netzteil 1 jahr läbensduur

[feeshlee]

mittlerwiile bini ratlos... netzteil füre pc woni kaufe, händ e läbensduur vo eim jahr. das isch fäng sdriitte netzteile, wo nach eim jahr dä geischt ufgit.
hans ime grosse ghüs, wo leider schnell verstaubt. fahr dä pc eigetli nie abe - immer nur standby.

weiss langsam ächt nüm, wasi no mache söll...

[Tatsujin]

dä pc abefahre?

[feeshlee]

das hani bim erschte immer gmacht. ich glaub ehner, dass es am staub liit, aber sicher bini nöd. im inet hani no was gläse, dass dä 'gliichrichter' amigs gern riisst, will zu dünn. allerdings seit dä gliich, dass mer ohni ahnig die teil nöd uftue sött. und löte chani au nöd.

[BrainBug]

saugstaube?

[Reinforced]

chasch du mir säge weli Markene / Leischtige du verbaut hesch jeweils? Nimmt mir nur wunder ha dir leider kei tip awas es chönnti ligge.

[Tatsujin]

das hani bim erschte immer gmacht. ich glaub ehner, dass es am staub liit, aber sicher bini nöd. im inet hani no was gläse, dass dä 'gliichrichter' amigs gern riisst, will zu dünn. allerdings seit dä gliich, dass mer ohni ahnig die teil nöd uftue sött. und löte chani au nöd.

glaubs nöd dass das jedesmal de gliichrichte sii söll. werum sölled die au so gschnell kabutt gha? i de hüttige gschalltne netzteili hets millione vo teili wo chönted kabbott gh.

[feeshlee]

nt isch seasonic 860w. dä pc isch ca zwei jahr alt - graka isch en gtx640..
s'nt isch im ghüs une und sugt ca 3cm ab (leider staubigem) bode luft ah.

[feeshlee]

härt isch dä im lade meint s'nt seg io... er vermuetet d'graka... han eh vor e neui zkaufe.

[BrainBug]

saugstaube?

saugst s netzteil ab und an ma ab?


wenn ja, sollts wohl eher nid am staub liege. evtl hast irgendwo n kurze im bezehh?

[Tatsujin]

chasch irgendwie mal de usgangstrom messe im vollbetrieb? eher schwierg für en laie ich weiss.

[geosnow]

viellicht nümme dihei schaffe und eifach nur no gamen. mini sega mega drive netzteil laufed sit 20 jahr problemlos.

[Tatsujin]

das sind au normali unzerstörrbahri wickeltransformer blöck. die gönd au nach 100 jahr nöd kabbott. usserd chli en grössere ripple-strom.

[feeshlee]

viellicht nümme dihei schaffe und eifach nur no gamen. mini sega mega drive netzteil laufed sit 20 jahr problemlos.

ich tuen mit dem teil nur game. wenn würkli dgraka putt isch, chanis no verstah -die hät in letschter ziit regelmässig am ahschlag gschaffe: 2500er uflösig isch echli viel für die wenn swtor lauft.

[feeshlee]

isch au komisch: luut debug led ufem mainboard, lauft nachem ischalte au alles dure, bis zum boot-attempt. ich dänke demit isch nöd s'boote vom os gmeint?

aber ebe e neui graka (woni sowieso han welle) wird meh liecht isdunkel bringe oder au nöd.

[damian]

wänn der 2 mal es netzteil abliegt dänn chan das au zuefall si... wänn dänn s'3te au no abliegt chasch denn immer no überlege... soöppis z'eruiere isch eh fast unmöglich...

[XYBOT]

eimal im monet mit druckluft usebutze denn isch easy

warum fahrsch en nöd abe? hesch en server am laufe?

[feeshlee]

eimal im monet mit druckluft usebutze denn isch easy

warum fahrsch en nöd abe? hesch en server am laufe?

zfuul bini. lauf eifach weg und lahnen in standby keie. vilicht sötti uf hibernate wächsle.

[TypeJ]

definitiv komisch, denn seasonic isch eifach porno! nie problem ka mit dene!

aber wieso settis futsch gah wenn graka spinnt? unlogisch

[feeshlee]

lohohol! es isch s'dvi-kabel gsi. demit d'chind am abig händ chöne film luege, hät dä fraueli immer dä bildschirm dräiht. s'dvi-kabel isch zimli knapp vermesse gsi und das häts dänn bi jedem mal dräihe abknickt und dänn am morge wieder zrugg.



zum glück hani voms digitec no e meldig becho, dass dä graka, woni bstellt han, vorübergehend nöd verfüegbar isch, so hani d'bstellig storniert. dänn chani uf d'780Ti warte.

[Reinforced]

Schöne momänt

780Ti isch ja es rächts beast.... chasch fasch 2 ps4 chauffe.

[feeshlee]

HARRR!!!

[Tatsujin]

was het den s'dvi-kabel gnau verursacht? en churze?

[feeshlee]

isch mit dem eifach kei bild meh uf dä schirm cho.

[Tatsujin]

ah ok..logisch eigentlich. aber werum hesch den mehrmals s netzteil verdächtigt?

[feeshlee]

die letschte zweimal hani stunde demit verbracht usezfinde, was genau s'gliche phänomen usglöst hät: aschalte alles trüllt, aber keis bild:
zersch hani natürli graka verdächtigt, anderi graka inetue hät nüt bracht. dänn hani im ghüs so zimli alles ersetzt und es hät au nüt bracht.
dänn am schluss hänis netzteil ersetzt und siehe da: alles lauft. bim zweit mal hani scho gar nöd versuecht z'sueche: grad netzteil ersetzt und isch wieder guet gsi. also hani dasmal au gmeint, es seg s'netzteil, will wieder mal (trotz regelmässigem saugstaube) rächt verstaubt gsi isch. han aber garantie bis 2019 uf das teil, also bini in digitec dä tüp dete schnallt s'netzteil in dertige tescht-pc und es lauft alles. er meint, d'graka chönt im arsch sii. bini hei und han neui graka bstellt und dänn isch mir das dvi-kabel ufgfalle, wo so gar nüme gsund usgseh hät. kabel ersetzt und alles lauft wieder. graka bstellig storniert. warte jetzt uf die richtig graka.