The(G)Forum

Bruche bitzli hilf zum roms brenne.
Grät isch en TOP3100, Software isch Topwin7

erschti frag: wie lang löscht mer es eprom mit uv ?

ich will jetzt es modbios fürs st-v brenne s`eprom hani glöscht.
das ischs:


ich weiss nöd wele chip ich wäle söll: han zwei mit ähnliche bezeichnig:
27c4100


oder

MX27c4100



de sheep chan mer vilicht no säge welli istellige ich mache mues vor em brenne ?

De Zweit esch de richtig...MX27C4100

Du muesch emmer zerst links de Hersteller wähle und den rechts de genau Typ.
Das esch scho mol recht wichtig und chan zu Problem fühere wenns ned beachtisch.

Zum Thema lösche, ech tue meistens öppe 20-30 Minute lösche, chund halt ufs Gerät druf a.

De Programmer macht jo vor em programmiere no en Test öbs EPROM au leer esch.

das chönti no es tubeli tutorial werde

chip isch glöscht. denn de chip im programm usgwählt und igsetzt. denn uf read clickt zum en checke was druff isch:


denn s st-v file glade und diä istellige im popup so belah wies sind und ok drückt - was isch "fill with - none, 00, ff," ?


jetzt gsehn i im buffer s programmierte st-v bios


also burn....


leider bechumi immer e error meldig "error at 0000: (FF) - hmmmm



hani evtl. s eprom scho verbraate ?

Ech würd "Fill with" uf "none" stele - denke das chönt de Grund für dini Fehlermeldig si.

De Programmer macht am Schluss en Verglich (verify) vom File met em programmierte Chip.
Wenn du jetzt im Chip de unprogrammierti Teil met "FF" füllsch, den stimmt das ned met em File überi und du hesch en Error Meldig.

Wirdi morn mal probiere. Also mues en wider lösche de chip.
Wenn ich dini gwünschte fz2 files lese will, mues ich das rom wider uswähle (hersteller und bezeichnig), chip iisetze und read.
Denn wirds mer de code im bufferfeischter ahzeige und ich chan en speichere ?
Ich nimm ah speichere als .bin datei und nöd .hex
Chume wahrschinlich erscht am sunntig derzue zum diä roms uslese..

Genau, hesch richtig beschriebe de Ablauf!
Chip wähle, Read, Save as .bin, Ussagechräftige Name wähle (z.B. FZIIDX_A5.bin) -> fertig!

Ui, ich han das schon lenger nüm gmacht, aber de Mastercello hets glaub scho richtig erchlärt.

Bim schribe isch wichtig dass de Chip so genau wie möglich auswählsch. Also zb en AMD chip wenn möglich nid als Fujitsu versueche zbrenne. Au wenns de glich Typ isch.
Bim läse chunnts hingege nid so druf a. Da sötts länge wenn Type Bezeichnig die glich isch.

Lösche muesch bi alte Chips mängisch es bitz lenger bzw mehrmals grad wenns en billige Eprom Löscher mit nid so starcher UV Lampe isch. Erscht wenn de Blank Check vo der Brenner Software kei Fähler mehr azeigt, isch er wirklich leer.

Leider mues i de burner retour schicke. Ich vermuete das er scho kaputt isch. Han di neuscht software glade und denn isch nachher nix me gange. Weder uf em xp mit service pack 3 für di alt software no uf em windows 7 oder 10 mit de neue software. Chunnt immer e meldig programmer unstable. Ha alls probiert. Au mit netzteil gaht nix. China ware
de verkäufer seid isch keis problem zum retourniere. Schiist mi grad chli ah. Ja nu. Am mäntig schick en zrugg und hoff das er schnell wider chunnt oder besser es neus grät.

hmpf, das isch scho es bitz fark

mame wird doch immer interessanter. aber nöd zum spile...
ich suech es paar mamedev siite womer gseht welli chips was für date druf händ.
zum bispiel wenn ich uf ere platine plötzlich kei sound meh han (das isch bi mim toki de fall) chani luege uf wellem rom de sound und uf wellem rom grafik usw druff sind.
ich ha glaubs mal sowas gfunde wommer sogar en plan gseht wie d`roms agordnet sind.

