Seite 1 von 1

V: World Heroes Perfect AES

Verfasst: 13 Mai 2020 06:55
von Panther
World Heroes Perfect AES,
Sehr guete Zuestand, kei Sunfade, Case au frisch :)

420.- inklusive Versand CH
Paypal only


BildBildBildBild

Re: V: World Heroes Perfect AES

Verfasst: 22 Mai 2020 15:19
von Panther
SOLD

Re: V: World Heroes Perfect AES

Verfasst: 22 Mai 2020 15:30
von m.o.terra kaesi
krass, 2008 häd mer de shizzle ä ziit lang för onder 120 stutz becho.
eines tages wirds all neogeo (ond ander retro) priise total verbloose, wenn d'generation mit johrgang 1970-1980 tod/senil esch. die händ JETZT GRAD all chölle ond sind emotional verbunde dur d'chindheit.
wer 2035 no neogeo sammled wird wieder gäld verlüüre. aber das goht jo no es ziitli :)

Re: V: World Heroes Perfect AES

Verfasst: 22 Mai 2020 17:17
von Panther
Isch halt sone Sach mit dene Retropriise, einersits schön dass die Sache öbis wert hen wo damals mol kauft hesch, andersirs kunnsch dr versecklet vor wenn dis Zügs billig usehausch und dr Käufer macht denn Geld drmit.

Dass d NeoGeo mol en Priszerfall erläbt glaubi nit, niemerds wo paar tusiger für es AES Game zahlt het gits in paar Johr denn mit Verlust ab. Und bi Retrospiel isch es keines Falls e alti Generation wo usstirbt. Die Prise zahle oft neueri Sammler wo halt eifach checkt hei dass das spielerischi Qualität isch, grad SNK.

Re: V: World Heroes Perfect AES

Verfasst: 22 Mai 2020 18:03
von m.o.terra kaesi
Panther hat geschrieben: Dass d NeoGeo mol en Priszerfall erläbt glaubi nit, niemerds wo paar tusiger für es AES Game zahlt het gits in paar Johr denn mit Verlust ab. Und bi Retrospiel isch es keines Falls e alti Generation wo usstirbt. Die Prise zahle oft neueri Sammler wo halt eifach checkt hei dass das spielerischi Qualität isch, grad SNK.
Na ja...ech bliibe pessimistisch. Nor wells diä wo mol vell devör uusgä händ bhaltid, bliibt de Wert ned erhalte.

Es Biispeel mit ähnlicher Uusgangslag: Modell-Eisenbahn.
1960: erschti Modelisebahne > Freaks chaufids
1980: s'chond im Massemärt ah. Papis chaufids.
2000: s'interessiert kei Sau meh, wells anders (bessers) giht, z.B. Virtuelli Isebahn

Analogie: Videogames
1980/90: d'Freaks chaufid wos no kä Retro esch
2010: d'Papis chaufid de Retro
2030: s'interessiert kei Sau meh Retro vo anno dazumal

Re: V: World Heroes Perfect AES

Verfasst: 22 Mai 2020 18:37
von geosnow
m.o.terra kaesi hat geschrieben:krass, 2008 häd mer de shizzle ä ziit lang för onder 120 stutz becho.
eines tages wirds all neogeo (ond ander retro) priise total verbloose, wenn d'generation mit johrgang 1970-1980 tod/senil esch. die händ JETZT GRAD all chölle ond sind emotional verbunde dur d'chindheit.
wer 2035 no neogeo sammled wird wieder gäld verlüüre. aber das goht jo no es ziitli :)
es git lüt, diä sammlets nöd weg em wert! :herzli:

Re: V: World Heroes Perfect AES

Verfasst: 22 Mai 2020 18:40
von geosnow
m.o.terra kaesi hat geschrieben:
Panther hat geschrieben: Dass d NeoGeo mol en Priszerfall erläbt glaubi nit, niemerds wo paar tusiger für es AES Game zahlt het gits in paar Johr denn mit Verlust ab. Und bi Retrospiel isch es keines Falls e alti Generation wo usstirbt. Die Prise zahle oft neueri Sammler wo halt eifach checkt hei dass das spielerischi Qualität isch, grad SNK.
Na ja...ech bliibe pessimistisch. Nor wells diä wo mol vell devör uusgä händ bhaltid, bliibt de Wert ned erhalte.

Es Biispeel mit ähnlicher Uusgangslag: Modell-Eisenbahn.
1960: erschti Modelisebahne > Freaks chaufids
1980: s'chond im Massemärt ah. Papis chaufids.
2000: s'interessiert kei Sau meh, wells anders (bessers) giht, z.B. Virtuelli Isebahn

Analogie: Videogames
1980/90: d'Freaks chaufid wos no kä Retro esch
2010: d'Papis chaufid de Retro
2030: s'interessiert kei Sau meh Retro vo anno dazumal
Raiden PCE, hät immer 5000-7000 yen kostet in Akihabara. Immer. Sit em release 1991, denn bini 1997, 2000, gxi. immer glich tür. Sit FB 2007 gxeh ich d Prise fasch täglich und s Spiel isch immerno 7000-8000yen.

Also ich gxeh da 0 Veränderig. Au games wiä super mario sind immer glich tür sit 30 Jahr. Ich rede jetzt vo 50% vo allne games. 10% sind viel türer worde, aber diä brucht ja niermerd.

und 40% sind spotbillig sit 25jahr. zb die 1200 SFC RPGs, Mah jong usw.

Re: V: World Heroes Perfect AES

Verfasst: 22 Mai 2020 18:47
von Panther
Schwierig ds spekuliere. En Nischemarkt wirds wohl immer geh. Könnt scho si dass irgendwenn weniger Lüt Retro sammle, aber es glichzytig au weniger Spiel git (Verschleiss, Zuestand)

@Löckeli, natürli kasch es mit allem mögliche vergliche, aber schlussendlich wird für alles Geld usgeh. Ich gib selber sit afangs 90er viel Geld für Videospiel us und durch das mich die neuere Spiel nit flashe gib is halt für Retro us. Und wenns halt mol nüt meh wert het, hani min Spass dra gha. Ich kaufs jo zum zocke und nit als Wertanlag. Ob jetzt für en 1000er ane Badestrand hocksch oder es AES Spiel kaufsch und di das dsfride macht...

Re: V: World Heroes Perfect AES

Verfasst: 22 Mai 2020 18:57
von geosnow
und lokis sind nöd billig im high end bereich.

da chasch locker 25k für e Loki zahle.