Schänke und Wiähnachte

[Marco_in_motion]

Findsch es en huere Scheiss Zwang und tuesch lieber underem Jahr oder wänn di grad öppis ahspringt? oder absolut überhaupt niä?
oder machsch no gern? chli Sache Schänke, anderne e freud mache etc... Wiävill gisch öppe uus? und was schänksch das jahr dine lüüt so?

Säg?

Ich sälber findes eigentlich Schwachsinn, de ganzi Schänkzwang ABER : wänni dänn ahfange Sache poste für d'Kids vo de Schwö gaht's ab und dänn chaufi immer meh und für alli und am Schluss gibi unmänge a Geld uus und beschänke sogar min Physiotherapeut, d'Nachbere, bringe de Frau a de Tankstell no es schöggeli verbii etc...
Voll Schräg, grate amig inen richtige kaufruusch. Futzdumm.

-s'Chliine Gottechind wünscht sich um s'verrecke es Barbie, hani scho gholt.
-s'Grosse Gottemeitli chunnt Chole über, en Lappe.
-Neffe en ferngstüürete Heli, hani gholt.
-Für de Schwager hani es Game gholt.
-Für d'Eltere es Tablet und es Jahr lang zahlne s'Internet Abo.
-d'Schwö weissi nonig
-mit de fründin hani abgmacht dasmer eus nüt schänked, däfür hannere zum Samichlaus sones tactical folding Kampfmässer vo CRKT kauft, das hät sie scho lang welle.
und Sie hättmer en geile Kaländer gmeched woni jede Tag was drin han.

Bis jatzt hani scho über 1k uusgäh, isch no hert aber es stört mi nöd willi di fröhliche grinde gern gsehne xD

[geosnow]

isch verschenk immer chli trochefleisch und baschtelböge de goofe. das langed.

[turntablism]

em göttichind es schlagzüüg und es slackseil und ihrem brüeder es keyboard
de mama e flasch wii und en dom-perignon
em vätsch und eim brüeder je ein japanische whisky
de anderne zwee brüederli und eim vo disne sinere fründin es millionelos

über es mill usgäh - aber das machi gern für d`familiä

es heisst jedes jahr mer schänkid eus nix ufd wienacht aber schlussendlich chunnts immer gliich use
s`schlimmscht isch de ganzi schtress "was söll ich chaufe" das problem hani das jahr nöd gha - mini gschänkli für di andere sind scho sit 3 wuche verpackt und im chäller bereit für unter de baum.

[turntablism]

baschtelböge

so geil, das wünsch ich mier ufd wienacht

[Herr Rossi]

Ich schenke amigs de Chind öpis, suscht schänk i underem Jahr spontan. Ziit schänki no gärn, e Usflug oder is Theater etc. Lokali Spezialitäte weni nöimet bi schänk i au gärn. Ich cho nid gärn is Getümmel drum hani d Gschänk eigentlich fascht immer scho underem Jahr kauft.

[Avenger]

Nix meh schänke. Super!

[Mastler(P)]

spontan schänker. wiehnachte und geburis bin ih eifach immer chli am luege für di nöchschte lüht.

[mr.raw]

wär e Idee für die Wiehnachte, oder?

[feeshlee]

haha. scho. vorallem wenn du dä nöd bisch, wo dänn 2 bis 6 stund muess spiele.

frau kriegt immer s'gliche schänk: reka scheggs
d'chind chömed au was über - meischt, was sie sich wünsched. sehr wahrsch. das jahr en ps4 (wobii die schänki zu 20% au mir sälber ) und lego frens.
dä rescht vo dä familie sind dänn so chörbli mit frässalie und vilich no en flasch wii.