turntablism hat geschrieben: ↑03 Jul 2020 23:07
Ha ja kei ahnig vo programmiere aber grad glese dass uf em switch zerogunner vollkomme neu gmacht worde isch, wells de original code nümm hend
Isch das möglich oder eh usreed ?
chunt öfters vor das dä quellcode verlore gange isch
bi sega gits drum wohl vo jenste spiel keis remake sondern nur ä emulation.
öbs wahr isch oder nöd, chan ich nöd beurteile. Meh liests aber scho immer mal wieder. Grad Sega isch da schiinbar echt e Kanone, dött isch vo einige Games de Original Code nüme vorhande (House of the Dead, Panzer Dragoon Saga...git glaub no meh).
Han so sache au scho gläse/gseh i dokus.
Giht wohl verschiedeni gründ, teils company hierarchi bedingt sprich eine het kontrolle über de final code gha und de isch guet ghüetet worde. Und den sind die lüüt nümm i de company gsi (verstorbe oder gange..) und keine weiss meh wo das isch. de eint oder ander Tsunami het sicher au mal quellcode zerstört oder anderi naturgewalte.
In hollywood isch vor es paar jahr (vllt so 3-4) mal es ganzes lager bis meh oder weniger uf grundmuure abebrännt. Döt sind einige original filmrolle zerstört worde, somit nöd es würklichs remaster chönne zmache vo dene streife. I dem lager sind aber au viel master tapes glagered gsi us de musikbranche, filmbranche hets über es jahr lang vor de musiker chönne verstecke. Hät wohl eine welle en remaster usseghe und dem hends em gseiht sorry bänder sind äsche sitmeh jahr. hät jehnschti klage ghe.
bin ich eigentlich dä einzig wo thunderforce 4 nöd so top findet? audivisuell natürlich es absoluts meisterwerk, aber s'gameplay isch mer z'wenig übersichtlich. mich treffet eigentlich immer sache woni nöd gseh will alles viel z'schnell isch.
ranglischte goht voll in ordning. d'PC-Engine esch King.
Au SNES wätti diesbezüglich ned misse. R-Type 3 und Axelay sind scho krass guet.
Woni s'erscht mol Axelay gschpillt han esch gsi, wie wenn en neui Dimension uufgange wär. (dä Sound gfallt mer sogar no ein zagge besser als TF4)
Mit de Thunder Forces bini nöd so warm worde, es het mi amigs änlich wie de hanf out of the blue verwütscht. ABER ich muess au säge ich ha mi au no nie ernschthaft demit usenand gsetzt. Bi ersch vor paar jahr zumne MD cho (schäm), aber ich ha ja no ziit, schlecht sinds sicher nöd klar