Dragons Dogma 2

[Master(G)]

für PS5, Xbox Series und PC
Release: TBA

erste Trailer: https://www.thegnet.org/post/capcom-ent ... al-trailer

[thaeye]

s 1 sehr guet gsi

[Master(G)]

en tonne neui bilder, es video und viel neui infos:
https://www.thegnet.org/post/neuer-trai ... s-dogma-ii

[whoisfoxmulder]

Lohnt sich dr erst Teil no, weme no nie was vo däm ghört hett?

[thaeye]

ja unbedingt, guets spiel

[The Sheep]

no bitz mehr als Wuche, denn chunnts use


Quelle

[thaeye]

han ferie den, wird supr. wirdi widrmal es spiel suchte. für villi wirds immer nah vill "z sperrig" sii, kei questmarker, nps zeiche etc. kampfsystem gset so träg wie dark souls 1 uus. defür de impact vo de spells huere guet.

[Master(G)]

gitts en easy mode?
de luegi villeicht au mal drin. eifach fürd story und so. kä bock uf stärbe

[thaeye]

nix easy mode, das wird härts im dunkle umestochere und vomene gryphon überfalle werde.

[Parisienne]

goty 2024

[The Sheep]

Scho de Charakter Editor isch zimlich next level


Quelle

[Moff]

teil1 isch eis vo dene spili womer eigentlich extrem müesst gfalle, ich aber total langwilig gfunde han.

[Buccaneer]

Chline Tipp:
NPC drücked uf d FPS.
Genozid = meh FPS
Loool

[Master(G)]

zum glück nonig kauft.
performance issues sind zum chotze.

spiel eh zerscht Rise of the Ronin

[Buccaneer]

Gsehn ich das richtig?
S Spiel chunnt vo de Tschurnalischte top wärtige über, aber d Spieler hasseds.
Lustig

[Buccaneer]

Uh geil. Und fast travel isch dlc

[The Sheep]

Gsehn ich das richtig?
S Spiel chunnt vo de Tschurnalischte top wärtige über, aber d Spieler hasseds.
Lustig

es wird review bombed, hauptsächlich wägem Shop. s'Game hinderet di dra, neu azfange, demit si dir es Item über de Shop chönne verchaufe mit däm du din Char chasch apasse. Und wenn Cloud abschtellsch und die lokale Spielsaves löschisch, chasch zwar neu afange, aber s'Game losst di nüm uf dini erstellte Designs im extärne Charaktereditor zuegriffe. Zimlich dämlich, und au wenn die aktuelli Wärtig (39%) absolut unfair isch, Chaufzwang bime 70 Franke AAA Spiel isches halt ebe au.

btw. mir gfallts Game. Bin zwar no am ispiele, und es isch wahrschinlich kei GOTY, aber ich find es macht Laune

[thaeye]

zum glück nonig kauft.
performance issues sind zum chotze.

spiel eh zerscht Rise of the Ronin

isch döt nöd vill besser

[Buccaneer]

Schad... Es wür mi scho amache.
Wie ischs 1? Chamer das hützutags no spiele? Mags eher casual. Wenn gwüssi system zu deep sind, schreckts mi ab.

[The Sheep]

Capcom het reagiert uf all die Kritike und verspricht besserig. so söll unter anderem e Button ibaut wärde mit däm mers Game chann neu starte.
https://www.youtube.com/watch?v=kA_b46Yx9YY

So macht mer das, und nit wie Bethesda, wo sich irgend e Bullshit Begründig usem Arsch zoge hätt um am Spieler zsage dass das scho guet isch wies isch und är eifach nit begriffe het worum.

[The Sheep]

Je mehr ichs spiel, desto mehr gfalltsmer. Es isch für mi als Gsamtkunschtwärk es wirklich neus Game, woni so nit kennt han. Trotzdäm erinneret mi einiges an Games woni in de letschte zwanzig Johr gspielt han. Und au an Filme bzw Serie.
Grafik und Sound in der Landschaft dusse. Du chunnt mir Age of Conan in Sinn, und Skyrim. Story und Stimmig in cut scenes: Game of Thrones.
Gameplay isch schwierig für mi zvergliche. Definitiv nit soulslike. Dafür isches zu chaotisch und zwenig präzis. Villicht e bitz so wie Skyrim wenns 3rd person gseh wär. Aber mer spielt ja nit ellei, sondern zu viert. Da chömme Baldurs Gate 3 vibes uf. Es lauft allerdings in ächtzit ab, und das wär unmöglich zspiele wenns so kompläx wär wies Baldler. Und das isches ebe au nit. d'Stürig vo dine 3 Begleiter beschränkt sich im Kampf uf 4 Befehl wo soviel bedütet wie: machet wie ihr dänket! Sufurt ufhöre! folget mir! und z'Hüfl!
Der Räscht liegt in der Vorbereitig. Jede Begleiter het sini Charaktereigeschaft, womer vor em Kampf sött kenne. Wenn dä nit passt söttmer de Begleiter rächtzitig ustusche.

