tuesch di lo impfe?

[Herr Rossi]

hüt bi üs im gschäft es grosses thema, kei ahnig warum. uf jede fall hends mer all schlötterligs aghänkt woni gseit ha dass ich mich und mini chind nid tue la impfe. es isch richtig abgange

also säg, findsch no guet, impfe?
die wo chind hend; impfed ihr si?

ich machs nid wils nid natürlich isch und ich im körper zuetraue, e chrankheit dürezschtah und so s immunsyschtem zschterche. mini letscht impfig lid 21 johr zrugg.

[zwirrlibatz]

impfe = dumms hysterischs züg und verschwörig fu farmakonzärn.

[evo]

als kind bini gegs eint oder ander gimpf worde, starrkrampf und irgend e anders züg. no irgendwas wo zäcke übertrage. sus glaub nit

mi mami isch doktore und exrem szrughaltend mit medikamänt verschriibe, drum glaubi scho dass es sinn gmacht het bi demm wo si für richtig ghalte het.

[abyss]

Ha en Impfig gege Arbeitsmoral übercho...

[PlanetHarrieR]

wogegen denn?

[Tatsujin]

allgemeini und unkritischi chinderchrankheit würi jetzt bim chind nöd unbedingt la impfe. han di meischte ja au duregmacht, het zwar truurig aagschisse, aber mer überläbts sicher.
wenn mers allerdings als chind nie gha het und grad en epidemie ume isch, würs als erwachsene eventuell bir einte oder andere na sinn mache. tetanus, chinderlähmig und so sache würi aber scho in erwägig zieh.
und weg jedere grippewälle grad en impfig go mache isch natürli stumpfsinn.

[Moff]

jedere grippe impfig nacherenne isch natürlich en totale seich, ich hätt mich au im läbe nie gege schweinegripp impfe lah. es het ja grad bide schweinegripp glasklari hiwis geh, dasses det vor allem au drum gange isch sehr vil geld z'verdiene.

gege jahrzehntelang erprobti impfige, wo scho zahlrichi infektionskrankheite us europa verbannt händ findi iets aber relativ wenig izwende. vor allem gits ja au mehrei fäll vo chline gmeinschafte, wo sich gege impfige gwehrt händ zB us religiöse gründ wo denn ebe gnau die infektionschrankheite blitzschnell wieder bis dutzende uftaucht sind und paar lüt dehigrafft händ. wenn sich iets es paar einzelni tinfoil hat träger sich nöd impfed isch das ja wenig bedenklich, aber wenn das all nüm mache würded wär das andersch. vo dem her find ischs scho ok wenn schüeler ide schwiz geg gwüssi infektionskrankheite masse gimpft werded.

[geosnow]

ich han:

Polio
Diphterie
Tetanus
Hepatitis A + B, 3x, das isch no gschiid, wenn chli is juhee usegahsch
FSME, 2x, machi aber nümme, bin nachher chli komisch gxi für ein monat. das isch d zecke impfig gäge hirnhuutentzündig.

Röteln, Mumps, Masern, Wildiblatere hani glaubs nöd gimpft. oder weisi eifach nöd. ide RS hani aber am 2. tag grad en coktail übercho. weiss nümme was drin gxi isch.

Malaria profilaxe hani aber au noniä gno, obwohl ich in malaria gebiet gxi bin. han eifach guet ufpasst.
Denguefieber chasch leider au nöd impfe, das isch aber mit paracetamol guet bekämpfbar.

[Gurgelhals]

Ich haltes so chli wie de Moff. Chinderlähmig, Tetanus, etc. isch gimpft, will's schlicht und eifach vernünftig isch. Hätt sich wältwiit bewährt und wänn so öppis überchunnsch, isch definitiv nüme luschtig. Aber uf Vorrat gäge Züügs impfe, wo entweder behandelbar sind oder wo ich nöd demnächst in es Risikogebiet fahre bzw. zu de Risikogruppe ghöre, mach ich nöd. De Huusarzt hätt mer z.B. au no de Hepatitis welle adreie, aber aber hani genau us letscherem Grund nöd gmacht. Wänn ich mal nach Afrika gange, chan ich das immer no nahhole. Und Grippeimpfig und de ganzi Fark isch sowieso Bullshit.

D'FSME (Zeckeimpfig) han ich vor 5 Jahr hingäge emal gmacht, will ich mer im Wald grad uf ein Schlag mal drü Stuck igfange gha han. De Arzt hätt gfunde, dass es i dem Fall entsprächend sinnvoll isch. D'Pointe: Ich han sithär kei einzigi Zecke meh gha Tuen drum glaubs au nöd uffrische.

