Seite 51 von 55

Re: [Serie] Game of Thrones

Verfasst: 10 Mai 2019 06:10
von Master(G)
Avenger hat geschrieben:GoT am Ende?

:vortex:
sturm im wasserglas! :kicher:

ich finds super. immerno. aber ich bin en simplä maa :lol:

Re: [Serie] Game of Thrones

Verfasst: 13 Mai 2019 07:31
von thaeye
:groel: die abgäng, chli meh haetis vorallem bi de cersei scho chöne sii (de hound isch guet gsi), aber ja jetzt muesses de jon snow richte und sini gliebti abesteche

Re: [Serie] Game of Thrones

Verfasst: 13 Mai 2019 09:57
von The Sheep
Haha, so geil. Dörfti die türschti GOT Folg gseh sie voder ganze Serie
thaeye hat geschrieben::groel: die abgäng, chli meh haetis vorallem bi de cersei scho chöne sii
wär weiss ob sie vielleicht nit doch no überläbt händ. De Schnitt losst die Möglichkeit zumindest offe.

Re: [Serie] Game of Thrones

Verfasst: 14 Mai 2019 05:48
von Master(G)
es isch guet gsi, aber mer merkt, dass alles viel zschnell gaht. ich fass es ned, dass die alles in 6 episode händ müesse inedrucke und so rushä... schad.

Re: [Serie] Game of Thrones

Verfasst: 14 Mai 2019 06:55
von thaeye
ich gang devoo us das de varis de alti fuchs nah es paar vögeli in realm flüge lah haet mit de nachricht das de jon snow de wahri herrscher isch, den wird er sie abesteche.

Re: [Serie] Game of Thrones

Verfasst: 14 Mai 2019 07:24
von thaeye
the golden company haet au en mega uftritt gha, scho alles recht grusht isches.

Re: [Serie] Game of Thrones

Verfasst: 14 Mai 2019 07:59
von thaeye
romeo und julia abgang :groel: wtf scheiss schriberling. 7 staffl ufbau und den wirsch vomene zämäkrachende gebäude kaputt gmacht.

Re: [Serie] Game of Thrones

Verfasst: 14 Mai 2019 08:27
von Herr Rossi
Bitte in episode 6 alli la sterbe, danke.

Re: [Serie] Game of Thrones

Verfasst: 14 Mai 2019 08:57
von The Sheep
Ja, isch alles bitz schnäll gange, und teiliwis isch storymässig bitz pfuscht worde. Mich stört vor allem dass es offebar keini Dischtanze mehr git in Westeros. Aber mit em räscht bini voll happy. Die Folg isch visuell eifach bombastisch gseh.

Das mit der Daenerys isch wirklich absehbar gseh. Sie isch scho lenger regelrächt besässe gseh uf däm huere Thron zsitze und fascht jede wo sie nit als Queen akzeptiert het, het als Brikett g'ändet. Ussicht uf Friede het sie zwar guet verchauft, aber isch immer zweitrangig gseh für sie. Und ab däm Momänt wo sie alles verlore het, het sie de Thron lieber zerstört als en andere druf sitze zgseh.

Die ganze Abgäng sind George R.R. Martin typisch gseh. Er het scho immer en grosse Hufe gmacht uf d'Beliebtheit vo de Charaktere. Das hetmer ab Season 5 es bitz vermisst, aber das Finale isch in dere Hisicht ihm absolut würdig. Mir het au de Abgang voder Cersei gfalle. Wie sich d'Emotione in ihrem Gsicht veränderet händ über die ganzi Folg, vo überlägener Arroganz bis zur völlige Verzwiflig und der Erkenntnis dass alles vorbi isch, sind für mi Befriedigung gnueg gseh. Au wie ihri Golden Army innerhalb vo wenige Sekunde verdampft isch. :lol:

Re: [Serie] Game of Thrones

Verfasst: 14 Mai 2019 09:16
von thaeye
visuell isch alles superb aber ebe, staffel 8 macht scho einiges kaputt. trotzdem was vom beste im fernseh.

Re: [Serie] Game of Thrones

Verfasst: 14 Mai 2019 10:12
von zwirrlibatz
The Sheep hat geschrieben:Ja, isch alles bitz schnäll gange, und teiliwis isch storymässig bitz pfuscht worde. Mich stört vor allem dass es offebar keini Dischtanze mehr git in Westeros. Aber mit em räscht bini voll happy. Die Folg isch visuell eifach bombastisch gseh.

Das mit der Daenerys isch wirklich absehbar gseh. Sie isch scho lenger regelrächt besässe gseh uf däm huere Thron zsitze und fascht jede wo sie nit als Queen akzeptiert het, het als Brikett g'ändet. Ussicht uf Friede het sie zwar guet verchauft, aber isch immer zweitrangig gseh für sie. Und ab däm Momänt wo sie alles verlore het, het sie de Thron lieber zerstört als en andere druf sitze zgseh.

