Cyberpunk 2077

[thaeye]

gang d manta blades widr go hole. aber bisher machts en sehr solide idruck. raytracing glaubs na chli problems. aber ansonste grafisch uf ps5 doch hübsch.

[Master(G)]

ich schiss afe uf raytracing. i keim game laufts mit RT guet findi. ich cha mit 30fps eifach nüm spiele, es huere geruckel... immer performance! unterschied sind verschwindend gering i mine (alte) auge.

[Vyse]

Ich han nie Problem gha mit em Raytracing uuf em PC mit äre RTX 3070 (uuf Konsole sägs definitiv beschisse) aber ja, Lüüt überschätzed Raytracing, bsunders die, wo em Marketing-Hype erlägge sind. Raytracing bringt aktuell wenig Verbesserige bezüglich Grafik, eigentlch ischs ja meh effiziänter für dEntwickler: Anstatt mehreri Liechtobjäkt verwände und tweake, demit en bestimmti Liechtstimmig erreichsch, schaffsch sgliiche mit wenig Uufwand über Raytracing. Das isch zumindescht miis Verständnis.
Ich glaube, dä Vorteil vo Raytracing für dEntwickler wird erst in es paar Jahr merkbar, aktuell ischs ja en grössere Uufwand, da beid Belüüchtigs-Technologieä müend chönne ahbüüte.

[Vyse]

Wassersüüle gits jetzt au wänn iis Wasser ballerisch, Details zwar, aber cool.

[Master(G)]

ich liebe so shit details!
red dead redemption 2 isch da drin meister gsi! sooo unglaublich viel chlini sache, vo dem her gseh scho es meisterwerk.

[kingcaid]

PS4 demfal pitschguversion?

[Master(G)]

chasch chüble. äbeso Series S Version... PS5 und Series X!

[Master(G)]

ich schiss afe uf raytracing. ....... unterschied sind verschwindend gering i mine (alte) auge.

https://www.reddit.com/r/XboxSeriesX/co ... &context=3

dassi so gering sind, hätt selbst ich ned gseh.

[zeromeier]

Sie sorry, das isch ja super, also nachere stund

[feeshlee]

spiels wäg däm nöd es dritts mal.
hoffeli bald mal echli neue content.

[Vyse]

Hans au zweimal duure, das langed vorerst. Wänn dä NewGame+ uusechonnt, fang ich evtl. nomal ah.

[Herr Rossi]

Ich schiss und mini motion sickness und Fang itz trial version ah uf de PS5.

Wirds en disc version gä fürs 5i oder muesi d PS4 Version chaufe?

[zeromeier]

Hans au zweimal duure, das langed vorerst. Wänn dä NewGame+ uusechonnt, fang ich evtl. nomal ah.

Wie lang gad ein Durchlauf ca?

[Vyse]

Chonnt natürli enorm druff ah wies spiellsch. Ich han ca. 80h gha mit allne Sidequests und zuesätzliche, enorm repetitive Uufgabe.
Wänn dä Mainquest am Stuck machsch... viellicht 25-35 Stund (wobii ich eher langsam game).

Persönlich wür ich eh empfehle dä Main Quest in grosse Abschnitt zspielle, anstatt stückliwiis zw. Main- und Sidequests abwächsle. Finde, sGame chonnt besser zur Gältig, muen aber jede sälber wüsse.

[Master(G)]

ich ha ja mal agfange und ca. 1 stund gspielt, also nur de prologue vode wüeschti id stadt. ha de min save glade und kei ahnig meh gah wie wo was und es sind uuuuhuere viel sache ufpoppt, das isch neu, das, dette, lueg... bi grad bitz überforderet gsi und ha darum entschiede nomal ganz vo vore azfange. ruhig. gechillt. und ohni stress.

[feeshlee]

also dä story-mode mit dä grosse side-quests spilsch scho ca 10-15h, wänn nöd rushe tuesch. wänn aber d'stadt uf dich würche lasch... und das isches wärt.
am afang isch echli irritierend: alli schicket dier messages, lütet ah, machet druck, händs eilig... aber du chasch dier alli ziit lah.

[Ribit X Titan]

Jetzt gibts ja auf PS5 eine Demo, die probiere ich mal aus... sollte ja mit neusten Patches sein, mal sehen ob es mir liegt.

Seltsamerweise ist es auf PSN dank Rabatt (26.45) günstiger als die PC-Version mit 50% cut (34.99), allerdings gibts nichts besseres als die GoG-Version, nur fehlt mir da jetzt der passende PC.

Das Game ist auf der PS5 wieder mal riesig, 95 GB. Ich empfehle definitiv eine 2 TB Aufrüstung, sonst kommt man hier nicht weit und muss ständig auf etwas langsameres auslagern.

