Welchen Film oder welche Serie hast du gerade gesehen?

[sidusson]

Black Panther 4/10 - hanen nid wirklich guet gfunde

Chami aschliesse. Würd öppe 5/10 gäh. E huere cgi kriegerei u völlig hirnrissigi story u ablauf. Wakanda not forever

[The Sheep]

1899 (7.8/10)

"What is lost, will be found!" Sie sind zruck, die dualistische Eiziiler wo uns durch drei Staffle Dark begleitet händ und so oft wiederholt worde sind, bismer sie nüm het chönne höre. In 1899 isches jedoch nit ganz so schlimm. Defür wird visuelle Symbolismus mit em Vorschlaghammer betriebe. In dere Serie gits so vieli Dreieck Symbol, dassmer nit mol es Trinkspiel drus chönnt mache, so schnäll wär me bsoffe.
Wasmer gfalle het: s'Setting ufem Meer mit däm Titanic-ähnliche Schiff, und d'Stimmig. Au s'Acting isch guet gseh. Nüm so theatermässig stiff wie in Dark.

Bin es bitz hin u härgrisse. Es isch dütlich mehr Gäld inveschtiert worde als in Dark, und es gseht hochprofessionell us. Ufgrund vo dene sehr opulänte Trailer hani allerdings mehr Originalitet erwartet . Am Schluss hani trotz allne Hoffnige s'Gfühl gha, nit mehr als e geischtigi Fortsetzig vo Dark gseh zha.


Quelle

[zeromeier]

Black Panther 4/10 - hanen nid wirklich guet gfunde

Chami aschliesse. Würd öppe 5/10 gäh. E huere cgi kriegerei u völlig hirnrissigi story u ablauf. Wakanda not forever

Shit Film isches.

[The Sheep]

Triangle of Sadness ( 7.5/10)

Ich bin bitz ratlos bi däm Film. Är fangt mitere Ifersuchtsstory zwischere Inflänzerin und ihrem Fründ a. Är dänkt dasser ihre nit gnüegt. Vor allem finanziell. Später gön beidi ufe Yacht wo denn kenteret, und ane unbekannti Küschte gschwemmt wird. Ab denn wirds ganz sbschtrus, wil e Reinigungschraft voder ehemalige Yacht plötzlich zum Afüehrer vode Überläbende wird, und die Machtposition zimlich explizit usläbt.

[Vyse]

This much I know to be true 7/10
Ich hätt viel, viel lieber es anders Verhältnis zw. Musig und Interview gha, ca. 3/4 isch Musig und 1/4 Gspröch, hät gärn meh vo ihm und em wilde, bärtige Musiker ghört.

Quelle

[Vyse]

Taken, 2008
9/10
Mega guete Action-Thriller. macht e bestehend Misanthropie nöd besser aber trotzdem, eifach en guete, spannende, packende, actionriiche Film mitme huere nonchalante Badass als Protagonist.

[siralos]

dead to me staffle 2-3. 8/10


a supr serie. staffle 1+2 sind mega voll mit schwarzer humor.
bi staffle 3 merkt me dass die applegate im echtem läbe schwer krank isch und chum no cha stah i de episodene. story hei sie dann sehr g'rushet und uf ne happy end zue gstüret, was eigentlech unüblech isch für die vorigi gschicht.

[Master(G)]

jup, hani au dänkt. sie sitzt viel, im auto, ufem bett, uf de couch, ade baar... sie chan glaub fascht nüm stah

season 3 hett leider nüm das niveau vo 1 und 2 gha. aber gliich no guet gsi. sehr symphatischi serie!

[Buccaneer]

Eternals … boah, wird ja immer schlimmer mit dem marvel käse… phase 4 bis jetzt n zimliche bruch….

[siralos]

phase 4 mit all dene moengel tv serie isch kataschstroph gsi, einzige liechtblich isch wanda/vision gsi.

movies isch nume halbweg de strange nid uebel gsi...de ant man wird wohl ou derb schlecht.

[Kretinou]

Day Shift (Nätpflix) : omg 11/10

[siralos]

Day Shift (Nätpflix) : omg 11/10

würklech?

ig ha dä film sehr grottig gfunge....ha däm gloubs irgend öpis mit 3/10 oder so gäh.

