Hesch en Läbens-Plan?

Trash-Talk pur! Alles andere als Videogames...

Moderator: Avenger

Benutzeravatar
thaeye
VIP-Member
VIP-Member
Beiträge: 16529
Registriert: 06 Okt 2010 23:28
Kontaktdaten:

Re: Hesch en Läbens-Plan?

Beitrag von thaeye »

Mastler(P) hat geschrieben:
Ribit hat geschrieben:Gegenargument: "Charakter zeigt sich am deutlichsten daran wie man jene behandelt die es einem niemals vergelten können." Das heisst, nehmen wir mal an ich behandle die Gesellschaft schlecht... können sie es mir vergelten? Oh ja und wie! Ich hingegen bin nicht in dieser Machtposition, insofern kann ich fast nur asymmetrische Vergeltung einstecken. Man kann also sagen, die Gesellschaft nutzt ihre Machtposition für egoistische Ziele.
ih welem kino gasch joker go äh, luege?
gib ihm nöd soen scheiss aa :groel: isch nix für ihn
Benutzeravatar
Herr Rossi
Hardcore Gamer
Hardcore Gamer
Beiträge: 11601
Registriert: 30 Aug 2011 16:44
Kontaktdaten:

Re: Hesch en Läbens-Plan?

Beitrag von Herr Rossi »

Ribit, du grenzisch sich selber us. Schaff a dim Selbstbild
Benutzeravatar
zeromeier
The(G)net - Redakteurrrrr
The(G)net - Redakteurrrrr
Beiträge: 17310
Registriert: 06 Dez 2007 09:55
Kontaktdaten:

Re: Hesch en Läbens-Plan?

Beitrag von zeromeier »

thaeye hat geschrieben:
Ribit hat geschrieben:Ich weiss nicht was die Leute eigentlich wollen. Ein "normaler" Partner/Freund während sie gleichzeitig tyrannische Despoten in die Politik schieben und diese Leute grösstenteils quasi anbeten (es ist ihnen wichtiger als Gott). Würden sie das nicht tun wären diese Leute nicht drin, denn die Gesellschaft ist immer noch die grösste Macht, fast alles wird von ihr genährt und es reflektiert ihren Geist.
was labberisch füren hafechäst? was haet d partnersuechi mit eme tyrannische despot z tue. du bisch dure.

dini grosse themene sind macht (mir schints du bisch regelrecht vo de gesellschaft vergwaltigt worde dur dini opfermentalität), liebi und frauesuechi.

namal wenn dich nöd lösisch us dinere opfermentalität blibsch halt eis.
schoso.

btw, was isch so eui Meinig zum Tod und zu dem wo nachher chund, oder ebe nöd?
Benutzeravatar
Vyse
VIP-Member
VIP-Member
Beiträge: 5391
Registriert: 07 Okt 2010 09:27
Kontaktdaten:

Re: Hesch en Läbens-Plan?

Beitrag von Vyse »

Tod isch grausam, e Zuemuetig und ich chann kein Tod rächtfertige (guet, villicht ganz wenigi). Ich vermag au sEvolutionsprinzip, wo Liid und Tod als Mittel zur Uufrächterhaltig und Entwicklig vo Läbewese verwändet, i keinere Art rächtfertige. Ich anerchänne Evolution und dWüsseschaft dezue, ich heiss es aber nöd guet und understüz es nöd (entsprächend pflanz ich mich nöd fort... will ebbe, ich rächtfertige kein Tod). Persönlich find ich sBescht Buech dezue am Elias Canetti siis Werk: Das Buch gegen den Tod.

"Die Wolke, in der man sich aufgehoben glaubt, während andere sterben."

