Seite 1 von 2

Octopath Traveler (Switch)

Verfasst: 15 Jul 2018 17:56
von Mr. Heli
Bis jetzt ca. 5 stund gspielt, mir gfallts optisch mega :herzli: , obwohl ich susch nid fan bin vo dene neue retro look games.

D story isch mir bis jetzt no recht es rätsel, hesch verschiedeni charaktere zur uswahl am afang. die lernet sich mit de ziit kenne und schaffed zeme. meh chan denn d charakter au wechsle. jede charakter bringt e gschicht mit. vermuetlich vernetzed die sich geg de schluss denn ali.

kampfsystem isch rundebasiert und sehr abwechsligsriech. jede charakter het anderi waffe/fähigkeite. gegner sind sehr abwechsligsrich. nid übermässig viel random encounters, was au sehr agnehm isch.

d sprachusgab uf englisch isch jetzt nid so de börner, aber sind ja die meiste englische synchros so... d musig isch schön, aber au nid speziell lobenswert.

mir gfallts bis jetzt recht guet und freu mich zum wiiter spiele.

Re: Octopath Traveler (Switch)

Verfasst: 16 Jul 2018 05:22
von evo
Isch geil. Ha so 10 stund druf. Aber definitiv eher e gameplay rpg als es story basierts. Ha jezdenn all 8 freaks zämme, i glaub s macht den rächt uuf.

Re: Octopath Traveler (Switch)

Verfasst: 16 Jul 2018 18:47
von LuiStyle
Isch bestimmt es sehr guets rpg und endlich runde basiert :1thumb: . Wird ich mir vermuetlich vor dä Ferie no zue tue :happy:

Re: Octopath Traveler (Switch)

Verfasst: 17 Jul 2018 05:28
von Zoran
Ich han bis jetzt 5 Stund gspielt und finds super....hät ja au sehr gueti Bewertige übercho

Re: Octopath Traveler (Switch)

Verfasst: 20 Jul 2018 20:22
von Zoran
17 Stund gamed eifach dBöss werded massiv schwieriger

Re: Octopath Traveler (Switch)

Verfasst: 21 Jul 2018 17:06
von Mr. Heli
ziet jetzt scho a. all charaktere gholt und denn zum wolf boss, ka chance gha. machi demfall später. hoffentlich isch de nächst boss machbar.
irgendwie han ich nie geld zum di richtig guete waffe chaufe.

Re: Octopath Traveler (Switch)

Verfasst: 22 Jul 2018 14:54
von LuiStyle
Über 5h gspielt und ich liebs!
Mir chömed die geile erinnerige vo dä erste Final Fantasy in sinn :sabber: :herzli:
Die neue RPGs müend unbedingt wieder rundebasiert werde!!! Finds viel geiler :wixer:

Re: Octopath Traveler (Switch)

Verfasst: 24 Jul 2018 05:29
von Zoran
ich bin jetzt bi 26 Stund... han no nie i so churzer Zit es Spiel so oft gspielt :-D

Re: Octopath Traveler (Switch)

Verfasst: 28 Jul 2018 18:42
von Zoran
Bin jetzt bi 39 Stund und wirds bald mit mim Hauptcharakter dure ha :1thumb:

Re: Octopath Traveler (Switch)

Verfasst: 05 Aug 2018 16:30
von Mr. Heli
bin bi 30h+ und han mit jedem charakter fang di zweiti story dure. jez muess ich wieder go grinde das d charaktere nid verrecke. viel z spaht im spiel mal die schrein gfunde, es absoluts muss. und de ganz plunder verchaufe, git geld für gueti waffe.

Re: Octopath Traveler (Switch)

Verfasst: 15 Aug 2018 19:47
von Mr. Heli
46h und immerno ade 3te gschicht vode charakter, d hälfti vo dene öppe dure. isch recht komisch, z.t. han ich bi gegner wo viel stärcher sind viel liechters spiel als bi sottige imne um einiges tüüfere level. stärchscht charakter level 49, schwächscht wohl so um level 20.

Re: Octopath Traveler (Switch)

Verfasst: 15 Aug 2018 19:48
von Mr. Heli
ha übrigens d h'aanit als main character gno. sie und de alfyn han ich immer im team. mit kleriker und dieb zusatz. guet zum heile und wiederbelebe und deckt en grossteil am waffe und magiebedarf ab.

Re: Octopath Traveler (Switch)

Verfasst: 16 Aug 2018 05:35
von evo
I ha kei fests team, tue immer chli wächsle und ahpasse. Level luegi dass all öppe immer glich höch sin, usser halt mi haupt bro, dä isch so 6-8 level höcher als de rest.

Sehr geils stats/kampf grundgrüscht. Macht genau das guet woni bi xenoblade 2 so huere mies gfunde ha: t änderige an de items/skills mache sich scho bi kline sache sofort bemerkbar im gameplay. Öppe 100 mol bessers fightsystem als s xeno, wo e mega bländer gsi isch.

