apple

In den Weiten der Galaxie: Technik!

Moderatoren: Master(G), Mr Burzel

Benutzeravatar
damian
VIP-Member
VIP-Member
Beiträge: 25573
Registriert: 11 Mär 2002 16:12
Wohnort: Winterthur (Seen)
Kontaktdaten:

apple

Beitrag von damian »

es git ä sehr gueti merkregle zum wüsse öb es apple produkt guet isch: wänns mit "i" oder "apple" aafangt isches scheisse. fangts mit mac aa isches guet. gaht immer uf:

scheisse:
iphone
ipad
ipod
itunes
iphoto
apple tv
apple store
imac

guet:
macbook
mac os x

neutral:
cinema display
tastatur und muus
airport
Spiel min rhythmus shooter da: https://soundstorm.uhx.ch
Benutzeravatar
turntablism
VIP-Member
VIP-Member
Beiträge: 11785
Registriert: 14 Feb 2011 12:20
Wohnort: Zürcher Unterländer Dräcksloch
Kontaktdaten:

Re: apple

Beitrag von turntablism »

S einzig was i vo apple han isch en ipod nano und bin eigentlich zfridde. Es isch super im flüger 12 stund nonstop musig lose
:vortex:
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: apple

Beitrag von Skeletor »

Und wieso sind die sache scheisse?
Benutzeravatar
Herr Rossi
Hardcore Gamer
Hardcore Gamer
Beiträge: 11601
Registriert: 30 Aug 2011 16:44
Kontaktdaten:

Re: apple

Beitrag von Herr Rossi »

Will s Beschte vom Öpfel scho usebisse worde isch?
Benutzeravatar
Gurgelhals
PC Gaming Master Race
PC Gaming Master Race
Beiträge: 22903
Registriert: 06 Mär 2002 22:58
Kontaktdaten:

Re: apple

Beitrag von Gurgelhals »

Stimmt nöd ganz:

- De iPod isch nöd Scheisse (drum hätt Apple wohl au d'Produktion igstellt).
- De aktuelli Mac Mini isch hingäge leider ziemlich Scheisse
"de hund isch uhuere super. aber ich han en mit de axt abeprüglet." (c) 2011 lakritz
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: apple

Beitrag von Xinobrax2 »

Was isch bim iMac scheisse? Ich würdmer zwar nie eine chaufe aber s Priis-Leischtigs-Verhältnis schint zimlich fair z si...
Benutzeravatar
Herr Rossi
Hardcore Gamer
Hardcore Gamer
Beiträge: 11601
Registriert: 30 Aug 2011 16:44
Kontaktdaten:

Re: apple

Beitrag von Herr Rossi »

Xinobrax2 hat geschrieben:s Priis-Leischtigs-Verhältnis schint zimlich fair z si...
once upon a time....
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: apple

Beitrag von Xinobrax2 »

Herr Rossi hat geschrieben:
Xinobrax2 hat geschrieben:s Priis-Leischtigs-Verhältnis schint zimlich fair z si...
once upon a time....
2'500.- für es 5K Display + Hardware wo demit klar chunt = Fair...sofernmer das Ding zum Föteli bearbeite usw. brucht...
Benutzeravatar
Gurgelhals
PC Gaming Master Race
PC Gaming Master Race
Beiträge: 22903
Registriert: 06 Mär 2002 22:58
Kontaktdaten:

Re: apple

Beitrag von Gurgelhals »

De iMac isch an sich nöd unbedingt Scheisse, aber er nervt halt im Kontext vo de gsamte Apple-Produktpolitik. Die (wahrschinlich für Apple sehr wohl lukrativi) Entscheidig, i dem Segment nume All-in-One Lösige azbüüte verhinderet es attraktivs Agebot für echli aspruchsvolleri Awänder, wo viellicht gern en Desktop-Mac würded chaufe, aber nöd immer au grad no für de Monitor und de ganzi anderi Krempel wänd zahle.
"de hund isch uhuere super. aber ich han en mit de axt abeprüglet." (c) 2011 lakritz
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: apple

Beitrag von Xinobrax2 »

Wobi, wenn s intergierte Display mitem Beschte vom Beschte ufem Markt chan mithalte gits nid grad vil degege izwende. Ich verstane aber de Iwand...genau us dem Grund chömed so AllInOne Dinger für mich nid in Frag. Bim iMac wär ez z.B. d GraKa de Fläschehals. Si isch zwar beachtlich aber wennt 3D Zügs wotsch rendere schtasch ufem Schluch und chasch nid mal upgrade...das suckt. Aber ebe, für en Fotograf z.B. gits momentan glaubs nüt bessers uf em Markt.
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: apple

Beitrag von Acid »

Immer mit em Zuesatz: ...wenn imene Dunklä Ruum hocksch. Han zwar de neuscht jetzt nonig gseh, aber isch jo glaub immerno spiegelig, und das isch grad für Bildbearbeitig absolut unbruchbar, wenn d Umgebig hell isch.