"Den Tod immerzu fühlen, ohne eine der tröstlichen Religionen zu teilen, welches Wagnis, welches furchtbare Wagnis"

"Eine Welt, in der jeder sterben darf, sooft er Lust hat, aber immer nur für eine beschränkte Zeit"

"Das Fleischermädchen, das den geputzten Schweinskopf küsst"

"Ein Lächeln, das den Tod äufhält"

"Heute, an Allerseelen, gelobe ich mir, daß dieses Stück, allen Toten gewidmet, und allen, die noch sterben müssen, bald und stark fertig werden wird. Es soll so werden, daß jeder es versteht und daß ich mich vor niemand dafür schämen muß. Denn wenn ich dieses Stück, meine erste verbindliche Stellungnahme zum Tod, nicht fertig hinterlasse, habe ich nicht gelebt. Nichts, was immer ich sonst noch machen könnte, kann, daran gemessen, zählen. Ich habe zu allen Menschen, die mir je nahegekommen sind, gegen den Tod getobt, und niemand hat mich verstanden. Die Einen, Frauen, mochten darin einen Überschuß von Kraft sehen und etwas wie ein religiöses Versprechen, das ihnen privat und persönlich galt, längere Jugend, längere Liebe, längeres Vergnügen jeder Art. Die anderen, Christen, versuchten es in ihrem Sinne zu deuten; also doch ein heimlicher Christ, ihrem Glauben zugehörig und nur durch Stolz verhindert, es offen zu bekennen. Wieder andere, Kunstbeflissene, sahen es als unbeholfenen und vielleicht zu öffentlichen Ausdruck ihrer eigenen Sucht: »Er will unsterblich werden.« Gott, den es nicht gibt, sei mein Zeuge, daß ich nichts von alledem gemeint habe: Ich bin weder Liebhaber, noch Christ, noch Künstler, aber ich anerkenne nicht den Tod, und das ist alles."

-- Elias Canetti, Das Buch gegen den Tod

Alles wird wunderbar verständlich, wenn man zugibt, dass die Geburt ein unheilvolles Ereignis ist oder mindestens ein ungelegenes. Ist man jedoch anderer Meinung, so muss man sich mit dem Unverständlichen abfinden - oder mogeln wie alle.

-- E.M. Cioran
Wäre unsere Zivilisation ein Pferd, hätte man es schon lange erschossen.
Benutzeravatar
thaeye
VIP-Member
VIP-Member
Beiträge: 16529
Registriert: 06 Okt 2010 23:28
Kontaktdaten:

Re: Hesch en Läbens-Plan?

Beitrag von thaeye »

gsehn ich völlig anderst, de tod ghört zum lebe. vo asche zu asche, staub zu staub. de chreislauf vom lebe uusert die sauhünd pumpet sich nah meh chinderbluet ine und lebet nah länger (oder pflanzet sich 7 herze iii um länger z lebe).

wahrschinlic hackt de mensch au de chreislauf nach sim strebe zum gottähnliche wese.
Benutzeravatar
Vyse
VIP-Member
VIP-Member
Beiträge: 5391
Registriert: 07 Okt 2010 09:27
Kontaktdaten:

Re: Hesch en Läbens-Plan?

Beitrag von Vyse »

Ich bin absolut für Sälbstbestimmig au i däm Beriich und fänds nöd mal so uninteressant, sBewusstsi im Cybeprunk Stil in es Netzwerk lade, um em biologische Schicksal z entcho.

Dä Chreislauf verursacht Liid und em blind, ohni dass me en würkli au begrifft, folge oder en understütze, halt ich für falsch. Niemert weiss, was genau dä Chreislauf am laufe haltet, was siini "Absichte" sind und wieso ebbe dä Chreislauf wehement sich fortsetze will. Es würkt, wie e form vo blindem Fantasimus. Nur will öppis exischtiert, bedüütets nöd, dass es guet isch, villicht staht au en böse Demiurg dehinder.
Dä Chreislauf wiist au uuf es biologischs Defizit hi, wo me mit dä Wüsseschaft chönnt uusmerze und es mangled ja nöd grad a Defizit i dä Biologie, wome Dank dä Medizin und Wüsseschaft scho hät chönne behbe.
Wäre unsere Zivilisation ein Pferd, hätte man es schon lange erschossen.
Benutzeravatar
Mastler(P)
Trashtalker
Beiträge: 20376
Registriert: 13 Okt 2010 13:35
Kontaktdaten:

Re: Hesch en Läbens-Plan?

