resuscitation hat geschrieben:Also acid.. dä erschti Teil vo Dim letschte Posting treit aber au nöd würklich zu dä Diskusion bii
Das isch natürlich scho so. Het au ehnder chli sölä darstellä wiä diä "Diskussion" ebä au chan Ufgfasst werdä.
Und in Wahrheit isches au no so, dass ich zu CC öpä so stoh wiä de emP zu "Religion". Ich han müäh nüt zsägä, au weni nüt z sägä han woni nid scho i eim vo de Zahlrichä CC Threads vomer geh hätti. Es isch e Firma wo mim Wältbild widerspricht, und ich han Müäh, en andere Standpunkt zum Thema Izneh, als de Verurteilend, oft (au ufgrund vo fehlendä neuä Erkenntnis und villicht chli Frustration) echli "abgschwächt" durch Sarkasmus, wases aber au nid grad Wertvoller macht.
Wenn de Shady chli lolö chan, isches aber immerhin glich nid ganz für d Füchs.
Shadow hat geschrieben:
übrigens was bi Swisscom amigs scho chli ufreglet sind so plötzlichi Ussetzer. De Coompi zeigt a sig alles super, aber mer chund glich nid is Internetz, und kein Sau weiss wieso.
recht dumm... aber chas immer gäh.. lüt mal de swisscom ah, diä gsehnd sicher wo's problem isch... isch nöd akzeptabel.
Leider gsehnd diä das ebä au nid. Han bim erschtä Ussetzer wo würklich echli länger gangä isch mol am Chundädienscht aglütä (irgendwenn am 11 am Obig oder so...), diä hed denn das vo inä us agluegt (mitlerwilä isch jo s Modem und alles über d Zentralä gschaltet, verwaltet und Isehbar (zumindescht wemer nid en Individuelli Lösig macht, willmer chli meh Möglichkeitä brucht)) und gfundä si gsechi keis Problem. Und ebä, ich han au keis Problem gseh, han vollä Empfang gha im Wireless, ha mi Problemlos chönä mitem Modem verbindä und alles. Au Neustart vom Modem oder direkti Verbindig mit Kabel hed nüt brocht, sie hed ebä gfundä chöng au am Wireless ligä, händ denn so e Software wo de Kanal wächslä loht (wenn zvil ufem glichä währed, suechts de optimali usä denn chasch wächslä... isch aber en miisi Software) no vorgschlagä (wo no guet chasch abäladä wenn kei Internet hesch lol).
Lange rede kurzer Sinn, sie hedmer es neus Modem zuächo loh, am nöchschtä Tag heds aber au mit mim altä wider funktioniert.
Diä Ussetzer sind zwar lang nüm so hüfig wiäs det es Zitli gsi sind, und es isch s einzig mol wos würklich so lang gsi isch, aber dos z.B. au bi minä Elterä vorchund (zwar au in Chur, aber imene andere Stadtteil), chans chum a mim Aschluss ligä.
Würklich Müähsam isches nur i wenigä Fäll (wemer grad am öpis luege isch und plötzlich unterbrichts wills nüm laded, oder schlimmer, wemer en Riesä Datei am Abäladä isch, und denn unterbrichts plötzlich), ärgerlich dennoch.
Shadow hat geschrieben:ich setz mich für mini Firma ih, will ich mit Herz und Bluet debi bin... und glaube dass mir afanget alles richtig mache.... bin au scho länger debi und han au dä Fortschritt mitbewegt... und ich weiss wo mir heremüend.... und us welem Tüüf mir chömed.... und mir au intern jede tag am kämpfe sind und au vum mueterhuus her andersch gschaffet wird, als mir das gern hättet.... bitte nöd apisst fühle... isch eifach so... isch viellicht auch chli so will ich mal selbschtständig gsi bin.... I don't know...
Schöne Abig.
Natürlich, isch au dis guete Recht, und isch jo au guet. Wär jo au für dich übel wenn so lang det schafsch und würsch dänkä ir machedi nur Seich. Und ich glaubders sogar (au wenns scho lang verzellsch, und z.B. au bi dem Horizon oder wiäs heisst gfundä hesch ihr heigeds voll im Griff und nochher heds am Afang überhaupt nid klappt. Und s ander isch halt dass dini Sitähib uf d Konkurenz au ehnder Frustrationsbasiert als Sachlich amuetend). Und als Verkünder vo de positivä Sitä vo CC hedmer bi gwüssnä Ohrä wahrlich kein liechte Stand. Ich glaub au dass ihr eu Müäh gänd, und dass det au gueti Lüt schaffed. Nur gots mir natürlich um öpis völlig anders. Euri Agebot sind in Sachä Priis und Gschwindigkeit sicherlich vo keim i de Schwiz konkurenzierbar im Moment. Und öb de Chundäserviece für bestehendi Chundä besser wordä isch chan ich sowieso gar nid beurteilä. Ich bin niä CC Chund gsi, un hans vo derä Sitä us au niä kritisiere wellä.
Das ich aber mit CC dütlich meh Lämpä, Zwüschäfäll, Problem und Kontakt gha han, obwohli niä Chund gsi bin, als mit Swisscom, won ich scho lang Chund bin, langedmer eigentlich scho zum mir en Meinig zu de Firma zbildä.
Ganz zu schweigen vo de Methodä vo CC awändet, wo ich ehrlichgseit e absoluti Sauerei find, und is au unhaltbar find dass das i üsem Land so ofiziell und vo somene grossä Abüter i somene grossä Stil eifach so ufd Gsellschaft losgloh wird, ohni das öper wür en Riegel schiebe. Das sind d Problem wo ich mit CC han, do sind so Frogä wiä öbmer jetzt es paar Mbit meh oder weniger hed wiä versprochä, oder s Agebot echli besser und günschtiger isch oder nid, ziemlich näbäsächlich.
Mir isch natürlich klar dass d Swisscom i dem Berich au nid heilig isch, au wenn ufe ganz anderi Art und Wiis. Dass erscht chürzlich sich quasi fascht zwingä loh händ müese, i gwüssnä Modell (also glaub allnä wo mehreri Produkt beinhaltet) diä 25.- z erloh, wos sit Johrä jedem, natürlich au de Chundä vo de Konkurenz, für de Aschluss abchnöpft händ wos i nid wenigä Fäll wahrschindlich irgendwenn wos no en Staatsbetrieb gsi isch mol Agschlossä händ, und au suscht sowieso zu de Bedingigä ghört wo si müend bereitstellä, dassmer überhaupt Ihri Produkt chan konsumiere. Das findi au en zimlichi Frächheit. Ich ghör z.B. zu denä Dubblä wonen immerno zahlt, willi mi nonig für en Wäg han chönä entscheidä zums umzgoh.
500, holy moly!
