Seite 215 von 239

Re: Was spielsch grad retrigs?

Verfasst: 03 Nov 2020 12:53
von Doraemon
Ha geschter gmerkt dass ig ds Dragon Quest 1 aka Dragon Warrior ono gar nie gschpiut ha, iz machi zersch mau das. Gfaut mer no fasch besser bis jetz aus ds 2. Spile se aber aus USA Version ufem NES, d Remakes wos git sig ja aui zimli erneueret und vereifacht. (Weniger Kämpf, me XP, aues louft biz schneuer). Ig liebese die aute herte schnörkulose RPG. Jede usflug weg vor Stadt oder vom Schloss isch es Abetür, vorauem bis sech mau e Landcharte zämesetzt im Chopf.

Re: Was spielsch grad retrigs?

Verfasst: 04 Nov 2020 08:49
von Mr. Heli
Mastler(P) hat geschrieben:spelsch uf nihongo? eich nurno?
nei d PAL version. han viel spiel uf japanisch und bi dete enorm im rückstand, drum immer eis uf japanisch und när wieder eis uf düütsch/englisch

Re: Was spielsch grad retrigs?

Verfasst: 10 Nov 2020 10:43
von Doraemon
Dragon Quest (NES) hani am Wucheändi beändet.Tolls Game für das Alter, het mi recht packt. Vorauem wüus so simpel isch, und aber glich das guete feeling vo Abetür, Welt erkunde und müesse überläbe ufchunnt. Der einzig Kritikpunkt wäri höchstens, dass es nid ganz durchsichtig isch wie und was d Stats genau mache und für uswürkige hei. Mängisch hani e neui Waffe kouft wo z. B. +10 Attack git oder ha nachem Level up + 10 Power becho, aber bim fighte merksch genau ke ungerschied. Sprich me mues levele wie ne gschtörte zum d uswürkige merke. Aber da ig sowieso s grinde liebe i de RPG isches kes Problem, ha när eifach gluegt dassi ersch witer ga wenni die hiesige Gägner mit 1 Schlag cha besiege. Somit bini när zimli overpowered gsi bim Endboss.

Jetz bini am Dragon Quest 2 dran. Bzw. Dragon Warrior 2 so heisst ja d USA NES Version. Am afang hets mer weniger gfaue aus ds 1 obwou aues fasch glich isch. Jetz hani aber aui Party members gfunge und bi grad ufem Kontinent acho wo ds 1 gschpiut het. So guet, wie sech d Welt dert veränderet het, aber mi bescht Fründ im Schloss, der Magier wo eim d MP gratis uffüllt isch immer no dert. Hüt abe muesi rund ums Schloss uflevele bis ig die huere müehsame Gägner dert o mit 1 Schlag cha furtputze. I hasse se die huere Mudman wo eim MP stähle.

Re: Was spielsch grad retrigs?

Verfasst: 14 Nov 2020 15:14
von Reinforced

Quelle

was fürnes Hass Level, scho Stunde dermit verbrate :damn: :damn:

Re: Was spielsch grad retrigs?

Verfasst: 14 Nov 2020 16:07
von Herr Rossi
Die flügende Toteschädel = le hass!!!

Re: Was spielsch grad retrigs?

Verfasst: 14 Nov 2020 18:12
von Reinforced
Herr Rossi hat geschrieben:Die flügende Toteschädel = le hass!!!
spile d japan version dört sinds die übliche medusa heads... de FM Soundtrack isch geil

Re: Was spielsch grad retrigs?

Verfasst: 14 Nov 2020 23:18
von Herr Rossi
Reinforced hat geschrieben:
Herr Rossi hat geschrieben:Die flügende Toteschädel = le hass!!!
spile d japan version dört sinds die übliche medusa heads... de FM Soundtrack isch geil
Es isch so sauschwere Level, ich würds hüt nümm welle zocke

Re: Was spielsch grad retrigs?

Verfasst: 16 Nov 2020 20:47
von turntablism
ha genau no ein Game&Watch Donkey kong jr. de grüen single screen und bitz gspillt. denn vom MAdrigal sini Simulator abegladde und voll de retroflash gha. vor allem bim dk jr panorama screen :herzli: dä sound...wie wenns grad gester gsi wär. tuusigi mal hani das gspillt gha früener.
ich wür mer gern wider paar zuelegge aber diä sind verfiggt tüür. es het ja zig verschideni hersteller gäh. ich vermisse de rabbit hop vo vtech und de hamburger shop vo bandai.
hät zuefällig no öpper de hamburger shop ? oder susch no paar zum verkaufe ?