Beitrag von Mastler(P) »

Vyse hat geschrieben:Tod isch grausam, e Zuemuetig und ich chann kein Tod rächtfertige
:lol: so lang loslah chasch isch tod super. extrem friedlich, ebe so lang eifach loslah chasch.

Hesch en Todes-Plan?
The opposite of courage in our society is not cowardice, it's conformity.
Euphemisms and political correctness only obscure the truth. Man kann auch sagen, deine Wahrheit ist eine Platiduede.
Bild(G)? Das sind eigentlich alles SchafseckelBild
Benutzeravatar
Vyse
VIP-Member
VIP-Member
Beiträge: 5391
Registriert: 07 Okt 2010 09:27
Kontaktdaten:

Re: Hesch en Läbens-Plan?

Beitrag von Vyse »

zeromeier hat geschrieben:
schoso.

btw, was isch so eui Meinig zum Tod und zu dem wo nachher chund, oder ebe nöd?
Wieso? Was haltisch du devo?
Wäre unsere Zivilisation ein Pferd, hätte man es schon lange erschossen.
Benutzeravatar
Mastler(P)
Trashtalker
Beiträge: 20376
Registriert: 13 Okt 2010 13:35
Kontaktdaten:

Re: Hesch en Läbens-Plan?

Beitrag von Mastler(P) »

Vyse hat geschrieben:Ich bin absolut für Sälbstbestimmig au i däm Beriich und fänds nöd mal so uninteressant, sBewusstsi im Cybeprunk Stil in es Netzwerk lade, um em biologische Schicksal z entcho.
ja klar, mis bewusstsi für immer ohni körper is netz zlade und denn no ohni möglichkeit sich selber zlösche, aber dafür dmöglichkeit vo usse manipuliert zwerde, das find ich verursacht richtigs liid und dem blind, ohni dass mer di mögliche folge würkli au begrifft, nahzlaufe oder zunderstütze, halt ich für falsch.
The opposite of courage in our society is not cowardice, it's conformity.
Euphemisms and political correctness only obscure the truth. Man kann auch sagen, deine Wahrheit ist eine Platiduede.
Bild(G)? Das sind eigentlich alles SchafseckelBild
Benutzeravatar
Vyse
VIP-Member
VIP-Member
Beiträge: 5391
Registriert: 07 Okt 2010 09:27
Kontaktdaten:

Re: Hesch en Läbens-Plan?

Beitrag von Vyse »

lol, das sind natürli alles Problem, wo me au zerscht müesst löse, fändi au nöd cool.
Huere schad, hät me bi Deus Ex Mankind divided nöd chönne sälber sich uufelade i dä Singularity Church of the Machine God.

Ja nei, loslah channi nöd, evtl. zwenig Droge konsumiert (mein das nöd sarkastisch).
Was isch en Todes-Plan?
Wäre unsere Zivilisation ein Pferd, hätte man es schon lange erschossen.
Benutzeravatar
thaeye
VIP-Member
VIP-Member
Beiträge: 16529
Registriert: 06 Okt 2010 23:28
Kontaktdaten:

Re: Hesch en Läbens-Plan?

Beitrag von thaeye »

Mastler(P) hat geschrieben:
Vyse hat geschrieben:Ich bin absolut für Sälbstbestimmig au i däm Beriich und fänds nöd mal so uninteressant, sBewusstsi im Cybeprunk Stil in es Netzwerk lade, um em biologische Schicksal z entcho.
ja klar, mis bewusstsi für immer ohni körper is netz zlade und denn no ohni möglichkeit sich selber zlösche, aber dafür dmöglichkeit vo usse manipuliert zwerde, das find ich verursacht richtigs liid und dem blind, ohni dass mer di mögliche folge würkli au begrifft, nahzlaufe oder zunderstütze, halt ich für falsch.
liide ghört halt au zum lebe, aber mir haend vill jammeris da. isch evtl. depro gamer ziit. s wort leidenschaft seit ja scho villes.
Zuletzt geändert von thaeye am 09 Okt 2019 16:16, insgesamt 1-mal geändert.
Benutzeravatar
zeromeier
The(G)net - Redakteurrrrr
The(G)net - Redakteurrrrr
Beiträge: 17310
Registriert: 06 Dez 2007 09:55
Kontaktdaten:

Re: Hesch en Läbens-Plan?

