The(G)Forum

Also dä Trailer gseht amol rächt parat us

resuscitation hat geschrieben:Also dä Trailer gseht amol rächt parat us

Das het dazumal de Rise of the Robots au.. Haha...
agestuffer

LOL.. han das Game preordered und geschter isch es abeglade worde.. Hüt isch scho dä erschti Update installiert worde.. no befores überhaupt released isch :typej:

geschter de ganz abig gspielt. es sich ziemlich super! bitz luschtigi animatione mängisch bim laufe und fighte, und gsichter gsehnd e bitz wie wachs uus, aber suscht würkli 1A. super sach. ändlich wieder mal es geils singleplayer star wars spiel. hett also scho was vo dark souls, sprich aspruchsvolli kämpf mit stamina-bar und verlorener XP bim tod. bim save respawned all gägner wieder - wemmer "usrueht", suscht ned, aber nur bim usruehe chunsch läbensenergie zrugg über.... findi guet, chasch bitz levle.... aber kei angst, es gitt au en "story-mode" für die wo das ned so lässig findet. es chan also jedes spiele, au die, wo ned so guet im kämpfe sind.

cutscenes sind ganz geil, ich hoffe es hett no viel vo dene, gnüsse jedi sekunde.

uf xbox one x gitts 4k/30fps und 1080p/60fps... ruckle tuets ned, nur bim nahlade (streamä) gitts so lade-ruckler, ned so wild.

ha freud! chamer sich also gäh!
hoffe es gaht schön lang... 10 stund wär frisch... ma guggn. bi jetzt ufem 2. planet.

han eim zuegluegt und naja, nix supertolls, zum teil recht haklig gsets uus und s clipping vom liechtschwert isch jetzt scho meisterlich.

sicherlich. ned perfekt. aber sehr guet! ich gibe 8/10 nach 3 stund spiele...

wenn aber kein star wars fanboy bisch wie ich. denn 6/10. oder7? hmm...

slevel-design findi äbe au no cool.. chasch ned grad alles hole, muesch erst fähigkeite ha und zrugg cho später... metroidvania! gueti sach...

Metacritic: 90

https://www.metacritic.com/game/pc/star ... llen-order" onclick="window.open(this.href);return false;

Also bis jetzt bin ich nonig begeischteret.. es isch OKisch aber nonig meh. Grafisch, vor allem d'Cut Scenes, würd ich jetzt nöd über äs 7ni usgah. Mal luege, wie's no wiiter gaht

Super spili. Würklech geile mix us uncharted. Dark souls u metroid. I finges mega. Spiutsech super. Gseht guet us u lessigi story u gägner. Einzig hass weme stirbt öppe 2min lade
Schüsch kener ladezite!

ich chume eher so Tomb Raider vibes über bim spiele...

aber isch super. gfallt mer würkli guet.

Also mittlerwiile han ich au dä Zuegang gfunde..

Isch aber scho, wie Ihr säget.. än Mix vo dä underschiedlichste Games..

- Tomb Raider
- Uncharted
- Mirrors Edge
- usw

es isch würklech fantastisch je länger me spiut desto me chuntme i flow. eifach technisch läck du mir, ruckel zuckel u bugs am meter.. das hätt no 2-3monet finschlif brucht.. leider

scho so. wobi uf de X rucklets nur, wenns alligs streamt, also nacheladt, das ich zum glück nur churz, suscht laufts absolut rund und in gstoche scharf

eimal hetts bi de landig de bode ned glade... juhu. :facepalm:

aber es isch ned schlimm, wemmer mit andere triple-ä games vergliich vode letschti .... mer muess ja afe scho zfriede si, wenns ned all paar minute absürzt... haha

Ehm, nei au uf de X rucklets und flackerts des öfterns...
Oder i han nonig di richtig istellig usegfunde.

aos bi mir ned. mach mal hard-reset....
nur bim nahlade rucklets alligs... suscht nix.

Also ich han mal än Tag gha (isch effektiv bis jetzt nur a eim Tag so gsi; evtl. the Launchtag?), da han ich für 20 bis 30 Sekunde eifach Stillstand gha.. isch am Lade gsi.. und das äs paar mal hinderenand.. und Geschter än Total-Crash

Na ja wemä sich es kampfsystem wie sekiro gwöhnt isch und när so öpis gamet... Z Kampfsystem isch nid würklech glungä, dr Kal isch viu z langsam, schlaht huere viu is läre etc etc. Z einzige was guet isch und bock macht si d 1vs1 gäge die Mönschlechä Böss. Dr räst isch so lala. Aber schüsch vom explore und vor Story häre finge igs ou super. D stürig het mängisch e total usfall, grad bim rütsche, und die ganze Chistä gäbe eim nume kosmetischi Gägeständ, würdi kei Trophy becho um sä ufzmachä, würdi komplett uf die Chiste bis uf d stim chischtä schissä.
Ig würd em game nid me aus 80% gä, 2 vo dä 5 Planetä si ou nid grad würklech gross, sondern numä läng zoge, oder eher aus tutorial dänkt. Uf dr technische sitä sugt die scheiss unreal engine ou. Si hätte gschider d Frostbite engine gno. Dr Waud vo sw battlefront 1 gseht besser aus aues vo Fallen Order us was d grafik ageit. Vom Artdesign gfaut mir dr Planet zeffo huere, ämu z startgebiet. Guets Game, ha aber grad vom Kampfsystem wäsentlech me erwartet. I frage mi wieso die starchä schleg ou ad Macht bundä si? Säute dumm

bi jetzt dure und holy shit, was für en geile schluss! tränli ide auge gha hani!

glaub guet 30 stund gsi jetzt... han all secrets und chischtli gholt.

super spiel das! will unbedingt en teil 2, bittebitte!!

bitzeli fine-tuning bi de kämpf und animatione und de isch perfekt.

bescht star wars spiel sitt 10 jahr! ziehs dir ine!

spils ufem pätsä und isch guet. han zwar d'schätte echli abetrüllt, demit mini alt gtx780ti mit mag.
finds würkli cool. oggdo bogdo!

ich finds au ehner unrund

die erschte 2 drittel ischs zu 50% Uncharted chabis mit total lineare cineastische passagene, chlettere mit gradusdrucke und andere naughty dog chäs. die andere 50% ischs en hakelige dark douls klon wo müeh het sini eignig Identität zfinde. das passiert erscht im letschte drittel womer full power force push und pull het, det fangs kämpfe a spass mache und mer füehlt sich au wienen jedi. ich hoffe dass de Nachfolger det asetze chan.

was mi echli nervt: am afang seits dir zimli dütlich, wos (jetzt) nöd wiitergaht. später dänn uf zeffo und dathomir dörfsch es sälber uf die härt tour und nach ewig umetüftle usefinde.

Bi o im Endgame, gfaut mer guet.. rächt eifach uf "normal".. öppe de no e hard alouf starte..
Star Wars Fanboy mässig sowieso alles super...

hät mer ächt guet gfalle.
wird dänn vilich au mitme höchere schwierigkeitsgrad ufem neue rig probiere

hät bi mir bereits ä Staubschicht

Dank PS Plus chumi au in Gnuss mega