Cocktails

[The Sheep]

Ussertem Spirituose Topic vo 2010 hani nüt gfunde im (G). Mixt niemerts Cocktails vo euch?

Ich han grad e Phase, woni statt Wii, Bier oder Whisky, gärn mol en feine Cocktail mixe dihei.

Da ich nit immer zuefellig Zitrone oder Limette umeliege han, oder Eiwiss für en feine Sour, hani sehr freud an neue Ersatzprodukt woni in YT Videos vo professionelle Barmixer gfunde han.

Sie zeige wiemer us Frücht wie Zitrone, Limette, Orange etc. "Super Juices" chann härstelle, wo bis zu 7x ergiebiger und aromatischer sind, als wenn mer d'Frücht eifach nur würd usprässe, und zuesätzlich sinds au no dütlich lenger haltbar im Chüelschrank. Nämlich 2 Woche mit nahezue null Gschmacksverluscht. Mit wenige Abstrich isch der Saft sogar nach 4 Wuche no gniessbar.

Der Trick isch derbi, dassmer die üsseri Schale mitme Peeler voder Frucht trennt und in Zitrone- und Öpfelsüüri ilegt. Beidi Chemikalie chöme in de Frücht natürlich vor. Derbi isches wichtig, dassmer die wissi inneri Schale möglichscht nit mitschält, will die isch bitter. Die Mischig wird mit Wasser und em Saft womer durch Usprässe vode Frücht gwünnt im Blender püriert und aschliessend filtiert. That's it. zB chamer so us einere Zitrone mehr als e halbe Liter Saft gwünne, wo tatächlich no besser schmeckt als früsch prässte Zitronesaft!

Au en nahezue perfekte Ersatz für Eiwiss gits. Für Lüt wo de Eiwissgruch nit möge, oder wil sie Vegi sind, oder wil sie wie ich gfühlt nie Eier im Chüelschrank händ wenn sie welchi bruche. Das Produkt nennt sich "Super Syrup" und bestoht us Zucker, Methyl Cellulose, Xanthan, Gummi Arabicum und Wasser. Chann mer alles online bschtelle vo CH Händler. Isch zwar nit ganz billig, aber wenn öfters Cocktails mit Eiwiss mixisch absolut empfählenswärt, und usserdäm bis zu zwei Mönet haltbar im Chüelschrank!

Da no es paar Links:
https://www.youtube.com/watch?v=2RA3AaCO7A8
https://www.youtube.com/watch?v=8lfWBxtH6hk

[Mr Burzel]

Sehr cool – I lieb Daiquiri & Mojito

Welli Produkt (Öpfelsäurce etc.) hesch genau kauft und wo zum die Super Juices mache?

[The Sheep]

Für Limette Super Juice bruchsch Zitronesüri und Öpfelsüri, für de Zitrone Super Juice nume Zitronesüri.
Denn hani no Xanthan, Methyl Cellulose und Gummi Arabicum kauft für de Super Syrup

Ich lueg hüt Namittag mol wo ich was kauft han. Es sind zwei Händler gse.

Am meischte Freud hani bis jetzt am Limette Super Juice. Sind nit immer ganz eifach zum schäle die Limette (sie dörfe nit zu trocke si), abers Resultat isch wirklich überzügend.

Whiskey Sour mit Zitrone Super Juice und Super Syrup isch bi mir mittelmässig usecho. Da muess i no eruiere an was es liegt. Mi dünkts mi Zitrone Super Juice isch es bitz bitter. Möglicherwis isch zviel voder untere Schale mitcho, oder i hätt Zitrone besser sölle wäsche vorhär.

[Buccaneer]

Ich ha gärn Blaui Lagune und Cuba Libre
Ich bin gärn beschwippst

[The Sheep]

Daiquiris ghöre zu mine Lieblingscocktails. Speziell de usem La Florida, wo de Hemingway i und usgange isch in de 30er johr.
De 1937er Floridita mache si dört au hüt no. Aber au am Hemingway sini zuckerlosi Spezialrezeptur, wo offiiziell als en "nit bsunders guete Cocktail" gilt, trinki no gärn.

