The(G)Forum

salve

het sicher paar spezis hie.

ha sit neustem uf glas gwächslet. itz hani mit schrecke festgstellt, dass ig ufem PC im büro (Modem/Router steit im korridor) nur max ca. 94 mbit/s schaffe...

gahni mitem laptop per kabel direkt as modem hani über 800...

ha chli duckduckgo'let und mi verdacht het sich wohl bestätigt. es liegt äuä ir husinterne verkabelig..

dert steit: meh söu mind. cat5 kabel verwende. i ha ke ahnig, was verbout isch aber isches realistisch, dass inere 5 jährige liegeschaft öpis schlechters als cat 5 verbout isch? die kategorie gits ja scho viiiiu lenger?

oder isches eher realistisch, dass d'buchse falsch verdrahtet si? (das wär wohl die günstigeri lösig als neui kabel zieh )

wie findi das am beschte use? wie sött e korrekt für gbit verkableti buchse usgseh?

any ideas?

danke!

cat 5 kabel gits sitt 20 jahr..

was wötsch mit "Modem/Router steit im korridor" säge? das dä pc über wlan im netz isch? und denn wundersch dich das per kabel am modem schneller bisch, als im ne andere ruhm über wlan?

wahrschinli bruchsch nur en signal verstärcher, aber erklär mal gnauer.

oder droh dä salt mit chündigung. dä ribit hät da en super thread drüber wo nahläse chasch wie zum erfolg chumsch.

machs doch über es neus wifi zb

ha nomau nahgläse. cat 5e müssts mind si und nid cat 5...

z'wenig gnau gschriebe? ha's dänk über kabel u nid wlan... süsch würdi ja nid vo husverkabelig rede!

mit wlan (pixel phone) chumi im büro uf 230 down, 169 up, also wiiiti wäg vo 800 down via kabel direkt am router. und wiu ig online zocke, wotti eh lieber per kabel dänki...

aber äbe... o cat 5e gits ja scho ewig oder? drum eher verdacht kabeldose... ?

Ich habe das gleiche Problem auch gehabt und mein Haus ist auch etwa 5-jährig. Ich habe dann die gesamte Hausverkabelung durch Cat 6 ersetzen lassen und nun habe ich überall 900 down und 950 up. Es ist also tatsächlich so, dass auch in Häuser, die 5 oder 6 Jahre alt sind, nur Cat 5-Kabel verbaut sind.

Ich glaube der Austausch hat ca. CHF 1'000.00 oder so gekostet, aber ich habe auch mehrere Stockwerke.

Ich befürchte daher, dass auch bei Dir zu langsame Kabel verbaut sind.

ok guet. aso häsch demfau es langs kabu wo vom modem zum pc gaht?
häsch du s gliche kabu im gliche port am modem scho mitm laptop tested?

Wie gseht dGschwindkeit uus, wänn sNetzwerk-Kabel vom PC (wo die zlangsam Verbindung hät) am Laptop ahschlüüsisch?

Evtl. hät ja dä PC e Netzwerk-Charte bzw. en Chip verbaut, wo die Gschwindigkeit gar nöd understützt.

Vyse hat geschrieben:Wie gseht dGschwindkeit uus, wänn sNetzwerk-Kabel vom PC (wo die zlangsam Verbindung hät) am Laptop ahschlüüsisch?

Evtl. hät ja dä PC e Netzwerk-Charte bzw. en Chip verbaut, wo die Gschwindigkeit gar nöd understützt.

PC hani vor paar mönet säuber bout.
Het es asus x570-p board drin inkl gigabit lan...

Mastler(P) hat geschrieben:ok guet. aso häsch demfau es langs kabu wo vom modem zum pc gaht?
häsch du s gliche kabu im gliche port am modem scho mitm laptop tested?

Vom modem ca 150cm i d'buchse im kabelschrank. Wo genau denn die kabel düre göh bis sie ir buchse im büro lande, weissi aber nid...

PC u Laptop beidi neu 2020. Beidi inkl gigabit LAN...

es liht nöd am kabel, es chan drah ligge dass die meiste huusnetzwerk nur mit 4 adere laufed will di andere 4 fürs telefon gnutzt werded wennt zwei buchse mit eim kabel betriibsch





dasch en riise schissdreck, hani mi scho paar mal möse ufrege wenns i neubaute schonen scheiss verlegged

machsch eifach ein stecker us de zwei buchse denn hesch voll speed

Es het i jedem rum sone dose mit 2 RJ45 Stecker. Im verteilerschrank hets jewils e gelbe und e grüene Stecker. Dr gelb isch ethernet..

