Retroplace.com - kennsch?

[mr.raw]

Kennsch?
Vergiss Ebay, Ricardo, Amazon, Facebook und co.
Treisch dini Sammlig ii, dini Wunschlischte und kommuniziersch mit ere immer wachsender Retro Community uss aller Wält.
Riesigi Datebank vo allne Retro Games, inkl. Platinum Editione und Tolle Marketplace. Khasch sälber fählendi Infos zu Games oder nid vorhandene Games a la wikipedia iigäh.
Keini iistell Gebühre wenn öppis verkaufe wettsch. Gisch 7% ab wenn erfolgriich verkaufe tuesch und hesch e Super Priis Nachschlagewerk wenn a Börsene gosch...
Bisch au druff?
Es Topic ha ich erstuunlicherwiis mit dr search Funktion nid gfunde...falls doch, denn lösch ich de post wieder.

[geosnow]

isch glaubs no guet

[sidusson]

Gisch 7% ab wenn erfolgriich verkaufe tuesch er.

isch aber viu..

[mr.raw]

nei, isch es nid

[sidusson]

ebay isch 9% mit millione vo lüt wos gseh

[rebornkid]

Ersti Idruck isch super. Han bis jetzt jedes Game gfunde woni gsuecht han.

[geosnow]

guet. s forum isch billiger. 0%.

[Tsimi]

guet. s forum isch billiger. 0%.

Wobi sForum 0 priorität het.

[Marco_in_motion]

Ich ha mini Sammlig welle ihträge, mittem Natel, Barcode Scanne - leider erkännt de Möngel öppe jedes 10. Spieli nöd.
Und de Marketlace findi au nöd so megen, hät jeensti wo sich kei Müeh gäbed ahständigi Bilder vo ihrem Abfall z'mache.
Go Nahösele und uf gnädigi Bildi hoffe wo mer s'Postfach verstopfed schiesst mi au ah.

Däzue chunnt no: wänn dini Sammlig online häsch, gsehnd das d'Reseller und mached de shit wo nonig häsch, nochli tüürer wills meined sie seged de neui Jeff Bezos.

[DeftOne]

Find's jetzt au nöd grad so e super Siite. Wär mer aber au zmühesam zum all Games so go iscanne. Finde tue i döt au nöd würkli was interessants.

Wa Priise döte a sich betrifft. Logischerwiis macht mer au döt kei würklichi Schnäppli. Lüüt wo so Siite kennet, wüsset ja i de Regel wie so de Marktwert isch und versuechets wie au jeder ander de z erreiche.

[mr.raw]

Bisch no druff? Isch mächtig gwachse inzwüsche!

[rebornkid]

Ich bin druf, han alli mini Games druf, isch no guet fuer dUebersicht. Datebank isch sehr guet, de Marktplatz findi noed guet, no nie was bstellt.

[geosnow]

ich bi au druf. es fähled es paar system, aber ich finds fasch s bescht.