The(G)Forum

Geschter fertig worde mit Phantasy Star 2. Ig has ok gfunge aber niiiiie so uet wie ds 1 ufm Master System. Es isch eifach ds langsam ufbout ufem Mega Drive. Schins chönn me i de Neuuflage uf PS2 und GBA d Laufgschwindigkeit erhöhe, das isch genau was fehlt ir Urversion.
Isch aber nid es schlächts Game, ig bi lang und guet ungerhaute worde. Im Internet jammere si aui es sig ds schwierig und d Dungeons sig unmüglech ds schaffe ohni Map & so haha i frag mi wie äch die spile. Gang doch eifach ga erforsche... i de biz komplexere Dungeons bini X-mau zrüg id Stadt ga heile und ha stunde verbracht mit uflevele aber weme biz Geduld het isches OK und es isch logisch ufboue mit de verschiedene Stockwerk. Aber de meischte fehlts äuä ar Geduld. Am beschte gfaue het mer aber d Musig, richtigi Ohrwürm hets gha. Gli hebi äuä Phantasy Star 3 ine, säge ja aui das sigi schlecht aber i chönnt mer vorsteue das gfaut mir no.

Aber iz spili zersch Ports of Call uf DOS Pc bis zum umgheie U zwüschine no ne Rundi Dr. Mario (Arcade)

VJP hat geschrieben: Wiäwit hesch zockt? S het sooo abartig viu Levels und Fisch zum fangä

Grad mal 2 levls
Jetz bini widr voll im DC fieber am umebaschte. Ha de dreamshell sd card füregno und probier mal gd zrippe und sdiso format mache zum vom stick laufe lah. Hol mer glaub demnächscht no en gdemu und es netzteil... oder de usb vom russ wo de link gschickt hesch.

turntablism hat geschrieben:

VJP hat geschrieben: Wiäwit hesch zockt? S het sooo abartig viu Levels und Fisch zum fangä

Grad mal 2 levls
Jetz bini widr voll im DC fieber am umebaschte. Ha de dreamshell sd card füregno und probier mal gd zrippe und sdiso format mache zum vom stick laufe lah. Hol mer glaub demnächscht no en gdemu und es netzteil... oder de usb vom russ wo de link gschickt hesch.

spar dr d ufwand mitm dreamshell und hol dr endlich en gdemu und e psu wirsch dini freud ha

aso han kei erfolg gha mit zwei neue games rippe. ghost blade und escapee isch nöd gange. denn hani probiert us iso dateie und oder cdi/ gdi am PC en sdiso mache für uf de SD-Stick. het au nöd funktioniert. ha kei nerve meh gha und über nacht bim archive das ganze paket mit sdiso abeglade
mit em dreamshell sind ja angeblich eh nöd all spiel kompatibel..
Edit: geschter isch dc-swat.ru down gsi und hüt isch wider online. jetzt chani doch vilich no de bootloader und iso make pack lade und wiiter pröble..

jetz hani bi de corona chineese en gdemu und e psu kauft. negscht projekt.

de USB-GDROM vom russ....ha mi nöd getraut...dunkt mi bitz komischi zum dört bstelle ..?

heschdi fuers richtige entschiede ..zums code veronica mitm gdemu welle durre spiele muesch den e version ne wo patcht isch..us und japan version hend en fehler bim eye tiger puzzle (pal version weissi noed)..suscht laufet all games. han mal bi dem russ was anders welle bstelle, nie antwort becho.

Wird eigentlich eh immer öppe s glich spile. Code veronica machi nöd nomal.
Isch chli umständlich für dreamshell us gdi cdi iso es sdiso mache wo funktioniert wenns denn überhaupt funktioniert. En gba emu hani welle in sdiso convertiere - nöd funktioniert. Defür hani s tokio bus guide bim erste versuech zum laufe bracht. Juhu.
Rippe vom original hani nanig dusse. Chume eh nöd drus...mängisch hesch ordner und en 1st_read.bin. bi andere games sind anderi dateie...bi de neuere wie ghost blade häts glaub no irgendso adx files ? Und denn hani no gseh dass windows ce wider irgendwas komischs isch wo z.bsp. nöd uf allne emulatore unterstützt wird...ha kei usdur meh zum mi in all das züügs ineläse und ha denn grad en börnout

Head Hunter mal agfange spile. Schiint no cools game zsi.

Buggy Heat.
Irgenswie hets mi a Cruisin USA erinnert. Morn abig Cruisin eis in World

s code veronica hani damals recht guet gfunde, grafik und endli 3d hintergrund bime resi. aber hans au nuem wieder gspielt zwenig horror. ghoert noed zu mine lieblings resis. han viel cdi games gha us thailand/hongkong..bim rippe vo d original hesch doch so .track files und e cue..chund wahrschinli au ufs programm a..hani au ufghae gha. huet hesch uf archive org e gueti uswahl a suuberi rips. die doerfsch au zum teste verwende. d emus ufm dreamcast hani nie gross usprobiert (usser neo4all). haha aber ebe mitm gdemu ischs recht agnehm, fallt d ganz scheiss weg mitm konventiere etc. bim buggy heat drehsch ab d vibratione durre haha..die schotterpischtene..s pad vibriert nurna. muesch mal s toy commander spiele, hani ez s bitzli agfange. kooli missione und guets 3d game fuer d dreamcast.

Virtual On: Oratori Tangram DC mit Twin Stick


Quelle

isch geiler als mit controller, hä?

Mit Controller chasches nöd richtig spiele. Isch gar keis richtigs game denn. Häsch denn eifach din Auto-Aim chnopf aber rotatione vo dim mech gönd nöd mit em pad. S'spiel basiert druf dass du bei sticks gliichziit bewegsch indem du mit em oberkörper d'bewegig machsch. ISch ziemli gliich wie Arms für dä Switch.

Oil Imperium, sim city und e rundi speedball 2 uf em Amiga

California games, jungle hunt und pitfall (atari 2600)
S bmx bim california findi so huere geil

Ich han das früehner alles stundelang gspillt. Au volleyball, cosmic ark....
Geili ziit gsi.

Weiss nöd. Am 2600 hani niä Gfalle gfunde.

Zu gross isch de Unterschied zude Arcade gxi.

Min Vater hät den en 800xl mit Kassette kauft.

Glaub uf dem atari hämmer bim kolleg immer bruce lee gspillt gha.

alundra ps1 (noed so mis genre..aber macht spass..)
rage racer ps1 (nebet em r-type 4 min favourite)

joe_higashi hat geschrieben:alundra ps1 (noed so mis genre..aber macht spass..)

es isch super! hät mich damals echt überrascht. has in es paar täg durregsuchtet. ha mich ja scho vorher ih startropics verliebt und denn parallele chönne zieh.

han scho am afang mueh gha zums an land schaffe..erst nacheme zietli checkt dasi mun go penne..damits witer gaht aber blieb dra

han chürzlich mit alundra ufde ps vita agfange gha, aber denn ide mine relativ am afang ufghört, wo ich gstorbe bin.

du enttüschisch mich.

NES: Metroid
Arcade: Dodonpachi DOJ BL und Progear.
Dreamcast: Le Mans und F355

KOF 98 & Garou - mau wieder e guets Session gha mit Kollege am Wucheänd. Und när hets no es Goldeneye gä ufem N64 - mir hei glachet und krachet wie am 1. Tag geng no.

was häsch nöd gschnallt? d'stüürig? oder s'verlinke?

castlevania chronicles ps1 (findi fascht am geilschte..simple aber macht anderst bock went mal dra bliebsch)

mal is chapter 3 inegspillt und finds langsam ziemlich geil