Final Cut Pro suckt plötzlech

[mousch]

Und zwar hani bis vor churzem immer chönne Videos lo finalisiere (Freigeben) und debi normal Surfe etc.. sid neuschtem klappt das aber nümm sprich ds iMovie stoppt d Arbeit und fangt erscht widr a wenni ufs Programm klicke und nix am Mac mache.

Han de MacProRetina mit 2.7Ghz und 16GB Ram...

wo isch ds Problem??

[Tatsujin]

s Multitasking im arsch?

[Supersonic]

iMovie isch de fucking Buttcancer under allne Videobearbeitigsprogramm. Ich chönnt brüele wenni gsehn was Apple mit ihrere Software gmacht hett.

Aber de Computer wiiterverwende während em Rendervorgang isch es No Go. Egal wie schnell das d'Maschine isch und was für es Schnittprogramm dasd verwendisch. Logisch gahts i de allermeiste Fäll aber mer tuet d'Fehlerquote vo Videos erhöhe und es gaht meistens es rechts Stuck länger.

[mousch]

sorry ig meine Final Cut Pro, lol

[Acid]

lol, würklich lol.

Meinsch isch öpä zum Zitpunkt vom Update gsi letschti?

Aber ebä... scho chli was de Sonic seit... guet, bi churzä Vids würsch en gröbere Fehler wohl bemerkä, und wenns ehnder um YT Videos got, wo niemer uf alles luegt, isch d Problematik villicht au wider en anderi.


Han das übrigens au erscht grad letschti glernt. Han agfangä es paar alti miniDV izläsä über Firewire. Es uhuere Züg, bi jedem Brake heds wieder nüm witer igläsä, s Tape isch doch no witer, immer müese d Kamera stoppä spuele findä. Han denn chli umägläsä, willi gmeint han ligi am Programm und am Timecode. Denn hani noimed gläsä dassmer uf kei Fall söll de Prozi dur irgendöpis anders belaschtä währedmer inälist, will das d Quali chan verarschä (was bi Rohmaterial natürlich denn no müäsamer wär... vor allem wili sicher nid vor han das Züg nomol ufzneh, fallsis denn mol will verwändä). Hani dänkt, super... jetzt hesch de ganzi Schissle, und chasch nid mol no näbedbi öpis anders machä. Aber siehe da, woni nur no FCP off gha han, und de Rächner ellei glo han, sind au grad all ander Problem verschwundä, lisst schön s ganzä Band vo Afang bis Endi, und speicheret alli Dateieli süpermaximali.

[Tatsujin]

lol, LOL, lol

[Supersonic]

Wükli alli Prozess cancle. Au Explorers, oder Word oder so.

Btw. isch au FCPX Buttcancer. S'7i isch super gsi, leider aber nüme ziitgemäss. Ich vermiss es es bitsli aber Premiere Pro isch die richtig Wahl wenn mer vo FCP wechslet.
Besseri/schnelleri Renderengine, jedi erdenklichi Furzcodec chan i einere Timeline verwendet werde ohni s'File müese vorher umzwandle, Nahtlosi Verbindig mit andere Adobe Programm, Dynamic Link, eifache Iestiig für ehemaligi FCP User und es wükli schöns Interface.

D'Liste würd no länger gah aber lueged stattdesse lieber das:
http://www.retooled.net/?cat=20&paged=2" onclick="window.open(this.href);return false;

Nach ca. 4h bisch debii im Premiere.

[Uriel]

Wükli alli Prozess cancle. Au Explorers, oder Word oder so.

Btw. isch au FCPX Buttcancer.

Ernsti Frag: Scho mal die neuschti Version aaglueged? D Lüüt i mim Umfeld sind wieder recht ds friede.

Mousch? Weli Version vo Mac OS hesch du? Es chan an App Nap ligge. Falls Mac OS 10.9 hesch, chasch App Nap für FCPX abschalte und dis Problem isch glöst

[Acid]

Wükli alli Prozess cancle. Au Explorers, oder Word oder so.

Btw. isch au FCPX Buttcancer.

Ernsti Frag: Scho mal die neuschti Version aaglueged? D Lüüt i mim Umfeld sind wieder recht ds friede.

Isch ebä scho so... Sie hends verbockt wiä Sau (und sie lerned schiins nüt drus... s neuä Pages händs z.B. jo schiins au völlig i d Scheisse gsezt, fascht no gröber i de Folgä... kei Ahnig was mit denä lauft, söttet mol wieder chli weniger as Marketing dänkä, und echli meh dra ihrnä Chundä zdiene), aber mitlerwiilä händs glaub zimlich viel wieder heräbogä, und es het sich natürlich au de eint oder ander e chli a neuerigä gwöhnt.
Useme Proffesionellä Standpunkt chanis allerdings nid beurteilä, nur ebä, mer ghört scho viel bessers. Au wenn s eint oder ander no chli en Hack bruucht, obwohls kei Sinn macht (z.B. leeri Textebeni als Effektebeni oder so).



Und Adobe bringt eim do no ganz anderi Problem is Huus. FCPX choschtet 300.-. bis jetzt händ si sich zum Glück no keis Update zahlä lo, au nid das uf diä neu Version. Für de Priis dörfsch bi Adobe s Premiere 10 Mönet lang nützä und denn hocksch wider mit nüt do. Wenn denn au no würklich meh wilsch, no chli Grading, After Effekts, Encoder, und denn au no diä schönä Dynamik Links und d Adobe Programm wo alli zämäschaffed für jede erdenklichä Zweck, losch grad 70 im Monet liggä... au mit Compressor und Motion chunsch uf en Pris für de der s Adobe Paket nid mängä Monet chasch leischtä.