Die ganze Abgäng sind George R.R. Martin typisch gseh. Er het scho immer en grosse Hufe gmacht uf d'Beliebtheit vo de Charaktere. Das hetmer ab Season 5 es bitz vermisst, aber das Finale isch in dere Hisicht ihm absolut würdig. Mir het au de Abgang voder Cersei gfalle. Wie sich d'Emotione in ihrem Gsicht veränderet händ über die ganzi Folg, vo überlägener Arroganz bis zur völlige Verzwiflig und der Erkenntnis dass alles vorbi isch, sind für mi Befriedigung gnueg gseh. Au wie ihri Golden Army innerhalb vo wenige Sekunde verdampft isch. :lol:
findi au. Ich ha kei Vorstellig gha, was mit de Cersei passiert. Das Ändi i de Arme vom Jaime isch wunderbar gsi. Wie inere klassische Tragödie, statt irgende Verurteilig, Verbannig, Gemeuchel oder Hiirichtig oder so en Kram. Oder dass de Mountain plötzli e Erlüchtig hett und sie killt (fuck, de Sandor :( aber, trotz liechtem Klischee, es guets Ändi für beid). Mit Logik i Stories ischs immer so ne Sach. Öpper erfindet/schriebt halt e Gschicht (öb jetz de Martin oder Benioff/Weiss) und drum hett de d'Autorität über was wie lauft. Basta. Egal was me als Zuschauer findet oder erwartet oder dass es so und so meh "Sinn" gmacht hetti.

Ich han nur Müeh gha mit Euron/Jaime. Klar bruucht de Euron en speziell inszenierte Abgang (oder zumindescht e Uflösig zu sim Charakter), aber de isch chli inegmurkst gsi. Cha me aber au unter "klassischer Tragödie" iiordne.

Dass Danaerys überegheit isch super gsi und sehr guet ufbaut und daher "logisch". Und de Drogon hett entweder ersch jetz sini ganzi Chraft zeigt, oder es gitt e mystischi Verbindig zwüsche ihm und de Danaerys, heisst: je verruckter sie isch, umso meh Puschte hett er. Ohni dass sie no äxtra Dracarys umeschreit. Sie sind quasi 1 (worde).

Sind paar Lüüt unzfriede im Internetz, aber wahrschiinli wills ufs Ändi zuegaht und alli uf Nadle sitze. Me laht sich weniger überrasche als au scho, akzeptiert weniger eifach so. Me wünscht sich es verständlichs, nachvollziehbars Ändi. Was aber nume zeigt, wie brilliant die Gschicht isch, au jetz mit weniger GRRM. Jetz überall Storyschwächene z'entdecke während me das früehner nie gmacht hett, zeigt doch, wie eim die Serie hett inegnoh und d'Kritik a fählender Logik isch demfall sälber unlogisch. Storyschächene hätt me vo Afang ah chöne entdecke. Bsunders bi naive Entscheidige vo de Charaktere. Werum nimmt de Tyrion d'Shae überall hii mit? Wieso riskiert de Robb alles wäg sim wildgwordne Schnäbeli? Wieso verratet de Ned dass er s'gröschte Gheimnis vo Westereos weiss usgrächnet de Cersei? Wieso "überläbt" praktischerwiis genau ein Untote wo sie eine göhnd go sueche, wo sie de White Walker kille? Werum göhnds überhaupt nume z'siebete? Das hämer nie kritisiert wills eifach die Story isch.

Mich erstuunt übrigens, wie weni über de Lord of Light diskutiert wird. Es isch de einzig Gott, wo offebar würkli existiert. Näb allne andere wo nur mal beschwore wärde, zeigt de sich als einzig und griift öppe mal ii. Was aber isch sin Plan? Alles kabutt mache? Quasi wie de Chrischtegott mit de Sintfluet für en Neuafang?

Re: [Serie] Game of Thrones

Verfasst: 14 Mai 2019 12:18
von thaeye
de erchlärbär isch da. oder au gottes stimm gnennt. loset zue. er gset s grosse ganze und s dumme internet wott eifach chli toibele.

inegmurkst isch dach überem chopf zämägheie in romeo und julia stil.

Re: [Serie] Game of Thrones

Verfasst: 14 Mai 2019 13:28
von zeromeier
thaeye hat geschrieben:de erchlärbär isch da. oder au gottes stimm gnennt. loset zue. er gset s grosse ganze und s dumme internet wott eifach chli toibele.

inegmurkst isch dach überem chopf zämägheie in romeo und julia stil.
Er hed I dem Fall ebe rächt imo.