Vili chaufed sich aber au en IMac eifach wills gern en grossä, guete Bildschirm händ... bim 5K chaufsch jo eigentlich vor allem de, de Computer chunsch fascht gschänkt dezuä über.

Ich wär aber au Fan vo witerer Differenzierig... s Problem isch jo chli dass eigentlich ehnder i diä anderi Richtig god.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: apple

Beitrag von Xinobrax2 »

Das isch halt chli ires Ding...Apple verchauft Hardware, Google sammlet Date und Microsoft vertickt jedem Trottel e Lizenz...so het jede Gigant chli sini Nische gfunde. Klar chenteds s Display und de Rechner separat verchaufe und denn mal es Upgrade für s eine oder andere nalifere...aber solang d Zielgruppe alles neu chauft oni z moze gits eigentlich kein Grund defür...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: apple

Beitrag von Acid »

Jetzt sinds allerdings aber au gross im Sofware Gschäft debie, und natürlich Musig, Film, Büecher etc. do chöntets scho mol chli lockerer werdä bi de Hardware.

Aber ebä, ich glaub es hed meh als nur finanzielli Gründ. Apple hed eifach extreme Erfolg mit de "Tubelisicher" gschicht, und dass Software und Hardware ufenand abgstimmt isch, isch jo scho immer so gsi.

Wahrschindlich händs eifach s Gfühl dasses zwenig Chäufer gid. Dass z.B. de MacMini so vernachlässigt wird, hed sicher au demit ztuä dass halt ebä hützutags vili wo eigentlich Zielpublikum vom MacMini gsi sind ebä eifach sowieso ehnder zumene Laptop griffed. Bis vor nid zu langem isch das im Apple Bereich halt e sehr günstigi Variantä gsi, für alli wo eifach irgendwiä en Computer bruucht händ. Und hüt chasch halt es Air chaufä für unter 1000.- wo für diä meischtä gnueg Leischtig hed, und zuäsätzlich no alli Vorteil vomene Laptop mitbringt (näb de portabilität und de Kabel au d Tatsach dass ebä im Priis scho en Bildschirm, und au Tastatur und Trackpad dinä isch (de mac Mini isch zwar au günschtiger wordä, aber det chunsch usserem Stromkabel eigentlich gar nüt meh mitüber... Tastatur und Muus isch au wegrazionalisiert (was zwar irgendwiä au Sinn ergid...).

S Zielpublikum vom MacMini hed also zumene grossä Teil wahrschindlich gar kei Interesse meh dra.

Also näb de Tatsach dass ihres Gschäft nid wänd versauä chönts eifach au e Stückzahl Gschicht sii.
Benutzeravatar
PlanetHarrieR
Schaden
Schaden
Beiträge: 9443
Registriert: 06 Okt 2010 21:52
Kontaktdaten:

Re: apple

Beitrag von PlanetHarrieR »

Der erste Apfel Wechselwirkungsregenmantel

Bild
you put hat on frog and you become frog everyone loves it
Benutzeravatar
grappagott
VIP-Member
VIP-Member
Beiträge: 8647
Registriert: 04 Feb 2003 12:18
Kontaktdaten:

Re: apple

Beitrag von grappagott »

min erschte mac :herzli:
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: apple

Beitrag von Xinobrax2 »

Die hemer bi üs i de Primarschuel gha...ich hans ghasst :damn:
Ich glaub die Dinger sind au de Grund warum ich bis hüt kei Interesse a Macs han...
Benutzeravatar
turntablism
VIP-Member
VIP-Member
Beiträge: 11785
Registriert: 14 Feb 2011 12:20
Wohnort: Zürcher Unterländer Dräcksloch
Kontaktdaten:

Re: apple

Beitrag von turntablism »

gränni smith apple
:vortex:
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: apple

Beitrag von Acid »

De erscht Mac isch jo aber eigentlich au scho en I Mac gsi. Also s All in One Konzept isch sit am Afang ihres Ding.

Bild

De erscht wo bi üs im Hushalt uftaucht isch (afang 90er isches glaub gsi) hed au so usgseh. Isch wahrschindlich en Classic gsi.




Und de Vorgänger vom IPhone hani au no niä gseh: http://oldcomputers.net/apple-newton.html" onclick="window.open(this.href);return false;
Benutzeravatar
Shadow
Administrator
Administrator
Beiträge: 50533
Registriert: 04 Mär 2002 19:18
Wohnort: Zürich, Switzerland
Kontaktdaten:

Re: apple

Beitrag von Shadow »

Acid hat geschrieben:De erscht Mac isch jo aber eigentlich au scho en I Mac gsi. Also s All in One Konzept isch sit am Afang ihres Ding.