[Kretinou]

Day Shift (Nätpflix) : omg 11/10

würklech?

ig ha dä film sehr grottig gfunge....ha däm gloubs irgend öpis mit 3/10 oder so gäh.

Ho , aber ich verstehe, dass dieser Film nicht jedem gefallen kann. Man muss nur bedenken, dass es keine Superproduktion ist. Ein toller Popcornfilm für Mich.
De Scott Adkins scene war wirklich sooo gut, mit de kaugummi
Und de ost mit 80-90 hip hop Musik

[Buccaneer]

Doktor merkwürdig VS multiverse und übergschnappti olson wanda…


Wer schriebt u d directed sone brunz eigentlich?

[siralos]

Day Shift (Nätpflix) : omg 11/10

würklech?

ig ha dä film sehr grottig gfunge....ha däm gloubs irgend öpis mit 3/10 oder so gäh.

Ho , aber ich verstehe, dass dieser Film nicht jedem gefallen kann. Man muss nur bedenken, dass es keine Superproduktion ist. Ein toller Popcornfilm für Mich.
De Scott Adkins scene war wirklich sooo gut, mit de kaugummi
Und de ost mit 80-90 hip hop Musik

ha gloub o chli zviel erwartet gha, so wägem jamie fox und de trailer.

[siralos]

avatar way of water 7/10

technisch a neui messlatte i sache cgi, storymässig eher lau mit a paar logiklöcher wo me so nid vom cameron gwahnet isch.....

die 3 std. hätti ou i 2 drinne passt.

[Vyse]

The Banshees of Inisherin ?/10

Schwer zbewerte. Visuell absolut 10/10. Schauspiel isch au üsserscht super, inhaltlich eigentlich au aber me muen scho in Stimmig si für en inhaltlich so minimalistische Film. Han wäge dä Uufnahme wiiterglueged und am Ändi doch zum Schluss cho, dass en guete Film isch. Es gaht nüüt uuf, für kein Charakter, so wies im Läbe halt meistens isch. En bitz deprimierendi Reflektion übers Läbe, wie Mänsche hüüfig i ihre Schieflag duurs Läbe driftet unds am Ändi ebbe nöd besser wird: En heftige Kontrast zum Happy-End-Film und em Bländwerch vo dä soziale Medie.

[Buccaneer]

Thor liebi u donner

Mir fallt uf das i bi jedem marvel film immer meh am handy bin… guet gmacht disney…

[siralos]

Thor liebi u donner

Mir fallt uf das i bi jedem marvel film immer meh am handy bin… guet gmacht disney…

dä hani ou grottig gfunge....und das als thor fan.

disney phase 4 isch das woke zueg zum verhängnis gworde oder wirds wärde.

black panther eakanda blabla. 1/10

idee mit dem namor wäri supr, nid aber wenn sie usem atlanter a komische maya/azteke tubl drus gmacht hey und die ganzi frouene mit de iron man rüschtige im film erscht. :typej:

de konflikt zwische wakanda und atlantis isch supr und plausibel i de comics, hier verkommt es zu nem witz sondergliiche und das ändi...öpis vom tümschte.

[Jones]

Het öper manifest gseh?
Finges grad mega spannend!
8.5/10 für mi bis mitti season 02!

[siralos]

Het öper manifest gseh?
Finges grad mega spannend!
8.5/10 für mi bis mitti season 02!

ha a paar folg(1-3 oder so) glueget und chli langwilig gfunge.

[Jones]

tja... so chas gah...

[The Sheep]

Manifest hani gseh die erschte drei Staffle glaub. Het vielversprächend agfange. d'Grace ischmer aber dermasse ufe Sack dassis glöscht han drnach. Die het so richtigi Skyler Qualitete, aber im Gegesatz zu Breaking Bad, isch de Räscht voder Serie au nit bsunders guet gseh. Die neuschti Staffle hani nüm gluegt.

[Jones]

ja d'grace isch mir o ufe sack gange...

[Master(G)]

Godless (Netflix)

Mini-Series (7 Parts)

öppis vom beschte, woni sitt jahre in sache Western gseh han!

9/10

Der gesetzlose Bandit Frank macht sich auf die Suche nach seinem ehemaligen Partner, den er zur Strecke bringen will. Auf seinem Streifzug durch den Wilden Westen landet er in der geheimnisumwitterten Stadt La Belle, die nur von Frauen bewohnt wird.