Beitrag von zeromeier »

Vyse hat geschrieben: Dä Chreislauf verursacht Liid und em blind, ohni dass me en würkli au begrifft, folge oder en understütze, halt ich für falsch. Niemert weiss, was genau dä Chreislauf am laufe haltet, was siini "Absichte" sind und wieso ebbe dä Chreislauf wehement sich fortsetze will. Es würkt, wie e form vo blindem Fantasimus. Nur will öppis exischtiert, bedüütets nöd, dass es guet isch, villicht staht au en böse Demiurg dehinder.
interessante Asatz, aber stimmt. Ich bin nöd uneinig mit Dir, absolut möglich.
Benutzeravatar
thaeye
VIP-Member
VIP-Member
Beiträge: 16529
Registriert: 06 Okt 2010 23:28
Kontaktdaten:

Re: Hesch en Läbens-Plan?

Beitrag von thaeye »

am tod folgt niemert und understützt au niemerts (uusert exit , das aber us guete gründ).das haet de vyse jetzt sehr blauäugig formuliert. de tod ghört eifach zum lebe, unendlichs lebe wird sehr sehr sehr langwielig und muehsam, chönt ich mir vorstelle.

was haltisch den vom lebe? wieso wottsch du den em tod entrinne? was isch de grund?
Zuletzt geändert von thaeye am 09 Okt 2019 16:20, insgesamt 2-mal geändert.
Benutzeravatar
zeromeier
The(G)net - Redakteurrrrr
The(G)net - Redakteurrrrr
Beiträge: 17310
Registriert: 06 Dez 2007 09:55
Kontaktdaten:

Re: Hesch en Läbens-Plan?

Beitrag von zeromeier »

Vyse hat geschrieben:
zeromeier hat geschrieben:
schoso.

btw, was isch so eui Meinig zum Tod und zu dem wo nachher chund, oder ebe nöd?
Wieso? Was haltisch du devo?
schwierig, möcht mir diesbezüglich ide nächschte Monet chli meh bewusst mache und mich demit beschäftige.

Ich finds halt in erschter Linie irritierend / erschreckend, dass nachher (evtl.) eifach "nüd" isch momentan.
Und ebe, stad da glaub scho irgend ime Topic, ich versuech mis Läbe grad bitz am Fakt azpasse, dass es u.U. ebe gar nümä so lang gad, ganz sicher jedefalls scho en grössere Teil devo dure isch.
Benutzeravatar
Ribit X Titan
Trashtalker
Beiträge: 10221
Registriert: 09 Mai 2015 20:09
Kontaktdaten:

Re: Hesch en Läbens-Plan?

Beitrag von Ribit X Titan »

Leck, Vyses Freundin muss ihn so gut vögeln dass ihm die Himmelssternen kommen, ansonsten würde er nicht ewig auf der Erde bleiben wollen.
Benutzeravatar
thaeye
VIP-Member
VIP-Member
Beiträge: 16529
Registriert: 06 Okt 2010 23:28
Kontaktdaten:

Re: Hesch en Läbens-Plan?

Beitrag von thaeye »

zeromeier hat geschrieben:
Vyse hat geschrieben:
zeromeier hat geschrieben:
schoso.

btw, was isch so eui Meinig zum Tod und zu dem wo nachher chund, oder ebe nöd?
Wieso? Was haltisch du devo?
schwierig, möcht mir diesbezüglich ide nächschte Monet chli meh bewusst mache und mich demit beschäftige.