Wie machi us dene zwe Stecker eine? Gits e art e Adapter oder muessi das umkable (lah)?
Im Prinzip muessi nur im Büro fullspeed über kabel ha. Süsch isch alles wlan bzw ir stube louft d'tv box o mit 94 mbit/s problemlos...

hey, dä xybot hät rona überläbt!

ok, jetz chumi drus. denn gitz ja nurno dä ultimativ test: laptop as gliche kabel wo ah dä buchse im büro isch ahschlüsse und luege obs en underschied macht.
aber wahrschinlich ischs wie er seid.

De test hani scho lang gmacht...

ah sorry. ich ha verstande häsch dä laptop direkt as modem ghange. und ischs glich wie am pc demfau?

Nei laptop direkt am modem isch fullspeed. PC hani nid füre züglet und so es längs kabel hani nid. I weiss aber dass beidi grät gigabit lan hei...

Alles wo im büro ar Buchse aghänkt wird (egal ob direkt oder nachem switch) isch lahm...

Jones hat geschrieben:Es het i jedem rum sone dose mit 2 RJ45 Stecker. Im verteilerschrank hets jewils e gelbe und e grüene Stecker. Dr gelb isch ethernet..

Muesch luege was für en hersteller hesch, bi mir isch zum bispil UniversMCS und git e buchse wot die zwei buchse chasch zämeführe zunere gigabit buchse

am beste holsch en elektriker wo der de ganz scheiss uswächslet

https://www.zidatech.ch/de/modul-lan-gigabit.html" onclick="window.open(this.href);return false;

Danke xybot! Genau so machis!

so... techniker churz da gsi!
würd säge problem glöst!

https://drive.google.com/file/d/1Q5JDOl ... sp=sharing" onclick="window.open(this.href);return false;

gliiche scheiss gha. han zwei kabel gha woni mittere rj45-kupplig verbunde han. eis isch es cat 5e gsi s'ander sone 'hama 1gbs'-scheiss. am pc hani je nachdem zwüsche 10 und 100mb gha. dänn hani irgendwo namal sones 5e gfunde und guet isch gsi.

Liisä jetzt nid alles durä, eventuell isch daAntwort au scho gfallä...
Hang genau gliichä Problem gha..... Gemäss mim Aaabieter hätti 300 Mbit. Han aber nie meh als 300 Gschafft...
Weisch was isches am Schluss gsii... Verkabielig im huus inä...

Min Mieter het sogar en 1GB Vertrag, er isch au nur immer uf 100GB cho.

Grund, mini Kabel und Dosä im Huus inä sind zhalt gsii.... Alles muessä uuswächslä. Hetz hani alli Kabel uuufpimpt und han wohl wieder 20 Jahr rueh...

Jetzt hani im Speedtest immer über 300 Mbit (obwohl nur es 300-er Abo bi de Quickline), wasmi denn au wieder bitz stutzig macht.. haha, aber frühner bini au ni über 90 cho

agestuffer

Hättsch nur mis letschte post müesse lese.. si nid d'kabu aber d'dose gsi... Bzw d'kombination... Kabel gsplittet für ethernet/phone.. itz isch bir dose andersch verkablet (nur no ethernet ufem kabu) und problem glöst...

neus problem...

ab und zue gheit dr speed wieder uf unter 100mbit/s zäme bime speedtest... merksch natürlech o bime grosse download massiv!
wenni dr switch (Netgear Gs105) churz us und wieder istecke, ischer wieder uf 800/900 mbit/s...

weiss öpär ob die switchs afällig si? was söui für eine choufe? husverkabelig wirds nüm si nimmi a, wenns jedes mau nachem switch restart wieder fullspeed het...

Ha s gliche Problem mal bimene Netgear 4G Router gha. Ha denn ide Settings standby vo 04:00 bis 05:00 igschtellt, denn hed er das nie me gmacht.

Herr Rossi hat geschrieben:Ha s gliche Problem mal bimene Netgear 4G Router gha. Ha denn ide Settings standby vo 04:00 bis 05:00 igschtellt, denn hed er das nie me gmacht.

Isch ke router nume sone chline gigabit switch. Kener settings...

ischer guet ipackt und het chli warm?
oder ev. en loop?

probier na en andere port us und tue d port istellige vom pc und gegegrät aluege. wen beidi uf auto sind chans amigs problem ge. en netzwerkler het mir mal gseit es isch am beste s eint uf 1000mb full und s andere uf auto igstellt isch.