Re: [Serie] Game of Thrones

Verfasst: 14 Mai 2019 14:13
von thaeye
isch doch schön findsch du das. ich finds nöd. aber so simmer doch alli underschiedlich i sache gschmack. recht ha chasch bi sache wott au chasch verifiziere. en gschicht beurteile isch eher gschmackssach.
s end isch brutal grusht und nei s cersei end isch absolut unbefriedigend (blablablal ihres königriich brennt und es begrabt sie alles , klassischi tragödie blablabla), irgendwelche bullshit philo argument find meh immer). de einzig miteme guete endi isch de hound gsi, dem haends was epischs gönnt.

die krass golden company isches also au wert gsi sovill mal gnennt z werde. was wargt eigentlich de bran nah ume? am schluss isch de möngi nah ufem thron.

Re: [Serie] Game of Thrones

Verfasst: 14 Mai 2019 19:03
von Herr Rossi
thaeye hat geschrieben:irgendwelche bullshit philo argument find meh immer
Das. Immer.

Re: [Serie] Game of Thrones

Verfasst: 15 Mai 2019 07:04
von Avenger
...und nächst Wuche isch fertig? :confused: :(

D Enttüschige si vorprogrammiert, das isch jetz scho klar.

Re: [Serie] Game of Thrones

Verfasst: 15 Mai 2019 07:38
von Herr Rossi
Ach was, nume nüt erwarte.

Re: [Serie] Game of Thrones

Verfasst: 16 Mai 2019 13:34
von zwirrlibatz
thaeye hat geschrieben:aber so simmer doch alli underschiedlich i sache gschmack.
drum regsch dich au nie uf über jede wo nöd dire meinig isch. :groel:

Re: [Serie] Game of Thrones

Verfasst: 16 Mai 2019 14:00
von thaeye
zwirrlibatz hat geschrieben:
thaeye hat geschrieben:aber so simmer doch alli underschiedlich i sache gschmack.
drum regsch dich au nie uf über jede wo nöd dire meinig isch. :groel:

ich reg mich ebe gern uuuf ;)

Re: [Serie] Game of Thrones

Verfasst: 18 Mai 2019 11:12
von feeshlee
sörsi ihre abgang isch schochli lahm... wänns dänn wäg sind. cooler wär gsi, wänn dä drache sie usem türmli pickt hett :kicher:

bin gspanne, wiene flitzeboge, wie das ghetto jetzt alles in einere folg abschlüssed.

Re: [Serie] Game of Thrones

Verfasst: 18 Mai 2019 11:57
von Herr Rossi
De Jamie hed überläbt und killt sich selber us luuter Elend

Re: [Serie] Game of Thrones

Verfasst: 18 Mai 2019 21:22
von Avenger
Prognose: Sie schliesse nüt ab, es git aber jetz 100 Spinoffs und 10 Kinofilme.

Re: [Serie] Game of Thrones

Verfasst: 19 Mai 2019 00:05
von The Sheep
Es wird abgschlosse. Spin Off wirds uf jede Fall gä. Aber spielt ca 1000 Johr vorhär mit komplett neuem Cast.

Re: [Serie] Game of Thrones

Verfasst: 20 Mai 2019 08:29
von The Sheep
Episode 6: So, de Mischt isch gfiirt. Teilwis wie erwartet, teilwis aber au nit. Im grosse ganze bini zfriede wies usgange isch.
eini vo de beschte Szene: De Tyrion findet de Jamie und Cersei. mega guet inszeniert gseh. au mit der Musik :briegge:

Wenn ich HBO wär, würd ich de Fans uf die Petition folgendermasse antworte:
"Ok, mir mache die letschti Staffle neu, aber nur unter dere Bedingig: Ihr saget uns wie, und ihr müend euch debi einig si"

Re: [Serie] Game of Thrones

Verfasst: 20 Mai 2019 10:58
von Vyse
zwirrlibatz hat geschrieben:

Dass Danaerys überegheit isch super gsi und sehr guet ufbaut und daher "logisch". Und de Drogon hett entweder ersch jetz sini ganzi Chraft zeigt, oder es gitt e mystischi Verbindig zwüsche ihm und de Danaerys, heisst: je verruckter sie isch, umso meh Puschte hett er. Ohni dass sie no äxtra Dracarys umeschreit. Sie sind quasi 1 (worde).
Das hät mi wieder richtig versöhnt. Es isch absehbar gsi aber au so notwändig. Es isch genau die Art vo kompromisslosigkeit bi Filmproduktione, wo ich achte. Dass sie dä targaryschi Wahnsinn iihollt und ihri heroisch Figur zumene Tyrann vercho laht, wie guet! Keis Büüge vor irgendwelche Publikums/Zueschauererwartige.
Viel Abgäng sind chli zu abrupt gsi aber für e Serie isch das ganz ok, es würkt immer beschlüünigt, wämme Film/Folge zum erschte mal luegt. Eigentlich fascht nüüt zbeklage bezüglich Ep05, isch grossartig gsi (bis uuf gwüssi digitali Effäkt, aber dänn wiederum isch das au chli egal, The Expanse z.B. isch CG-mässig bitzli Katastrophe, dStory deswäge nöd weniger guet).