Ich finds halt in erschter Linie irritierend / erschreckend, dass nachher (evtl.) eifach "nüd" isch momentan.
Und ebe, stad da glaub scho irgend ime Topic, ich versuech mis Läbe grad bitz am Fakt azpasse, dass es u.U. ebe gar nümä so lang gad, ganz sicher jedefalls scho en grössere Teil devo dure isch.
ich han 3 lüüt dörfe in tod "begleite", 1 devooo haet huere mueh gah mit sterbe (isch den au chli muehsam "gange"), 2 devoo haend guet abgschlosse gha und sind den eifach igschlafe. glaubs wichtig isch, das du mit dim lebe im reine bisch, dis umfeld guet pflegt häsch und den häsch scho villes erreicht.

em mensch sis dilemma isch, sini neugier zwingt ihn immer meh z mache (schwelle vom tod überschriite, robotik/cyborg, natur welle "überwinde" etc) aber glichziitig stiiiget halt au d risike. de mensch halt.
Zuletzt geändert von thaeye am 09 Okt 2019 16:34, insgesamt 1-mal geändert.
Benutzeravatar
thaeye
VIP-Member
VIP-Member
Beiträge: 16529
Registriert: 06 Okt 2010 23:28
Kontaktdaten:

Re: Hesch en Läbens-Plan?

Beitrag von thaeye »

Mastler(P) hat geschrieben:
Vyse hat geschrieben:Ich bin absolut für Sälbstbestimmig au i däm Beriich und fänds nöd mal so uninteressant, sBewusstsi im Cybeprunk Stil in es Netzwerk lade, um em biologische Schicksal z entcho.
ja klar, mis bewusstsi für immer ohni körper is netz zlade und denn no ohni möglichkeit sich selber zlösche, aber dafür dmöglichkeit vo usse manipuliert zwerde, das find ich verursacht richtigs liid und dem blind, ohni dass mer di mögliche folge würkli au begrifft, nahzlaufe oder zunderstütze, halt ich für falsch.
guete maa
Benutzeravatar
Ribit X Titan
Trashtalker
Beiträge: 10221
Registriert: 09 Mai 2015 20:09
Kontaktdaten:

Re: Hesch en Läbens-Plan?

Beitrag von Ribit X Titan »

Vyse hat geschrieben: es mangled ja nöd grad a Defizit i dä Biologie, wome Dank dä Medizin und Wüsseschaft scho hät chönne behbe.
Welche Defizite dann?
Mastler(P) hat geschrieben:
Vyse hat geschrieben:Tod isch grausam, e Zuemuetig und ich chann kein Tod rächtfertige
:lol: so lang loslah chasch isch tod super. extrem friedlich, ebe so lang eifach loslah chasch.
Loslassen, von was denn? Wenn du vorher alleine warst wirst du es hinterher auch nicht vermissen, es kann nur noch besser werden.

Ich liebe momentan höchstens die Natur, die wird jedoch stetig immer mehr dem Erdboden gleichgemacht, in tausend Jahren könnte es kaum noch schöne Wälder haben und in 10 000 Jahren ist vielleicht fast alles nur noch eine Wüste voller Cyborgs welche darum kämpfen vom Tod erlöst zu werden. Die Realität kann enorm kippen, viel mehr als wir uns es in den kühnsten Träumen ausmalen könnten. Momentan gehts den meisten von uns einfach zu gut, leben wie die Made im Speck,... das kann sich jedoch irgendwann ändern.
Benutzeravatar
thaeye
VIP-Member
VIP-Member
Beiträge: 16529
Registriert: 06 Okt 2010 23:28
Kontaktdaten:

Re: Hesch en Läbens-Plan?

Beitrag von thaeye »

Ribit hat geschrieben: das kann sich jedoch irgendwann ändern.
und du sehnsch das richtig herbiii, meinsch isch guet? lüüt wie du werdets den nöd besser ha, glaub mir das.
Benutzeravatar
Vyse
VIP-Member
VIP-Member
Beiträge: 5391
Registriert: 07 Okt 2010 09:27
Kontaktdaten:

Re: Hesch en Läbens-Plan?

Beitrag von Vyse »

zeromeier hat geschrieben:
Vyse hat geschrieben:
zeromeier hat geschrieben:
schoso.

btw, was isch so eui Meinig zum Tod und zu dem wo nachher chund, oder ebe nöd?
Wieso? Was haltisch du devo?
schwierig, möcht mir diesbezüglich ide nächschte Monet chli meh bewusst mache und mich demit beschäftige.

