"ü"-Taste funktioniert nüme???

[EngelderNacht]

Ich weiss, es tönt mega blöd, aber mini ü-Taste funktioniert nüme.
Ich has au scho mit ere ander Tastatur versuecht und d'Sprachihstellige vo Windos für Tastatur sind au korrekt (Deutsch-CH).
Kännt öper das Problem oder hät mir en Tip?

[Herr Rossi]

Hesch e kabellosi Tastatur?

[turntablism]

Isch nur s ü oder au di andere umlaut sprich ä,ö ?

[EngelderNacht]

Mei, sie isch per USB ahgschlosse.
Isch nur s'ü.
Luschtiger wies, wäni Tastatursprach uf Dütsch-Dütschland ihstelle, chani mit de Shitpaste es grosse ü mache. Huere strub

[EngelderNacht]

Was mir au ufgfallt isch. Taste funktioniert am Afang no, wän ich Windows start. Z.B. bi de Passwortihgab. Ich dänke, Windows startet iergend en Prozess, dank dem die Taste nid funktioniert, nid mal mit de Bildschschirm-Tastatur.

[Herr Rossi]

Check mal d Registry nach uffällige Iträg. Und d Startprozess

[EngelderNacht]

D Registry hani mal ufruume lah vome Tool. a'Problem bestah aber immer no. Per Taskmanager hani gwuessi Ahwändige deaktiviert, wo automatisch gstartet werder, aber bringt au nuet.

[turntablism]

Widerherstelligspunkt scho probiert ?

[Herr Rossi]

Startdienst au scho checkt? Win 10?

[EngelderNacht]

Wiederherstellig wuerdi erscht ganz am Schluss probiere.
Jep, Windows10. Wie chan ich de Startdienst checke?

[Herr Rossi]

Windows-Taste und taste R glichzitig drücke. Im leere Feld 'msconfig' igä
Det under Dienste alli Microsoft Dienst usblende

Itz setsch alli Dienst gseh wo bim Start usgfüert wärded. Wenn irgend eine suspekt isch chasch mol de Hake usenäh und de Rechner neu starte. Am beschte separat, also nur immer ei Dienst usenäh und neu starte. Evtl findsch so use was für das problem verantwortlich isch. Chasch au nüt kaputt mache so. Dienste chasch uf glichem Wäg so wider aktiviere

[EngelderNacht]

Hm, danke fuer de Tip.
Han paar sache deaktiviert, aber funktioniert imemr nanig.
Versueches wohl glich mal mit Grundishstellige

[turntablism]

susch schriibsch eifach ue = ü

komisch isch dass du im topic titel es ü schriibe chasch

[Jones]

sicher sones anti-türke-Programm...

[EngelderNacht]

susch schriibsch eifach ue = ü

komisch isch dass du im topic titel es ü schriibe chasch

Das isch nid komisch sondern schlau. Ich han eifach e "ue" kompiert und jewills inekopiert. Aber das chas ja au nid si. Trotzdem danke fuer eui tips

[EngelderNacht]

üüüüüüüüüüüüüü
Läuft nun wieder

[turntablism]

üüüüüüüüüüüüüü
Läuft nun wieder

und warum ? wasch gmacht ?

[EngelderNacht]

eifach Windows zruggsetzt