Prey

[Moff]

hani logisch bide erschte glegeheit gmacht

[Buccaneer]

Gids NG+?
Chan mer eigentlich re-spece?

[Master(G)]

nei, beides ned.

aber NG+ händs bim dishonored nachträglich no dripatched... chönt also no cho.

[Buccaneer]

Das mer nid chan re-spece findi ez aber nid so de Hit. Well es gid nid gad wenig Möglichkeite. Oft schaff ichs i so Spieli, mini Skills völlig blöd zäme stelle, well i vo allem bizz wett.

Die huere Phantoms findi creepy, wenns immer Züg vor sich här murmled. Aber am meiste verschreck i immer no, wenn mer es Kaffeetassli is Gsicht hüpft. So guet

Macht aber immer meh Spass. Ez hani endlich ordentlich Usrüstig zäme und gnueg Munition für d Shotgun. Die Verletzlichkeit womer am Afang gha hed, hed zwar rächt Spass gmacht, bin aber glich froh, hani es ordentlichs Arsenal zäme.

Storymässig hani no zimli nix gmacht... aber scho viel umegschliche und a Orte gsi, woni nonig aneghöre. Als nöggst will mer irgendwo en Neuromod Blueprint uftribe. Fabrications gseht vielversprächend us und dete hetts viel Ressource. Aber muss dete immer im Chreis ränne und chan nid genau luege, well i de Roboter dete nonig mag umtue...
Mer chan so in relativ viel Gebiet vorstosse und eifach chli umeränne und schliche zum Zügs isammle. Die meiste Gägner sind eigentlich relativ langsam und verfolged di chum.

[Master(G)]

neuromod bauplän gitts a 3 orte, also 3 han ich gfunde.
aber chasch am afang ned meh als 3 selber herstelle, gsehsch de warum! LOL

[Buccaneer]

neuromod bauplän gitts a 3 orte, also 3 han ich gfunde.
aber chasch am afang ned meh als 3 selber herstelle, gsehsch de warum! LOL

Nime a, wells viel exotisches Material brucht. Bini mal gspannt! Nid verrate!

Gäb zwei Glitches womer chönnti usnütze für:
- meh Materialie recycle
- Schwäri Gägeständ verschiebe ohni Leverage Skills

hoffe sie wärded gli patched, well i sust in Versuechig chume.

Wie machsch am beste Roboters kaputt? Mit de Elektrogun betäube und denn mit de Shotgun de Rest gäh? So chlini Operatore sind nid so s Problem, ein zwei Schüss und guet isch. Aber de Bot i de Fabrikation schaff i nonig...

[Master(G)]

EMP granate und ufglevleti shotgun. gaht prima, brucht aber scho paar schüss...
recycler-charges funktioniered au guet und ziehnd rächt ab.

[Moff]

gits na anderi Roboter als die Operators? die chasch ja eifach mitem wrench abeschwöre

[Master(G)]

mer chönt die roboter au eifach umprogrammiere, mit telepath fähigkeit oder?
ich han äbe keini vo dene freigschalte, nur human-upgrades...

PS: bim 2. durchgang machi das mit dem ressource-glitch und chauf alli neuromods!

[Buccaneer]

De Roboter isch gröber und teilt heftiger us, als die ein zwei Operators, woni bis ez gseh han.

PS: bim 2. durchgang machi das mit dem ressource-glitch und chauf alli neuromods!

De musch di aber beeile. Ich nime a, früehner oder spöter wird das wohl patched.

[Master(G)]

ich mach glaub hütt no schnell en master-save für de 2. durchgang

du meinsch glaub en "technopath" oder? das isch sone flügende typhon, gross, eckiger als anderi... (?) er hett meischt paar chlini operator-roboter debi wodi agriffed... meinsch de?

[Moff]

ich denke au du meinsch eine vode grosse Typhons
Roboter gits nur Operators, und die chasch abechnüpple

für die grosse Typhons wie weaver, technopatchs etc. empfiel ich de skill psychoschock, de isch en absolute gamechanger. macht ordentlich damage und verhinderet psi fähigkeite bim Gegner, macht alles easy peazy

min 2t durchgang isch übrigens ganz ohni irgendwelchi skills und uf nightmare

[Buccaneer]

Ha kei Ahnig. Hes sehr technisch usgseh. Es hed dete Turrets wo de plötzlich uf mich schüssed. En Technopath chan die glaubs stüre. Spricht also für ihn.
Gsehnd viellich Military Operators Andersch us? De chönnts no so eine gsi si. Hed usgseh wie en Maschine...

[Master(G)]

ja, das sind eifach die MG-turrets wo chasch ufstelle und verstärche (und später au selber herstelle).
das sind koffer und wenn sie ufstellsch chunts mg quasi usem koffer use...