[Overdose]

impe was nötig isch. de rescht isch gugus. sertig wo sich u ihri chind aber gege gar nix impfet sie de halt selber tschuld u söllet eifach ned chlöhne wenns de halt vielicht dra zgrundgönd.

[Herr Rossi]

impe was nötig isch.

Was isch nötig? Und darf sich öper amuete e Referänz zsii i so Aglägeheite?

[thaeye]

impe was nötig isch. de rescht isch gugus. sertig wo sich u ihri chind aber gege gar nix impfet sie de halt selber tschuld u söllet eifach ned chlöhne wenns de halt vielicht dra zgrundgönd.

ja was isch den so nötig?

[Tatsujin]

hend ja es paar lüüt obe scho erüütered

[Gurgelhals]

impe was nötig isch.

Was isch nötig? Und darf sich öper amuete e Referänz zsii i so Aglägeheite?

Mindestens so, wie du dir offesichtlich amassisch, eifach so mal d'Gränzlinie zwüschet dem was "natürlich" und dem was "künstlich" isch z'bestimme

[Gurgelhals]

impe was nötig isch. de rescht isch gugus. sertig wo sich u ihri chind aber gege gar nix impfet sie de halt selber tschuld u söllet eifach ned chlöhne wenns de halt vielicht dra zgrundgönd.

ja was isch den so nötig?

Ebe z.B. en Impfig gäge es Bakterium, wo dusse i de Natur praktisch überall vorchunnt und im Fall vo ere Infektion über e offeni Wunde e ziemlich übli Behandlig (u.a. eifach so mal künstlichs Koma mit maschineller Beatmig und zwar über 1-2 Mönet) mit ungwüssem Usgang und allfällige Folgeschäde zur Folg hätt

Oder es historisches Bispiel: D'Indianer hetted glaubs no gern e Pockeimpfig gha, dänn wäred nöd gschätzti 90%(!!!) vo ihne drufgange, wo d'Europäer das Züügs überebracht händ: http://www.pbs.org/gunsgermssteel/varia ... llpox.html" onclick="window.open(this.href);return false; Ischno 'ert: Amerika isch hauptsächlich mittels (nöd bewusstem) Isatz vo Biowaffe eroberet worde

[zwirrlibatz]

luege:


Quelle

[Tatsujin]

Ich finde, die wo sich absichtlich weigeret,
sich gege di hertere sache ds impfe, soettet
den aber au kei aaspruch uf medizininischi hilf becho,
wenns denn genau de draeck mal bechoemed.

[Astroboy]

Ich finde, die wo sich absichtlich weigeret,
sich gege di hertere sache ds impfe, soettet
den aber au kei aaspruch uf medizininischi hilf becho,
wenns denn genau de draeck mal bechoemed.

Isch (Bio-)Ethik; isch schwierig. Git ja gnue Eltere, wo Chind lö la verräble wäg eigene Ueberzügige. Ha im Spital mau es 2jährigs gse churz vorem abchratze; d'Eltere hei's konsequent fructan ernährt, s'wird ds Läbe lang Mängelerschinige ha. Und si hei das uf dr Intensivstation nidmau erwähnt.. d'Chrankeschwöstere si dene aube fasch a d'Gurgle. Schwierigs Thema und dr Gurgelhals seit das eigch scho ziemlech guet; dr hert Tubak impfe (als angere grenzt a Fahrlässigkeit), dr Rescht isch optional.

[Acid]

Ich finde, die wo sich absichtlich weigeret,
sich gege di hertere sache ds impfe, soettet
den aber au kei aaspruch uf medizininischi hilf becho,
wenns denn genau de draeck mal bechoemed.

Denn söttet also au alli ihri Impfigä sälber zahlä (denn wer weiss öbs genau de draeck mal becho hättet, oder öb villicht suscht Folgä für ihri Gsundheit hed? Und diä Folgä müsstets au sälber zahlä?)?
Alli wo Sport mached und sich debie en Verletzig holed?
Alli wo kei Sport mached und drum chrank werded?

Mit andere Wort, jedä söll sin Scheiss sälber zahlä?



Ich han als Chind au diä 3-4 üblichschtä Impfigä übercho. Chinderchrankete hannimer scho relativ früä glaub dur s Band alli inäzogä. Und bin au suscht öpä chrank gsi als Chind, teilwies au ziemlich heftig.

Jetzt bini niä meh würklich chrank. Öps en direkte Zämähang hed... ich weiss es nid, chan au a anderem liggä.

[Moff]

Ich finde, die wo sich absichtlich weigeret,
sich gege di hertere sache ds impfe, soettet
den aber au kei aaspruch uf medizininischi hilf becho,
wenns denn genau de draeck mal bechoemed.

nei, mol abgseh devo, dass das gegs solidaritätsprinzip verstosst sind meischte ungimpfte lüt ja opfer vo ihrne verblendete eltere, die meischte impfige werded ja als chind gmacht. vo dem her würds kein sinn mache sie 2 mal z'bestrafe.