Bild

De erscht wo bi üs im Hushalt uftaucht isch (afang 90er isches glaub gsi) hed au so usgseh. Isch wahrschindlich en Classic gsi.




Und de Vorgänger vom IPhone hani au no niä gseh: http://oldcomputers.net/apple-newton.html" onclick="window.open(this.href);return false;
mit dem isch s'erschte Gameheftli vu mir entstande, zumindescht teilwiis. lövit. leider nie eine chönne leischte, bis hüt.
Cheers, SHADOW
Administrator > | The(G)Forum | The(G)Net | GNN.ch |

| XBL: shady2442 | PSN: Lando2442 | Wii U: Shadow2442 | For Sale Stuff! | http://old.thegforum.ch | PCE Daisakusen - we luv PCE!


Bild
Benutzeravatar
Gurgelhals
PC Gaming Master Race
PC Gaming Master Race
Beiträge: 22903
Registriert: 06 Mär 2002 22:58
Kontaktdaten:

Re: apple

Beitrag von Gurgelhals »

Acid hat geschrieben:Jetzt sinds allerdings aber au gross im Sofware Gschäft debie, und natürlich Musig, Film, Büecher etc. do chöntets scho mol chli lockerer werdä bi de Hardware.
Die Inahme mached weniger als 10% vom Umsatz us (hätt mich sälber überrascht; han mit weniger als 25% grächnet, aber iTunes, App Store, Services, etc. sind alles zäme tatsächlich weniger als 10%). Stimmt halt scho: Apple läbt vo de Hardwareverchäuf und s'ganze Software- und Services-Ökosystem isch primär dezue da zum d'Hardware z'verchaufe (s'Mac OS isch inzwüsche ja au gratlis). Die konsequenti All in One-Produktstrategie bi de Hardware isch ziemlich sicher wohl eifach umsatzträchtiger als es flexiblers Sortiment. Aber als aspruchsvollere User, wo s'Mac OS X eifach gärn hätt, bisch zur Ziit scho chli garscht. D'Laptops sind super, aber uf em Desktop? De Mac mini isch i de aktuelle Uflag eifach nume schlächt, de iMac isch z'viel All in One und die übertüüret Workstation-Hardware vom Mac Pro brucht praktisch niemert.
"de hund isch uhuere super. aber ich han en mit de axt abeprüglet." (c) 2011 lakritz
Benutzeravatar
PlanetHarrieR
Schaden
Schaden
Beiträge: 9443
Registriert: 06 Okt 2010 21:52
Kontaktdaten:

Re: apple

Beitrag von PlanetHarrieR »

Xinobrax2 hat geschrieben:Die hemer bi üs i de Primarschuel gha...ich hans ghasst :damn:
Ich glaub die Dinger sind au de Grund warum ich bis hüt kei Interesse a Macs han...
:shock: Wow, bist demfall ja noch recht jung? Bei uns gab's noch in der Oberstufe 286er mit 20 MB Festplatte - die 1995 dann immerhin gegen Pentium-1-Rechner ausgetauscht wurden.
you put hat on frog and you become frog everyone loves it
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: apple

Beitrag von Acid »

Ich finds vor allem no Krass dassi i de Primarschuel Computer gha händ... bi üs isch glaub d Kopiermaschienä de gröscht Hightech gsi, grad no vorem Hellruumprojektor...ufem Land isch halt alles chli andersch lol..


Eigentlich sötter Froh sii drüber, villicht sind diä gar am Änd no Gschuld dasser jetzt so en Technick Freak isch lol

Gurgelhals hat geschrieben:
Acid hat geschrieben:Jetzt sinds allerdings aber au gross im Sofware Gschäft debie, und natürlich Musig, Film, Büecher etc. do chöntets scho mol chli lockerer werdä bi de Hardware.
Die Inahme mached weniger als 10% vom Umsatz us (hätt mich sälber überrascht; han mit weniger als 25% grächnet, aber iTunes, App Store, Services, etc. sind alles zäme tatsächlich weniger als 10%). Stimmt halt scho: Apple läbt vo de Hardwareverchäuf und s'ganze Software- und Services-Ökosystem isch primär dezue da zum d'Hardware z'verchaufe (s'Mac OS isch inzwüsche ja au gratlis). Die konsequenti All in One-Produktstrategie bi de Hardware isch ziemlich sicher wohl eifach umsatzträchtiger als es flexiblers Sortiment. Aber als aspruchsvollere User, wo s'Mac OS X eifach gärn hätt, bisch zur Ziit scho chli garscht. D'Laptops sind super, aber uf em Desktop? De Mac mini isch i de aktuelle Uflag eifach nume schlächt, de iMac isch z'viel All in One und die übertüüret Workstation-Hardware vom Mac Pro brucht praktisch niemert.

