The(G)Forum

agestuffer hat geschrieben:Sorry, de Reitzmi jetzt Null. Heschen Du kauft?

Ich hätt fascht eine kauft, da für mi besser als de "normali" Switch aber de gedanke doch am endi verworfe.
Zocke ebbe praktisch nie am TV und de Lite hesch eifach sau guet i de Händ!
Drzue isch de Speicher sehr voll und das fangt afo närfe (!)
En wittere Kaufgrund wär min Sohn gsi. Denn könnt ich ihm e Grät iirichte, wo "sini" Games druffe sinn und ich hätt es Grät nur für mi.
Die "Altersbeschränkigs App" isch zwar an für sich e gueti sach...aber am endi doch no umständlich und er gseht doch all mini Games wo ich ha und do sinn doch einigi Games druffe wo nur ab 18 sinn.
Ich wart emolle de Black Friday ab. Kha mr vorstelle, dass de Priis denne uff unter 200.- inklusive Spiel go wird.
Sowieso krass die Priispolitik wo do herrsche tuet. Fascht JEDES Game isch bis zu 60% günschtiger wenn de 2 Mönet warte tuesch.

12.12.19

nimmt mi wunder, wie dSwitch Version tuet abschliesse.


Quelle

was isch eigentlich "switch" am Switch Lite?

pokemon schwert/schild isch cho. spielt niemerd?

sit pokemon gold ufem gbc wieder ufde switch agfange pokemon spiele. zerscht s lets go pikachu, was leider e sehr schlechti umsetzig vo pokemon gelb isch. jez pokemon schwert dra, macht no spass. nume dass ich keis einzigs pokemon meh kenn

Ha's am erste Releasetag gha und när i de nächste 2 Wuche düregspiut. S'isch super . Chly z'eifach, aber es "richtigs" Pokémon uf dr Switch spiele isch scho porno.

Han ich das eigentlich scho erwähnt das mini Switch Day One ussenand gheit!
3 vo 4 Schrube:!: sind spurlos verschwunde, äs 2mm langs stückli nebedem Powerbutton isch abbroche.
Dä link JoyCon tuet sich nüm lade zudem isch vom Analogstick dä Noppe fast ab.
Was aber ganz truurig isch dasmer dä Blau link Joycon nöd einzel über chunt :typej:
Somit zock ich nur no Stationär mit Pro Controller
Zum glück oder unglück hani no ä Switch lite zum im Hanheld modus zocke!

Anyway dä Lite liit richtig geil und dä normal würkt voll klobig
Ich zocke sehr gern mit dere und Spielbibliothek isch langsam gewalltig bim Switch

Ps: verkauft öper no en linke Blaue JoyCon?

Was machsch du denn mit dr Swtich? Hesch d Controller in ere Gummipuppe dinn?
Nei, im ernscht jetzt. Ich ha au e Day One Switch aber die gseht praktisch uss wie neu. Und das, obwohl min 8J Sohn öfter tuet zocke als ich. Guet, lieggt villicht do dra, dass sie, ussert wenn am TV aagschlosse immer inere Silikon Case lieggt und immer no d Folie druffe isch.

Guet mini wird täglich brucht und halt au viel underwegs. Ich lueg scho uf d‘Switch han aber nur ä Displayfolie druf. Nur das mit dä Schrube und Joycon wo nöd ladt dörf nöd passiere!

LuiStyle hat geschrieben:Guet mini wird täglich brucht und halt au viel underwegs. Ich lueg scho uf d‘Switch han aber nur ä Displayfolie druf. Nur das mit dä Schrube und Joycon wo nöd ladt dörf nöd passiere!

hmmm, mini isch au stets bi mir debi. Und 3x in dr Wuche zobig wird sie mir praktisch uss de Händ grisse, wenn de chlii e rundi beach buggy oder Asphalt 9 tuet zocke.

aber jo, sötti nid passiere, do hesch rächt.
Ich ha eifach das drift problem wo aber shciins e gueti Lösig im Netz umme isch.