Re: Was spielsch grad retrigs?

Verfasst: 26 Nov 2020 11:30
von joe_higashi
auto modellista ps2...fascht durre...fehlet na paar gold pokal..aber recht wiit ide karriere
harley davidson ps2..d arcade version isch bombe gsi..d ps2 version macht au recht laune..burnout style :mrgreen:

Re: Was spielsch grad retrigs?

Verfasst: 26 Nov 2020 14:10
von sirarthur
auto modeliiiiistaaa, isch us de guete erfinderische Capcom Ziit. Leider ischs Handling scho chli speziell, es gitt dött aber rächt grossi Unterschied vo de US zu den Pal/JP Version.
Zu Harley Davidson, ich würd gern mal das ufem Lindbergh game, gseht chli us wie Outrun 2 mit Töff...

Re: Was spielsch grad retrigs?

Verfasst: 26 Nov 2020 14:34
von joe_higashi
s auto modellista isch echt na us d guete capcom ziete..allg. uf d ps2 hends glieferet...game d us version (jap hani au, aber nur mal churz gstartet)..fahr mitm evo 7 mit knapp 500ps jedes renne..d gegner hend di viel schnellere chaerre aber isch mer glich :mrgreen:

harley davidson arcade mitm toeff ischs anderst level..leider nie fuer d dreamcast usecho, han das mal ide ferie (glaub bali) gamet..recht fett gsi...d ps2 version isch echt noed so kacke, will d sound au na fetzt..aber isch jetzt keis game womer wuerkli muesst innere game-session laenger game.

Re: Was spielsch grad retrigs?

Verfasst: 26 Nov 2020 18:27
von sirarthur
ich red ebe vo dem: https://www.youtube.com/watch?v=A00Em1aG96Y" onclick="window.open(this.href);return false;

du meinsch Harley Davidson and LA Riders für Model 3, das chasch aber mit em Supermodel Emu uf PC game...

Capcom hätt döt würkli viil usprobiert, ufem Gamecube Capcom Five, aber au uf de XBOX händs es paar Sache bracht (Groupe S Challenge, hani aber nie gamet).

Re: Was spielsch grad retrigs?

Verfasst: 26 Nov 2020 19:36
von turntablism
kyuiin psx. ha das shmup gar nöd kennt, nöd speziell, chli schräg. bim tomatestruuch hani aber nach 5 continues kei nerve meh gha.

Re: Was spielsch grad retrigs?

Verfasst: 27 Nov 2020 11:28
von joe_higashi
kyuiin gseht abgspacet us...hani nanie gamet oder gseh gha...

-> gib dr cho aniki :mrgreen:

Re: Was spielsch grad retrigs?

Verfasst: 07 Dez 2020 13:07
von Doraemon
Geschter o mau wieder öpis nid-RPG-igs gschpiut. Und zwar hets letscht wuche e schöni Aktion gä für Konami Arcade Collection, Contra Collection & Castlevania Collection für je 7.90 im Nintendo Shop. Chame nüt säge. Diverses schnäu azocket. Thunder Cross hani zwar aus Platine, aber glich mau schnäu düregfeedet. Das wär schono so ne 1cc Kandidat für dasses Arcade isch.
Ajax hani geng tänkt das sig o nes Shmup, aber es isch ja sone After Burner Klon. Guet, chani striiche vor Platine-Wunschliste.
Geil, sogar Haunted Castle isch uf dere Collection.

När schnäu Kid Dracula ateschtet uf der Castler Collection. Aha, mau wieder e gschnitteni Version. Ig has ufem Famicom und dert isches uncut. Uf der Switch die üebleche West-Zensure, aus wär immer no 1990. U das sogar ir Jap Version, wo ja ufem Famicom uncut isch gsi. Truurig.

Speter bini när blibe hange bim Simon's Quest. Gloub das machi wieder mau. Isch irgendwie fasch mis Lieblings-Castlevania.

Re: Was spielsch grad retrigs?

Verfasst: 07 Dez 2020 14:44
von agestuffer
Gester Gremlins 2 uf NES. Finds hammer
agestuffer

Re: Was spielsch grad retrigs?

Verfasst: 11 Dez 2020 23:29
von turntablism
gar nüt :(
voll kei ziit gha. hoffe dass i am weekend wider mini chäschte mal chan in betrieb näh.

Re: Was spielsch grad retrigs?