Rezäpt:

DAIQUIRI
1937 Floridita
-----------------
60ml Wisse Rum Havanna Club 3y
20ml Limettesaft
1TL Maraschino Likör (zb Luxardo)
1EL Rohrzucker
Mit viel crushed Ice im Blender püriere

DAIQUIRI
nach Ernest Hemingway
------------------------------
60ml Wisse Rum Havanna Club 3y
20ml Limettesaft
15ml Gapefruit Saft
15ml Maraschino Likör (zb Luxardo)
Shake mitere handvoll Iswürfel, abseie

[Buccaneer]

Hesch du n Ismaschine? Ich han nur es chlieses Gfrührfach und nur wenig Platz für extra Iswürfel und so gspäss.
Wie machsch du crushed ice?

[The Sheep]

i han mir chürzlich en Ismaschine kauft wo sowohl würfel als au crushed ice chann uselo.
https://www.klarstein.ch/Kuechengeraete ... ilber.html

[Buccaneer]

Geils Teil!

[thaeye]

bin im el floridita gsi, guete abig gsi vor 20 jahr.

[The Sheep]

Sehr cool – I lieb Daiquiri & Mojito

Welli Produkt (Öpfelsäurce etc.) hesch genau kauft und wo zum die Super Juices mache?

plusaroma.ch
--------------------
Zitronensäure 1kg
Äpfelsäure 1kg
Xanthan 300g

chefstore.ch
--------------------
Metilgel, Methylcellulose, 300g
Gewürzgarten Gummi Arabicum-Pulver, 110g

Gwüssi vo dene Chemikalie chamer ja au zum putze oder anders bruche. Ich würd eifach druf luege, dass sicher Läbensmittelqualitet bechunnsch.

[Mr Burzel]

Sehr cool – I lieb Daiquiri & Mojito

Welli Produkt (Öpfelsäurce etc.) hesch genau kauft und wo zum die Super Juices mache?

plusaroma.ch
--------------------
Zitronensäure 1kg
Äpfelsäure 1kg
Xanthan 300g

chefstore.ch
--------------------
Metilgel, Methylcellulose, 300g
Gewürzgarten Gummi Arabicum-Pulver, 110g

Gwüssi vo dene Chemikalie chamer ja au zum putze oder anders bruche. Ich würd eifach druf luege, dass sicher Läbensmittelqualitet bechunnsch.

Mega super, viele Dank

[turntablism]

mhhhh
Crevettencocktail

644EnUdPJV4e2n8A1pIfMQ==bb_gast151001_0101a_rh000w2-700772264.jpg (53.24 KiB) 3383 mal betrachtet

[Mr Burzel]

Zitronensäure 1kg
Äpfelsäure 1kg

Gad mol bstellt

[The Sheep]

coolio. De Rächner hesch gseh uf der Site vo däm Barkeeper?

Falls kei Waag hesch wo zähntel Gramm azeigt, was gar nit so eifach zum finde isch wie ich han müesse feststelle, chauf uf kei Fall die Xavax für 11 Stutz. Die zeigt nur Fantasiewärt a hinterem Komma. KS36 vo Beurer für 25 Stutz hingege isch bruchbar. gits im Mediamarkt oder uf Galaxler.

[Mr Burzel]

Sodeli, bi gad dure mit Super Juice mache
Ha de Rechner gnutzt ( https://www.kevinkos.com/super-juice-calculator-1 )

Nomol mega Merci, cooli Sach! Nochher gits Daiquiris

[feeshlee]

zume guete mojito, caipi oder white russian sägi immer ja.
dä im moment so beliebti gin tonic holtmi hingäge nöd ab.

[The Sheep]

Bi mir isch hüt zobe frozen Margarita time.

[Mr Burzel]

Han hütte de gmacht gha:

DAIQUIRI
nach Ernest Hemingway

, de klassisch Daiquiri passt mir aber besser mitem Rohrzucker Sirup

PS: Super Juice, isch de Hammer…gad die Wuche nomol 5dl produziert