Endlich hani de brenner zrugg bechoo. Jetzt hani s stv-multi bios erfolgrich brennt
wird denn no cave platine versueche..

so, etz isch gange. Korea -> Japan

und us em DOJ White es Black gmacht

han usm lightning fighters es trigon gmacht. was de unterschied isch, hani bis jetzt naned usegfunde.
es sind zwei roms wo mer muss brenne E11 und E15. d original roms hend ganz e schrägi bezeichnig gha. han im netz en biitrag gfunde wo staht dass diä roms equivalent zu 27c010 sind. han 5 vo dene organisiert aber erfolgslos brennt, glöscht, brennt....isch nöd gange - damn !
egal denn hani halt d original roms glöscht und uf diä beide trigon files (us em mame) brennt.
voila: und das komische ding... wenn eine zwo settig hät, würdis no abchaufe damit i chan swappä
mit AM27c010 hetts nöd funktioniert, diä woni probiert han händ aber 12.75V - macht das was us ?

Wie lötet ihr ic us ?
Ich han vor e conversion z mache. Löt skillz hani eigentli wenig. Bin grad dra 14 stück ic/roms am uslöte. Siebe hani duss nach gfühlte 5 stund ich benutz defür en meisselform spitzä und mit temp. vo ca. 250°
Zersch hanis mit de entlötlitze probiert was nöd recht funktioniert het. Denn mit de vakuumpumpi, wo mit de ziit immer ringer gaht. Es paar einzelni lötstelle hend nöd welle schmelze bi 250 - weiss de tüfel warum ? Denn hani uf 300° gstellt und denn ischs gange. Hoffe han kei leitetbahne uf de platine gschlissä. Benutzed ihr lötfett zum ih- uslöte ?

Entlötlitze und gnueg Hitz, aber nur churz. Pumpi bruchi nie, ich bi glaub ztumm defür

Han mer so eini da zoge: https://www.ricardo.ch/kaufen/handwerk- ... 908805000/" onclick="window.open(this.href);return false;
Bis jetzt funzts rächt guet. Temp hani bi 320, eventuell ächli höch, gange aber au nur churz ane. Je nachdem hilfts wenn vorher chli meh zinn ane machsch dasses besser flüsst.

Ja chli früsche Zinn tueni immer äne de flutschts guet weg.

Ah die Entlötstatione choschtet au nüt meh. Mol luege öb mer nid au no eini zuetue.

Shit, ich han mit mim programmer s problem dass ich kei 27c301 brenne chan. All andere roms wo i bis jetzt probiert han, hend funktioniert. Vilicht weiss ja eine wasi chönnt mache... ?
Oder öpper het en guete programmierer und chönnt mer uf en 27c301 s pulstar S1 brenne ?

Edit:
Het sich erledigt. Han en adapter baschtlet und das eprom chöne als 27c010 brenne. De adapter vertuscht 2 pins am chip.

mini pulstar conversion isch halbe gschafft. ich han es shock troopers mvs gno danke deftone, het wunderbar funktioniert bis ichs verhuntzt han es isch sogar voll original gsi denn hani all roms agfange uslöte, was e heide arbet gäh het. zersch probiert mit litze - aber denn hani gmerkt dass mit de pumpi us em baucenter viel besser gaht. würkli lang hani gha... denn agfange alli roms burrrnä für eine hani denn nach langem sueche im netzt und me tipp vom Wolfgang chöne selber en Adapter mache zum de siech brenne röms fertig brennt...di halb nacht...
und denn wider ihglötet (zum chörblä gsehnd diä lötschtelle us ) han halt nanig so erfahrig aber es chunnt denn schono.. e voila denn check...scheisse es lauft was schrägs.. zumindest gseht s Titelbild nöd schlecht us - aber spile gaht nöd zwei Jumper gsetzt und namal probiert. gliche müll i de sequenze aber geil s`spiel laht sich spile - lueg...

Quelle

halbwägs zfridde. jetzt bruchi zersch mal e pause. kei ahnig was nöd stimmt dass es no fehler hät. luege spöter wiiter...
salü

Lol

lol d Lötstelle =) aber super hesch das gmacht, gid Erfahrig und es super Gfühl wenns de funktioniert

Met minere Denon SC7000Z hesch circa 1 Minute pro EPROM

Geschter au nomal Mask Roms mit minere Entlötstation us em Ricardo entlötet und gaat ächt super. Hanged glaub chli vom lötzinn ab, aber dä vo dä Super Nintendo Cartridges gaat super. Bisch scho extrem viel schneller als mit dä Litze oder em Schnapp-Suuger. Qualität vonere Denon/Weller häsch natürlich nöd aber defür au nur en Bruchteil vom Priis