Tip: zur berächnig vo zauber nimmts immer dr magie wärt vo dere waffe wo dr höchst wärt het, me muess si nit aktiv ahwäle im kampf, stackt aber au nit mit anderne waffe, also im zwifelsfall jedem männli wo chli zaubere söll immer nur 1 waffe mit möglichst hohem elementar schade druf, bi de andere waffene kame denn ruhig ufe physische schadenswärt achte.

Re: Octopath Traveler (Switch)

Verfasst: 26 Aug 2018 19:16
von Mr. Heli
mit allne charaktere ade 4te story. schaff kein einzige boss. au d charaktere uf level 55+ bringets nöd...

Re: Octopath Traveler (Switch)

Verfasst: 27 Aug 2018 11:29
von evo
Hoffentli ziehta biz ah, i bi glaub erst ei einzigs mol gstorbe. Dabi hets gheisse es sig richtig schwär.

Equipment macht mehr uus als level, massiv meh. Grad bi de waffeni

Re: Octopath Traveler (Switch)

Verfasst: 27 Aug 2018 12:01
von DeftOne
Mr. Heli hat geschrieben:mit allne charaktere ade 4te story. schaff kein einzige boss. au d charaktere uf level 55+ bringets nöd...
I bi erst bald mal dure mit Kapitel 2 vo allne. Vo dem her chan i dezue nöd viel säge. Aber anschinend isch de true Endboss en ziemliche Abfuck. :lol:

Hani zumindest vomene Bekannte so mitbecho. I ha erstmal pausiert, wil i lieber shenmü game.

Re: Octopath Traveler (Switch)

Verfasst: 27 Aug 2018 16:14
von Zoran
Bin bi 73 Stund und han vo allne 8 die dritt Story dure und vo 2ne no die 4ti, aber bi gwüssne isch de Boss mega mega schwer obwohl 3 Charaktere über Level 60 sind....mal luege ov ich alles durebring :-D

Re: Octopath Traveler (Switch)

Verfasst: 02 Sep 2018 13:23
von Zoran
So jetzt nach 86 Stund hani all Gschichtene dure :-D

Re: Octopath Traveler (Switch)

Verfasst: 03 Sep 2018 14:30
von LuiStyle
Han knapp 40h druff bin fliessig am levle. Gaht no ewigs bis ichs dure bring :oops:
Aber guet find ichs immerno! Nur schad das dä sound chli monoton isch, chli meh abwechslig würd sehr guet tue.

Re: Octopath Traveler (Switch)

Verfasst: 12 Sep 2018 12:18
von elnino
Ich ha so um die 12h und glaub 6 vo 8 Charaktere. Am Aafang hanis mega gfunde, aber inzwüsche liids scho länger uf de Siite, wils mär storymässig chli z langwiilig worde isch. Ich glaub s Game hätt enorm profitiert, wenn die einzelne Stories mitenand verchnüpft wäred. Zumindest bislang hends null Zämähang und jedi einzeln für sich isch halt je nach Charakter scho nid allzu packend. Mache denn aber sicher widär wiiter.

Re: Octopath Traveler (Switch)

Verfasst: 14 Sep 2018 14:49
von LuiStyle
^ ^ Primrose story isch geil :wixer: :lol:
Mir passt sganze sowies isch, charaktere redet au no mitenand.
Muessch am game no chli ziit gäh ;)

Re: Octopath Traveler (Switch)

Verfasst: 14 Sep 2018 16:46
von Zoran
es isch super ich liebs au :1thumb:

Re: Octopath Traveler (Switch)

Verfasst: 15 Sep 2018 06:44
von evo
LuiStyle hat geschrieben:^ ^ Primrose story isch geil :wixer: :lol:
Mir passt sganze sowies isch, charaktere redet au no mitenand.
Muessch am game no chli ziit gäh ;)

Au wenns der gfallt wies isch, t storys sin sehr sehr flach und die „gspröch“ unterenand sin gar nüüt, kasch de füx und de hase gä. Beinhaltet nüt relevants oder luschtigs weder sus no irgendwas.

Re: Octopath Traveler (Switch)

Verfasst: 15 Sep 2018 09:07
von mr.raw
:shock:

Re: Octopath Traveler (Switch)

Verfasst: 23 Okt 2018 05:08
von evo
Mr. Heli hat geschrieben:mit allne charaktere ade 4te story. schaff kein einzige boss. au d charaktere uf level 55+ bringets nöd...

Ha jez mol sone kapitel 4 boss probiert und grad bim erste versuech gleggt :oops:
Alli lvl 46 öppe usser de hauptchar höcher.

Ka der sus mol mi genaus setup schicke wend möchtsch.