[Herr Rossi]

@Acid
ch gseh das zimlich genau so wie du. Impfige sel jede us sim eigete Sack zahle müsse.

@Tatsujin
Meinsch nid es isch chli zu pauschal usdrückt, die "herte sache"? Was ghört alles zu de herte sache?
die medizinisch versorgig zahlsch ja sowieso sälber.

i de letschte 18 jahr hani insgesamt rund 40'000 franke chrankekasseprämie zahlt.
s einzige mol woni e leischtig in aschpruch gno ha isch vor 4 jahr gsii, woni im spital bim ne notwendige routineigriff e infektion ufgläse ha. s bei hends mer knapp nid müsse abnäh und alles zäme hed denn d chrankekasse ca 20'000 franke koschtet. han ich jetz no es guethabe vo 20'000? wär das fair?

@Moff
was het das mit mine eltere ztue? si impfed sich, das isch elei iri entscheidig. im gägezug respektiered si mi entscheid, mich nid la impfe.

die chinderchrankheite wo ich nid gha ha chönnt ich theoretisch vo mine chind aghänkt becho, das schtimmt. d folge im fall vonere aschteckig sind entgäge de behauptige vom BAG und ärztevereinigunge halb so wild. gid ja nid mal zahle womer irgendöpis chönnt belegge.
für mich isch das e sehr manipulativi aglägeheit. sehr vil angscht wird künschtlich erzügt. aber vilicht isches nur mis gfühl. solang ich so gsund blibe (all paar jahr jewils ca 2 täg magedarmgrippe) dänk ich aber, dass ich nid vil falsch mache wenn mi nid la la impfe.
andersch würds usgseh, wenn ich ines gebiet würd reise wo es erhöhts risiko würd beschtoh, denn würd mer sicher vo neuem gedanke drübert mache.

[Moff]

Ich ha nid dich gmeint. du bisch ja als chind gimpft wurde

[Acid]

@Acid
ch gseh das zimlich genau so wie du. Impfige sel jede us sim eigete Sack zahle müsse.

De Satz vo mir hed es Frogezeichä hinädra

Das mit derä Medizinischä Vorsorg und dinder Rächnig isch ebä nid so eifach.

Vil Lüt händ s Gfühl si zahled Versicherigä für dises und jenes, zum do mol chönä zum artzt go, und det mol es gstolnigs Bleistift azgeh. Das isch en Irrtum. D Versicherig will Geld verdiene, würd jedä bi jedem chlinschtä Quatsch sini Prämiä wider inä holä, würd niemert en Versicherig abütä.

D Chrankäkassä isch für Worst Case. Wenn öpis hesch, wo unmöglich chöntisch sälber defür ufcho. Wenn plötzlich für de Rescht vo dim Läbä müstisch unmägngä vo Gäld usgeh, wo sälbscht wenn voll arbeitsfähig bisch, nid gnueg chöntsch verdiene zums zahlä. Wenn e medizinischi Versorgig bruchsch, wo es Spital bruchsch, wo nid chönt finanziert werdä, würd nid gmeinschaftlich Unmängä vo Cholä defür usgeh wird.

Das isch nid en Choschtä/Nutzä oder Soll/Haben Rechnig. D Hoffnig isch, dassmer immer nur für anderi Worst Cases zahlt hed, nid für de eignig.

Alli Versicherigä wo us andere Motiv abgschlossä werded chamer sich rational gseh schänkä.



(Das d Chrankäkassä, d Frog was zahlt wird und was nid, wiä vil dasses choschtet, wiämers brucht etc. etc. es grosses Problem isch, unds en unglaublichi widersprüchlichkeit zwüsched Obligatrium und grausamem gwünnorientiertem Kanibalätum gid, isch natürlich trotzdem so).

[Uriel]

impe was nötig isch.

Was isch nötig? Und darf sich öper amuete e Referänz zsii i so Aglägeheite?

Mindestens so, wie du dir offesichtlich amassisch, eifach so mal d'Gränzlinie zwüschet dem was "natürlich" und dem was "künstlich" isch z'bestimme

Das.

Ei Million mal.

Und öpper wo drüber will diskutiere, idem er en Poll uuftuet mit de Frag «bisch gimpft» un de antworte «ja/nei» zeigt damit es ungemein usdifferenziertes Denke.

Das Topic isch wieder mal es «wow» wert.

[Jones]

sich gäge jede scheiss z'impfe isch genau so dumm wie gäge gar nüt!
dr gsund mönscheverstand isetze und sich nur die wichtige impfige inezieh je nach däm, wo mer schaffet und womer i d'ferie geit!