Ja ne, die Testversion ist 95 GB, hatte mich schon gewundert wieso es so lange dauerte, die Vollversion ist allerdings 166 GB, wow. Ich glaube sie haben es für die PS5 extra gepimpt. Na dann werde ich das auch noch austesten.

Kommt anscheinend erst noch, aber im PSN kann man es wohl schon früher gamen. Ja ne, das Game ist immer noch in Dev. Ich glaub das müssen sie dann auf 2 UHD-BDs legen, ausser es fehlt der halbe Content (unsinnig).

https://www.wog.ch/index.cfm/details/pr ... unk%2D2077

Also das geht schon raketenartig rauf mit denn Anforderungen, aber ich kann bestätigen... grafisch ist das Game ein besonderes Niveau, zumindest in der aktuellen Version.

[Herr Rossi]

Ich has itz 7 Schtund gschpilt (PS5) und bi grundsätzlich mal begeischtered wil ichs länger als 2 Schtund cha zocke oni das es mir schlecht wird. Mini motion sickness nimmt glaubs mit zuenemender grafischer Qualität über d Jahre ab. Bi so viel Vorfreud (wie bi fascht keim andere game) und Entüschig wäg 1st person hanis entsprechend irgendwenn abgstemplet. Zum Glück nie es Video etc. gluegt, nur da in gläse dases voller Bugs isch.

Und itz zum Schpil
Ha bisher nur Main Quest gmacht, aber uf de Strass gangi zwüschet ine vil go erkunde und aluege. Es haut mi weg, d Stadt und d NPC Modellierig gfalled mer sehr guet, d Quest Gstaltig hed sicher no Potential, aber ich bi ja no nienet.

Es isch für mich en Gnuss-Zock, d Näbeufgabe wird ich aber grosszügig uslah da ich doch nach 2 Schtund merke dass mer bitz komisch wird. Wetts nid versieche mit de motion sickness...

S hed für mich ganz e bsundere Platz im Gamerherz; d NPCs sind gröschteteils mittels Scans vo CDP Mitarbeiter erschtellt worde. D Scans hed Wolf Digital World gmacht, die wiederum sind für d Metascans für Metahero/Everdome zueschtändig. Das so als Näbeinfo, wird wohl nur de MastlerP und mich interessiere.

So wie ich's ischätze wirdis öpe wie de Vyse empfielt schpile; viel Ziit näh und Main Quests i grössere Blöck.

Ha itz de paar Täg frei, perfekt.


Holy, häts nid dänkt dass ich das jemals wird schpile huere Fröid hani

[Master(G)]

ich finds au uhuere sexy, in jeglicher hinsicht.
vermisse das extrem bi allne aaa-games us amiland.
huere prüd das ganze afe.
e mag e bitz erotik i mine spiel

witcher isch dahingehend au so super gsi.

in pole hett mer halt no "spass"

[Herr Rossi]

Scho so, Sex ghört dezue. Mir passt der cdpr vibe au sehr guet

[Vyse]

Coole Mod. Da gseht me, was wäge Ziitmangel eifach uusglah worde isch.

Quelle

[Bejita]

Its isches akzeptabu, has für 29.- im Store kouft.

[Vyse]

Jetzt höred mal uuf
Es sich scho immer völlig aktzeptabel gsi siit em Launch (zumindest uuf PC, zu PS5 channi nüüt säge). Ich hans grad am erste Tag gspilt, ja, es hät paar Bugs gha aber es isch NIEMALS so schlimm gsi, wie sganze Internet ummeplärt hät (das mit dä PS4 isch natürlich völlig es anders Thema).

[Herr Rossi]

Has itz öpe 15 Stund gschpilt uf de pleysn 5 und ussert floating garbage ufem schrottplatz isch mer no nix buggy ufgfalle

[Master(G)]

Jetzt höred mal uuf
Es sich scho immer völlig aktzeptabel gsi siit em Launch (zumindest uuf PC, zu PS5 channi nüüt säge). Ich hans grad am erste Tag gspilt, ja, es hät paar Bugs gha aber es isch NIEMALS so schlimm gsi, wie sganze Internet ummeplärt hät (das mit dä PS4 isch natürlich völlig es anders Thema).

ooooh doch. uf KONSOLE, egal ob alt oder neu, isches es rächts bugfest gsi. ich erträge ja viel, aber sogar ich han müesse stoppe und has is gstell gheit. es total d'atmosphäre killt. immersion

ufem PC sigs rächt OK gsi, aber uf konsole en riese katastroffe. d'lüüt reklamieret ned umesuscht!