Klar, FCPX, Motion und Compressor isch nid annähernd mit de CC verglichbar. Nur scho will det no all diä Super Programm debie sind wo mit Film nüt ztuä händ. Aber ich glaub es isch wohl scho einiges meh möglich als mit Premiere ellei. Und es isch ebä vil möglich, für de Priis sowieso. Über 800.- im Johr isch aber eifach absolut unrealistisch, wenn ein nid sin Cholä (und au nid z knapp) in erschter Linie mit denä Programm macht, und würklich uf alli Möglichkeitä agwiesä isch. Und wer wiä de Mousch sini Youtube Videos macht, de chan wohl mit FCP für sehr vil weniger Gäld einiges meh machä.




@Mousch: Villicht heds au öpis mit Renderistelligä ztuä.

[Supersonic]

Zum es paar Viedölis schniide bruucht mer weder FCP no Premiere aber für jede wo mindestens 4 Mal im Monet für Geld öppis schniidet oder demit schafft, sött de Priisunterschied keis Züngli ade Waag sii.

Und es mag sii, dass FCP X einigi Fehler uusbesseret hett aber es interessiert mich schlicht nüme. Sie hend mich als Chund für immer verlore und ich chan mit guetem Gwüsse behaupte das ich jetzt s'bessere Programm benutze wo drüber use vor allem nöd nur uuf eim Betriebssystem funktioniert. Und das isch im Arbetslebe teilwiis wükli wichtig.

[Acid]

Wenns nur es Züngli wär, würder Rächt geh. Und wennmer bi Adobe au no chönt demit schaffä wenmer sich mol es Update nid leischtä chan, und nid eifach ohni nüt i de Scheisse würd sitzä gloh werdä.

[Xinobrax2]

Ich finde s Premiere au super...zum eine isch s Programm an sich recht guet...was ich aber na vil besser finde isch di ganz interaktion mitem komplette Adobe Suite. Zersch chli Sache zeichne im Photoshop, denn übere schiebe is After Effects zum fetti Animatione mache, die denn is Premiere schiebe zum chli schnide und am Schluss chamer mitem Encore sogar na e DVD oder Bluray drus mache. De Workflow isch eifach perfekt und jedes einzelne Tool isch uf sim jewilige Gebiet genial

Und weg de Lizenze, das Interessiert Adobe en Schiisdreck solangts nöd komerziell verwendisch...

[Uriel]

Isch ebä scho so... Sie hends verbockt wiä Sau (und sie lerned schiins nüt drus... s neuä Pages händs z.B. jo schiins au völlig i d Scheisse gsezt, fascht no gröber i de Folgä... kei Ahnig was mit denä lauft, söttet mol wieder chli weniger as Marketing dänkä, und echli meh dra ihrnä Chundä zdiene)

Isch zwar OT, aber ds Pages isch nach em ne Monat wieder bruuchbarer worde. Was ihm immer no fehlt, sind die frei definierbare Keyboard Shortcuts für d Character Styles. Das Update sött ines paar Wuche cho. Wenns jetzt no Mädiävalziffere understützt wers für mich wieder e Alternative zum Mellel.

Mousch: hesch mal glueged weg de Mac OS Version? Ich bin mittlerwiile zimli sicher es liit an App Nap und wer somit e Funktion, wo chasch deaktiviere, wenns dich nervt.

[Mastler(P)]

iMovie isch de fucking Buttcancer under allne Videobearbeitigsprogramm.

schlimmer als dä windows movie maker?

[Tatsujin]

iMovie isch de fucking Buttcancer under allne Videobearbeitigsprogramm.

schlimmer als dä windows movie maker?

schier unmöglich

[Mastler(P)]

schier unmöglich

ebe drum. i frage nur.

[Supersonic]

iMovie isch de fucking Buttcancer under allne Videobearbeitigsprogramm.

schlimmer als dä windows movie maker?

schier unmöglich

Gits de no?
Ich han s'allererste Mal woni gschnitte han mit dem gschaffet. Tod und Verderbe allne wo a dem Programm beteiligt gsi sind
Ca. 10h Arbet hani verlore dank Crasches und mangels Autosave-Funktion

[Mastler(P)]

mich häts mal unglaublich ufgregt will ich han en teil exakt cuttet, oder besser gseid es versuecht.
es paar bilder wo ich nöd han welle sind immer wieder is video cho..

und ja, di neu version im 7ni isch stabiler, aber hät immerno chum funktione und isch immerno es programm für di dümmschte.

[Tatsujin]

Ca. 10h Arbet hani verlore dank Crasches und mangels Autosave-Funktion

isch amigs genau jedem so ergange

[Mastler(P)]

isch amigs genau jedem so ergange

[Tatsujin]

all 30 secs en total crash..I shit you not!

[Mastler(P)]

wow, wenigstens weisch wora dbisch.
ich ha früehner gar nüht gmacht währed em save prozess. denn isch er meischtens wenigschtens durregloffe.
han aber au scho crash kah und nomal vo vorne döfe zämmeschnibbsle.

[Tatsujin]

unter win7 und hoecher soells ja jetzt schiins besser laufe.

[Mastler(P)]

ich has ebe einisch us neugier für es handyvideo gschnell usprobiert.
kein absturtz, 1,2 meh funktione. aber immerno nur für lüht wo 0 ahnig händ oder 0 ficks gäbbet geignet und susch niemer.