[Master(G)]

so ich bin jetzt au dure... ha 3 verschiedeni endings gseh. am schluss isch bitz müehsam mit dem viele backtracking. mer lauft quasi vo eim ladescreen zum nöchschte.

alles in allem aber en guete zock gsi.

jetzt hani grad wieder luscht uf dishonored 2 becho. wirde das jetzt mal nachhole, bin ja no nienets gsi...

[PlanetHarrieR]

Quelle

[Gurgelhals]

He, das Spiel isch absolut fantastisch. Endlich wieder mal eis, wo s'Spielprinzip vo dene alte Looking Glass-Titel wie System Shock 2 aber au Thief trifft. Und au Deus Ex natürli. Und Vampire: Bloodlines. Und vor allem trifft's würklich exakt das, wo die spirituelle Vorgänger usgmacht händ. Intelligänts Gameplay-Design, sehr durchdachti und stimmigi Levels, fantastisches und eigeständigs Visual und Sound Design und doch chunnt alles agnähm locker und ungezwunge übere. Kei "Boah, da Cutscene und det Krachbumm und lueg da grosses Drama und Pathos und lueg mal det äne!!!" sondern meh "Hey, Lüüt, mir händ da eifach mal churz es System Shock 3 gmacht. Isch glaubs ganz guet worde. Lueged doch mal dri, wänn er Luscht händ "

Han ich ehrlich gseit überhaupt nöd erwartet. Bioshock isch ja damals scho mit dem Aspruch aträtte, aber s'Resultat isch enttüschend gsi, will's letschtlich dänn doch überhaupt nöd begriffe händ, was die Spiele damals usgmacht händ. Und s'Deus Ex 3 isch zwar überraschend guet gsi, aber doch au irgendwie en Kompromiss (wänn au en akzeptable Kompromiss) zwüsched em alte Deus Ex und "stromlinieförmigem" Konsole-Gameplay.

Aber das da isch würklich super. Es intelligents Spieli, wo aber völlig unprätentiös und entspannt dethär chunnt. Ich meine, wänn de John Carpenter persönlich ( ) das Spieli super findet, dänn wird wohl öppis dra si:

He, vortex, spiel das! Isch definitiv öppis für dich!

Krass, nach em Zelda scho de zweiti Überknaller i dem Jahr.

[zwirrlibatz]

ganz offesichtlich!

uereguet!

s'erschte hani damals agspielt unds ganz ok gfunde. gueti idee da mit dem portal und em indiandergeischterzügs, aber dänn gliich chli zu 08/15 bummbumm gsi zum wiitermache.

[Gurgelhals]

ganz offesichtlich!

uereguet!

s'erschte hani damals agspielt unds ganz ok gfunde. gueti idee da mit dem portal und em indiandergeischterzügs, aber dänn gliich chli zu 08/15 bummbumm gsi zum wiitermache.

Es hätt ebe ussert em Name überhaupt gar nüt mit em "Vorgänger" z'tue. Komplett anders Entwickligsteam, komplett anders Projekt. S'Spiel isch vo vorne bis hine e Verneigig vor de Looking Glass "Schuel" vom Spieldesign. Und das im Gägesatz zum Bioshock au in richtig und in würklich guet.

S'Computersystem i de Spielwält heisst au Looking Glass. Und de Code für die ersti Türe isch 0451 - wie im Deus Ex und em System Shock

S'Design isch au super. So Science-Fiction mässig ufpimpts spati 50er / früehni 60er-Jahr Innearchitektur. So chli Space Age / NASA / Ken Adam-mässig. Würklich, würklich guet und sehr eigeständig. Han i Videospieli no nie öppis verglichbars gseh.

[Moff]

s'artdesign isch scho au recht a bioshock aglehnt, nöd? dunktmi iets en leider recht offesichtliche inspiration und lahts ned ganz so früsch würke und es fehlt a eigner identität.

trotzdem isch d'station natürlich phänomenal designt, die isch ganz klar de star vo dem spiel. wundervolli top tier exploration.
spielerisch findis wie scho paar mal gseit eher mittelmass, kämpf sind müehsam, abilities zum gröschte teil langwilig und mer wird relativ schnell zumene jack of all trades, was halt im system shock scho andersch gsi isch

[Master(G)]

spiel isch guet, wahr, aber übertriibet mal ned

[zwirrlibatz]

spiel isch guet, wahr, aber übertriibet mal ned

wahr. s'chan nöd alles far cry battlefield recon spec ops sii.

[Master(G)]

schad isch, wenns ned mal dishonored isch. aber egal.
ich han prey 2x duregspielt, und du? weisch vo was du redsch?

[zwirrlibatz]

hallo? ich han far cry battlefield recon spec ops drümal duregspielt.

[Master(G)]

dini konter sind au schomal besser gsi

streng di mal bitz ah gopf!