In-Ear Chopfhörer

[der_blubb]

ich ha mini ultimate ears UE700 vrlore und bi uf dr suechi nach ere alternative. nachdäm ich mi e chli informiert ha, würdi mi zwüsche dene 3 entscheide:

- bowers & wilkins c5 (priislich aber liecht über mim budget, es müesst sich also merklich lohne)
- klipsch x10 (ha vrschiedenes drüber ghört, ha no nie klipsch gha)
- ultimate ears ue700 (sind alt ebe scho no guet)

wasi vo mine chopfhörer erwart isch: gueti tonqualität, guets abschirme vo ussegrüsch (nid aktiv, aber es sött scho einiges chönne abschirme)

[Tatsujin]

bescht sind mit noise-canceller fünkschon

[der_blubb]

das sind die wo sone extra-chäschtli händ, gell? bruchi jetzt nid unbedingt. und die choschte sicher au mehr als 200 stützli. mini gränze ligt bi ca. 150.- CHF

[Tatsujin]

bi mim walkman isch ebe alles scho integriert. git aber sicher scho ganz muntzigi, au unter 100 denki

[Uriel]

Der Thread isch alles, was bruchsch

Opinio Communis isch, dass Aktives Noise Cancelling fasch nüt bringt, wenn nüd mit em ne konstante Lärm konfrontiert bisch. Die bessere In Ear Chopfhörer isoliered meischtens gnueg guet.

[Tatsujin]

Opinio Communis isch, dass Aktives Noise Cancelling fasch nüt bringt, wenn nüd mit em ne konstante Lärm konfrontiert bisch. Die bessere In Ear Chopfhörer isoliered meischtens gnueg guet.

logisch isch das so. aber ebe im zug, flugi etc. isch es frappant. chasch au eifach nur de noise canceller iischalte und hesch massiv meh rueh

[Acid]

Klipsch hani letschti mol gha... nid so tüüri (aber wenn diä x10 s glich isch wiä x10i (x10 hani ebä uf d schnälli kei gfundä), sind diä jo au wit über dim Budget!?).

Abgschirmt händs sehr guet... so guet dassisi bim Sagä grad als Oropax brucht han, wills besser abgschiirmt händ. Sound isch au guet gsi.

Was aber gar nid abgschirmt gsi isch, isch Körperschall. Händ so es flachs Kabel gha, und isch jo toll wenns nid so viel verchnöpfed, aber jedesmol wenn das irgendwo heräklöpflet isch, hedmer das dütlich ghört im Hörer.

Und denn sinds relativ gli au futsch gangä, glaub schnäller wiä jedä ander woni bis jetzt gha han. Also würklich schnäll.

Klar ebä, isch glaub eis vo de günschtigschtä Modell gsi, aber hedmi also scho chli entüüscht.

[der_blubb]

merci!

d x10i sind scho e stück wit tüürer, aber au numme wäge dere iphone-färnstüürig. ha aber eh keins, drum het sich das erldigt. evtl nimmi wirklich nomol s UE700

[TypeJ]

i han klipsch und ich finds fantastisch

[Pombaer]

Ha scho paar Jahr Klipsch S4(i) und bi sehr z fride. D rugged Version het sogar no es sehr guets, dicks kabu, zB gaege Kabubruch

[der_blubb]

argh, ihr mached's eim nid eifach! mol sind d klipsch super, denn wieder nüm

mol luege ob s agebot uf ebay durechunnt für d b&w c5. denn git's e vrglichsbricht mit de UE700

[Vyse]

In Ear findi guet wäg dä Schallisolation und so, aber da no en Hint:
Fuck die Teils mit dä uswächselbare Silikonuufsätz. Die gheiet ständig ab (guet, je nach Chopfhörer nimm ich ah, evtl. au nöd) und eimal isch mier so es Teil im Ohr blibe, has um es Haar gard no uusebracht, suscht hätti zum Dok müesse, mier so en Uufsatz uus em Ghörgang go grüble lah.

[der_blubb]

isch übel wenn sie usekeie und me unterwägs isch, jo. allerdings hani jetzt no nie problem gha mit feststeckende stöpsel

ich wart jetzt uf mini c5

[PlanetHarrieR]

Ich brauch auch mal wieder neue Stöpsel, nachdem ich meine Sennheiser zwei mal mitgewaschen habe. :typej: Aus dem Grund würde ich aber auch nicht mehr als 40 Euro ausgeben, ich habe sie auch viel zu oft im strapazierenden Alltagsgebrauch.

Die alten laufen noch erstaunlich gut, scheppern aber manchmal ein wenig.

[Vyse]

Ha dPhonak Audeo (ohni Frequänzfilter). Vo dä Klangqualität sehr neutral, mier gfallets guet (wichtig eifach, dass en Equalizer im Abspielgrät häsch), aber ebbe, dUufsätz händ en sehr schlächte Halt.

[der_blubb]

d audeo hani au gha, aber das über-ohr system het mir nid so pässlet. au vom ton här händ sie mir nid so überzügt.

sunnscht hani no e paar vo shure und sennheiser gha (modäll weissi nüm so genau, sind aber so zwüsch 60 - 100 chf gsi). d shures händ bis jetzt am beschte dr schall abdichtet (aber au wieder über-ohr), allerdings händ beidi im ton nid so überzügt wie d UE700, die sind sowohl in de abdichtig als au in de tonqualität überdurchschnittlich gsi (vor allem d tonqualität isch mega gsi)

[der_blubb]

so, ha mi jetzt schlussändlich umentschiede und ha mir e upgrade gholt: d Logitech UE900

wow! e wahnsinns tonqualität! ich ha öppe die glichi freud vrspürt woni damals d UE700 s erscht mol probiert ha (vorhär hani so brunz-chopfhörer gha) - jetzt eifach uf emene massiv höhere niveau

[PlanetHarrieR]

oh, geiles design auch!

[Astroboy]

Shure SE215, jede Tag.