Hoppla, das überrascht mi also au rächt... do mit ihrnä weiss ich wiä villnä Verchauftä Apps, (was händ grad gha letschti?) und I-Tunes gits jo doch au scho länger, und han immer gmeint das laufi no Rächt (i letschter Zit händs natürlich dur d Streaming Gschichtä und au Amazon und ich nimm a Google mächtigi Konkuränz übercho).

Andersits diä meischtä wo über ihri Kanäl Apps chaufed, händ natürlich au mindeschtens ei Hardware kauft, und währends det saftigi Marschä mached, zwackeds bi Software und Mediä natürlich en verglichswiis minimä Teil ab... zudem sind d Progis oft au scho vom Endpriis her betrachtet nid grad so Tüür.

Ja, de Desktop Bereich isch rächt vernachlässigt (zerscht jo au mitem Mac Pro wos ewig gangä isch, bis öpis neus cho isch (wobi das denn au ziemlich andersch gsi isch), und währends vorher quasi Jährlich es neus Display usäghauä händ, isch jetzt sit em 2011 keis meh cho (was allerdings au nid grad Schaad isch, will diä au Sündhaft Tüür gsi sind, und genau s glichä Spiegelproblem bestohd wiä bim IMac))... alllerdings sinds halt ebä grad diä Mac Laptops gsi wo für vili de Punkt usgmacht händ dass si sich nur no en Laptop kauft händ, und uf de Desktop grad ganz verzichtet.

Dänk au isch eifach es nummerä Game. Am liebschtä hättets wahrschindlich ali brüüchtet genau s glichä Grät, dass gar nüt verschiedenigs meh müend Abüütä.
Benutzeravatar
Ribit X Titan
Trashtalker
Beiträge: 10221
Registriert: 09 Mai 2015 20:09
Kontaktdaten:

Re: apple

Beitrag von Ribit X Titan »

Lautsprecher: Brandgefahr bei den Apple-Lautsprechern «Beats Pill XL» – die Batterie kann überhitzen. Man erkennt die Geräte am «b»-Logo auf dem Lautsprechergrill und dem Schriftzug «beats pill XL» auf dem Griff. Details zum Rückgabeverfahren an Apple und über die Möglichkeit einer Entschädigung: Apple.com/chde/support/beats-pillxl-recall.
Benutzeravatar
PlanetHarrieR
Schaden
Schaden
Beiträge: 9443
Registriert: 06 Okt 2010 21:52
Kontaktdaten:

Re: apple

Beitrag von PlanetHarrieR »

Acid hat geschrieben:Ich finds vor allem no Krass dassi i de Primarschuel Computer gha händ... bi üs isch glaub d Kopiermaschienä de gröscht Hightech gsi, grad no vorem Hellruumprojektor...ufem Land isch halt alles chli andersch lol..
lol ja - wir hatten in der grundschule auf dem land nicht mal kopien, sondern so matrizenabzüge auf leicht gelblichen papier! hat derbe gut gerochen, damit hat man in den achtzigern die schüler abhängig gemacht :lol:

Blauvioletter Triphenylmethanfarbstoff
you put hat on frog and you become frog everyone loves it
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: apple

Beitrag von Xinobrax2 »

PlanetHarrieR hat geschrieben:
Xinobrax2 hat geschrieben:Die hemer bi üs i de Primarschuel gha...ich hans ghasst :damn:
Ich glaub die Dinger sind au de Grund warum ich bis hüt kei Interesse a Macs han...
:shock: Wow, bist demfall ja noch recht jung? Bei uns gab's noch in der Oberstufe 286er mit 20 MB Festplatte - die 1995 dann immerhin gegen Pentium-1-Rechner ausgetauscht wurden.
Relativ...Jahrgang 86...

2 iMacs sind direkt im Klassezimmer gstande. Zuesätzlich hets au na es Computer-Zimmer mit ca. 20 Rechner gä, wo vo mehrere Klasse glichzitig verwendet worde isch. Weni mi richtig erinnere, isch das damals sogar vo Apple gsponseret worde...
Acid hat geschrieben:Eigentlich sötter Froh sii drüber, villicht sind diä gar am Änd no Gschuld dasser jetzt so en Technick Freak isch lol
Nei...das würdi eher Linux, Nintendo und em Internet zueschribe...
Antworten

Wer ist online?

Mitglieder in diesem Forum: 0 Mitglieder und 15 Gäste