Soundstorm -- Update 3: Simplifiziertes Gamesplay ohni Schüsse

[damian]

ok, ich glaubs ich mues dä iistig no simpler mache. alles i dä halbe gschwindigkeit wär glaubs guet.

[Marco_in_motion]

Villicht vo ahfang ah inehaue " first Act: Training Stage" bevor s'Level ahfangt, dänn hetti checkt, dasi mi uf diä popup Erchlärige het müese konzentriere.

Was mich auno verwirrt hät, isch das mer überhaupt d'Wahl hät zum Buttons konfiguriere, für mich wärs vill eifacher wänn dete staht: "druck dä Chnopf zum das mache, wänn folgendes passiert" "Press STRG when Bullets flash" oder so.
Es isch dänn eifach dä Chnopf ob's mir passt oder nöd. Chamer ja später immerno abändere wämmer will.

[fifi]

Han jetzt au mal no die neu Version gspielt, geili Sach!
Ich han während em zocke denkt, vlt chönntme meh schüsse wieder ifüehre.
Mit de Shots vlt e anderi "Mechanik" als normal. Ich ha denkt das wenn die eigne shots Gegner treffed killts die nöd, sondern sie "blüetet".
Da chönntme mit villneh Sache ummespiele, so mal zwei Idee wohni sponti gha han schmeissi mal da inne
a) schnelleri schussfolge, oder sie gebed es dichters Pattern ab. So chönntme durs erzwinge vo meh bullets wo den cleared höheri Scores erreiche. (hanis scoring richtig verstande)
b) Nach e gwüsse azahl a hits, switched bullets zumene andere trigger (also Bulletfarb, anders "Triggergrüsch"), so chönnt de player walls wo in underschidliche "rhythmene" deherchömmed quasi harmonisiere. Oder aber sich allefalls selber s'Bei stelle.

Dummerwiis ischmer de final score screenshot abhande cho bim crope, will was anders i de zwüscheablag gsi damn, ctrl-z hät leider au nix meh bracht.
8404 FInal Score (ha müese schmunzle, leider isches aber töss ) 3 mal häts mi killt und ich han stage/boss müese namal neu afange, am endi aber no 6 läbe gha 1cc. Endboss het mi bim erschte mal au verwütscht, bim zweite alauf hät er glaub chum 30sec ghebed (bim score nachem beate bim timer isch glaub 1.06 gstande). Da muesch du säge was das heisst

[damian]

Merci fürs feedback.

Dini idee wäge gameplay und schüsse würdets spiel tatsächlich sehr taktisch und tüüf mache, aber würd au viel me arbet im leveldesign verlange. Mis ziil isch ebä scho gsi en iigängige eifache shooter zmache wo au casual gamer geil findet. mit selber no schüsse isches z'komplex und mer chan sich weniger guet ufd musig iilah. soviel zu mine überlegige. en schwere schwierigskeitsgrad machi denn natürli scho no.

Dä score multiplyer bim boss setzt sich us dä ziit zäme wo no gha häsch. ich glaubs 30 sekunde sind 1.0.