Und da chöme mir zum Begleiter System wo für mi als Nicht-Kenner vo Dragons Dogma 1 öppis völlig neuartigs isch, aber ich finds absolut genial. Uf sones System wäri glaubs im Läbe nit cho:
Dragons Dogma 2 isch es reins Singleplayer Spiel. Du erstellsch din Hauptcharakter und din Hauptbegleiter. Beidi chasch du komplett sälber designe und usstatte. Beidi Chars chönne levle und du chasch sie skille wie de willsch.
Es git aber no zwei witeri Begleiter. Die chamer inere Paralleldimension finde und vo dört rekrutiere. Das sind aber nit irgendwelchi computergenerierte NPCs, sondern das sind Hauptbegleiter vo andere Spieler! Je nach Level wo sie händ choschte sie e bestimmte Betrag in der ingame Währig. Interessante Aspäkt: Die Begleiter levle nit mit! Somit zwingt dich s'Game dini Begleiter, egal wie guet si sind, irgndwenn usztusche durch neui. E sehr geili Idee findi au, dass en Begleiter e Quest bim Spieler woner härchunnt eventuell scho gmacht het, und dir darum Tips chan gä wo du ane musch um die quest zlöse! Ich mein, wie genial isch das?! Und wenn du ame Fremdbegleiter sini Usrüschtig veränderisch, ihm zb besseri Items aziesch, chunnt das däm Spieler zguet woner ghört. Wenn du de Begleiter enlassisch für en andere, goht das alles an sin Bsitzer. Und wenn du en Begleiter schlächt behandlisch, chas durchus passiere dass er plötzlich fählt in dinere Party.

no zwei Mechanike vom Spiel womi absolsut überrascht händ:
1. Ich bin ime Dorf gse und han alli Hüser abklapperet womer durch unverschlosseni Türe ins innere het chönne go. Da isch min Char eimol doch tatsächlich üerd Stuefe gstolperet! Das hani definitiv in keim andere Game bisher erläbt.

2. E Kampf gege Wölf in der Wildnis. Wölf sind absoluti Trashmobs. Meischtes beiegt mer die mit es paar Schläg oder Pfiil wemer zb en Archer isch.
Bi eim einzige Kampf isches mir passiert, dass mi sone Wolf zu Bode het chönne schloh, und denn heter mi in sinere Schnauze übere Dischtanz vo bestimmt drissig Meter verschleppt und ich han in dere Zit gar nüt me chönne mache. Wie das mit em stolpere, e geniali Gamemechanik wo der Ufwand sie zprogrammiere bestimmt nit wärt isch gseh, am Spieler aber im Gedächtnis blibt. Findi eifach mega.

[siralos]

Das kämpfe isch aber scho extrem simpel...scho fascht wie dungeon siege, vor allem wenn me als magier ungerwägs isch.

Da drüksch im sek. Takt de quickspell taschte, ohne dass da mana verbrucht wird. Stärkeri wpells bruche öpe 2-3 wek. Zum uflade und die chasch ou unändlech isetze.

[The Sheep]

Mer söll au Klasse wächsle, wills übergrifendi Skills git, wo andersch nit channsch becho. Ich han als Kämpfer agfange, bis Rang 5 gspielt, denn Bogie bis 5 und jetzt hani de Krieger mit em Zweihandschwärt ebefalls uf Rang 5. Magier hani aber nonig versuecht. Ja, Präzision vom Kampfsystem isch bestimmt nit d'Stärki vo däm Game, aber es isch so atmospährisch geil, es het mit völlig inegno. ändlich es Game wo nit jede Agriff scriptet isch; womer zumindescht sGfühl het, es chönnti jederzit alles passiere.

No en Tip zu eurem Hauptbegleiter (Pawn): Machet en attraktiv im Ussehe und pfläget ihn mit Skills, und gänd ihm sim Level entsprächend aktuelli Waffe. Worum? Demit er vo andere Spieler rekrutet wird. Will die Riftkristall wo anderi Spieler defür zahle, gönd an euch. Und en Pawn wo niemer will, bringt nüt i.
Ich ha min nachere Filmfigur designt woni uf Youtube gfunde han. d'Frisur hani bitz abgänderet, abers Face isch eidütig. Wird laufend buecht und erwirtschaftet so über Nacht Gwünn für mi, ohni Ufwand.

[siralos]

Das gebashe wäg de microtransaction isch ou chli für'd füchs. I finde, me schafft alles ez ohni viel ufwand, vor allem wenn me wie ig, alles schön tuet ufdecke.

Das einzige was ig chli vermisse isch de fast travel. Das erschte mal mit dem ochsekarre gfahret, mits uf halbem wäg grad agriffed worde und derbi isch de karre kaputt gange....ha dann alles dörfe loufe.

Mal louge wie lang ig dass no game, isch alles so chli random repetitiv, wie bim dungeon siege. Ha jetzt vo mage uf sorcerer gwächslet und mi pawn vo krieger uf warmaster oder wie dä heisst.(Dä mit de 2-händer)

[The Sheep]

Das einzige was ig chli vermisse isch de fast travel. Das erschte mal mit dem ochsekarre gfahret, mits uf halbem wäg grad agriffed worde und derbi isch de karre kaputt gange....ha dann alles dörfe loufe.

chann passiere. Mir au scho übriens. Dr Greif diräkt ufem Charre glandet.
Aber mer findet jo ab und zue Reisestei zum porte. So ein chamer ja i some Momänt awände.