifach chli lossecklisch, vill spass im alter mit schlotterglenk und ebe starche muskuläre dysbalance (isch den au nöd geil bim vögle).

en uusdurmensch isches herz uf zwei bei, meh nöd. schwimme z.b isch 10x sinnvoller.

laufe ich au nix für mich, früehner im Ishockey Training scho nöd.... hüt würdi gern wieder go schwümme, aber das machi glaub ersch wenn de huere Pirelli weg isch :typej:

Danke für dini sehr detailliert Usfüerig Aug. Fazit: Laufe isch nüt für dich wils falsch gmacht hesch. Für mich sind mini Einheite perfekt, ha e gsunde Rügge und e gueti Kondition. De Halbmarathon machi au wider und schwimme tueni au regelmässig. Isch nid jede glich, aber du hesch sicher au öpis wo dir guet tuet

ja weisch isch nöd jede glich, jede isch anderst, mir sind allles underschiedlichi mensche mit bedürfniss, alli völlig indivuell und so. am beste red meh gar nömm über physiologie und de menschlich körper, au biologischi gsetz gits nömm. schöni neui welt.

au gen werdet natürli nöd übergeh, das isch alles hitlerzüügs.

Hesch wider mal dini Täg lol. No so jung und scho so verbitteret

:typej:

Ui de rossi isch widermal triggert worde

Hoi evo, was isch dini Meinig zum Thema?

Jogge isch langwilig und bringt nit so viel.

Ide Stadt jogge isch tatsächlich sehr langwilig, oder im Chreis. Lose praktisch immer es Hörbuech und jogge am See. Gege Hexeschuss helfed sicher au anderi Forme vo Sport, hauptsach nid fett werde, das wär dumm. Woni vor 15 Johr über 100kg gsi bi hani aso au nid selte Problem gha mitem Rügge. Wett nid tuusche mit es paar vom Forum :/

Was hend ihr so für Matratze? Isch jo au nid unerheblich.

Drum tueni für usduur viel lieber velo fahre. Kunsch 10 mol so wit und gsehsch viel meh. Woni mol finnebahn jogge versuecht ha bini nach 10 minute am duretrülle gsi.
Sus luegi eifach im alltag dasi nit übertribe fuul bi. Kurzi und mittleri distanze laufe statt tram, stäge laufe statt de lift neh, mol e schwäri täsche lupfe ststt ufs wägeli tue usw.

Für meh zgseh hani es GA, aber ja, Velofahre isch super. Morn wider, am See entlang