Ich finds halt in erschter Linie irritierend / erschreckend, dass nachher (evtl.) eifach "nüd" isch momentan.
Und ebe, stad da glaub scho irgend ime Topic, ich versuech mis Läbe grad bitz am Fakt azpasse, dass es u.U. ebe gar nümä so lang gad, ganz sicher jedefalls scho en grössere Teil devo dure isch.
Es isch völlig erschreckend! Nöd sAbläbe sälber, zu däm findt me en Bezug. Es isch eifach chrank si ohni Genesig, wo aber im Underschied ebbe im Tod ändet, zudäms überhaupt kein Referänzpunkt git. Au dä Spruch seit nüüt uus, dass dä Tod wie en traumlose Schlaf säg, au dä hät überhaupt nüüt mit em Tod ztue. En traumlose Schlaf
setzt läbe voruus, dä Tod isch aber dAbweseheit däm Zuestand. dTatsach, dass me überhaupt nüüt über dä Tod chann uussäge, machts extrem verstörend, eigentli dauerverstörend i miim Fall.
Und es hilft au nöd, dass sHirn/sBewusstsi sich grad ah so Frage am liebschte feschtchrallt. Es isch eigentli total sinnlos drüber nahzdänke, will kei Uussag möglich isch, aber dä Tod eifach gheie zlah als nöd beantwortbar und drum au öppis, wo eim nöd sött bekümmere, schiint au unmöglich. Es huere Dillema.

dFrag schiint mier also (für öpper, wo Liid und Tod verachtet): Chamme sich sinnvoll mit em Tod uusenandsetze, so dass s eigene Läbe nöd imene Sorgesumpf verchonnt und sBewusstsi drüber nöd jedi potentiell Freud vereitlet? Was ich dezue definitv chann säge. Dä Tod zverachte bringts genausowenig, wie uuf sWätter hässig si.
Als öpper, wo es zu starchs Bewusstsi über dä Tod hät, wo nöd, wie dä Aug, die Tatsach eifach als en natürliche Teil vom Läbe chann akzeptiere, bin ich ebbefalls sehr interssiert drah, wie en sinnvolle Umgang demit chönnt uusgseh.
Wäre unsere Zivilisation ein Pferd, hätte man es schon lange erschossen.
Benutzeravatar
Vyse
VIP-Member
VIP-Member
Beiträge: 5391
Registriert: 07 Okt 2010 09:27
Kontaktdaten:

Re: Hesch en Läbens-Plan?

Beitrag von Vyse »

thaeye hat geschrieben: ich han 3 lüüt dörfe in tod "begleite", 1 devooo haet huere mueh gah mit sterbe (isch den au chli muehsam "gange"), 2 devoo haend guet abgschlosse gha und sind den eifach igschlafe. glaubs wichtig isch, das du mit dim lebe im reine bisch, dis umfeld guet pflegt häsch und den häsch scho villes erreicht.

em mensch sis dilemma isch, sini neugier zwingt ihn immer meh z mache (schwelle vom tod überschriite, robotik/cyborg, natur welle "überwinde" etc) aber glichziitig stiiiget halt au d risike. de mensch halt.
Ich wüsst nöd, wie me iis Reine chonnt oder wie me dä Tod, bitz überspitzt, eifach schulterzuckend als en gwöhnliche Teil vom Läbe chann akzeptiere. Vergässe gaht nöd. Akzeptiere gaht nöd. So tue, als ob me ah Mitternacht sterbe wür und wänns nöd iitrifft, dä nächscht Tag bis wieder am 12i sorglos verbringe: gaht au nöd. Suufe gaht eigentli temporär no guet.
Wäre unsere Zivilisation ein Pferd, hätte man es schon lange erschossen.
Benutzeravatar
Ribit X Titan
Trashtalker
Beiträge: 10221
Registriert: 09 Mai 2015 20:09
Kontaktdaten:

Re: Hesch en Läbens-Plan?

