Gaming PC im Eisblock!

[Master(G)]

so öppis hämmer au no nie gmacht: hp schwiiz hett eus agfragt, ob mer ned für omen en chlini marketingkampagne mache wänd. und mir händ ja gseid.

erst mal panik gschobe, ob mir eus da nöd übernoh händ... aber denn hämmer alles gäh!

es isch es wahnsinns adventure gsi, wo eus die letschte 4 wuche fascht nonstop beschäftiget hett.
mir händ es riese brainstorming gha, ich han en video script gschriebe, mer händ es kamerateam cho lah, sind dur studios und drehort gschipperet und händs am schluss professionell lah schniide.

denn hämmers müesse hp vorlegge und nomal editiere, etc. eis hin und her, aber mir sind extrem stolz ufs resultat und ich hoffe, ihr gsehnd das au so...

da ischs video:


Quelle

s'passende review dezue findet ihr da: https://www.thegnet.org/post/the-g-net- ... n-gt22-45l

bitte luegets eu mal ganz ah und gäbet mir doch es churzes feedback.

und ah ja: abonnieret euse jungfräulich kanal, wär au fett, und likä, likä, likä... heizet dem algorithmus vo youtube so richtig ih

[Buccaneer]

So eine verlose wär kei scheiss

Hans get ze flammenwerfer

[feeshlee]

[feeshlee]

cools video!

[Jones]

lustigi idee mitem isblock...

und an sich guet gmacht!

aber hmm...

im text:

Da kam die überraschende Anfrage von HP Schweiz gerade recht, ob wir nicht ein Gerät der brandneuen OMEN 45L Serie testen wollen. Hier das Resultat!

im video:

"e herzleche dank a HP schwiz, dass mir da gaming PC hei dörfe teste"

das isch doch ke test sondern e werbekampagne?
wiu e test ohni eis kritischs wort isch ja ke test...
und a däm teil gäbs sicher einiges zum kritisiere...

aber viellech bini o eifach z'blöd zum dr sinn u zwäck vo däm video z'gseh..

[thaeye]

isch "sponsored" content

[zeromeier]

isch "sponsored" content

Logisch, Werbig. Influencer und so.

[Jones]

denn aber nid als test bezeichne und alles isch guet...

[zeromeier]

denn aber nid als test bezeichne und alles isch guet...

isch ebe so versteckti werbig dass es nöd ganz offesichtlich isch. gad mir extrem uf de Sack mit all dem Züüg.

[Jones]

gad mir extrem uf de Sack mit all dem Züüg.

dir geit z'G-Net ufe sack?

[mr.raw]

aber viellech bini o eifach z'blöd zum dr sinn u zwäck vo däm video z'gseh..

Ich lueg so züggs gar nid erscht aa

[Master(G)]

ha ja gseid: es isch en marketingkampagne. also das video.

euses review ned!

aber mir würdet sowas ned mache, wenn mir ned 100% hinder dem produkt stah würdet.

es isch wohl de best pre-built gaming pc to date. und im review gitts durchuus aus negativs, die letschte 3 abschnitt vor em fazit sind ja nur negativi sache mer sött de text eifach au läse...

[thaeye]

was zahlt da HP für sponsored content? ich gang mal vo ca. 5-8k uus. odr ghört de pc jetzt oi? muesch natürli nix sege, dörfsch wahrschinlich au nöd.

artesia isch ja kaputt gange. au starch uf so influencer/streamer züügs gsetzt und den en haet de CEO sis gsicht zeigt ggü de chline influencer und jetzt sinds kaputt.

[Jones]

Okay...
Eui site isch gsperrt bi mir im gschäft und i ha tatsächlech nume z'video gluegt. Dert wird o vo 'test' gschriebe u gredet. Das isches aber definitiv nid.. Marketing Kampagne erwähnsch nume da im Forum...


Dr Test hingege isch tatsächlech kritischer!

Zum Mainboard isch dänk typischerwiis nid meh bekannt oder? Sprich: isch es HP eigets?

[turntablism]

händ ihr kei grossi mikrowelle gha zum schmelze
streusalz hättet er no chöne probiere.

[Master(G)]

zahle nänn ich da ned. logisch.

mir händ vor allem au en chance gseh zum wachse und e bitz ufmerksamkeit errege bi lüüt, wo eus äbe no ned känned. wenns denn no was a batzeli oder so gitt, isch natürli super.

am rande erwähnt: meh als 1x im jahr willi sowas ned mache. es isch en meeega ufwand und stressig gsi. wenn das so näbebi machsch, wie mir, näb job, family und alles, isches too much. das chammer eigentlich nur mache, wenn mer 100% ziit hett und am beschte single isch

[Master(G)]

Okay...
Eui site isch gsperrt bi mir im gschäft und i ha tatsächlech nume z'video gluegt. Dert wird o vo 'test' gschriebe u gredet. Das isches aber definitiv nid.. Marketing Kampagne erwähnsch nume da im Forum...

ja isch so. ihr werdet da im forum halt richtig ufklärt und informiert, als insider

dass das video en verkappti werbig isch, sött vielne klar si, aber muemer ja ned allne ufd nase binde... das isch ja de clue a de ganze gschicht. wie s'aug scho richtig erkännt hett.

aber wie erwähnt, mir stönd 100% hinder dem grät und dem, was mir dezue säget. HP hett eus praktisch ned korrigiert, nur bim video händs welle, dass mer gwüssi sache säget. bim review selber hämmer kei restriktione gha. wichtige punkt gsi, dass de deal zstand cho isch.

HP hett en härte stand ide szene, sind ja nöd bekannt defür, besunder gueti gaming pc's zmache. das hett sich aber jetzt g'änderet mit de 45L-serie. dassi ufd community ghört und viel apasst händ, finde mir rächt cool. sgrät isch de hammer für de priis.

Zum Mainboard isch dänk typischerwiis nid meh bekannt oder? Sprich: isch es HP eigets?

smainboard isch tatsächli de schwächsti teil vom grät. es isch es micro ATX vo HP und eigets für die serie entwicklet worde.

[Jones]

spannend wär, ob das cryo dings tatsächlech messbar besser isch als anderi AIOs... cha o marketing blabla si...

[Master(G)]

es isch tatsächlich besser. es gitt uf youtube mittlerwile einigi videos vo echte fachmänner, wo das usteschtet händ.


Quelle

bi 4:40 macht er heat-sensore ane und vergliichts mit standard lüftige...

[Buccaneer]

Verlosed ez so eine! Loooos!

[LuiStyle]

Hender super gmacht bizzeli cooli Werbig und neue GamerPC zuetah! Jetzt verstahni au wieso du s‘Ram verkaufsch

[Scarface]

hend er de chaschte zmingscht chönne bhalte?

verlose! hopp! mine isch usem 2013, chönnt es upgrade verträge

[Master(G)]

win!

1 spiel nach wahl

...jede wo euse kanal abonniert unds video kommentiert/liked, hett chance es game nach wahl zgwünne!



check: https://www.instagram.com/p/Cc0O11CtDVg

[Jones]

Mach YouTube i ha ke insta seich...

[Master(G)]

yes, sir!

https://www.youtube.com/c/TheGnetSchweiz