Verfasst: 14 Dez 2020 11:18
von Doraemon
Need for Speed Hot Pursuit uf der Switch. I ha süsch nid gärn Rennspiel aber das het mi packt. Cooli Chäre und vorauem d Polizei Missione mache Spass! Fasch chlei Chase HQ Feeling :-D Und d grafik fingi tiptop für Switch, i bruche gar nid me...

Joe & Mac 2 SNES im Co-op Modus mitem Kolleg. Schöni Grafik u eifach witzig! Spass!

Castlevania Adventure für GB uf der Switch. Gar nid mau so hert wie aui säge. Nur im 4. Level närvts chlei, aber mit paarmau üebe geit o das.

Re: Was spielsch grad retrigs?

Verfasst: 28 Dez 2020 09:26
von Doraemon
Am spile aber (no) nid gschafft:

El Viento (MD) - Typischi MD Sidescrolling Action mit speziellem Charme, wie eifach viu vo däne MD Games. Mängisch hert bis unfair und mängisch o biuig und idiotisch gmacht, aber efiach mit geile Idee una Action! Auso mir gfauts und blibt ir Sammlig. Chume fangs is 4. Level.

Ball - (Game & Watch) - Simpler geit fasch nüm aber weme mau e Rekord het nimmt me das Teil immer wieder füre :-D

Super Mario Bros. (NES & Game & Watch) - So super und intressant zum uf Score spile.

Vs. Super Mario Bros. (Arcade & Switch) - äbefaus am Score. Cooli Challenge mit de gänderete Level. Ha bis jetz mi Arcade Score uf der Switch no nid chönne schla. Es stüürt sech so Pixelgnau uf Arcade.

Galaga (NES & Switch Namco Arcade Classics) - Eifach o so simpel und klassisch, fägt mega zum Hiscore schla.O immer chlei a beidne Versione dran, isch nid so grosse ungerschied.

Dragon Warrior 4 (NES) - Jetz o mau das agfange und fang im Chapter 2. Wieder e schöni Erwiterig zum 3 und bi gspannt wies sech entwicklet.

Re: Was spielsch grad retrigs?

Verfasst: 28 Dez 2020 12:58
von damian
Doraemon hat geschrieben: El Viento (MD) - Typischi MD Sidescrolling Action mit speziellem Charme, wie eifach viu vo däne MD Games. Mängisch hert bis unfair und mängisch o biuig und idiotisch gmacht, aber efiach mit geile Idee una Action! Auso mir gfauts und blibt ir Sammlig. Chume fangs is 4. Level.
Eher typisch Wolfteam. Die sind immer recht experimentell und ungschliffe.

Re: Was spielsch grad retrigs?

Verfasst: 28 Dez 2020 14:54
von Doraemon
Ungschliffe, dasch genau ds richtige Wort. Aber es trifft für mi äbe o uf viu vo däne Mega Drive Sidescroller zue, drum hani gmeint typisch. Aber nid öpe im schlechte Sinn. :-D Wolfsoft ischmer scho ne Begriff, vorauem ds Earnest Evans wirdi nie vergässe. Aber ds meiste vo däne gfaut mer süsch schono.

Re: Was spielsch grad retrigs?

Verfasst: 28 Dez 2020 18:22
von Mr. Heli
Doraemon hat geschrieben:Need for Speed Hot Pursuit uf der Switch
ha need for speed hot pursuit 2 ufem gamecube gliebt. findes schad, dass de remaster gegenüber zude ps3 version nume es sehr chlises ufhübsche becho het. mues mir de remaster aber au mal no hole.

Re: Was spielsch grad retrigs?

Verfasst: 04 Jan 2021 12:02
von Doraemon
Wow ig bi begeisteret abem Dragon Quest 4. Scho ds 3 isch ja der Hammer gsi, aber was sie hie biete mit de verschiedene Kapitel und wie sechs när zämefüegt isch auso genial! Mir isch süsch d Story ide RPG relativ egal, aber hie, bzw. scho i aune DQ bishär machts würklech Laune! Am meischte gfaut mer der Merchant, für vili ds längwiligschte Kapitel, aber für mi ds beschte.
Freue mi scho ufe fürabe hüt...

Re: Was spielsch grad retrigs?

Verfasst: 05 Jan 2021 22:45
von geosnow
yep, DQ1-6 sind mega. s 7 und 8 sind mir denn irgendwiä z lang gxi uf de ps2.

Re: Was spielsch grad retrigs?

Verfasst: 18 Jan 2021 08:05
von joe_higashi
demon front - richtig geile slug-clon..aber wiit us besser als nume en 0815 clone.