Quelle

WD 40 würdi bestimmt nöd zwüschet en Analogstick sprühe, da dä Kunstoff das evtl nöd verliidet.
Muess aber jede selber wüsse was er wot mache.

Wär jo nid guet, wenn äxtra en Kontaktspray würsch kaufe und denn würs Plastik kaputt go
Nei, do passiert nüt, da speziell für Elektronik. Darfsch eifach nid en hundsgwöhnliche WD40 Spray näh! Ich has au gmacht und sitt denn laufts perfekt.

Achso es git no en spezielle WD40 für elektronik, hani nöd gwüsst! Denn mueni mich entschuldige

alles guet
Aber hesch scho recht ...gwüssi sind agressiv und frässe s Platik uff

Hät öper scho yooka laylee and the impossible lair gspielt? Wie isch es?

LuiStyle hat geschrieben:Hät öper scho yooka laylee and the impossible lair gspielt? Wie isch es?

ps4 Version han ich gholt. aber nöd lang gspielt. finds schaad dass es jez es jump n run isch und nüme en geistige Nachfolger vo banjo kazooie. das han ich zwar scho vor em chauf gwüsst, s het mich denn aber glich meh gstört als ich denkt han. grund zum höre isch aber gsi, dass ich vo afang a mitbecho han, dass ich de endboss niemals wird besiege chöne. muesch so bienli sammle wo quasi dini lebe darstelled. han chli meh als 1/3 vode bienli und trotzdem nume 12% vom endboss Level (wo scho vo afang a chasch mache) gschafft. das isch frustrierend. d Levels selber sind meh oder weniger abwechsligsriich. du spielsch eigentlich jedes Level zwei mal, einmal in liecht abgänderter form (z.B. isch alles gfrore).

Danke eui zwei für d‘info ! Mal luege ob ichs mir kauf, bin nonig ganz überzoge.

Wart no es bitts..denn isch es glii für 15.- erhältlich.
Ich hätt fascht bim Müller zuegschlafe, da 29.90 gsi vor Wiehnachte...aber warte glich no e bitts.

Schaad das die Nintendopflöck nid meh us irne aute Marke mache. 1080, Waverace, F-Zero...es gäb soviel... Oder es neus G-Force wäri o mou geil. Aber nei...

LuiStyle hat geschrieben:Hät öper scho yooka laylee and the impossible lair gspielt? Wie isch es?

Ab Morn khasch e Demo aabelade und so oft spiele wie de wottch uff dr Switch. Bi Steam isch d Demo scho duss.

Voll easy muessi denn gad teste

Öppis "grossartiges, wo niemmert erwarte tuet" wird schiins endi Johr für de Switch erwartet...Zelda Breath of the Wild 2 isch do nid gmeint, da jo bekannt worde isch, dass Teil 2 erscht im 2021 wird uff e Markt kho.
Es wäri schiins öppis so grossartiges wie "es Mario Game uff ere Sony Konsole"...
Neu zu dere sach.... es isch öppis mit Räder.

Ich tipp emolle uff es Mario Kart 9
Gran Tourismo wirds definitiv nid sii. Wipeout und FZero, WaveRace funktioniere ohni Räder, mit Sega Rally wirsch wohl keine meh hinterm Ofe führe locke und Crash Team Racing gitts scho.
Möglich: GTA... aber es alts. Evt. sogar Teil 1 & 2 & Chinatown Wars als Remake.

Was meinsch du?

Schad das 2020 kei Switch Pro usechunt.

Per zufall gse


Quelle
Huere geil gmacht

Völlig überraschend isch Warface uff de Switch im eShop uffgschalte worde.

Quelle

ich möcht ja eigentlich scho dass es de Switch guet ghat. Aber die Games wo i letschter Ziit chömed, gsehnd eifach scho all nach Handygame us und spieled sich au öpe so. Es isch sicher e super Shoot'em Up Konsole und gueti Indiegames gitts ja au, aber wenn chunnt wieder mal en guete Titel von Nintendo?