PC Master Race

[Xinobrax2]

No vor wenige Jahr hani fasch nur uf Konsole zockt und d PCs zum arbeite brucht...aber mittlerwile ischmer das echt z blöd. Die sogenannte Next-Gen Konsole sind super Mediacenter und mittelmässigi Spielekonsole. Wenn Nintendo amigs gseit het "D Grafik isch nid so wichtig, s Gameplay stat im Vordergrund" hend MS und Sony nur glächlet...und jetzt bringeds genau di gliche Argument wenns uf d Leistig vo de aktuelle PCs agsproche werded. Bi Nintendo mag die Ussag ja korrekt si, aber bi Sony und MS isches eifacht nur peinlich. Mittlerwiel zaleds sogar d Spieleentwickler, demit d Spiel ufem PC nid besser usgsend....WTF?

Drum wirds jetzt mal Ziit für es Master Race Topic. Was hender so für Maschine?

[Drachenherz]

Intel i7 3930k, 16gb ddr3 ram, asus R9 290 direct cuII OC, 120Gb ssd, 2tb hdd...

Langet knapp fürs DK2...

Edit: OS isch win7 64bit

[Xinobrax2]

Ich arbeite imerna mitem DK1...uf s DK2 hani verzichtet, ide Hoffnig dass d Consumer Version irgendwenn im Summer 2015 erschint. Min Rechner hani vor es paar Täg verbrate...de isch allerdings au scho ca. 6 Jahr alt gsi. Jetzt gits endlich widermal es Update

[Drachenherz]

Gtx 980 sli?

[siralos]

mein pc ist auch schon über 6 jahre alt, wenn witcher 3 erscheint gibt's dann nen update

@xino: pc games werden schon seit jahren optisch herunter geschraubt, nen Vorteil davon ist dass die aktuellen games auch auf nen alten rechner relativ flüssig laufen.

[Xinobrax2]

@Drachenherz: Nene, ich han lieber AMD Charte. NVidia isch zwar besser für Games, aber bi GPGPU isch AMD flexibler. Usserdem hani eh no es paar Radeon 7970 vom Mining-Rig. 1 oder 2 devo chömed in neue Rechner.

@siralos: K, bi manche Games machts ja eh nid sonen Unterschied. Im Moment sowiso...aber bis d Nachfolger vo dene Konsole usechömed wirds wohl no es paar Jahr dure. Mal luege wie lang d Spielentwickler da no mitmached...d Konsole sind jetzt bi manche Games mit 30 FPS und 1080p am Limit. En aktuelle High-End PC schafft 4K mit 60 FPS...früener oder spöter werded d Unterschied eifacht z gross...

Btw, aktuelli Spiel laufed idR sowiso immer uf mittelmässige PCs. D Frag isch nur mit wellne Istellige. Wemer denn aber bimene top PC alli Regler uf s Maximum stellt und trotzdem s gliche Resultat het wie binere Konsole, denn lauft irgendwas falsch...

[Gurgelhals]

Aktuell isch es bi mir immer no e ab Werk übertakteti GTX 580 und en Ivy Bridge 3570K, wo ich uf ca. 4.2Ghz übertaktet han. Langet immer no guet für praktisch alles, aber das liit hauptsächlich au da dra, dass so Sache wie Crysis 3, Metro, etc., wo's nüme würd lange, schlicht und eifach kei interessanti Spieli sind und drum au kei Rolle spieled.

Afang 2015 (bim Witcher 3) gitt's dänn mal en neui Grafikcharte (wohl e GTX 970 oder 980), aber alles andere bliibt wohl gliich. Es CPU-Update isch überflüssig, will 1) sich i dem Bereich ja scho sitt längerer Ziit überhaupt nüt meh gschiids tuet und 2) d'CPUs vo de neue Konsole unfassbar erbärmlich sind. Evt. tuen ich halt 2015 2x ufrüschte: Im Früehjahr d'Grafikcharte und - falls de Skylake überzüügt - dänn zum Jahresändi no CPU/Board/RAM.

Us finanzieller Sicht isch me als Aghörige vo de PC-Meischterrasse i de letschte Jahr jedefalls rächt guet dagstande: S'Meischte isch au uf mittelprächtiger Hardware tiptop gloffe, tüüri Ufrüschtorgie händ de Vergangeheit aghört und au für d'Zuekunft sött es moderats Upgrade problemlos lange, zum au de neue Konsole wieder komfortabel chöne devo z'zieh.

Anderersiits: D'Ziite, wo sich all 1.5 Jahr d'Leischtig verdopplet hätt und alles irgendwie Schlag uf Schlag gange isch mit de ganze Hardware-Chrieg zwüschet Nvidia/ATi/3dfx und AMD/Intel und de technologische Wiiterentwicklig - also so öppe vo Ändi 90er (Voodoo2, AMD Athlon, etc. als Afangspünkt vo däre Phase) bis Ändi 00er (GPUs mit Unified Shaders und de 64bit Core 2 als Ändpünkt)... das sind ebe gliich au geili Ziite gsi

[Xinobrax2]

Das mit de CPUs isch halt sone Sach. D Haswell-E sind scho zimlich krass. Allerdings sinds na vil z tüür und d Spiel provitiered nid unbedingt vo de zuesätzliche Cores. Ich hanmer lang überleit obi jetzt es X99 Chipset oder doch na es Z97 sell neh. Letztendlich hani mi für s Z97 entschiede. Haswell langet vorig und usserdem sind d DDR3 RAM nid mal halb so tüür wie d DDR4.