Beitrag von Ribit X Titan »

thaeye hat geschrieben:
Ribit hat geschrieben: das kann sich jedoch irgendwann ändern.
und du sehnsch das richtig herbiii, meinsch isch guet? lüüt wie du werdets den nöd besser ha, glaub mir das.
Doch, weil es KANN ja nur noch besser sein. Plötzlich bin ich nicht mehr alleine, dann sage ich "oopsala, ich sollte mich freuen".
Benutzeravatar
Vyse
VIP-Member
VIP-Member
Beiträge: 5391
Registriert: 07 Okt 2010 09:27
Kontaktdaten:

Re: Hesch en Läbens-Plan?

Beitrag von Vyse »

thaeye hat geschrieben:am tod folgt niemert und understützt au niemerts (uusert exit , das aber us guete gründ).das haet de vyse jetzt sehr blauäugig formuliert. de tod ghört eifach zum lebe, unendlichs lebe wird sehr sehr sehr langwielig und muehsam, chönt ich mir vorstelle.

was haltisch den vom lebe? wieso wottsch du den em tod entrinne? was isch de grund?
Es isch nöd blauäugig formuliert. Wämme dä Tod derart verachtet wie ich, gseht me z.B. es Baby als Träger vom Tod, es setzt fort, was ich verachte. Jede, wo sich fortsetzt, weiss, dass er em Tod es neus Läbe zum zerstöre vorleiht, insofern isch es e gwüssi Understützig vo däm Prinzip.
z.B. bütet Askete/Mönche die "Understützig" em Tod oder besser gseit, em Chreislauf vom Läbe nöd. Nöd, dass öppis dra chönnted ändere, aber sie verweigerets eifach.

Ich wür vom Läbe/exischtiere eigentli gar nöd so wenig halte, wänn dBedingige für mich persönlich stimmig wäred.
Wieso em Tod entrinne? Under Anderem!: sBewusstsi vom Tod verdüstered mier sLäbe imene Uusmass, dass ichs hüüfig als liidvoll empfinde. Es isch quasi en Dauerstress, wo mier zviel Energie verschleisst. insofern, wär dä Tod uufghobe, wär au das Befinde möglicherwiis uufghobe.

Edit: Frög mi mängisch, ob die eigeni Iistellig dezue nöd eifach au epigenetischi Komponänte hät. Bitz wiit härghollt, aber wer weiss? Wänn z.B. dVorfahre uuseme Land chömmed, i däm dLüüt ständig prekäre Umständ uusgetzt gsi sind, Chrieg, Not, usw. vl. hät das ja en grössere Effäkt, als me meint. Meh Brainstorming als suscht was, egal.
Wäre unsere Zivilisation ein Pferd, hätte man es schon lange erschossen.
Benutzeravatar
Ribit X Titan
Trashtalker
Beiträge: 10221
Registriert: 09 Mai 2015 20:09
Kontaktdaten:

Re: Hesch en Läbens-Plan?

Beitrag von Ribit X Titan »

Was ist stimmig, ewiges Leben?

Puh, ich fände es stimmig, einmal, auch nur für einen kurzen Moment, richtig geliebt zu haben, dann kann ich in Frieden abtreten.
Zuletzt geändert von Ribit X Titan am 09 Okt 2019 17:46, insgesamt 2-mal geändert.
Benutzeravatar
Vyse
VIP-Member
VIP-Member
Beiträge: 5391
Registriert: 07 Okt 2010 09:27
Kontaktdaten:

Re: Hesch en Läbens-Plan?

Beitrag von Vyse »

Ribit hat geschrieben:ich fände es stimmig, einmal, auch nur für einen kurzen Moment, richtig geliebt zu haben, dann kann ich in Frieden abtreten.
Find ich en guete Punkt. Wänn me innere Überfülli gläbt hät oder sich grad immene extrem erfüllende Zuestand befindet, wieso wür me dä Augeblick wälle überläbe und wieder in nüechterne Alltag zruggheie?
Wäre unsere Zivilisation ein Pferd, hätte man es schon lange erschossen.
Antworten

Wer ist online?

Mitglieder in diesem Forum: 0 Mitglieder und 33 Gäste