Die geilschte Sandwiches wod je gmacht hesch!

[Sephi]

I das Topic ine Sandwich-Rezept - gsund, ungsund, ungsünder, diskret, fett belade, egal!

Es guets Sandwich isch öppis suprig. Ich find je meh super zuetate me cha inebiige wo sech
ergänze, deschto besser. Git aber sicher ou diskreteri Approaches.

Was si öiri beschte Sandwichlers? Gäbet Rezäpt.

I ha einisch voreme Johr es Uber-Sandwich gmacht, weiss aber nümme was aues drinne isch
gsi. Zuetate wonimi no dra cha erinnere si Feta, trochneti Tomate, irgend en roti Sauce, Butter
u Sänf u süsch no paar Sache.

[h4xX0r]

3 schiibe grosse sändwich toast toaste
1x turkey breast aabrötle
die erscht schiibe mit sandwichspread bestriiche, damit s'fett nöd de toast uufweicht
törki drufftue, salz, pfäffer
2 schiibe bestriche
tomate schniide, schnitz i de turkey pfanne aabrötle
druff tue, zwiebel in ringli schniide, au i de pfanne aabrötle au druff tue
lattich blatt verchrugle drufftue, denn lemon-dressing druff (1 part zitrone saft frisch, 2 part oliveöl, chli mineralwasser, salz und pfeffer)
denn obe de 3. schiibi drufftue, das ganze uf de turkey drufftue und zahnsotcher dur alli 3 schiibe dure.

[mousch]

Es richtig guets Vollkorn Brot ufschinde (me chan abr au Baguett nä).

Denn:

1 Packig frisches Roastbeef (am beschte gd 150g oder so)
2-3 Chery Tomätli
Mayones
chli Pfeffer
Optional: Butter

Oder was au super isch, es Sanwich mit frischem Rindstartar.

Rindstartar
1-2 Eigelb
Gürkli
Zwible
Schnittlauch
Pfeffer
Optional: Maggi

[Vyse]

Ruchbrot
Butter und Sänf druff,
Gruyerz
Knackige Fäldsalat,
Tomate,
Salz und unbedingt Pfäffer

Meh bruuchts nöd, für es feins Sandwich.

[mousch]

Meh bruuchts nöd, für es feins Sandwich.

FLEISCH!!!

I glaub i han im Läbe no nie es Sandwich ohni Fleisch kauft / gmacht....

[Chäller]

selber machi selte. Aber wänns vorem Globus amigs Roastbeef-Baguettes verchaufet, muessi jedesmal eis chaufe. MEGA

[emP]

Früschi Boccadillos mit Serrano

[Mastler(P)]

I glaub i han im Läbe no nie es Sandwich ohni Fleisch kauft / gmacht....

ich glaubs au nöd und sandwich wo nur chäs dinne händ räged mich uf.
fleisch oder fisch, es tier muess scho ine.

[Acid]

Also ich find denn scho au Klappstullä ohni Fleisch super. Nur Chäs isch je nach dem Super (z.B. es Tomatä Mozerella oder suschtigi Weich und Frischchäs brötli). Oder zb. Eiersändwitsch. Super. Mit Fleisch isch allerdings au super. Und wichtig isch au Salat oder Gurkä oder so... mach sälber aber sältä Sändwitschs. Und hör jetzt glaub au suscht echli demit uf... eifach z ungsund diä War.

[Sylvara]

http://www.grilledcheeseacademy.com/

[zwirrlibatz]

Teh Elvis Sandwich

aber nie gmacht oder gha.

[Acid]

Teh Elvis Sandwich

aber nie gmacht oder gha.

Es tönt wiä puurä Horror. Ich mein alles vo dem Züg ällai isch super, aber würdmer jetzt niä in Sinn cho das zumene Sandwich z kombiniärä.

[emP]

Knäckebrot und Banane schibe mit bitzeli Salz:

Delikatess!

Hett mi Vater fruecher gmacht. Muessi mal eider mache.

[Sylvara]

was würklich sehr fein isch, isch bratni banane sandwich (ir pfanne brate bis weich und caramellig).
nid mit frittiert mit erdnussbutter à la Elvis (örks), eifach mit normalem brot und bitz salz oder chäs. sehr fein.



und im Délifrance gits übrigens die beste anti-pasti sandwich überhaupt!

[zwirrlibatz]

han us wales en local special lemon curd heignoh, die händ ebe au gseit es sig super mitmene bananebrot. gar noni probiert.

[zwirrlibatz]

Es tönt wiä puurä Horror. Ich mein alles vo dem Züg ällai isch super, aber würdmer jetzt niä in Sinn cho das zumene Sandwich z kombiniärä.

[PlanetHarrieR]

Örl of Sandwich!

http://de.wikipedia.org/wiki/Earl_of_Sandwich

Wahrscheinlich wurde das Sandwich nach John Montagu, dem vierten Earl of Sandwich, einem britischen Staatsmann und angeblich leidenschaftlichen Kartenspieler benannt, der der Legende nach 1762 während eines stundenlangen Cribbage-Spiels keine Zeit zum Essen fand. Montagu habe sich daraufhin das Essen in zwei Brotscheiben legen lassen, worauf ein Mitspieler ebenfalls ein „Brot wie Sandwich“ verlangt habe. 1765 wies ein Biograf Montagus diese Darstellung zurück und erklärte, es sei sehr viel wahrscheinlicher, dass er das Sandwich erfunden habe, um seine Arbeit am Schreibtisch nicht unterbrechen zu müssen. Das ursprüngliche Sandwich bestand einfach aus einer Scheibe gesalzenem Rindfleisch zwischen zwei Scheiben Toastbrot.[1]

http://de.wikipedia.org/wiki/Sandwich

[Mastler(P)]

duke, duke, duke, duke of earl, earl, earl.

[Bejita]

Pariserbrötli ufschnide, Parmaschinke, Zibelä & Mayo drigheit... MJAM

[emP]

parmaschinke mit mayo

also bitte.

[G-ay-lien]

Teh Elvis Sandwich

aber nie gmacht oder gha.

En super Bild hani under dem Link gfunde:

[Mastler(P)]

gseht doch ganz fren us.

[NERV]

2x Brot, 1x Anke (bio us em Coop), 1x Gala. Mega.

[mousch]

parmaschinke mit mayo

also bitte.

Laulz, mir wird schlecht wenni scho nur dra dänke...