Das mit de Entwicklig stimmt halt scho...s gat langsamer vorwärts als i de letschte paar Jahr. Es git zwar no Fortschritt...aber anstatt dass di überholt Hardware billiger wird, wird di neu eifach no türer, so dass s Priis-Leischtigsverhältnis ad absurdum gfüert wird. Solangmer aber mitem Mittelmass besser dra isch als mitere PS4 oder XBox One passt das scho...

[BrainBug]

Mittlerwiel zaleds sogar d Spieleentwickler, demit d Spiel ufem PC nid besser usgsend....WTF? :

[Xinobrax2]

Mittlerwiel zaleds sogar d Spieleentwickler, demit d Spiel ufem PC nid besser usgsend....WTF? :

OK, für die wos verpasst hend: http://www.reddit.com/r/pcmasterrace/co ... ing_to_my/ / http://www.dsogaming.com/news/report-mi ... fps-on-pc/
Das isch grad s aktuellschte Bispiel....s git aber no es paar me. Für die wos interessiert nüt neus...

[BrainBug]

grandiose quelle... was auch immer der grund ist, warum ubi das aufm pc macht, es ist sicherlich keine zahlung von microsoft noch sony.

ganz davon abgesehen wird's genau ne woche dauern bis es en fpsunlock ufm pc gibt.

[TypeJ]

pc suxs

i7
gtx 780

bruched tuenen nur na zum film abelade und e banking mache

[feeshlee]

i7 wasauimmer
12 gigi räm
256 gigi ssd 850 evo pro
gtx 780ti

mit w7.

und ich spiele druff: swtor

[Mastler(P)]

i7
32gb ram
120ssd
gtx 770 glaubs
win8.1

di letschte hochwertigere games won ich druff gspillt han sind witcher2 und payday, lol.

i bi action spiller, wenn mi bi mastler rasse wotsch nenne.

[Acid]

Hanmer letschti au mol überleit öbi söll e läptop oder zumindescht es portabels Chischtli chaufä willi dehei jetztdenn kei Internet und kei Computer me han... Quasi als Media Player und mit Steam oder so zum denn chli gamerle... Denn chöntis denn amigs zum internet mitneh wenni will es game abäladä oder update oder so.


Isch aber halt doch au rächt schnäll rächt tüür.

[Xinobrax2]

Hüt setted di erschte Teil vo mim neue Rechner acho

@Acid: D Laptops mit 970M und 980M Charte sind verdammt guet. Mit dene hetsch wohl für di nögschte paar Jahr usgsorgt. Mir wäreds allerdings chli z tüür.

[evo]

phuuu min isch uralt. i glaub i hanen im 2006 zämmebaut oder so. sithär immer wider mol was gwächslet wenns kaput gange isch. mols netzteil, mold graka. denn hani no e HP laptop usem 2008.
zum glück spieli nur spiel wo nidrigi hardware ahfordrige hän

wobi s wär scho no nice widermol e neue PC boschte aber isch mer s gäld nit wärt momentan.

[Acid]

@Acid: D Laptops mit 970M und 980M Charte sind verdammt guet. Mit dene hetsch wohl für di nögschte paar Jahr usgsorgt. Mir wäreds allerdings chli z tüür.

Ja ebä, für mich ebä au... So für glegeheitsgamer isches eifach z vil Cholä...

[zwirrlibatz]

ich han en pc wo dä Dark Souls tiptop druf lauft und fantastisch usgseht. meh bruuchi dänn ersch bim Witcher 3.

[Xinobrax2]

Alli reded vom Witcher 3 und ich kenne nid mal s 2....lohnt sichs würklich?

[zwirrlibatz]

Alli reded vom Witcher 3 und ich kenne nid mal s 2....lohnt sichs würklich?

ja. wenn witcher 10/10 isch, dänn isch skyrim 3/10. und witcher 3 wird eh open world.

schtori, gameplay, charaktere, atmosfäre blablaetc inere eigete liga. drzue trännt sich d'gschicht im 2te witcher im 2te kapitel je nach spielerentscheidig, heisst bim zweite durespiele chasch de ander wäg gah. wenn no magsch, will eimal isch au scho 30-40h. de original witcher isch au scho super gsi. aber umbedingt enhanced version näh.

[Mastler(P)]

skyrim nie gspillt, aber wither hani super gfunde und bim 2 bin i no churz nach dere storyteilig, sprich di erscht gröber entscheidig wod treffe mousch.
die games gäbbed der immer optione wo mich extrem zum abwöhge bringed, das kenn i susch nöd eso drumm findis underanderem guet.

[Mastler(P)]

ahja, und bumse chasch. bumse isch immer guet.

[Xinobrax2]

Endlich alles parat



Mini chli Virtual Reality Machine

[Mastler(P)]

erte shizzle.