Gameheftli, lest öper?

[Genfer]

Salut,
Ich han scho immer gern es gameheftli gha. Uf em internet les ich nie aktuelli game pricht, ich bruch öpis zum idä töpe z'hebe.
ASM, nochher Maniac/Videogames, spöter nur no VG bis zum tot und dänn weder Maniac bis hüt (han no s'abo).

Han eigentlich Maniac scho no gern aber es got mir fang uf dä sack das s'cover immer/meischtens gwalttätig isch. Mini tochter isch jetzt 2 johr alt
und holt immer mis Maniac (es liet hold amigs ume und verschtecke schiesst mich a, dänn find ichs nömme). Lätscht woche häts sis weder
underem näscht vöre gholt und häd angscht öber cho wo sis cover gseh häd. Dänn han ich mech müesse vor dä frau rächtfertige :typej:
Und irgendwie schtörts mich au dass die immer so gschpässige covers händ. Wie gseit, hans abo mit dem sogenannte limited cover!

Französischi heftli chauf ich prakitsch keini meh, die sind so ab 12.- frs - 25.- frs und somit z'tür für mich.

Ich bin jetzt scho lang nöm dä dütsch-schwyz gsi und weiss nömm wases no für alternative git zur Maniac.
Was läset ihr?

Uf Alcom han ich gseh dass die s'Gamefront vertriebet! Lest öper s'Gamefront? Chunt das nur 2-3mal use im johr, wär ächli wenig!

[SinGinSmith]

Nei Nüme, sits VG nüme git.VG isch unglaublich guet gsi. Video Games 4ever in our Heart!

Muess mal wieder uf Kultpower.de es paar Site ga lese...

[sidusson]

lise ou nume no ds Maniac.. räst spüele..

[zeromeier]

lise ou nume no ds Maniac.. räst spüele..

M liesi au immer no.

geschter gameplan wieder mal durägluegt, unfassbar super isches

[sidusson]

lise ou nume no ds Maniac.. räst spüele..

M liesi au immer no.

geschter gameplan wieder mal durägluegt, unfassbar super isches

iu gameplan si ou e guete read! o paar ami büecher lisi no gärn.. game over isch es dolls oder 1 up

[emP]

ig hads Gee gah. bisses itz online only isch worde. intressiert mi aber sowieso nüm.

[zeromeier]

ig hads Gee gah. bisses itz online only isch worde. intressiert mi aber sowieso nüm.

ich lies numä gern über alts züüg.

retrogamer hani mal no überleid. chamer das abonniere id CH?

[Pandemonium]

s edge isch fantastisch wennds überchunsch!

[mase]

das s'cover immer/meischtens gwalttätig isch.

reiss doch d cover site weg. oder wie i de schuel mit papier (schuelpapier) ifasse

[mase]

Quelle
öpe so, aber eifach nöd mit durchsichtiger folie

[Tatsujin]

ich liese amigs na gern de da:

http://www.pcengine.co.uk/gamer/" onclick="window.open(this.href);return false;

[Avenger]

Uf dütsch und druckt lies ich no Maniac, Gamefront und Retro/GO64. Us em englische Ruum chöme Edge und Retro Gamer.

[Genfer]

Ich wot scho es heft in papierform. Ich läs am liebscht vor em schlofe no es paar site.
Gee: han ich mol vor es paar johr kauft, isch no edel und ächli andersch. Velicht chauf ich mer eis wän s'nächscht mol amene düsch-schwyz kiosk verbi chome.
Edge: gits auf uf dütsch?
Retrogamer:englisch, isch hold tür bises ir schwyz isch. Han es paar usgabe, sind aber immer sehr computer laschtig.
Retrogamer: franz, die händ jetzt ä lizenz und übersetzed en teil vo dä änglische artikel und füget no artikel däzue. Bis jetzt sind 2 usgabe usecho und beidi sind verschisse...25.-frs das stück am kiosk!

Bücher:
Gameplan, han ich glaubs au all bücher, sind super. Chond aber nüd meh use ?! Guet wär wän dä Winni die vom Pix'n Love wört übersetze lo!

Söscht les ich nur no die vom Pix'n Love verlag: http://www.editionspixnlove.com/
Aber ich glaub die bringed keis meh use über Nintendo, die händ krach übercho und dä Florent Gorges (füerindi chraft vo dä nintendo büecher) häd sich
sälbschtändig gmacht und dä verlag omake gründet: http://omakebooks.com/?page_id=3

[mr.raw]

Im April kunnt mis lettschte Maniac...ich ha das Heftli sitt 1996 aboniert kha (!)...jetz uff April kündet.

Sitt 4 Johr hann ich es Retro Gamer und Games.TM. Abo. Super Mags!!!

[zeromeier]

Retrogamer:englisch, isch hold tür bises ir schwyz isch. Han es paar usgabe, sind aber immer sehr computer laschtig.

gids es abo?

[Genfer]

Retrogamer:englisch, isch hold tür bises ir schwyz isch. Han es paar usgabe, sind aber immer sehr computer laschtig.

gids es abo?

Ich han keis! Wänd amigs öper öbere goht, dän wirds kauft für mich.
Aber es git scho es abo vom verlag us: http://www.imaginesubs.co.uk/subscribe-to-retro-gamer

[Shadow]

liese nur no Retrogamer, Pix'n Love, PCE UK Mag

früehner isch alles besser gsi, han videogames, Maniac, EGM, Die Hard GameFan und d'Edge im Abo gha... super. leider alles entsorgt

[Master(G)]

M! Games und Games Aktuell hani im Abo... und au nur für's WC

[mr.raw]

liese nur no Retrogamer, Pix'n Love, PCE UK Mag

früehner isch alles besser gsi, han videogames, Maniac, EGM, Die Hard GameFan und d'Edge im Abo gha... super. leider alles entsorgt

Jep, du seisch es...

VideoGames, MegaFun, Gamers, SegaPro, N64Mag, Fun Generation, PlayTime (als i no PC kha ha)

[mr.raw]

Printmedie = Tot:

GamePro:



Gamepro hett ca 25'000 Heftli/Monat
M!Games ca 50'000

[Marco_in_motion]

ha früehner immer Maniac, VG und Megafun kauft, jahrelang und öppe vor 5 jahr hani dänn mal alles furtgrüehrt.

[Genfer]

Aarrgh...ich suech no es paar älteri zytschriftene
Wäri schad wänns in es paar johr gar keini meh gäbt. Ich les ned gern langi artikel ufem bildschirm...

[Avenger]

früehner isch alles besser gsi, han videogames, Maniac, EGM, Die Hard GameFan und d'Edge im Abo gha... super. leider alles entsorgt

Videogames, ASM und Power Play vo damals han ig immer no. Und das wird au immer bi mir bliibe.

Printmagazin hüt im dütsche Ruum si so guet wie tot. Verdientermasse. D Gamestar z.B. isch nume no e druckti Version vo der Website. Zum einisch lese OK, aber ufbewahre? Sicher nid. Richtig geil hingege isch d UK-Retro Gamer. Merksch dass sie sich no Müeh gebe.

Edit: Ganz vergesse, ds dütsche Return-Magazin gits no: http://www.return-magazin.de/" onclick="window.open(this.href);return false; Aber wird au vo Idealiste usebrocht, also nix zum Geld mache.

[geosnow]

chaufe ganz selte mal es M!, aber irgendwiä bringts es au nümme. die online retroheftlis findi aber super. Chamme im Geschäft farbig usdrucke.

[Marco_in_motion]

im Geschäft farbig usdrucke.

:ha: